Xossip Ultimate Story Contest 2013

[Expert]

Naya Ghar

Japs

Kailash Nath apne bandh kamre me badi bechaini se chahelkadmi kar rahe the.wo betabi se bahar drawing room me baithe guests kab jaaye uski raah dekh rahe the. wo ghadi ghadi darwaje ki darar me se zaank kar ke drawing room me dekh raha tha.unke bete Nikhil ke dost aaye hue the.bahar se unhe Nikhil,uski biwi Ishani aur unke dosto ki aawaze thik se sunayi nahi de rahi thi.aur Kailash Nath kaa usse sunane me koi dhyan bhi nahi tha.unhe toh bas bich me table par pade akhbar ki jarurat thi. wo dhyan se uss akhbar ki taraf dekhne ki koshish kar raha tha.lekin waha se chai ke cup aur naashte ki dishes ke neeche daba akhbar najar nahi aa raha tha.unke 2 bhk appartment me drawing room ke alawa do bedrooms the.ek me unka beta aur bahu aur ye room me Kailash Nath.ek drawing room tha waha jab bhi Nikhil ke guests aate the Kailash Nath ko bahar aane ki manahi thi.

Kailash Nath ne ghadi me dekha.kaafi raat bit chuki thi.hall se abhi bhi sab ki baat chit aur hansi ki aawaze aa rahi thi.unhe apni iss bebasi pe rona aa raha tha.wo akhbar jo table pe pada tha uske liye aaj din bhar unho ne kaafi koshish ki thi.per unke haath nahi aaya tha.Kailash Nath ki aankho ke saamne se ek pal me pura din nikal gaya ..
***
subeh saat baje jaagkar Kailash Nath ne jaise hi balcony me se akhbar uthaya unki aankhe chamak uthi.unhone dekha aaj ke paper me unke priya kavi suresh dalal par ek vishesh article tha.saath me unki kuchh behtarin poems bhi thi...
..ye wahi poems thi jo apni college life me Kailash Nath aksar Manorama,yaani ki Nikhil ki maa ke liye gaaya karte the. kailash aur Manorama dono hi kavi suresh dalal ke bahut bade fan the.yehi shaayad wajah thi dono ki dosti fir pyar fir shaadi ki.lekin Manorama ne Kailash Nath kaa jyaada saath nahi diya.Nikhil chhota tha tabhi wo Kailash Nath kaa saath chhod kar ke hameshaa ke liye do no se door chali gayi...
Kailash Nath bhavuk ho gaye.aaj achanak unhe Manorama ki kami mehsoos ho rahi thi.jis bete ki parvarish ke liye unho ne apna sab kuchh kharch kar diya aur achchhe se achchhi taalim dilayi wahi bete ke liye ab wo boj ban gaya tha.naa hi Nikhil Kailash Nath se thik se baat karta tha naahi Ishani.

Kailash Nath jaise hi akhbar lekar apne room ki taraf badhe unhe Ishani ki ruksha aawaz sunayi di -
" papa, Nikhil jaag gaye hai.aur aapko to pata hi hai use sab se pehle chai nahi akhbar chaahiye.aap baad me padh lena " kehkar Ishani ne apna haath badhaya akhbaar lene.Kailash Nath thoda sahem kar bole-" beta,paanch minutes.main abhi de deta hun.bas ek article hi padhna hai.fir.."
"are aap baad me padh lena."Ishani ne zunzlaate hue kaha "aapko kaun saa office jaana hai.pura din pada hai.fir padh lena.aap tab tak naha lo."
Kailash Nath ne bina bole akhbar Ishani ko de diya aur apne room me chale gaye.room me lagi manoram ki tasveer ke pass wo kuchh der khade rahe.aur man hi man bol pade ; " manu,kyun tum muze akela chhor kar chali gayi?"ek ajeeb si udasi ne unke mann ko gher liya....
naha-dho kar aur pooja karne ke baad karib dus baje Kailash Nath apne room se bahar nikla.Nikhil office chala gaya tha.unho ne room me najar ghumayi ..akhbar dhundhne ke liye.tabhi Ishani ki aawaz sunayi di - " papa,chai pikar ke aap kirana store ho ke aaiye."aur ek list Kailash Nath ko thama di "use bolna saaman jaldi bhej de"

