05-10-2025, 08:06 AM
Karz...
niks77killl "Lagta hai saal barish nayi hogi seema ke bapu.." upar asmaan ki taraf taakte apne pati se kunti boli. July ki kadak dhoop mai apne khet mai khada dheeru bhi yahi soch raha tha lekin yahi baat apne muh se kehne mai usko jo bebasi mehsoos ho rahi thi wo uski biwi ne door kar di thi.
"Are aise kyu bole hai ri tu.. abhi time hi kaha hua hai dhang se barish ke liye..." apni nirasha ko chhipate huye dheeru kunti ko dapat-te huye bola.
"Aur kab time hoga ji.. har saal to ho jati hai ab tak.. beej bhi bo diye hum jayi asha mai.. sab khaad-aad bhi jama kar liye hai.. ab agar barish nayi huyi to hum to barbaad hai jayenge.." sehami huyi kunti ansoo tapkate huye boli.
"Ro kyu rahi hai.. kuch nayi hoga.. barish jarur hogi.. apni mehnat bekar nayi jayegi.. uparwale pe bharosa rakh.. wo kuch bura nahi hone dega.." kunti ko dhaandas bhadhate huye dheeru bola.
"Aur agar nayi huyi to?? Pata hai na ki oo vishnu pehalwan hume nehar se bhi pani nayi bharne dega.." kunti ne apna dar phir jahir kiya.
"Uski naubat nahi aayegi.. barish jarur hogi.."
"Kash aisa hi ho ji.. warna hum to kahi ke na rahenge.."
"Are maa.. baapu.. yaha khet mai kya kar rahe ho.." door se aati huyi seema un dono se boli "chalo ghar chalo.. hum roti sek diye hai.. aake khailo.."
"Tum log chalo.. hum jara gaon ka chakkar lagakar aate hai.." dheeru un dono se bola.
"Na bapu.. pehle khailo.. nayi to roti thandi ho jayengi.. phir kahoge ki khane mai aaj swad na aayo.." seema boli.
"Are jyada dair na lagegi.. bas thoda sa hi kaam hai.. aur waise bhi abhi bhookh na lagi hai.. thoda chal phir kar aaunga to bhookh bhi khul jayegi.." dheeru ne kaha aur phir isse pehle ki sema kuch kahe waha se nikal gaya.
"Bapu ko kya hua hai maa?? Itte pareshan kyu hai??" Dheeru ke jate hi seema ne apni maa se poocha.
"Kuch na chhori.. koi khaas baat nahi hai.. bas fasal ki thodi chinta ho rahi hai unhe.. tu chinta mat kar.. college ki chuttiya khatam hone wali hai... tu bas wapas shehar jane ki taiyari kar.." kunti ne apni pareshani seema tak nahi pahuchne di.
Seema halaki samajh chuki thi ki kuch to baat hai par wo baar-baar poochkar apne maa-baapu ko aur pareshan nahi karna chahti thi. Bachpan se hi neechi jaati mai paida hone ke karan mile dutkaar ke bawjood seema ek behad hoshiyar ladki thi. Wo apne maa-baap ki eklauti santaan thi aur unke jeene ka ekmatra sahara bhi isliye wo use pada-likhakar ek "bada aadmi" banana chahte the jo unki garibi door kar sake. Aisa nahi tha ki dheeru ke paas paiso ki koi badi tangi thi. Har saal wo shehar jakar apni fasal achhe daamo par bech aata tha jise use saal bhar chalane layak achha munafa ho jata tha. Kabhi jarurat nahi padi isliye usne bachat karne ke bare mai socha bhi nahi. Par is baar ek to garmi kuch jyada hi thi aur phir abhi tak barish nahi hone ke karan unke upar gujara chalane tak ka sankat khada nazar aa raha tha. Beej wo pehle hi bo chuka tha aur khaad, fertilizers wagerah sab khareed ke rakh chuka tha. Intezar tha to bas barish ka jo agar nahi huyi to is baar wo log bhukmari ki kagaar tak pahuch sakte the. Aur yahi baat wo dono apni beti se chhupana chahte the.
"Kyu re dheeru.. tujhse kitti baar kahi tum achhutan ka mandir mai aana mana hai.. phir kyu andar ghus kar hum ko bhi apne paap mai bhagidaar bana raha hai.." dheeru ko daatte huye pundit bola. Mandir ki seediyo ke nazdeek dheeru ko chappal utarte dekhte hi uska para chad gaya tha.
"Andar na aa rahe pundit ji.. bas bahar se hi hath jod lenge.. ab itta to kar sakte hai na.." hath jodte huye dheeru bola.
