Xossip Ultimate Story Contest 2014

[Expert]

Dumas Beach

rajeshsarhadi1


Jab insan ne likhna shuru kiya tha – tabhi mera janam bhi ho gaya tha. Har insan ke dil mein bhavnaon aur khayalon ki jung hoti rehti – aur yahi khayal – yahi bhavnayen – mera roop dharan kar leti hain.

Kuch mujh mein apne dard ke sagar ke piro dete hain to kuch apne prem prasang ko. Mera rishta sirf dard aur prem se hi nahi hai mera rishta hark ism ki bhavna aur khayal se hai. Kuch to mujhe aisa roop dete hain ki sarhad pe khade fauji ke jism mein ubal aane lagta hai .

Kabhi mujhe gazal kaha jaata hai to kabhi koi rubayi ka naam dedeta hai – rehti main vahi ki vahi hun – Kavita – ab chahe mujhe jis bhi naam se pukar lo kya farak padta hai.

Kavita !
Haan Kavita Hun main
Na samajhna,Mujhko keval
Shabdon ki maala
Vastutah!
Tumhare antarman ka darpan
Hun Main.
Mujhe mein hi to
Dekh pate ho swayam ko
Pehchan paate ho swayam ko.
Kavita !
Haan Kavita hun main
Na samajhna Mujhko keval
Shabdon ki mala.
College ki library mein baitha Sunil ek magazine ke liye Kavita ke upar ek article likh raha tha.

Vo apne aap mein itna khoya hua tha ki use pata na chala kab Simmi uske samne aa ke baith gayi. Ek ghanta ho gaya par Sunil ne najar hi na uthayi. Simmi bas baith chup chap use nihar rahi thi. Vo jaanti thi ki jab Sunil kaam kar raha hota hai to use disturnance bilkul nahi achchi lagti aur vo aag babula ho jaata hai.

Jab Sunil ne apna article khatam kar liya to usne apna sar upar uthaya aur samne Simmi ko dekha.

‘Are tum kab aaii.’

‘Kavi maharaj ko fursat mile tabhi to ham jaise garibon pen ajar daalne ki jehmat farmayen – ek ghante se upar ho chukka hai tumhare samne baithe hue.’

‘Yaar tum to jaanti ho jab kaam kar raha hota hun to kuch dhayan nahi rehta aaspass ka’

‘Thik hai thik hai’ Simi ne munh banate hue kaha.

‘Are Rajesh ne aana tha kya vo nahi aaya?’

‘Sab aa chuke hain aur canteen mein tumhara wait kar rahe hain’

‘Chalo’ Sunil utha aur dono canteen ki taraf chal pade, beech mein vo apna article Hindi ke professor ko bhi deta chala gaya.

Canteen mein pahunche to Rajesh ke charon taraf mandli jami hui thi.
Rajesh sab ko Bangharh ke bare mein bata raha tha aur sabka khun sukhta ja raha tha.

Sunil ne vahan pahuch kar sabka haal dekha to bol pada ‘ kyun dar rahe ho sab – ye to yunhi fenkta rehta hai’

Rajesh : achcha bachchu aur jo sarkar ne hi vahan sham se lekar subah tak jaane ki pabandi laga rakhi hai vo kisliye hai. Pata bhi hai suraj dhalne ke baad jab bhi koi vahan jaata hai to kabhi vapas nahi aata.

Sunil : are vo to public ko dur rakhne ke liye drama kiya hua hai – pata hai kab se vahan khudai chal rahi hai – jahir hai vahan barson se koi khajana chupa hai jise khojne ki koshish kari ja rahi hai.

Rajesh : Are khudai to din mein hoti hai par din mein to koi pabandi nahi lagi sham ko hi kyun pabandi lag jaati hai. Aur jaanta bhi hai kitne kisse ho chuke hain vahan logo ke gayab hone ke tabhi to sham ko vahan jana mana hai.

Sunil : main nahi manta in baton ko.

Rajesh : thik hai haath kangan ko arsi kya – Kyun yaar logo chalen Bhangarh – iski tasali bhi ho jayegi.

Triveni : Rajesh pagal hai kya – jaan bhujh kar maut ke munh mein jaane ka program – na baba na .

Rajesh : Le bhai Sunil ye sab to darpok nikle – aisa karte hain Dumas Beach chalte hain – maja aayega.

Ravi : Abe kya ho gaya hai tujhe vo bhi to haunted place hai.

Rajesh : Bhai mehlon mein to bhulbhulayian anjan chupe raaste hote hain. Par beach to khula maidan hai vahan koi kya kar lega.

