Xossip Ultimate Story Contest 2013

[Expert]

MAA

baketi_expert

"Payal aa rahi hai, wo ghar ko sambhal legi. Ummeed hai tum uske sath se theek se pesh aaoge" papa ke ye shabd ab bhi mere kano me gunj rahe the. Mujhe jyada hairaani nahi hui thi ye sun kar. Mujhe pata tha ki ye to hona hi hai. Papa office jaa chuke the aur mai sofe par baitha ghadi ko ghur raha tha. Samay lagataar aage badh raha tha lekin mere khyaal piche bhaag rahe the.
Maa ko payal se sakht nafrat thi. Maa payal ko papa ki rakhail manti thi. Aksar hi mere maa-papa me payal ko lekar jhagda hota tha. Aakhirkaar ek din maa ne saaf bol diya ki agar payal ka ghar me aana jana band nahi hua to wo mujhe lekar ghar chhod dengi. Us din ke baad payal kabhi bhi humare ghar me nahi dikhi.

Ghar me payal ka aana bhale hi band ho gaya tha lekin papa ke kaarnaame abhi band nahi hue the. Aaye din kisi na kisi parichit dwara papa aur payal ke kisse maa ko pata chal hi jaate the. Papa ke pyaar ka graph upar chhad raha tha aur maa ki tabiyat neeche. Maa ab mushkil se hi uth pati thi. Sara din wo bistar par pade pata nahi kya soch kar roti rahti thi. Maa kabhi batati nahi thi lekin mujhe maloom tha unki is haalat ki jimmedaar payal thi. Papa ko in sab baato se koi matlab nahi tha. Wo to bas is avsar ka pura fayda utha rahe the.

Do din pahle doctor ne maa ka check up karne baad kaha ki maa ko hospital me admit karwa dena uchit rahega. Papa ko bhala is baat se kya aapatti ho sakti thi. Maa ko hospital me bharti karwa diya gaya. Maa ko pal pal marte dekhne se yahi acha tha ki wo hospital me rahe. Jaane se pahle maa ne mujhse kaha tha "billi ke jaane ke baad chuhiya ko is ghar ki rani mat banne dena."
doorbell ki awaaj mujhe ateet se kheech kar vapas le aayi. Maine jaakar darwaj khola to saamne payal ko khada paya. Payal ne gulabi rang ka tank top aur kaale rang ki mini skirt pahni hui thi. Uske chehre par ek rahasyamayi muskaan thi. Mai andar aakar sofe par baith gaya. Thodi der me payal mere saamne wale sofe par baithi hui thi. "kitchen us taraf hai" maine bina uske taraf dekhe kaha. "maloom hai" uski laparwaahi bhari awaaj mujhe sunayi di.

"tumhari tabiyat to theek hai na?" payal ki awaaj kamre me pasre sannaate ko chirti hui mujhe sunayi di.
"haa"
"to phir yu gawar ladkiyo ki tarah sar jhuka kar kyu baithe ho?" payal ne kaha aur hasne lagi. Maine apni najre naa chahte hue bhi payal ke chehre par tika di aur uske chehre ka avlokan karne laga. Uske chehre par najar padte hi mujhe bistar par padi chupchaap aansu bahaati meri maa ki yaad aa gayi.
"tumhe apni sundarta par bahut ghamand hai na?" maine puri nafrat ke sath pucha.
"haa hai to kyuki meri Isi khubsurti ke piche hi to tumhare baap jaise log apni laar tapkaate ghumte hai aur mujh par apne paise udaate hai. Lekin mujhe bahut dukh hota hai jab unka ghar mere vajah se tut jata hai" payal ne jawab diya aur hasne lagi. Uski besharmi dekh mere seene me uske liye nafrat aur badh gayi. Maine apni jeb me hath dala aur jeb me padi ek choti sheeshi ko bahar nikaal liya.

"tumhe ye jaankar bahut khushi hogi ke ab tumhe dusro ke ghar tutne par dukhi nahi hona padega" maine us sheeshi ka dhakkan kholte hue kaha. Payal kuch samajh pati ya meri baat ka koi jawab de paati us se pahle hi sheeshi me bhara hua tejab payal ka chehre jalane laga tha.
______________________________
1:- LAT-LAG-GAYI RUNNING WITH DAILY UPDATES
2:- HALKAT-JAWANI (MY NEW HOT STORY)(WITH INDEX)
3:-BECHARA-DIL-KYA-KARE(COMPLETED)
4:-hawas -a mega thread of hottest incest stories (running)