"Theek hai.. theek hai.. jyada jubaan na chala.. aur jaldi kariyo.. mandir band hone ka time ho raha hai.. aur dhyan rahe.. galti se bhi seediya na chhu lena.. warna hum se bura koi na hoga.. samjhaa..." dheeru ko jhidakte huye pundit bola aur wapas andar chala gaya.
"Hey bhagwan.. ye neechi jaat mai paida hona gunah hai kya?? Aisa hai to ye neech jaat aur ooch jaat ka fair hi kyu bandhe?? Idhar ye pundit humko dutkarta rehta hai udhar wo vishnu pehalwan bhi humko nehar se ek boond pani nahi nikalne de raha.. jab se wo gaon ki eklauti nehar pe kabza kiya hai hum neech jaat walo ka to jeena mushkil kar diya hai.. kuon se to pehle hi hum pani na bhar sakte the.. ab nehar par bhi wo kabza kar liya.. security officer bhi uske sath mili huyi hai.. sab oochi jaat wale milkar hum neechi jaat walo ko dabaye rahe hai .. kuch to karo bhagwan.. barish ka prabandh karo prabhu.. nahi to is saal hum bhookhe mar jayenge.. humari seema ki college ki fees bhi bharni hai.. na bhari to oo ka college se nikal denge.. kash pehle hi thodi bachat karke rakhe hote to aaj ye din na dekhne padte.. kuch karo bhagwan.. is musibat se nikalo hume.." aankhe band kar dheeru man hi man prarthna kar raha tha lekin jab aankhe kholi to dekha pundit mandir ke kapaat laga chuka tha.
"Thoda door reh kar baat kar.. chhuna mat humko.." apne pairo ke paas baithe dheeru ko datte huye vishnu pehalwan bola.
"Malik.. humari sari fasal barbaad ho jayegi.. hum bhookho mar jayenge.. reham karo hum par.. pani bharne do malik.. daya karo hum par.." dono ghutno par jhuka dheeru gidgidate huye bola.
"Ye nehar hamari hai.. hum tay karenge ki kaun pani bharega aur kaun nahi.. aur humne tay kiya hai ki koi achhut hamari nehar se pani nahi bharega.." apni raubdar awaaj mai vishnu pehalwan bola.
"Daya karo malik hum par.. hum bhookhe mar jayenge.." dheeru phir gidgidaya.
"To hum kya kare..." befikri ke sath vishnu bola.
"Reham karo malik.. abhi beti ka college ka fees bhi bharna hai.. agar fees na bhari to college wale nikal denge use.. jindagi kharab ho jayega hamar beti ka.." dheeru ki gidgidahat ab rudan mai badal chuki thi.
Dheeru ki baat sunkar vishnu pehalwan ke chehre ka taav pehli baar kuch kam pada. Balki ab to uske chehre par ek muskurahat thi, ek shaitani muskurahat.
"Ae dheeru.. tere ko pani chahiye na.. to theek hai.. hum tujhe pani denge.. par muft mai nahi.. iske badle tujhe humko kuch dena hoga.." Vishnu pehalwan thodi narmi se bola.
"Hum aapko kya de sake hai sarkar??" Baat banti dekh dheeru bhi thoda uchakte huye bola.
"Dekh dheeru.. hum tujhe pani karz ke roop mai denge.. aur uske badle mai tujhe hume apni fasal ka 50 taka dena hoga.. yani aadhi fasal hamari hogi.."
"Ye kya keh rahe hai malik.. aapko agar aadhi fasal de denge to humare liye kya bachega sarkar.."
"Theek hai.. agar tujhe fasal na deni to mat de.. hum tujhe pani aise hi de denge.. bas apni beti ko hafta bhar ke liye hamare paas chhod de.."
Vishnu pehalwan ke akhiri shabdo ko sunte hi dheeru ki muthhiya bhich gayi aur chehra gusse se laal ho gaya.
"Soch le dheeru hum tujhe pani de denge.. bas uske liye ya to apni aadhi fasal de.. ya hafta bhar ke liye apni beti ko hamare paas chhod de.."
Dheeru ka man to kar raha tha ki abhi uth kar vishnu pehalwan ka muh tod de par iska natiza bhi wo janta tha. Uski ek galti uske sath-sath uske pariwar ko bhi bhugatni pad sakti hai.
"Hum apni fasal dene ko taiyar hai malik.."apna gussa dabakar daat bheechte huye dheeru bola.
"Hmmm... ja lele pani.. par dhyan rahe.. ye ek karz hai.. aur iski vasooli karna hum achhe se jante hai.. ab jaa.." vishnu pehalwan ki dhamki dheeru ke andar tak utar gayi. Wo janta tha ki agar fasal achhi nahi huyi to vishnu pehalwan kuch bhi kar sakta hai.