Sunil : han han Dumas beach pe hi chalte hain. Agle hafte college ki chutiyan bhi ho rahi hain- maja aayega – kyun doston.

Group ke saari ladkiyan ek dusre ki shakal dekh rahi thi.

Tabhi Rajesh aur Sunil ko college ka chaprasi bulane aa jata hai – unhen Principal bula raha tha. Do chal padte hain. Unkejaate hi.

Simmi : Ye dono to pagal ho gaye hain – ham nahi jaayenge aisi koi jagah.

Triveni : Tu to jaanti hai ye dono jab than lete hain to piche nahi hatte- pata nahi kya hoga.

Simmi : Main to nahi jaaungi.

Triveni : Na bhi kar payegi Sunil ko. Yaad hai hamne vada kiya hua hai – kabhi ek dusre ki baat nahi taalenge.

Simmi : Par yaar ye to khudkashi karne ke barabar hai.

Triveni : Mujhe Rajesh pe bharosa hai – vo kisi ko kuch nahi hone dega.

Sabke chehre pile pade hue the – sanse ruk ruk ke chal rahi thi – aisa lag raha tha jaise maut abhi ke abhi aaii.

Triveni : Pata hai Rajesh Bhangarh ke bare mein kya bata raha tha !

Simmi : kya karna hai jaan kar ab to Dumas Beach ke bare mein baat ho rahi hai.

Tab tak Rajesh aur Sunil bhi aa gaye.

Sunil : Lo bhai apna kaam to aasan ho gaya. Principal Sir hame Surat kuch factories dekhne aur unpe report banana ke liye bhej rahe han vahan se Dumas Beach jayada dur nahi hai.

Is ke baad sab apne ghar chale gaye agle din 10 baje vahin canteen mein milne ka tai kar ke.

Lekin Rajesh apne ghar nahi gaya veh apne kul purohit ke pass gaya – kyunki aaj use vahan bulaya gaya tha.

Vahan pahuch kar usne kulpurohit ke charan sparsh kiye. Unki bhav mangima bahut hi shant thi – chehre se tej tapak raha tha.

‘Vats vo samay aa chukka hai’

Fir lagbhag ek ghante tak purohit Rajesh ko kuch samjhate rahe jise sun sun kar Rajesh ke mathe pe thande pasine ki bunde jama hone lagi – uske dil ke dhadkan tej hone lagi . Dhadkte dil se vo purohit ki baton ko sunta raha aur apne jehn mein sametta raha. Ant mein purohit ne Rajesh ko puja ki thali mein se kuch vastuen utha kar di jise Rajesh ne haath jod kar swikar kiya aur apne pass sambhal li. Uske paschchat Rajesh apne ghar chala gaya. Uske chehre se saaf pata chal raha tha ki vo bahut chintit hai kisi baat ko lekar.

Ghar pahunch ke Rajesh ne chup chap khana khaya aur apne kamre mein sone chala gaya. Par need uski ankhon se dur thi.

Raat gehri hoti chali gayi aur jane kab uski anhen mund gayi.

Aasman pe badalon ne chand ko dhak liya yun lagne laga jaise amavasya ki raat ho. Ghanghor andhera har taraf chaa gaya . Sadkon pe jo khambo pe lights jal rahi thi vo bhi us andhere ko bhed nahi paa rahi. Charon taraf sannata aur aisa sannata sirf raat ko kabristano mein hi paya jaata hai. Kutte rone lage – jangalon mein dur kahin siyar bhi rone lage. Har baat kisi unhoni ka ishara kar rahi thi. Imarton ke chajhjon pe base kabutar apni jagah chhod kahin dur ki taraf ud gaye.
Itna sannata cha gaya ke sui bhi girti to uski aavaj sunai deti. Aise bhyavah raat ka tassavvur kisi ne na kiya hoga.

Kamre ke A/C ki khidki se jahan se thandi hawa aati hai vahan se ek safed dhuan kamre mein ghusne laga, pura karma safed dhuen se bhar gaya. Dhire dhire vo safed dhuan simatne laga aur ek aakriti ka roop dharan kar liya.

Samne bistar pe ek bahut hi khubsurat ladki so rahi thi, vo aakriti dhire dhire us ladki pe jhukne lagi aur uske kano ke pass aa kar bolne lagi – ‘ bahut intezar karwaya sunanda- ab to aa jao, ab to aa jao, ab to aa jao’ fir vo aakriti us ladki ke honthon ke upar jhukne lagi aur jaise hi vo uske sampit hui apne honth uske honthon pe rakhne hi vali thi ki tadap ke ek dam alag ho gayi ‘ nahi ye nahi ho sakta in honthon ko kisi aur ke honthon ne chu liya hai – Nahi! Nahi! Nahi!’ fir vo aakriti fir se dhuen ka aakar leti hui jai aaii thi vaise chali gayi.

