Xossip Ultimate Story Contest 2015

[Expert]

ZINDAGI

ammienida


"HAR JAKHAM MEIN DARD CHUPA HOTA HAI'
NAA CHAAHTE HUE BHI DIL SE DIL JUDA HOTA HAI,
JAB CHAAHO KISIKO,
TOH KYON WOH HUMSE JUDAA HOTA HAI,

YOUN TOH PATTHAR SE BHI AAS LAGA LETE HAI LOG,
PHIR KYON INSAAn SE DAGA KAR JAATa HAI koi."

WAAH.. WAAH ..
KYA KAMAAL KE ALFAAZ HAI TERE .. HICH.. HICH.. TU JAB BHI PEE LETA HAI, JO BHI KEHTA HAI DIL SE KEHTA HAI.. HICH.. LAGTA HAI AAJ DAURARU:KE SATH TERI SHAYARI BHI CHADH RAHI HAI MUJHKO.
DUSRA BANDA- AMAN, MERE BHAI .. YEH DIL KA DARD AISA HAI JISKO MEIN JITNA BHI BHULAANA CHAAHU PAR YEH DARD KABHI BHI MERA PECCHA NAHI CHODHTA.

Aman- tu ussko bhula kyon nahi deta hai owais. tu toh jaanta hai ki wo kabhi bhi tere paas laut kar nahi aane waali hai. ore tujhe toh aaj tak sahi se yeh bhi nahi pata chal payaa hai ki tere liye usske dil mein kya tha. meri baat maan ore apni zindagi mein aagey badh jaa, ho sakta hai tujhe koi aisa humsafar mil jaaye jiska pyaar tujhe sab kuch bhula de.

Owaish- "mat puch mere dilbar mein ada kya hai,
yeh mat puch ki mere ishq ki wajah kya hai,
bhar de yeh jaam ore dub jaane de,
ke hosh mein aakar bhi jeena koi jeena hai.. "

Aman- kab tak tu usski yaadon ko apne seene mein issi tarah daba kar rakhega mere dost. aakhir kab tak. dekh peena apni jagah hai, lekin peene ki bhi kuch hadd hoti hai. tu aaj kal itni peene laga hai ki.. tere kehne par maine tere sath pee lee, kyonki mein nahi chahta tha ki tu yaha se apne hosh gawa kar nikle ore hamesha ki tarah teri aankhein kisi anjaan jagah par khule. abb uth ore chal yaha se apni haalat dekhi hai tune, kya haal kar rakha hai tune. ek waqt tha jab tu hi sharaab se itni nafrat karta tha ki tujhko isske naam se chidh hoti thi. ore aaj .. aaj tu khud sharaab mein duba hua hai.. chal abb khada ho, abb ore nahi ..

Owaish- Aman, mere dost..! kya rakha hai jeene mein usske bina. usski muskuraato ke bina meri zindagi ke saare rang, berang se ho gaye hai. aakhir kyon kiya ussne aisa mere sath. aakhir kyon ..!

aasuon ke bundey jo Owais ki aankhon se tapak rahi thi wo pighle hue sheeshe ki tarah aman ke dil par gir rahi thi. wo jaanta tha ki usske dost ne jisse pyaar kiya tha, pure dil se kiya tha. Owaish ka apna koi bhi nahi tha aman ke siwa iss duniya mein. owish se usski mulaqaat unn dino mein hui thi jab aman ne apni collage life ki surawaat ki thi. jald hi dono ke beech mein itni zayada patne lagi ki inn dono ki jodi pure collage mein mashoor ho gayi.tab se lekar aaj tak dono do jisam ek jaan ki tarah se ek dusre se judey hue hai.

Aman ne Owais ko apne kandhe ka sahara de rakha tha, ore Owaish apne ladhkhadaate kadmo ke sath aansuon ko bahaata hua chalne ki koshish kiye jaa raha tha. ek toh apne pyar ko khone ka dard ore upar se ussne itni zayada pee li thi ki usske hosh dheere-dheere usska sath chodhtey jaa rahey they.. Aman apne dost ke liye kuch bhi kar sakta tha, ore ussne Owais ko usske pyaar se milaane ki bhi puri kosish ki thi. par shayad waqt ko kuch ore hi manzoor tha. waqt ne usske dost ki kismat ko aisi raah par modh diya tha, jaha par sirf meelo phaila hua andhera tha ore thi yaadein jo ek dard se suru hokar dard par hi khatam hoti thi. Aaaj Owais ko apne pyaar se alag hue 5 saal ho chuke they, par aaj bhi ek pal ke liye bhi apne pyaar ko wo nahi bhula paaya tha. Aman ne bohot koshish ki, par ussey bhi apne dost ki zidd ke aagey haar maani padi.