Nehar se pani milne ke baad dheeru ne apne khet ki sichayi shuru kar di. Lekin is baar kismat dheeru se kuch jyada hi naraz thi. Beej boye kafi samay hone ke karan kafi beej kharab ho chuke the. Us par bhi is baar sookha padne ke karan bhi uski poori fasal barbaad ho gayi thi. Gaon mai pade is bhayankar sookhe ne sabki fasalo ko nigal liya tha. Sarkar ki taraf se madad ki koi umeed nahi thi jis karan gaon mai har taraf ansoo aur bhukmari pair faila rahe the. Nehar bhi sookh chuki thi jis karan vishnu pehalwan dheeru ko jimmedar thehra raha tha.
"Us achhut ko pani bharne hi nahi dena chahiye tha... ho gaya na sab khatam.. hum chhodenge nnahi usko.. apne karz to sood samet vasool kar rahenge..." vishnu pehalwan gusse mai badbada raha tha.
"Suniye seema ke bapu.. ab hum kya karenge?? Vishnu pehalwan ka karz hum kaise chukayenge?? Waise bhi nehar sookhne ke baad wo kafi gusse mai hai.. apne karz ki vasooli ke liye wo kuch bhi kar sakta hai.." kunti sir jhukaye baithe dheeru se boli.
"Yahi soch-soch kar to hamara bhi dimag phata ja raha hai.. jab fasal hi na huyi to uska hum adhi fasal kaha se de?? Aur agar use fasal na di to uski gandi nazar seedha hamari seema par padegi.." nazre kunti se milate huye dheeru bola.
"Suniye.. hume to lagta hai hume seema ko jald se jald shehar bhejne ka prabandh karna chahiye.. isse pehle ki us kamine ki nazar humari bachhi par pade hume use yaha se bhej dena chahiye.." kunti ne dheeru ke kandhe par sir tikate huye kaha.
"Tum sahi keh rahi ho.. hum apni bachhi ko shehar jarur bhejenge.. chahe iske liye hume ye ghar hi kyu na girvi rakhna pade.. hum jald se jald uska prabandh karte hai.." dheeru bola aur phir bahar chala gaya. Wahi andar dusre kamre mai darwaje par khadi seema sab sun chuki thi. Uski aankho mai ansoo the aur dil mai bebasi ki wo apne maa-baapu ke liye ab bojh banti ja rahi thi.
"Tere paas do din ka time hai dheeru.. kuch bhi kar par hume hamara karza wapas chahiye.. warna tu janta hai hum kya karenge.. agar do din mai tune hamare paas apne khet ki aadhi fasal na pahuchayi to apni beti ke sath hone wali kisi bhi harqat ke liye tu hi jimmedar hoga.. aur hum ab hafta bhar ke liye nahi balki jab tak man na bhare tab tak use apne paas rakhenge.." dheeru ko dhamkate huye vishnu bola.
"Daya karo malik.. do din mai hum fasal kaha se layenge.. humari to sari fasal hi barbaad ho gayi hai.. kuch to reham karo sarkar hum par.."
Vishnu ke pairo mai girte huye dheeru bola jise vishnu ne laat maarkar gira diya.
"To se kahe na hume chhuna mat.. agar wapas nahi kar sakta tha to karz liya hi kyu?? Aur hum sune hai ki tu ye ghar girvi rakhkar apni chhori ko shehar bhej raha hai.. agar humara karz wapas nahi kara to teri chhori shehar ki jagah hamare kothe par jayegi.. samjhaaa.. isliye koi hoshiyari na karna.. warnaa...." itna kehkar vishnu pehalwan ne ek aur laat dheeru ko jamayi aur waha se nikal gaya.
Vishnu ke jate hi andar kamre mai chhipi seema bhagkar bahar apne baapu ke paas aayi aur use samhalte huye boli, "baapu.. ab hum kya karenge?? Hume bahut dar lag raha hai.. ab kya hoga??"
"Kuch nahi hoga chhori.. hum kal hi tujhe shehar ke liye rawana kar denge.. tu bas jane ki taiyari kar.." apni beti ke ansoo pochta hua dheeru bola par uske khud ke ansoo rukne ka naam nahi le rahe the.
"Baapu par ab aapne ye ghar girvi rakh diya hai to iska karz kaise chukayenge?? Aur agar us vishnu pehalwan ko pata chal gaya ki aapne mujhe shehar bhej diya hai to wo aapko nuksan bhi pahucha sakta hai.." seema bhi apne baapu ke ansoo pochte huye boli.
