Xossip Ultimate Story Contest 2015

[Expert]

Hadsa

Frequencyyri

Tann-Tann-Tann

"Ufff ! Kavya kya hai ye sone do na thodi der aur. Tumhari ghanti se bhagwan to nahi jagte par subah subah mujhe jaroor jaga deti ho"

"Mr. Patidev aap ko nahi lagta ki aap aalsi hote ja rahe ho. Pet dekha hain apna bahar aate ja raha hain".

"Ohho hato ! Kya kar rahe ho subah-subah" (Kavya ko achanak hi Sid ne bistar par khinch liya)

Sid Kavya ke chehre se balon ki laton ko hata'te hue "tumhe nahi lagta Kavii ki hume honymoon par chalna chahiye, kitni niras hoti ja rahi ho"

Kavya bhi thodi sukoon se sid ki bahon me pighlti hue "Ahh ! Sid kitne din ho gaye hume ek sath barsat me bhinge, wo long drive, aur humari sham ki pani-puri"

"Hmmm ! To fir chalen kya second honeymoon par."

Kavya najakat se Sid ke sine par mukke marti hui uthi aur jate jate bolti chali .. "Jaan, mujhe aaj marketing ke liye jana hain, main aap ke sath hi niklungi. Taiyar hokar jaldi niche aao."

Royal mansion enterprises ke malik Siddharth ka ye ghar tha, jo apne chhote se pariwar ke sath bare pyar se rahta tha. Sid kavya ki shadi ko 3 sal ho gaye the, sid ke mom-dad gujar chuke the aur dono dampatti akele is bungalow me rahte the.

Kuch samay paschhat Sid bhi taiyar hokar niche pahuncha aur naste ke liye baith jata hain. Lekin aaj bhi naste ke table par Sid ka wahi rona ..

"Ye atyachar hai kavii tum naste me phir aaj mujhe ubla khila rahi ho"

"Hunnnn ! Kuch kah rahe the aap"

"Kavii this is cheating, aaj phir se khane me ye ubla bana diya aur ye karele ka juice, jao main nahi khata"

Kavya bari ada se chair ke hand supporting beat par baith jati hai aur apne hanthon se niwala banati hui sid ke muh ke aage apna hath badha deti hain. Kuch der waha pin drop silent rahta hain phir Sid drama karte hue "ye tum galat kar rahi ho" aur niwala apne muh me le leta hain.

Naste karke dono taiyar hokar nikle, driver ne car nikali aur dono nikal pare apne tay raston ki ore jaha Sid ko office aur Kavii ko market jana tha. Darban ne main gate khola car starting ke initial speed se jaise hi sarak par utri ....... Ek jordar break aur dhadkne sab ki tej thi aur sansen sabki ukhdi hui, Mano kuch pal ke liye mirtulok dekh liya ho.

Abhi jab car sarak par utri hi thi ki do inch ke fasle se ek truck sannn ki speed se nikla. Yadi aaj thodi si bhi chook hui hoti to yaha ka manjar kuch aur hi hota. Sarak par is tarah ki ghatnayen sayad aam bat ho gayi ho lekin iska praspar kya parinam hota hai sayad ye pariwar samajh raha tha. Dar ne itna gher liya ki Kavii ne kisi ko kahi nahi jane diya. Us din ka sara programme cancel ho gaya.

Koi bhi ghatna aaj ke samay me itni badi nahi hoti ki uspar lagatar socha jaye. Sham tak sab normal the. Sham ko dono long drive par nikale. Dono ne khoob masti ki aur phir ghar laut aaye.

Apne bistar par leti kavii aaj subah hui is dukhad ghatna ke baare me lagatar soche ja rahi thi aur apne hi khyalon me kyoyi bas ek tak chhat ko nihar rahi thi....
"Kya hua kavii, kis soch me doobi ho"
"Aan ... Haann"

"Kaviiiiiiiiiii ! Kaha gum ho"

"Kahi nahi bas subah ke baare me soch rahi thi, yadi break lagne se gaadi nahi rukti to kya hota"

Sid kavii ki manodasha samajh sakta tha isliye use gale laga kar shant karte hue bolne laga .. "Kavii jo hua hi nahi us par vyarth ki chinta kyon. Waise, waise aaj poora din tumhe pas dekh kar kuch jyada hi naughty si feeling aa rahi hai"

"Uffff ! Mujhe yaha chinta khaye ja rahi hai aur aap bhi na Sid. Kyu hadbadi hoti hai logon ko, kyu itni jaldi me hote hai ki khud to marne ka kam karte hi hai aur dusro ko bhi usme lapet lete hai"

Kavii ki baton ko sun kar sid bhi thodi gahan chinta me sochne laga aur ek thandi sans leta hua kavii ke bagal me baith gaya...