"beta,wo aaj kaa akhbaar..."
"are koi kha nahi jaayega aapke akhbar ko."Ishani ne unchi aawaz me kaha."ghar kaa saman laane jyada jururi hai yaa akhbaar?aa kar ke padh lena"
"thik hai beta"kehte hue kailashnaath ne list le li.chupchap table par padi thandi chai pi li aur bhari man se ghar ke bahar nikal gaya.
Kailash Nath ne apni colony ke nukkad par aayi kirana ki dukan par pahunchkar Ishani ki list dukan wale ko de di.fir wo aage badha.wahn aage hi uske humumra footpath pe lage benches pe baithe tehte the.iss waqt karib teen char log wahan baithe the.Kailash Nath bhi waha jaake baith gaya.sabhi bujurg log apni apni baato me vyast the.wo bhi jud gaya usme.lekin uska man nahi laga.wo char me se ek ne Kailash Nath ko pareshan dekh ke puchh-"kya baat hai kailash? aaj bhi thamdi chai mili kya?"aur sab thahaka maarke hams pade.

"are nahi Diwakar " kailash ne apne dost se kaha "aaj kuchh man nahi lag raha"
"are ab iss umar me kya mann lagana?chai pina ho to bol..verna ye roni surat karke mat baith"Diwakar ne kaha.
"thik hai fir.main jaata hun" kailash ne udaasi se kaha.aur wo jaane ke liye uth khada hua.
"ama kya nautanki hai ye?"Diwakar ne uska haath pakadke bithate hue kaha" chal bata aaj kya hua?"
"kuchh nahi.ye toh roj kaa hai.kuchh naa kuchh hota hi hai.chhor naa isse."Kailash Nath ne kaha.
"are bata bhi" Diwakar ne kaha "mann halka ho jaayega."
aur kailash fir Diwakar ke saath baato me vyast ho gaya.apne dil kaa haal sunakar usse achchha lagne laga.Diwakar ne bola - " are yaar akhbar baad me padh lena.kaun si badi baat hai."
"baat akhbar ki nahi hai.tu nahi samzega"kailash ne bhaari mann se kaha " chal yaar main chalta hun.ab akhbaar bhi padhna hai" aur wo wapis colony ki taraf chal diya.
***

ghar pahunch kar usne drg room ke table pe dekha.wo akhbaar nahi tha.use maayusi hui.tabhi Ishani kitchen se bahar aayi.
"beta,wo akhbaar padh liya? kaha hai?"kailash ne puchha.
"pata nahi."Ishani ne badi laaparwahi se kaha " aapne list de di?"
"haan.abhi saaman aa jaayega"kailash ne room me charo taraf najar daudayi.Ishani samaz gayi.usne kitchen me wapis jaate hue kaha-"are haan..paper to baju wale paarekh saab ki ladki Nita le gayi hai.uskaa result aaya hai shaayad. abhi de jaayegi."
"oh."Kailash Nath thoda nirash hue,"thik hai" wo jaise hi apni room ke taraf badhe Ishani ki aawaz fir se unke kaano me padi -"maine khana bana diya hai.kitchen me hi pada hai.mai apni kitty party me jaa rahi hun.aap kha lena."
ye baat kailashbath ke liye nayi nahi thi.usne koi jawab nahi diya.jaise hi usne Ishani ke jaane ki aawaz suni wo room se bahar nikle.aur darwaza bandh karke seedha apne padoshi Parekh ke waha pahunche.jaake Parekh ki biwi se bole -"beta,wo Nita hamare yahan se aaj kaa akhbaar laayi thi.padh liya kya?muze jara chaahiye tha"

"rukiye main dekhti hun."Parekh ki biwi ne kaha aur aawaz lagayi "Nita..."
par andar se Nita ke badle unke ladke ki aawaz aayi " mom,didi to apni friend ke wahan gayi hai.aapko batane ko bola hai.."
Parekh ki biwi ne bola - "sorry kailash ji.main bhi abhi abhi bahar se aayi hun.aap rukiye mian dekhti hum"kahekar wo ghar me wapis chali gayi.Kailash Nath darwaze par hi bechaini se intejaar kar raha tha.
kuchh der baad mrs Parekh bahar aayi aur boli - "paper to dikh nahi raha hai.shayad aapke wahan wapis de diya hoga."
"nahi ghar pe to nahi hai.Ishani ne bataya Nita ke pass hi hai"
"oh.fir Nita ko aa jaane dijiye.main turant uske haath bhijwati hun.usne kahi rakh diya hoga"mrs Parekh ne kaha.
"ji thik hai"kehkar Kailash Nath wapis ghar aa gaya.