"Kehtey hai waqt har zakham ki dawa hai, kya sach mein aisa hai?"
kuch aise bhi zakham hotey hai jo martey dum tak nasoor ki tarah hamesha chubhtey rehtey hai, hume pal-pal uss dard ka ehsaas karaatey rehtey hai jo hume kabhi kisi apne se mile they.

Owaish ne apni zindagi se samjhota toh kar liya tha par kuch chize thi jo hamesha ke liye usski zindagi se judh gayi thi. Owaish ne apne dil ke dard ko kam karne ke liye sharaab kaa jo sahara liya tha wo kabhi bhi ussey alag nahi ho payaa. din bhar toh kaam mein lagey hone ki wajah se wo sharaab se dur rehta par shaam dhaltey hi khud ba khud usske kadam sharaab ke theke ki taraf mudh jaatey they, ore waha se laane ke liye hamesha ki tarah aman ko hi jaana padhta tha.

Aaj aman ki shaadi thi, Aman ne apne dost se waada liya tha ki kam se kam wo aaj ke din daru ko hath nahi lagaayega. Owais ne bhi usski baat ko maan liya tha. shaddi ke chehel-pehel mein sabke saamne Owaish hass bol beshak raha tha par dil ka dard reh-reh kar ussko tadhpa raha tha, ussne apne dost se waada toh kar diya tha. par wo chaah kar bhi khud par control nahi kar paa raha tha. aakhirkar usske dost ki baaraat apni jagah par pauch chuki thi, saare mehmaan ek-ek karke idhar-udhar ho gaye they. waise toh Owaish ko Aman ne apne sath hi rehne ko keh rakha tha par jab aman ne dekha ki usske dost se ore zayada bardast nahi ho paa raha hai, toh ussne ussko thodi si peene ki ijazat de di..
Owais ko bhi khud ko rok paana mushkil ho raha tha toh wo unn sab se alag hokar wahi aas-paas tehelta hua ek aam-si dikhne waali jagah par chala gaya jaha baith kar wo pee sake. thodi der baith kar peene ke baad jab ussko thoda chain aaya toh waha se uthkar wo waapis uss jagah par aa gaya jaha se wo aman ore usski shaadi ko hotey hue dekh sakta tha. Wo youn peekar apne dost ki nayi zindagi mein dakhal nahi dena chahta tha.

Dur khada hokar Owaish apne dost ko dekh raha tha. usski aankhone ke saamne dheere-dheere sab kuch dhundhala hota jaa raha tha. wo iss waqt aman ki jagah par khud ko dekh raha tha. Owais ne bhi apne ore apne pyaar ke liye kuch sapne dekhe they jo aaj apne dost ki khushi ko dekhkar usski aankhon ke aagey ghum rahey they. ussne bhi kuch aisi hi zindagai ka sapna dekha tha apne liye. par, shayad waqt ki manzoori kuch ore hi thi..

saari baaraat Aman ore usski nayi dulhan ki vidaai kara kar le jaa chuke they.. Aman ke laakh kehne ke baavjud Owaish ne ussko usske bagair jaane ke liye bol diya tha. Ore khud dobaara se usske kadam ussi jagah ki ore chal diye they jaha par baithkar ussne pehle sharaab pee thi..

" sharaab mein ghul kar reh jaatey hai log,
sharaab se gum bhulaatey hai log,
kya sharaab sach mein kisi ko bhula deti hai,
mujhe toh peekar ore bhi zayada yaad aatey hai log..."

Owaish ko peete-peete kaafi waqt ho chuka tha, wo ek aam sa dhaba tha, joki puri raat hi khula rehta tha. jab dhaabe ke maalik ne dekha ki yeh banda toh rukne kaa naam hi nahi le raha hai toh wo usske paas jaakar baith gaya. Ussne apne dhaabe par kaam karne waale ek ladke se kuch khaane ke liye laane ke liye kaha. uss dhaabe ke maalik ki umar lagbhag 50 ke upar ki thi. kuch der tak toh wo Owaish ko peeta hua dekhta raha par phir ussne Owaish ke hath ko tham liya ore usse puch..
dhabe waala- kyon apni zindagi iss tarah peekar barbaad kar rahey ho..?
owaish ne ek baar nazar uthkar ussko dekha phir dobara se apna glass bharne laga..
dhabe waala- nahi batana chahtey toh tumhaari marzi .. itna bolkar wo waha se jaane laga ki tabhi usse peeche se owaish ki aawaaz aayi..
Owaish- kya karogey meri kahaani ko jaankar..
dhabe waala- dekhna chahta hu ki tumhaara dard bada hai yaa phir yeh sharaab ki botal..
Owaish- matlab, mein kuch samjah nahi..
dhabe waala- barkhurdaar, jitni tumhaari umar hai.. uss umar ke kayi log apna dard lekar roz aate hai yaha par .. lekin tum mujhe kuch alag se lagey.. wo log zayada tar gussel hotey hai lekin tum mujhko kaafi shaant se lagey, isiliye mein janna chahta hu ki kyon iss tarah se tum apni zindagi barbaad kar rahey ho.
Owaish- kya karogey aap.. chodo .. mein jaisa bhi hu theek hu.. aap ko bata kar bhi meri zindagi mein kuch badlaav nahi aane waala ..
dhabe waala- phir bhi tum chaao toh bata saktey ho..