"Hmmm ! Jayaj hai tumari chinta ... Lekin ... Lekin abhi jo tumhare sath hone wala hai us se kaun tumhe bchayega"

"Ishhhh ! Hayyy to bachna bhi kaun chahega jara main bhi to dekhu ki kitna sata pate ho aur main kitna sah pati hoon."

Hanste rat kati inki, jo aaj subha kafi bhayank ho gayi thi. Karib teen char din ke bad Kavii apne room me baith kar tv dekh rahi tabhi ek call aaya....

"Hello, haan ji kaun"

"Madam siddarth sir ka accident ho gaya hai. Aap jaldi se appolo hospital chale aaiye"

Kavii ye msg sun kar jaise sunnn hi pad gayi. Usne fauran apne bhai Asis ko phone kar is ghatna ki suchna di aur hadbadi me hospital ke liye nikal gayi. Aankhon me aanshoo liye jab kavii hospital pahunchi to waha Asis mil gaya, aur dilasa dete hue hospital ke private ward me le gaya. Kavii Sid ki halat dekh kar apne bhai se lipat kar rone lagi..

"Kuch nahi hua mujhe Kavii, bas thodi si chot aayi hai. Car me accident sebachne ke liye kafi safety hai, tum tension mat lo".

Kavii is samay kuch bhi bolne ki halat me nahi thi isliye Asis use apne sath bahar le aaya...

"Kavii, kya kar rahi ho ? Uske sath pahle se durghatna hui hai upar se tum ro rahi ho. Himmat se kam lo".

"Bhaiya par parrr......"

"Kuch nahi hua use Kavii, maine dr se bat kar li hai aaj sham tak Sid ghar laut aayega, Bas halki chot hai aur hanth ki haddi toot gayi hai. Haan ! Par tum roti rahi to use jaroor sadma pahunchega".

"Thik hai bhaiya main nahi roungi, par sham tak Sid ghar wapas laut aayen'ge na"

"Hannn ! Ab chal, paglon ke jaisa haal bana liya hai".

Gambhir takkar nahi thi aur car me safety baloons bhi the jis karan Sid ko jyada nuksan nahi pahuncha tha. Sham tak sabhi ghar pahunch jate hai. Kavii ko akele pareshani na ho isliye unke bhaiya aur bhabhi bhi kuch dino tak sath ruk gaye. Teen char din rukne ke bad jab sab normal ho gaya tab unke bhaiya bhabhi bhi chale gaye.

Sid ki halat me sudhar to tha par hath ke fracture ke karan thodi asuwidha ho rahi thi. Sid normally kaam par wapas jane laga. Beete kuch din, kafi tanaw'purn jivan raha Sid-Kavii ka, isliye mood fresh ke liye kavii ne sid ke sath movie dekhne ka programme banayi...

"Patidev, aaj aap jaldi free joeye'ga. Movie ka programme hai"

"Kavii janti to ho kuch dino se waise bhi kam poora distrub raha hai, aur naye project par bhi kam chal raha hai, darling rahne do, plzzzz"

"main kuch nahi janti aap ye kaam kisi aur se karwa lo, please, meri khatir"
"Ohhh ! Aap ki khatir hi to sab kuch kar raha hun, chalte hai aaj movie hi". Khushhh !

"Yakkk ! Itna normal dialogue, main na khush hui. Shadi se pahle, yeee lambi lambi kavita sunate the jo mere sir ke upar se jati thi aur ab bas rukhe sukhe dialogue".

"O' madam bhool gayi, unhi kavita par lattu hokar tum fasi thi"

"How mean Sid, tum milo batati hoon tumhe sham ko"

"Ok jaan, main 6pm tak ghar aata hoon"

"Nahi rahne do aap mat aana main hi aap ko pick kar loongi"

"Jaisi aap ki aagya, chal sham ko milte hai"

Kavii sham ko taiyar hokar Sid ko pick karti hui multiplex ki ore rukh karti hai. Laut'te samay kavii ki jid par Sid ek fulki ke thele ke pas car ko rok kar, dono fulki khane lagte hai. Kaam ki bhaga dauri me ye chhote chhote pal jane kaha gum ho gaye the, kavii apni pyar bhari najron se sid ko dekhti hui fulki kha rahi thi.