"Tu hamari chinta na kar chhori.. tu bas shehar jane ki taiyari kar.. tu padhegi to hamare sare karz door kar degi.."
Uski baat sunkar seema ne use gale se laga liya aur fafak-fafak kar rone lagi.
Agle din hi dheeru ne seema ko shehar jane wali bus mai baitha diya. Use ab ye chinta nahi thi ki ab uske sath kya hoga, uski beti ab surakshit thi. Ya shayad ye uski galatfehmi thi.
"Dheeru... o dheeru.. gazab ho gaya.." apne ghar ki taraf aate huye uska padosi natwar usse takra gaya.
"Kya hua re natwar?? Itna ghabraya hua kyu hai?? Sab theek to hai na??" Natwar ko samhalte huye dheeru ne poocha.
"Kuch theek nahi hai re.. vishnu pehalwan ko pata chal gaya ki tune seema ko shehar bhej diya hai.. isliye uske aadmi aaye aur kunti bhabhi ko uthakar le gaye.." natwar ne jaise hi rote huye apni baat poori ki dheeru ke pairo tale jameen sarak gayi. Wo ulte paon turant Vishnu pehalwan ke ghar ki taraf bhag pada.
Jab tak dheeru vishnu pehalwan ke ghar pahucha tab tak kafi dair ho chuki thi. Ghar ke bahar hi kunti ki lash padi thi wo bhi nirvastra. Dekhkar hi saaf pata chal raha tha ki kayi logo ne milkar us abla ko nocha-khasota hai. Kunti ki lash ke paas hi dheeru apne ghutno par gir pada aur phoot-phoot kar rone laga.
"Baaapuuuu....." achanak seema ki jordar cheekh pighalte sheeshe ki tarah dheeru ke kaan mai utar gayi.
Awaaj vishnu ke ghar ke andar se aayi thi aur ye samajhte hi dheeru ki to taange kaap gayi. Phir ek baar jab wo cheekh uske kaano mai goonji wo turant khada hua aur vishnu ke darwaje ko peetne laga.
"Seema... seema... darwaja kholo koi.." rote huye wo darwaja peet raha tha aur akhir uski pukar sun hi li par bhagwan ne nahi shaitan ne.
Vishnu ne darwaja khola aur ek taraf hat gaya. Dheeru dandanata hua andar aaya aur jaise hi usne samne ka nazara dekha uska kaleza kaap gaya. Andar aangan mai vishnu ke do aadmi seema ko pakde khade the. Seema ke kapde jagah-jagah se phate huye the aur wo dono uske poore badan par hath fair rahe the.
"Hum tujhse kahe the na dheeru ki koi hoshiyari na karna.. dekh liya apni hoshiyari ka natiza.." aangan mai chakkar kaatte huye vishnu bola, "biwi ko ijjat aur jaan dono gawani padi.. aur ab beti ke sath hone wali kisi bhi harqat ke liye bhi ab tu hi jimmedar hoga.. ab pehle hum teri beti ko bhogenge.. aur jab hamara man bhar jayega to hamare aadmi uske maze lenge... aur sab teri vajah se hoga.. tujhe pani karz nahi lena tha re dheeru.. nahi lena tha.."
Itna kehte huye vishnu ne seema ko baalo se pakda aur use ghar ke andar le jate huye apne aadmiyo se bola, "le jao re is achhut ko bahar.. jab hamara man bhar jayega to bula lenge tum logo ko.."
Ye sunte hi wo dono muskurate huye dheeru ki taraf badhe aur use uthakar bahar faik diya. Poore din seema ki dard bhari cheekhein us ghar aur uske bahar pade dheeru ke kaano ko chhalni karti rahi.
Adhi raat ko jab haweli bilkul shaant ho gayi tab bhi dheeru ke kaano mai apni beti ki cheekhein goonjti rahi. Upar badal ghumad rahe the aur neeche apni biwi ki laash ke paas baithe dheeru ka rom-rom ro raha tha.
Achanak wo utha aur kisi jinda lash ki tarah chalta hua apne ghar ki taraf nikal pada. Upar bijli kondh rahi thi aur neeche dheeru andar hi andar jal raha tha. Ghar pahuchkar rassi uthayi aur apne khet ki taraf nikal pada.
Rassi ke sahare hawa mai jhoolte nirjeev dheeru ki aankho se shayad pani khatam ho gaya tha isliye tip-tip karke baraste badalo ne unki jagah leli.
***THE END***
______________________________
For Something Unique Read My Story The Time-Machine (Completed)
Horror Has A New Definition: Fear-Trap... Dar ki nayi inteha..
Best Tv Series In Hindi: The Walking Dead