Nahi ! ek cheekh ke saath Triveni jag padi uski ankhon ke samne ab bhi vo aakriti lehra rahi thi. Uska pura jism A/C ke wabjood pasine se tar batar ho utha tha. Idhar Triveni cheekhi udhar Rajesh ke ankhen bhi ek dum khul gayi. Use bahut ajeeb sa mehsus hua jise vo byan nahi kar pa raha tha. Triveni ki cheekh sun uske maa baap jo saath vale kamre mein the bhagte hue chale aaye.

‘Kya hua beta! Oh kya haalat ho rahi hai teri – lagta hai koi drawna sapna dekha’ chal tu hame kamre mein chal. Triveni sukhe patte ki tarha kanp rahi thi, uske honth tharthara rahe the. Aisa lag raha tha jaise maut use abhi chu ke gayi ho. Vo bistar se uthne layak nahi thi, uske pita ne use apni godh mein utha liya. ‘ Tu to bahadur bachchi hai meri – sapno se bhi koi darta hai’ aur uske mathe ko chum liya.

Apne pita ki banhon mein use sakun mila aur jaise hi vo kamre se bahar hue Triveni ki ankhen sakun se band ho gayi, vo apne pita ki godh mein hi so gayi. Raat bhar uske maata pita jaagte rahe uske pass baithe hue. Aisa aaj tak nahi hua tha ki Triveni ne koi aisa sapna dekha ho – jiski vajah se uski aisi haalat ho jaye. Dono bahut chintit the.

Agle din subah triveni ke pita ne Rajesh ko phone kiya – dono ki aapas mein badi der tak baat hui. Aur jab Triveni uthi use raat ke bare mein kuch bhi yaad na tha, ulta vo hairan thi ki vo apne mata pita ke kamre mein kaise aaii.

Uske mata pita ne baat ko tool nahi diya aur Triveni tayar ho kar college chali gayi.
Thik 10 baje jaise tai hua tha sab log college ki canteen mein jama ho gaye.

Rajesh kuch der ke liye Triveni ko alag le gaya.

‘Apni anken band karo’

‘Baaki log kya sochenge – tum kyun mujhe alag le aaye ho.’

‘Are ankhen to band karo bas do mint ki baat hai’

‘dekho koi gadbad mat karna – main apna majak nahi udwana chahti- koi bhi piche aa sakta hai’

‘uff tum ladkiyan bhi’

Triveni apni ankhen band kar leti hai aur Rajesh apni jeb se ek sone ka haar nikalta hai jisme Human ji ka pendal tha jo hiron se jada hua tha vo uske gale mein daal deta hai.

Jaise hi vo haar uske gale mein daalta hai – Triveni cheekh padti hai – uske gale mein jahan bhi haar ne chus vahan ek kut sa lag jata hai – khun nikalne lagta hai par agle hi pal sab thik ho jaata hai likin iske saath hi ek dhuen ki lehar uthti hai jo ek khopdi ki shakal le kar Rajesh ko jalti hui laal ankhon se ghurti hui lupt ho jaati hai. Is khopdi ko bas Rajesh hi dekhpata hai.

‘aah itna dard kyun huwa!’ Triveni lagbhag cheekhte hue bolti hai.

‘ Ye aakhri dard tha – ab tumhen kabhi bhi koi dard nahi hoga’

Triveni apne gale mein pade haar ko dekh kuch bolne wali thi.

‘baad mein – chalo sab wait kar rahe hain’

Dono group ko join kar lete hain aur Surat jane ka program final hone lagta hai.

Ek hafte baad sab log Surat chale gaye. Do din mein inhone jo factories Principal na kahi tho ve visit kar vahan ka kaam nipta liya aur fir bache hue teen din bitane ye Dumas Beech chale gaye. Din mein yahan normal tourist traffic rehta hai bas sham hote hi beach ek dam sunsaan ho jaata hai.

Ye log ek hotel mein ruke – 5 ladikyaan do kamron mein aur 5 ladke do kamron mein.

Simmi aur Triveni ek kamre mein thi and Rajesh aur Sunil ek mein. Sham ko inhen khurak lagi ki dekhen jara kya hota hai beech pe.

Andhera ho chukka tha, dur dur tak beech ke pass koi nahi tha. Jaise hi ye log beech ke pass pahunche na jaane kahan se ek bhudda inke samne aa yaga. Jalti hui laal ankhen chehre pe krodh.