Owaish kuch palo tak shaant rehta hai, phir bolana suru karta hai, ore jaise-jaise wo bolta jaa raha tha wo kahai khota jaa raha tha.

"wo mera dusra saal tha, jab pehli baar meri mulaqaat usse hui thi. naa chahtey hue bhi hum kisi naa kisi wajah se takra hi jaatey they ek dusre ke sath. kabhi chahtey hue toh kabhi naa chaahtey hue. issi tarah miltey-milaatey kab hum ek-dusre ke itna karib aa gaye hame pata hi nahi chala. wo ore mein ek-dusre ko be-panaah chahne lagey they. yaha tak ki apni mohabbat ka izhar bhi ussne hi kiya tha mujhse par phir achanak uss din.. uss din.."

dhabe waala- kya hua uss din..?
apna gilas dubaara bhar kar peene ke baad Owaish ne dobaara se kehna suru kiya..

"hum apne collage ke exam de chuke they, inn do saalo mein hum dono kaa sath ek aise jode ki tarah tha, jissme kabhi bhi daraar nahi aayi thi. hum dono mein bass ek chiz thi, ore wo thi pyaar.. exam ke baad humaara result bhi accha aaya.. jald hi mujhko ek acchi naukri ka offer bhi mil gaya, par dheere-dheere naa-jaane kyon humaare rishtey mein duriyaan aane lagi, pata nahi aisa kyon hua. collagey ke saal tak humaaare rishtey mein koi bhi kadhwaahat nahi thi, par phir naa jaane kyon, wo hamesha mujhse naaraaz ho jaaya karti thi.. choti-choti baat par mujhse gussa ho jaaya karti thi. pehle jaha humko kabhi bhi ek-dusre ke galati nahi dikhi wahi iss thodey se waqt mein ussey naa-jaane kyon humaara rista hi galat lagne laga. Mujhe laga ki shayad mujhse koi galati hui hogi par laakh minnato ke baad bhi humaare rishtey mein daraarey padhti chali gayi."

wo dhaabey waala Owaish ko apni nazre gadaaye hue dekhe jaa raha tha, pata nahi kyon jo dard Owaish iss waqt bayaan kar raha tha, wo ussme dubta jaa raha tha.

dhabe waala- phir kya huaa..

"wo din humaara aakhiri din tha, jab wo ore mein mile they.. mein hamesha hi ussey milkar alag sa mehsus karta tha.. aaj kayi dino ke baad hum mil rahey they. humaari mulqaat bhi acchi thi.. pura waqt wo apni mohabbat ka izhaar mujhse kar rahi thi. mein ore wo ek-dusre ke baaho mein khooye hue they .. usski har ek baat mere dil mein utar rahi thi, usski wo cheedh-chaadh, hasna , muskuraana.. lekin..lekin ..."

dhaabe waala- lekin , kya..?

"agla din meri zindagi ka sabse bura din tha. rozaana ki tarah mein taiyaar hokar apne ghar se nikla ore uss bus stand par jaakr khada ho gaya jaha se aksar wo jaaya karti thi, maine waha se ussko caal kiya .. kayi baar call karne ke baad bhi ussne mera phone nahi uthayaa .. phir jaise hi mein call kaat kar phone rakhne wala tha, ki dusri taraf se ussne phone utha liya ore bade gussey mein boli- kya laga rakha hai yeh, kyon baar-baar phone kiye jaa rahey ho.."

usske aisa bolne se mujhko thoda ajeeb laga ki tabhi ek baar ussne dobaara se mujh par chillana suru kar diya- aaj ke baad mujhe phone karne ki zarurat nahi hai, abb humaare bich mein koi bhi rishta nahi raha hai, aaj ke baad mujhko call karne ki koshish bhi mat karna.."
ore ussne phone kaat diya..
"usske baad meine usse milne ki, ussko samjhaane ki bohot koshish ki par ussne meri kabhi suni hi nahi.. pata nahi ussko, usske pyaar ko kya ho gaya ki wo mere sath aisa behave karne lagi .. mein mausam ko badaltey dekha hai, par ussme bhi thoda waqt lagta hai . .. par jiss tarah se ussne mujhse muh moda ,mujhko aaj tak samjh nahi aaya ki ussne kyon kiya aisa mere sath.. aakhir kyon..........ore phir mujhko khabar mili ki wo ore usski family ne sahar chodh diya hai, ussne mujhko yeh bhi nahi bataya ki wo yeh seher chodh kar jaa rahi hai, aakhir ussey ek-baar mujhko batana toh chaahiye tha.. "