Abhi do teen fulki khayi hi hogi ki ek tej chalti hue car bilkul sarak se out of control hokar footpath par chadh gayi aur teji se nikalti hue bilkul Sid aur kavii ke inch bahr fasle se gujri. Halanki car to inch bhar fasle se gujri, lekin dar se kavii wahi jamin par gir gayi aur Sid fulki ke thele par gir gaya.

Dono ko 5 min tak to hosh hi nahi raha ki abhi unke sath kya hua. Dar ne mano jakad liya ho dono ko, dono ke badan dar se kanp rahe the. Kisi tarah dono ghar pahunche aur us car wale ko kosti hue ...

"Koi inko kuch kahta kyu nahi. Pagal, inko driving licence kisne di, road par to mano chalna aaj kal yani maut ki sadak ban gayi ho jaise aur ye gari chalane wale maut ke fariste".

Sid ne kavii ko gale lagate hue use kisi tarah shant kiya. Waqt har marham ki dawa hain. Subah hui aur rat gayi bat gayi ki kahani ho gayi. Sab pahle ki tarah hi normal tha. Sid apne office me aur kavii ghar par apne chhote-bade kaam aur tv me mast thi.

Par jaise hadso ki kali parchhyi in par lagi ho. Abhi pichhli ghatna ko teen char din bhi nahi hue the ki ek aur ghatna ghati inke sath. Dono ek party se laut rahe the ki tabhi ek tej chalti mini-van ne inko overtake kiya aur kuch hi fasle aage jakar usne power break lagayi aur, unke break lagate hi sid ke driver ne bhi break lagayi par itni najdik thi wo van ki takkar se bachne ke liye driver ne right mod di aur car pole se jakar takra gayi.

Car ka jo hona tha so hua par sukr tha ki in logo ko chot nahi aayi. Asis ko jab ye bat maloom hui to wo aur kavii ki mom use dekhne chali aayi. Sab ko surkshit dekh sab ne rahat ki sans li. Kavii ki maa, Kavii ki halat par afsos jatati hui use grahon ka dosh man'ne lagi aur Kavii ko hawan karane ki salah di. Aur Kavii apni maa ke kahe ausar waise hi ki.

Lekin ise andhviswas ke sabdon me hi kahe to, yadi aap ki kismat me jo likha hai wo to hokar hi rahega, yadi aap kismat ko mante hai. Aisha hi kuch inke sath fir hua. Last ghana ke 5 din bad hi ek aur ghatna ghati. Ek aur sarak hadsa Sid ke sath, aur wahi kahani maut bas kuch faslon se chhu kar nikal gayi.

Aaj bhi Sid aur Kavii sath hi the. Dono ne maut ko ek bar fir karib se dekha. Ghar me jaise matam sa chhaya tha tabhi Asis ghar me kisi ke sath ek ajnabi ghar me aaya.

Asis:- Sid-Kavii dono kaise ho ?

Kavii :- Achhi hoon bhaiya. Dekho na bhaiya ye kya ho raha hai. Jab bhi sarak par niklo koi na koi hadsa hote rahta hai.

Anjaan aadmi :- Sadak hadse yun to hote roj hai par kisi ek ke sath lagatar hona chinta ka visay hai, kyonki jindgi me kabhi kbhar hi hume iska samna karna parta hai.

Sid :- Aap ko pahchan nahi paya.

Anjan aadmi :- Main S.P Vishal Shekhar hoon. Asis ji mere pas aaye the, unhone poori ghatna ke baare me jab bataya to mujhe laga ki aap ke sath koi gahri sajis rach raha hai. Koi hai jo aap ko dar ke saye me rakhna.

Sid-Kavii ye sunte hi ek dushre ka muh dekhne lage aur Sid bare aschry se Vishal se poochhne laga..

"Sir, kisi ko aisha karne se kya milega"

Vishal :- Wahi to pata karna hai. Ek kam kijiye, abhi mere sath aap chaliye, aur chalkar apna bayan darj karwa de. Sab najdiki thana pahunche aur sari ghatnao ki vistar purwak jankari di. security officer ne unke sare relative, dost aur associates aur business rival ki detail lekar unhe jane ke liye bol diya.