‘Kyun aate ho hamari shanty bhang karne – vapas chale jaao – vapas chale jaao’ kehta hua vo bhudda vapas beach ki taraf palta aur dekhte hi dekhte gayab ho gaya.

Charon ladkiyan dar ke mare patte ki tarha kanpne lagi, sivaye Triveni ke – uske kaano mein ek aavaj gunjne lagi –‘aa gayi tum – main jaanta tha tum aaogi – aao aage bado – aage bado – mere pass aao main yahin hun – aao- aao’ aur Triveni ke kadam aage badne lage. Sabhi hairani se use dekh rahe the. Baak sab to piche reh gaye par Sunil aur Rajesh Triveni ke piche chalne lage. Triveni chalte chalte paani ke pass pahunch gayi. Sunil ko aisa laga jaise koi has raha ho- use ek ladki ke hasne ki aavaj sunayi de rahi thi- vo charon taraf najren ghuma raha tha par koi najar nahi aa raha tha – achanak use laga jaise vo dhuen mein ghir gaya ho – ladki ke khilkhilane ki aavaj aur tej ho gayi.

Beach ke kinare khade baaki sab chilla chilla kar inhen vapas aane ko keh rahe the par teeno ko koi aavaj nahi sunai de rahi unki. Achanak Rajesh jor se cheekha Sunil aur dhuen mein ghire use chune ki koshish kari – jaise hi Rajesh ne Sunil ko chua – Sunil ek dam chonka aur aur vo dhuan ek dam hat gaya uske kano mein ek cheekh sunaii di bas usi ladki ki jo has rahi thi.

Rajesh cheekh kar bola – Triveni paani mein ghusti jaa rahi hai – chal use kheench kar nikalen.

Dono Triveni ke piche bhage – achanak Sunil ko ek dhakka laga aur vo udta hua beach ke kinare apne saathiyon ke pass ja gira aur behosh ho gaya. Rajesh ne lapak ke Triveni ko pakda ek pal ko use bhi laga jaise koi use Triveni se dur karne ki koshish kar raha hai par vo jor dhire dhire kam ho gaya. Rajesh ne Triveni ko jor se hillaya – Vo ek dam cheekhi – jaane do vo bula raha hai – aur Rajesh ki bahon mein behosh ho gayi.

Rajesh ne use apne kandhon pe daala aur kisi tarha beach ke kinare pahuncha jahan baaki log Sunil ko hosh mein lane ki koshish kar rahe the.

Sab ne kisi taraha Triveni aur Sunil ko sambhala aur vapas hotel pahunche. Dono abhi tak behosh the.

Rajesh ne apne saman mein se us type ke haar nikale jo usne Triveni ko pehnaya tha aur sabhi ladkiyon ko pehna diya is hidayat ke saath ke chahe kuch bhi ho vo log apne gale se haar kabhi nahi utaarenge.

Aur ladkon ko ek ek anguthi di jis tarha ki usne pehni hui thi.

Jaise hi Sunil ke haath mein anguthi pehnaii vo dhire dhire hosh mein aa gaya.

Par Triveni ko hosh nahi aa raha tha.

Iske baad Rajesh ne vahin jamin pe Ek safed chaddar bicha ke Triveni ko lita diya aur sabhi uske charon taraf baith ke hanuman chalisa ka path karne lage. Do ghante tak lagataar path karne ke baad Triveni ke jism mein harkat shuru ho gayi. Uska jism uchalne laga aur fir shant ho gaya. Dhire dhire usne apni ankhen khol di.

‘Thank God’ ye hosh mein aa gayi sabhi dost bole.

Sunil : Maan gaya bhai ye haunted beach hai. Bas aur koi experiment nahi – vapas chalo .

‘ haan haan vapas chalo.’ Baaki sab bhi bole.

‘Nahi abhi vapas nahi jaa sakte .’

‘Par kyun?’ sabne pucha.

‘Hame kal tak yahan rukna hai – kal amavasya ki raat hai – bas ab aur koi sawal mat puchna – sab bata dunga waqt ane pe – abhi sab so jaao- aur yaad rahe bhul ke bhi haar gale se mat utaarna and ladke log apne haath se anguthi nahi utaarenge.’

Sabke chehre pile pad gaye – jism sukhe patte ki tarha kanpne lage – koi bhi apne kamre mein jaane ko tayaar nahi hua. To yahi faisla hua ki sab ek hi kamre mein kisi tarha so jaayenge.

