Xossip Ultimate Story Contest 2015

[Expert]

Aakhir Kyun

prince charles

Aakhir kyun yahi sawal main khud se bahut puchti hu. Mere is tarah khud se sawal karna shayad aapko mera pagalpan lagta hoga.

To chaliye main aapko batati hu ki main ye sawal khud se kyun puchti hun. Mere ghar main mere alawa ye sadasye the.

Ghar me sabse bade dada-dadi. Unke do bête. Yani ki papa aur chacha.

Uske baad meri maa, do behne jo mujhse chotti thi aur saath hi chachi aur unka ek beta.

Waise to meri tin behne thi par tisri ke saath kyaa hua kabhi kissi ne nahi bataya. Mujhe bhi kabhi karan samajh nahi aaya par phir kuch waqt baad pata chala ki meri tisri bahen ko garbh me hi maar diya gaya tha.

Ye sab isiliye kiya gaya tha kyunki pehle main aur phir meri do behne paida huyi.

Jab phir bacha hone wala tha to meri maa ke garbh ka ling jaanch ka test karwaya gaya jab pata chala ki phir ladki hai to use mar dene ki baat huyi kokh main hi lekin meri maa taiyaar nahi thi.

Par wo kar kuch nahik payi aur meri bahen maar di gayi. Tab meri maa bahut royi thi lekin use santwana dene wala koi nahi tha. Phir jaisa-2 hum teeno badi huyi to hame aur maa ko bahut taane diye jaate.

Pyar kyaa hota hai jaise wo to kabhi jaana hi nahi tha humne. Padhayi to hame kabhi kissi ne karne hi nahi di.

Wahin mere chacha ke ladke ko sab pyar karte. Jo wo maangta chahe sahi ho ya galat use wo cheez mil jaati.

Jahan humpar pabandiyaan lagi thi wahin use koi kuch nahi kehta tha.

Meri bua ki ladki jo mujhse badi thi uski shadi tah hui to uske sasural walon ne dahej ki maang ki mujhe bahut bura laga.

Aisa laga jaise unhone humpe aihsaan kiya ho aur ab uska hisab ke taur pe paise maang rahe ho choti thi to jaisa laga bata diya aapko.

Jaisa-taisa shadi bhi kar di gayi uski. Ab shadi ko 6-7 mahine ho chuke the lekin baccha nahi tehar raha tha to usko pareshan karna shuru kar diya gaya.

Pata sabko tha ki kami patni me nahi pati me hai lekin purush pradhan desh tha to meri bahen ko hi doshi bataya gaya.

Had to tab ho gayi jab ho gayi jab usko uske devar ke saath humbistar hokar garbhwati banne ke liye kaha gaya.

Par ispe kissi ki koi pratkriya nahi thi. Jiska parinam ye hua ki meri bahen ko apni jaan deni padi sasural walon ke haathon. Uske marne ke baad meri bahen ke pati ki dusri shaadi kar di gayi.

Jo pehle hua tha wahi hua usko bhi baccha nahi tehra lekin usne apne ghutne tek diye aur apne devar ke bacche ki maa banna swikar kar liya.

Phir meri shaadi kar di gayi. Pati accha mila to laga jaise ki kismat mujh pe meherbaan hai.

Phir mujhe do bacche huye do pyaare se bete. Lekin shayad meri khushiyon ko nazar lag gayi aur mere pati ki maut ho gayi.

Phir bhi maine bahut mushkilon se apne dono beto ko paala kyunki aur kissi ne meri madad nahi ki.

Jab wo jawan ho gaye aur unki shaadi ho gayi to mujhe laga meri saari takhlifon ka ant ho gaya. Par nahi mere wo bête jo meri khushi ke liye kuch bhi kar sakte the aaj un dono ke paas mere liye do waqt ka khaana nahi tha.

Pata nahi kyun aurat ki zindagi uski khud ki kyun nahi hoti sada unhe koi na koi aadmi apni marji se chalana chahta hai. Bachpan me baap, jawani me bhai, ya ghar ka koi aur aadmi ,shaddi ke bad pati aur bhudhape me beta.

Aisa lagta hai jaise ki hum aurton ka to bas yahi kaam hai ki ek acha sa ladka dekho shadi karo phir uska wansh aage badhao. Agar koi aurat akela rehna chahe to use bada gunah koyi nahi.

Jab shadi ho gayi uske baad aurat ka sab kuch uske pati ka (agar kuch hai to) chahe wo paisa ho ya sharir. Pati ko pura hak hai ki wo apni patni ke saath jaisa chahe reh sakta hai. Chahe pati kitna bhi galat kyun na ho lekin wo to pati-parmeshwar hai.

Har aadmi ko apni zindagi mai maa chahiye, bahen chahiye, ladki dost chahiye, premika chahiye. Bas pata nahi kyun koi bhi aadmi uske ghar me beti ho ye nahi chahta.

Kuch pangtiyan aur jodna chahunga…

Koi aadmi kaise jaan sakta hai ki aurat ki zindagi kyaa hai? Ek aurat ki zindagi ek aadmi se bilkul alag hoti hai. Jaise bhagwan ka yahi faisla hai. Aadmi waisa hi hota hai kuwarepan se bhudhape tak.

Aadmi jaisa kuwarapan khone se pehle hota hai use khone ke baad bhi waisa hi rehta hai. Par jis din ek aurat apna kuwarapan khoti hai us din wo do bhaago me bat jaati hai.
Usdin ke baad wo ladki nahi balki ek aurat ban jaati hai. Aadmi shaadi ke baad bhi waise hi rehta hai lekin ek aurat ke liye sab kuch badal jaata hai.

Aadmi waisa hi rehta hai apne pehle pyar ke baad lekin ek aurat badal jati hai.

Aadmi aurat ke saath pyar karke chala jaata hai par aurat maa banne ki kagar pea a jaati hai. Ye puri zindagi aisa hi chalta rehta hai.

Maa banne ke baad aurat ki zindagi phir badal jaati hai lekin aadmi ki zindagi me kuch nahi badalta. Uske dil me ek umang jag jaati hai ki uski kokh me kuch pal raha hai.

Kuch aisa jo phir kabhi use alag nahi ho sakta maa banne ka ahsaas. Chahe uska baccha mar bhi kyun na jaaye lekin ye ahsaas kabhi nahi mar sakta.

Ye ahsaas sirf ek aurat jaan sakti hai kyunki wo baccha uske dil ke karib tha iska andaaja bhi koi aadmi nahi laga sakta.