Vishal :- Ravi tumhe kya lagta hai is case me.

Ravi (thana-incharge) :- Sir, jis tarah ke wardaat inke sath ho rahi hai us se ye lagta hai ki koi inhe lagatar pareshan karna chahta hai. Yadi marna unka maksad hota to kayi mauke the uske pas par fir bhi jinda chhor diya.

Vishal :- Hmmm ! Thik hai tum case me chhanbin karo aur weekend par mujhe report karo. Mangalwar 20th July, Ravi ko instruction milte hi wo kaam par lag gaya. Apne sare khabri aur thana ke officer ko sare diye naam aur sabhi pahluon par tahkikat hone lagi.

Isi bich, 24 July Sturday

11am, Ravi ke pas Sid ka phone aaya, bahut gahbraya hua lag raha tha Sid, aur ghabrahat me bas itna bol paya "sir, sir abhi ek hadsa hua aur ek msg bhi likha tha"
"Sid ji kya tha msg me"

"Sir, wo... Wooo" aur phone cut gayi. Ravi ne turant apni jeep nikali aur ghatna-sthal par pahuncha. Jab Ravi pahuncha to wo dekh kar dang rah gaya. Sid ek site par tha aur car ke upar badi si chattan giri hui thi, aur car se thodi duri par Sid baitha dar se tharr-tharr kar raha tha.

Chattan par bade sabdon me likha tha ... "Waqt wahi manjar dohrayega, jo kabhi hume mila wahi wapas lautaunga".

Ravi Sid ki halat samajh sakta tha, wo wakif tha ki Sid abhi apne upar hue is humle se kitna dara hua hoga. Ravi, Sid ko uske ghar wapas chhor deta hai aur apne kam par lag jata hai.

Royal mension din ke 12:30 Pm

"Sid hume nahi rahna is sahar me, koi jaan ka dushman bana pada hai aur security officer soyi hai. Sun rahe hai na aap, chalo yaha se, hume ab nahi rahna is sahar me". Bhaw vibhor hoti hui, apne pati ke halat ko dekh kar roti-chillati kavii apne pati se kah rahi thi.

Sid abhi bhi us likhi bat par hi soch raha tha "Waqt wahi manjar dohrayega, jo kabhi hume mila wahi wapas lautaunga", aur samajh nahi pa raha tha ki aakhir aisha likha kyu tha. Apni patni ki bat sun kar dhyan toota aur use rota dekh apni bahon me lekar shant karne laga.

"Kuch nahi hua Kavii, security officer apna kaam kar rahi hai bas dhiraj rakho. Jaan, bhagne se hum dar ke saye me jite rahenge. Tum please, himmat mat haro, hum milkar is musibat ka bhi samna kar lenge"

Thana-evening 7pm

Ravi apne officer se .... "Good work, par ab tak koi bhi surag hanth nahi laga, sare naam jo Sid ne bataye in sab me se kisi par shaq nahi ja raha. Nirmal (Ti) Bandra Thana se detail nikal li.

Nirmal :- Yes sir, maine aage ki tahkikat shuru kar di hai.

Ravi :- Good, chalo thik hai, tum sab lag jao is case par kyunki jo chhipa tha wo hume open challenge kar raha hai. Abhi sab logo ki charcha ho hi rahi thi ki thane ke phone ki ghanti baji ...

"Hello, Juhu security officer station"

"Ravi ji hai kya, main Sid bol raha hoon"

"Haan Sid ji kahiye, phir koi bat hue kya"

"Ravi ji, aap khud aakar thoda kyu nahi dekh lete"

Ravi jald hi apni team ke sath pahuncha Sid ke ghar. Ghar ke gate par hi mahol bahut kharab tha. Ek car khadi thi, ander do lash, ek aadmi aur ek aurat ki, aur kanch par likha tha ... "Phir se lautega wo manjar"

Ravi ne waha ka panchnama kiya, aur lash ko postmartum ke liye bhej diya. Ravi Sid ka hausla badhate hue ...

"Aap chinta na kare ye case solve hone tak do hawaldar aap ke ghar ki nigrani karenge. Don't worry, is samay aap ko himmat se kaam lena hoga aur koi bhi chhoti se chhoti bat ajib lage to aap turant usi samay call karen. Waise bhi ab ye lash is aadmi ka pata lagayegi". Do hawaldar Royal Mension me chhorte hue Ravi thana nikal gaya.