Kisi tarha vo raat beet gayi. Agle din Rajesh Sunil ko saath le kar baajar gaya aur havan ki samagri kharidi. Itni samagri li ki kam se kam 4 ghante tak havan chale.

Fir ye dono vapas hotel aaye. Sab log dare sehme se hue the- pata nahi aage kya hoga. Din beet gaya raat gehri hone lagi – Sham hote hi Rajesh ne kamre ke charon taraf Human ka sindoor jo use purohit ne diya tha uski ek line bana di aur havan kund kamre ke beech mein rakh – tayaari shuru kar di.

Jaise hi raat ke 10 baje Rajesh ne sab ke saath mil kar havan karna shuru kar diya jaisa ki purohit ne samjhaya tha. Do ghante tak lagataar havan chalta raha. Jaise hi raat ke 12 baje – chatak chatak kame ki khidkiyon ke sheese tutne lage, aur har khidki ke piche dhuen ki aakarityan najar aane lagi. Chaaron taraf darawni cheekhen gunjne lagi – Rajesh ne sabhi ko samjha rakha tha ki dare nahi bas havan karte rahe. Kanpte haathon se pile pade chehre liye sab hawan karte rahe.

Teen khdkiyon se to koi andar na aa saka bas dhuan kabhi khopdi ki shakal leta kabhi kankal ki aur jor jor se cheekhon ki aavajen kamre mein ghusne lagi – par ek khidki se dhuan andar ghuss gaya aur haven ke upar mandarane laga.

‘hahahahahaha’ Vo dhuan kisi bahut hi sundar ladke ka roop le baitha aur jor jor se hasne laga.

‘Mujh par tumhare is hawan ka asar nahi hoga. Maine barson tapasya kari hai 600 varsh se bhi uppar.Aaj mujhe meri tapasya ka fal milega. Aaj mera milan apni Sunanda se hoga. Ab hame koi nahi rok paayega. Aao Sunanda aao – chale yahan se. Dekho kitne barson se tumhara intezar kar raha hun – tumne vada kiya that um aaogi – ab tum aa gayi ho – chalo yahan se’ Us aavaj mein ek dard tha jo kisi bichde hue premi ki dasha ka bakhan kar raha tha. Uska ishara Triveni ki taraf tha.

Rajesh ne sabko havan chalu rakhne ka ishara kiya aur vo shanti se us aakriti ko ghurne laga.

‘Jo prem karta hai aur agar uska prem sachcha hota hai to vo apne premi ko tadpata nahi – use kast nahi pahunchata – kya yahi tumhara prem hai jo Triveni ko kasht dena chahta hai – use manav yoni se nikal kar prêt yoni mein le jana chahta hai taaki anantkal tak vo mukti ke liye tadapti rahe’

‘Main nahi jaanti tumhari Sunanda kon hai – ya fir Sunanda ne mera roop liya hai is janam mein- par main Rajesh se bahut pyaar karti hun. Mujhe chhod do, please mujhe chhod do.’

Triveni ki aavaj mein vo dard tha ki vo aatma bhi us dard ki lappet mein aa gayi.

‘Maine bhi to pyaar hi kiya tha – janmon se tumhara intezar kar raha hun – thik hai lagta hai abhi meri tapasya puri nahi hui hai- jaao apne is jeevan mein aapar sukh bhogo – ab tumhen koi tang nahi karega – main khud tumhari dhal ban ke rahunga’ Rajesh aur Triveni ko yun laga jaise us aatma ki ankhon se ansu tapke hon aur jalta hua havan ek dam shant ho gaya. Dusri khidkiyon se dhuen vaali aakritiyan gayab ho gayi. Vo aatma abhi tak kamre mein thi.

‘Ek baar bas ek baar main tumhen mehsus karna chahta hun – bas uske baad – tumhen kabhi koi takleef nahi hogi’

Triveni ne Rajesh ki taraf dekha aur usne haan mein sar hilaya. Triveni ne apni bahen faila di aur vo dhuan uski bahon mein sit gaya. Jane kyun Triveki ruh ko bhi apar shanti prapt hui. Thodi der baad vo dhuan lupt ho gaya. Triveni ki banhen apne aap niche ho gayi aur uske ke bhuje chere pe ek alokik chamak aa gayi.
Agle din ye log vapas aa gaye tab Rajesh ne unhen vo saari baat batayi kis tarha ek baar usne purohit ko Triveni ki kundli dikhayi thi aur kya kya baaten hui. Kuch log anantkal tak prem ki aas mein tadapte hi rehte hain.

Dumas beach ka ye safar koi bhi kabhi bhi nahi bhulne wala.