waha uss jagah par kaafi der ke liye khamoshi chaayi rahi.. Owaish par daaru ka nasha dheere-dheere chadhta jaa raha tha, jiski wajah se wo rota-rota kab neend ki aagosh mein chala gaya ussko pata hi nahi chala..
wo dhaabe kaa maalik bhi usski kahaani sunkar thoda pareshaan ho gaya.. usski bhi samajh mein nahi aa raha tha ki uss ladki ne usske sath aisa kyon kiya .. wo bass itna hi andaaza laga paa raha tha ki shayad uss ladki ki kuch mazboori rahi hogi.. par , wo iss baat par yakeen nahi kar paa raha tha ki koi kisi ke sath aisa bhi kar sakta hai, ussne apni zindagi mein aise kayi kissey sune they, par yeh kuch alag hi tha. khair, jab usski samjh mein nahi aaya toh wo waha se uth gaya ore ek ladke ko dhaabe ka ore Owaish ka dhyaan rakhne ke liye bolkar waha se chala gaya..

subah jab dhabe ka maalik aaya toh Owaish waha se jaa chuka tha. ussne dhaabe par kaam karne waaley se Owaish ke baare mein pucha toh ussne bataya ki wo toh paise dekhar chala gaya .. dhabey waaley ke mann mein baas yahi duwa thi ki iss bandey ki hifazat kare upar wala..
______________________________________________________________
muskaan, haan yahi naam tha uss ladki ka. ek kamre mein baithi apni yaadon mein dubi hui thi, usski aankhein iss waqt aansuon se bheegi hui thi. na chahtey hue bhi ussne apne pyaar ka gala ghot diya tha. kabhi-kabhi haalat aise ho jaatey hai ki insaan chaah kar bhi sahi ka sath nahi de paata hai. muskaan ke sath bhi kuch aisa hi hua tha. jab ussne apne ghar waalo ko Owais ke baare mein bataaya toh usske ghar waalo ne usska ghar se nikalna, kissi se bhi milna sab band kar diya. kuch time tak toh ussne chup-chup kar owaish se milna jaari rakha. par dimaag mein badh rahi pareshaaniyon ore apni family ki khushi ke liye ussne apne pyaar ki kurbaani de di.
aaj muskaan ka dimaagi santulan thik nahi hai, usski shaadi ho chuki hai par aaye din wo apne puraane dino mein laut jaati hai. ussko apne present ka kuch bhi hosh nahi rehta. wo kabhi bewajah rone lag jaati hai toh kabhi chillane lag jaati hai. zayadatar waqt wo apne parents ke sath hi rehti hai. haalaat aise hai ki kabhi-kabhi wo apne parents ko bhi nahi pehchaan paati.
muskaan, sirf ek naam bann kar reh gaya hai. muskaan ki zindagi se abb muskaan hi gayab hai. usske parents chaah kar bhi apni galati ko maane ke liye taiyaar nahi hai. unhe abhi bhi lagta hai ki muskaan thik ho jaayegi. par jiski zindagi se pyaar hi nikaal diya jaaye, uss berang zindagi mein aansuon se hi rang bhare jaa saktey hai.
___________________________________________________

humaari zindagi pyaar par tiki hai. pyaar, chaahe wo kisi bhi surat mein humaare saamne ho hamaari zindagi ko khushiyon se bhar deta hai. zindagi mein pyaar nahi hai toh zindagi kisi kaam ki nahi.
jab do anjaan log ek-dusre ke karib aatey hai, milte hai, ek-dusre ko samajhtey hai, parakhtey hai toh pyaar hi hai jo ek dil ki baat ko dusre tak paucha deta hai. humaare sath bhi kabhi naa kabhi, kahi naa kahi pyaar takraa jaata hai. fark sirf itna hai ki kuch log uss pyar ko paa lete hai ore kuch se unnka pyaar chinn jaata hai. kuch apne chahne waaley ke pyaar ko apna lete hai kuch zindagi bhar tadaptey rehtey hai.
zindagi mein agar pyaar mil jaaye toh khud ba khud saari pareshaaniyaan sulajhti jaati hai ore agar zindagi mein pyaar ka sath nahi hai toh ........

hamesha ek khaalipan sa mehsus rehta hai, jissko chaah kar bhi hum bhar nahi saktey... yahi hai zindagi ki kahaani...
______________________________
"RAW - A defination for all READERS N WRITERS"
join RAW
VISIT MY THREADS..
"Andhera-A life destroyer"
AND
"KASAM-(completed)"
AND
"WARRIOR-THE ONE WHO ALIVE"