27th July Tuesday, 12:40pm,

Nirmal :- Sir, postmartum report aa gayi hai, gumnam lash ko kandiwali ke murdaghar se utaya gaya tha. Aur car bhi hire ki gayi thi.

Ravi :- Aur koi surag

Nirmal :- Sir, kisi ke pas koi detail nahi thi, sabka kehna tha ki rat me yahi koi 45/46 sal ka ek aadmi, dadhi bilkul badhi hui thi, kisi fakir ke huliye me pahuncha tha.

Ravi :- Us travel agent ke pas se koi detail.

Nirmal :- Sir, jo i'd thi wo farji thi pata karwaya maine. Kaha jaye to usne yaha kuch aisa nahi chhora jo pata lagaya ja sake. Lekin ek bat gaur karne wali hai...

Ravi ke chehre par jigyasa bhare bhaw aate hue ... "Kya nirmal"

Phir Niramal ne apni khoj ki ek nayi disha batayi. Tahkikat ko ek nayi disha mili, Ravi ne ek poori team isi disha me laga di.

2nd August, Monday 2pm

Ravi :- Sid ji aap jaldi se thane chale aaiye. Aap ne hum se kuch chhipaya hai, Behtar yahi hoga ki sara kaam chhor kar aap thane aa jaye.

Sid pahle se hi dara tha upar se ye chintjank call, Sid ke mathe par pasina aane se nahi ruk paya. Apne pati ko tension me dekh kavii uske kandhe par hanth rakhti hui poochhne lagi ..

"Kya bat hai Sid, aap itne pareshan kyu hai. Kiska phone tha aur kya bol raha tha"
.
"Kavii, mujhe Ravi ji ne turant thane bulya hai. Bol rahe the maine unse kuch chhipaya hai".

Sid ki bat sun kavii use yun dekhne lagi jaise poochh rahi ho "kya koi bat hai Sid, jo aap ne hum sab se chhipayi hai"

Sid kavii ki mansa ko bhanpte hue, uska hanth apne hanthon me tham liya aur apni safai me kahte hue.. “Kavii, hum har pal sath hain isliye sath chalet hai aur iska bhi samna karte hai. Kavii ko lekar thane pahuncha. Ravi ne jab dono ko dekha to aatahhas me kahte hue..

"Accha kiya Mr. Sid ya phir race lover Raockey, jo aap inhe bhi sath le aaye. Jara madam ko bhi pata chale ki aap hai kya"

Kavii :- Ravi ji, aap ye kaisi baten kar rahe hai. Aue ye mere pati Sid hai koi Rockey nahi.

Ravi :- Achha, to meri baton se aap ke pati ke mathe par pasina kyu aa raha hai. Kyu Rockey saab, aap ne madam ko oapne baare me nahi bataya. Chalo hum bata dete hai.....

"Dosto me ye Rockey ke nam se famous the. Jab inke college area par najar dali tab Bandra me case no. 234/21 me Rockey ki ek case file mili, aur usi case ki file ne khole inke atit ka ek ghinauna sach ....

Sid apne mathe ka pasina pochhte hue...

"Kavii, I m sorry. Ravi ji sach bol rahe hai. Student life me main isi naam se jana jata tha. Humara ek student group hua karta tha, jo rat ke samay sadko par race aur stunt kiya karte the. Sorry, ki maine ye bat chhipayi, lekin is se jyada bhi nahi kuch batane ke liye".

Kavii :- Sid, humara rista pyar ka tha bat chhoti ho ya badi har bat jan'ne ka haq hai mujhe. Mera viswas toda hai aap ne, yadi is se jyada kuch aur bate nahi thi to aap ne mujhe pahle kyu nahi bataya.

Sid :- Kavii jab maine tumhe pahli bar dekha tha college me, tabhi mujhe pahli najar me pyar ho gaya tha. Par main us samay aawara tha aur tum aishe ladko se kafi duriya banaye rakhti thi, isliye sirf tumhare liye us din se Rockey mar gaya aur Sid apne asli roop me rahne laga.

Ravi :- Sid, ye mera thana hai aur yaha kewal mere sawalo ka jawab dijiye. Ye bataiye, 9 October 2010 ko rat ke 2 baje kya hua tha.

