Xossip Ultimate Story Contest 2014

[Expert]

Tujhe Kide Paden

rajeshsarhadi2

Tujhe kide paden, tu kabhi na sukhi reh sake. Subah uthta hun to yahi dua karta hun, raat ko sota hun to yahi dua karta hun.

Jab se 18 saal ka hua, roj subah roj raat bas yahi dua karta aa raha hun – tujhe kide paden, tu kabhi na sukhi ho.

2 saal ho gaye yahi dua karte hue par ab tak dono ke dono maje maar rahe hain aur main bas yahi dua karta hun aur karta rahunga kabhi to asar hoga.

18 saal ki umra mein ladka jawan hone lagta hai, dil mein umango ki barsat hone lagti hai, mere saath bhi aisa hua – main bhi jawan hua mere dil mein abhi arman angdayiyan lene lage.

Maine bhi college ki ek sundari ko propose kar daala. Usne itni ghinoni najron se mujhe dekha jaise Guliver mujhe Liliput se utha ke le aaya ho.

Aur mere munh se usi waqt se se dua nikalne lagi –Tujhe kide paden-Tu kabhi na sukhi ho.

Kisi ne mujhe samjhaya – tu nahi aur sahi aur nahi aur sahi. Dil mein fir se umange jawan hone lagi – maine is baar padosi ki ladki ko hi propose kar daala – vo aise bhagi bhagi aise bhagi jaise main koi ladka nahi uske pichle janam ke dushman hun job hut ban kar samne aa gaya. 4 din ke andar hi vo flat change kar ke chale gaye.

Do baar mera itna apman – itna apman – kaise samjhaun – jab ladki ladke ke proposal ko is tarha thukrati hai ke dil ki dhajjiyan ud jaayen – us waqt bas yahi dua nikalti hai – Tujhe Kide Paden – Tu kabhi na sukhi ho.

Are pyaar se bhi to keh sakti thi – ke kisi aur se pehle ka taanka bhida hua hai. Par nahi aisa jataya aisa jataya jaise mein propose karke koi paap kar diya ho.

Aage meri himmat hi na hui kisi aur ko propose karne ki. Dil Ke arman ansuon mein behte rehte. Saal gujar gaya main 19 saal ka ho gaya. Pita ji ka transfer dusre shahar mein ho gayi. Maine bhi vahan ke achche college mein admission le liya. Ab ladki to koi pata nahi paya tha to bas padta hi rehta tha – itna padta tha ki class mein hamesha top karta tha.

Naya college naya mahol. Dil ke arman fir angdayiyan lene lage. Jis bhi ladki ko dekhta vo chand ka tukda najar aati – yun lagta tha jaise sawarg ki saari apsarayen is college mein aa kar pad rahi hon.

Magar meri kismet mein to bas yahi dua likh daali thi upar vale ne – 24 ghante ab yahi dua karta hun – Tujhe Kide Paden – Tu Kabhi na sukhi ho.

Do saal ho gaye aaj main 20 saal ka ho chukka hun – Class ki har ladki mere pass notes lene ke liye aati. Propose kar na to dur ek baar ek ko maine Coffee pine ke liye kaha to usne aise munh banaya jaise Coffee nahi kunain ka sharbat pine ko keh raha hun. Fir dil ke arman ansu mein beh nikle.

Mere pitaji 6 foot lambe hain aur meri maa 5 ft 6 inch ki hai . Jis factory mein ye meri manufacturing kar rahe the usmein na jaane kya gadbad hui. Main sade 4 foota reh gaya. 5 tak bhi khinch jaata to koi na koi adjustment kar leti – ab to sab mujhe Liliput ka vaasi samajhte hain.

Jo ladki dekhta hun 5ft se upar ki hoti hai aur mujhe dhikarat bhari najar se dekhti hai. Ab sivaye apne maa baap ko yahi dua dene ke alawa kuch nahi kar pata – Tujhe Kide Paden- Tu Kabhi na sukhi ho.

Kash koi sundar si kanya mere jaise lambayi le ke paida ho jaaye aur mere tute dil se ye dua – Tujhe Kiden Paden – Tu Kabhi na sukhi ho ki jagah prem bhare geet niklen.

Bas yahi sochta rehta hun aur yahi dua karta rehta hun – Tujhe Kide Paden- Tu kabhi na sukhi ho.