ab kailashhnath ghar me bilkul akela tha.uska mann khayalo me dub gaya.apne room me lete lete uski aankho ke saamne se abhi tak ki jindgi rail gaadi ki jaise nikal rahi thi.kaise usne Nikhil ko padhaya,shaadi karayi,apni saari jama ponji kharch karke use ghar aur gaadi dilayi..sab kuchh.per ab Nikhil aur Ishani ko Kailash Nath jaise khatak raha tha.dono hi uss se jururat se jiyaada baat nahi karte the.sochte sochte kab use nind aa gayi use pata hi nahi chala.
uski nind udayi phone ki ghanti ne.usne dekha shaam ke 6 baj gaye the. usne zat se phone uthaya.Nikhil kaa phone tha - " hello papa,,,mai ayr Ishani raat ko der se ghar aayenge,dosto ke saath movi jaa rahe hai.bahar hi kha lenge.aap freeze me rakha subeh kaa khana kha lena."Nikhil ne badi sapaat aawaz me ailash se bola.

"thik hai beta.." usne bola bhi nahi tha aur Nikhil ne phone kaat diya.uske mann ki udaasi aur gaheri ho gayi.achanak usse yaad aaya.wo Parekh ke ghar gaya. lekin Nita abhi lauti nahi thi.wapis aa kar ke wo gumsum ghar me baitha raha.tv chalaya per usme bhi mann nahi laga.wo apne room me leta raha.pata nahi kab uski nind lag gayi.uski aankhe khuli tab usse bahar se aawaje sunayi di.Nikhil,Ishani aur uske dosto ki aawaze aa rahi thi.usne dekha .raat ke 11 baj gaye the.usne dekha to saamne manoram ki tasveer uske saamne mushkura rahi thi.sahsa use akhbaar ki yaad aa gayi.per wo drg room me jaane ki himmat juta nahi paaya.use bhookh lagi thi.per paani kaa ek glass pikar ke reh gaya.abhi kitchen me jaana matlab Nikhil kaa aur Ishani kaa status kam hona maana jaayega.wo chupchap pada raha.pata nahi kab tak..

achanak use laga ab sab jaa rahe hai.wo khada hokar ke darwaje ke pass aa gaya.darar me se dekha.Nikhil aur ishaani apne dosto ko vidaa kar rahe the.usne Nikhil ke dost Rashmi ki aawaz suni-"Niki,wo surat wali baat yaad rakhna.uncle ji ke liye thik rahega."
"sure Rashmi.main kal hi papa se baat karunga."aur sab good night kehkar alag hue.
ab Nikhil aur Ishani apne room me jaa chuke the. Kailash Nath chupke se drawing room me aaya.usne table per pade akhbaar ko zat se uthaya aur room me wapis aa gaya.uski aankho me pata nahi kyun aansoo aa gaye.aaj kal kaun kavi aur kavita ko pasand karte hai.usne wo sab kuchh padh liya jo usne kai baar pehle bhi padha hua tha.use abhi Manorama ki bahut yaad aa rahi thi.wo kavitaye jo wo apni manu ke liye gaaya karta tha.aankho me aaye aanshu ki wajeh se usse haath me pakde akhbaar me kuchh nahi dikh raha tha.usne akhbar ko fold kar ke rakh diya.aur aankhe saaf ki.tabhi uski najar akhbaar par fir se padi.fold hone se wo page ki ulti side saamne aa gayi thi jis me advertiesment chhape hue the.usne akhbaar uthakar dekha.wo advretisments me se ek per pen se round kiya hua tha.us per chhape telephone number ke niche line khinchi hui thi.usne gaur se usse padha.

vishram ghar
an old age home.
aap hue donation dekar hamare is kary me hamari sahayata kijiye.
humare yahan karib 100 se adhik bujurg log rehte hai.
aapki chhotisi sahayta unhe ek aur khushi de shakti hai.

niche address tha surat kaa aur uss jaga kaa pata aur telephone number tha.

usse kuchh samaz nahi aaya.achanak uske kaano me Rashmi ke shabd gunj uthe "Niki,surat wali baat yaad rakhna.."
"oh..ye Nikhil aur Ishani kahi muje..." Kailash Nath ki aankho se aansu fir se girne lage."shayad mera naya ghar hoga ye kal se"
______________________________
thanx for being here