Xossip Ultimate Story Contest 2014

[Expert]

Bhagat The Monster Killer

Sikandarr

Year- Nearly 1800....
Ek virus puri Duniya me fel raha tha jo logo ko ek hevan me badal raha tha. Log dikhne me toh Sadharan hi hote the par asal me wo bahut shaktishali aur khatarnak monster ban chuke hote the jinki pyas kewal insaan ke khun se bhujti thi aur jis ka khun ye monster peete the wo khud bhi monster ban jata tha aur ban jata tha insaani khun ka pyasa aur jis ne unka khoon piya hai Wo peene wala us insaan ka malik aur wo insaan gulam monster ban jata tha, Iski shuruat ka toh pata nahi par dheere dheere puri duniya me failne laga tha. Ek khas baat ki sabhi monster British raj pariwar k Gulam monster the......

Bharat Varsh aisa Desh Jise Puri duniya ke log Sone ki Chidiya ke naam se bhi jante the, Apni dhan sampda ke sath sath apne Ayurveda & Aushdhiyo ke liye puri duniya me famous tha. yaha ke logo par ye virus asar nahi kar raha tha. Iska karan yaha ke logo ka aushdhi gyan aur sone-chandi k nirantar sampark me rahana aur Purn shakahar ko apnana tha. British Raj parivar lag bhag puri duniya me apna rajya sthapit kar chuka tha bs kuch pramukh prachin sabhyta wale desho ko chhod jaise Bharat, China, Japan, Germany etc. British queen kisi bhi keemat par bharat k logo ko Monster banana chahti thi. Isliye sabse pahle business k bahane bharat me pravesh kiya aur fr yaha k rajao ki fut dekh kar unko ladana shuru kiya par virus ka asar nahi hua fir ek nayi tarkib lagayi gayi. Bhartiyo ki ek sena banai gayi. 

Isme un Bhartiyo ko jo gareeb the aur Na toh sone chandi k sampark me rah pate the na hi uchit jadi buti k sampark me rah pate the, ko sena me bharti kar k Unhe Gaay (Cow) and Suar (Shukar) k maans mile kartoos diye jinhe muh se chilna padta tha. Maans k muh me jane aur Sone chandi aur Jadi Butiyo k sampark me na rahne se unko katne par ye virus unme ghusne laga aur wo bhi Monster ban ne lage. aisa bahut samay tak chala Jb ye baat ek senik Mangal ko pata chali toh usne vidroh kiya par monster ki badhti hui sana aur takat se wo bhi haar baitha. Samay beeta aur sadi badli. san 1900 k apx ek baccha paida hua jiska naam uske maa baap ne bade pyar se bhagat rakha. Bhagat bada hi sundar tha. Pandit ne bhavishyavani me kaha ki ye un monsters ka khatm karne aur Duniya ko bachane me sahyog karega... maa baap ne bachpan se hi ucch shiksha aur sanskar diye. 

Bhagat ka pura pariwar in Monsters se ladne ka kaam karta tha isliye bachpan se hi Bhagat bhi unke khtme ko sochta hua bada hua. Aur bhi bahut sare dal ban chuke the jo in monsters k khilaf ladai lad rahe the. ek din bhagat k chacha ki in monsters se ladai ho gayi. unhone 3-4 monsters maar daala. toh puri foj unhe dhundhne lagi. Us raat bhagat k chacha Germany bhagne wale the ki unhe kuch dur par hi monsters ne pakad kar maar diya jise bhagat ne apni chat se pura dekha. uske baad Bhagat ne kasam kha li ki wo in monsters la sarvnash karega. jawani me aate aate Bhagat ne Garam dal join kiya. Monsters se ladne wale 2 dal the. ek Naram dal jo Bhagwan ki bhakti aur ahinsa k dwara inse chhutkara pana chahta tha and dusra Garam dal jo Khud inka khatma karna chahta tha. Bhagat ne kai monsters ko sabak sikhya. 

Ek baar Monsters government ne 1 aise rule paas karne k liye ek dal ko bheja jiske dwara pura bharat bhi Monster ban jata. ye chal thi.Garam dal k pramukh me se ek Lala ji k netratv me Bhagat sahit kai aur Garam dal wale uska virodh karne gaye par apni aseem shakti aur sankhya k karan unhone Virodh daba diya aur Lala ji ko chir fad kar kha liya. Iska badla lene k liye Bhagat ne Ek bade monster ko marne ka plan banaya jiske marte hi uske gulam monster bhi mar jate aur usne ye kar dikhaya iske baad toh usne monster ko marna shuru kiya apni Pushtaini talwar aur Apne chacha ki Shotgun se. in sb k karan Monster ki foz ne unhe most wanted bata kar marne k liye dhundhne lagi. 

Wo bhag kar dusre sthan par chala gaya jaha research kar k unhone ek formula banaya jiske dwara kisi bhi monster aur uske gulam moster ko samapt kiya ja sake. Usne e2 bomb me wo formula bhar kar assembly me foda and khud ki girftari di. Jail me usko nonveg khila kar monster banane ki koshish ki gayi but wo aur uske sathi nah bane.
Last me jb Bhagat aur uske sathi bahut kazor ho gaye tb in Monsters ne unhe maar daala...

Lekin inki maut ne desh me Lakho bhagat paida kar diye jinhone in Monsters se desh ko azad kara hi dala..
ap samajh toh gaye hai ki ye Bhagat Legendary Revolutionary Sardar Bhagat Singh the jinki kahani kuch alag andaz me pesh ki hai..

Shbd seema ki kami k karan detail me nahi likh paya.. Galti ke liye Sorry. ......
______________________________
The Evil King
Sikandarr