Kavii chounkti hue ... "Ye humari engagement date hai"

Ravi :- Yes madam, aur kya kaha tha Sid, Kavii se milne ke bad Rockey mar gaya to us rat kaun tha.

Sid :- Haan ! Main hi tha us rat, par aisha koi wakya hi nahi tha us rat me officer batane layak jo main aap se kahu, siway iske ki mere dosto ne mujhe pila kar ek aakhri bar purane rup me sadak par car daurane ko kaha.

Ravi, ne Niraml ko ishara kiya aur wo lock-up se wahi aadmi ko bahar lekar aaya jiska huliya bayan us din hua tha.... "Inhe jara gaur se dekhiye aur pahchaniye ki ye kaun hai"

Sid :- "Main nahi janta inhe, kaun hai ye"

Ravi ne phir usi aadmi ko kaha bolne ke liye, jo Sid ke sath ho rahe ghatnao ka mukhya aaropi tha.

Wo aadmi jab bolne laga to ek dard ke bhaw uske chehre par tha. Aur apninam aankho se usne bolna shuru kiya...

"Main ... Main wo abhaga hoon jisne apna poora pariwar kho diya. Mujhe is duniya me akele jine ki saza mili. Aur ye sab, tumhari wajah se hua. Mujhe afsos hai ki main tumhe ab tak mar kyu nahi paya, sayad ye begunah ladki hamesa tumhare pran ke aade aa jati hai aur main tumhare kiye ki saza ise nahi de pata"

Sid :- Par maine kuch bhi aisa nahi kiya. Aap kya bol rahe hai mujhe kuch samajh me nahi aa raha.

Sid ki bat sun wo aadmi aawesh me aa gaya aur uska color pakad kar ek tamacha mara. Mahol kafi garam ho gaya tha isliye use hata'te hue alag kiya gaya. Us aadmi ne bade gusse me phir se apni bat kahi...

"Haramjade, tu hosh me rahta us din to tujhe pata hota na ki tune kya kiya. Ki tune kaise apni tej gari ko humari gari ke bilkul bagal se nikalta hua aage mere car ke left le liya. Teri takkar bachane ke liye maine wo car right achanak mod di aur mere car ki takkar ho gayi truck se".

"Usme, mera pariwar, meri biwi, mere budhe mata pita, mere bete, sab mare gaye. Kitni khusi se ja rahe the. Lekin sirf tumhari fantasy ne dekho mujhe kis haal me la kar khada kar diya. Mera bhi ek pariwar tha, aur tumhara bhi hai isliye jinda ho warnaaaa !

Nirmal, lekar jao inhe. Ravi ne us aadmi ko lock-up me bhejte hue...

"Jao Sid ji aap bhi khush raho. Par imandari se ek bat batun to us aadmi ko saza dene ko dil gawara nahi kar raha. Par kya kare hum apne farz ke hantho majboor hai. Kisi galti ko galat tarike se sahi karne ki izazat nahi de sakte"

"Par kya aap ne jo kiya wo sahi tha. Ek anjaan aadmi, jo na to aap ko janta hai aur na hi aap usko. Aur kewal apni andhi chah me uske poore pariwar ko mar dala. Haan ! Koi sandeh nahi kehne me ki aap ne mar dala. Kanoonan aap ko to saza nahi ho sakta par aap hi in sab ke gunahgar hai".

"Aaj ki naujawan pidi ki andhi kalpnayen, jiska asar hume sabse jyada sadko par hi milta hai. Tum sab apni jindgi ko to daav par rakhte hi ho par us se kitna collateral damage hota hai sayad ye tum sab pichhe mud kar dekhte bhi nahi. Na jane kitne hi begunah sadak hadso ki bhent chadh jate hai tumhari is speed ki andhi kalpna me. Jao, ghar apne ab tumhe koi pareshan nahi karega par jab khud ko aaine me dekhna, tab itna socna ki... Kya ye speed jaroori hai jo dusro ki jindgiya barbad kar de"

Kavii, Sid ka chehra dekhti hui... Sid beete dino ki hui ghatnao se hi meri ruh kanp jati hai aur aap ne ek poore pariwar ko kewal apne shouk ke liye maut ke muh me dal diya. Pyar to bahut hai aap se par is dard ke sath ab poori umar gujarni hogi.