Adultery Supriya: Ek Jawan Biwi ki Kahani

[Sriya2]

Update 84

Shaam hone ko aayi thi aur Iqbal ab tak ghar nahi pahucha tha. Supriya ki bechaini har minute ke saath badti jaa rahi thi aur uske mann mein bure bure khayal chal rahe they. Kahin Lucknow mein Iqbal pakda toh nahi gaya tha. Ya kahin woh use yahan chhod kar bhaag toh nahi gaya tha? Woh koshish karti ke dimaag mein se is khayalo ko nikaal de, par woh reh reh kar use sata rahe they.

Woh rasoi ghar mein raat ke khane mein Rubina ka haath bata rahi thi ki kaam karte karte uske aankhon se ek aasu beh kar neeche tapka.

Rubina ko uski halat kharab hoti dikh rahi thi - Kya hua... itni pareshaan kyu ho rahi ho... woh aa jayega... kahin fas gaya hoga...

Supriya ne halke se rote rote kaha - Aur woh nahi aaye toh?

Tabhi ghar ke darwaze ke aangan mein ek aawaz si hui, aur Supriya jaldi se bahar ki aur bhaagi. Uska dil buri tarah halchal kar raha tha, aur use wahan saamne Iqbal dikhayi diya. Use dekh kar uski jaan mein jaan wapas aayi, par saath hi aisa lag raha tha ki jaise woh abhi behosh ho kar gir na jaye. Uske theek peeche Rubina use thaame hue khadi thi.

Iqbal Hina se baat kar raha tha, Hina shayad usse pooch rahi thi ki chachu uske liye shehar se kya lekar aaye they. Aur Iqbal use chhida raha tha.

Tabhi Rubina ne unki aur zor se aawaz lagayi - Iqbal.... kahan reh gaye they... na koi call na khabar... dekh zara is ladki ka kya haal ho rakha hai...

Iqbal aur Hina ek dam chhup se gaye, aur Iqbal Supriya ke murjhaye hue chhehre ki aur dekhne laga. Supriya ki aankhein laal thi, aur aisa lag raha tha ki jaise woh abhi foot foot kar rone lagegi.

Rubina ne halke se Supriya ki peeth par haath fera - Jaa tu upar chali jaa... aur Iqbal tum bhi...

Supriya jaldi se seediyan chadd kar apne kamre mein pahuch gayi, taaki koi use rote na dekh sake. Andar pahuch kar uske aansu bahe jaa rahe they. Kuch der baad Iqbal bhi wahan pahucha aur bina khatkhataye andar aa gaya. Uske haath mein do bade bade kapde ke thaile they. Use andar aate dekh Supriya ne apna muh fer liya taaki woh use rote na dekh paaye.

Iqbal ne halke se kaha - Aap theek toh hai...

Supriya ne subakte hue kaha - Haan... main theek hoon...

Iqbal - Lag toh nahi raha...

Supriya - Aap kahan reh gaye they... mujhe kuch samajh nahi aa raha tha... bas bure bure khayal aa rahe they...

Iqbal - Oh acha... haan woh main shehar mein thodi kharidaari kar raha tha... aapke liye...

Supriya - Aap bhabhi ko ek call ya message hi kar dete ki aap kab tak aayoge... kharidaari jaroori thi ya wapas aana... pata nahi aapko ki aap kahan gaye they...

Iqbal - Jee.. haan shayad message toh daal hi dena chahiye tha....

Supriya ne apne aansu poche aur apne aap ko normal karne ki koshish kari. Aur fir woh sawaal pooch daala jo subah se poochne ko betaab thi - Aap wahan Vikram se mil paaye they kya...

Iqbal - Jee woh... main kya bolu... samajh hi nahi aa raha...

Supriya - Bataiye na... wahan kya hua? Aap unse nahi mil paaye?

Iqbal - Main din se unke office ke bahar hi khada tha, aur jaise hi woh bahar nikle main unse bas kuch palo ke liye baat kar paaya...

Supriya ke andar thodi si umeed jagi aur uski aankhon mein fir se ek chamak aa gayi - Kya kaha unhone... mere baare mein baat hui kya?

Iqbal - Jee... unhone mujhe pehchanne se mana kar diya... aur bola ki...

Supriya ke chhehre ka rang fir se badal gaya - Aur kya bola?

Iqbal chup ho gaya aur neeche ki aur dekhne laga.

Supriya - Please jaldi bataiye na... main kab se intezaar kar rahi hoon...

Iqbal - Unhone kaha.... ki woh kisi Supriya ko nahi jaante... aur shayad mujhe koi galat fehmi hui hai...

Supriya buri tarah chhaunkte hue boli - Kya!!!! Aisa kaise keh sakte ho woh!!

Iqbal - Shhh.... thoda dheere... kahin bahar koi sun na le...

Supriya ki saans ukhad rahi thi, aur aisa lag raha tha ki poora kamra ghoom raha ho - Par Vikram.... Vikram aisa kaise bol sakte hai...

Iqbal - Woh sab toh mujhe nahi pata... bas jo kaha woh bata raha hoon aapko...

Supriya bistar par baith gayi, uski aankhein saamne dekh rahi thi par nahi bhi dekh rahi thi. Use kuch samajh nahi aa raha tha ki Vikram aisa kaisa bol sakte they. Woh toh usse beinteha pyaar karte they. Kahin koi galatfehmi toh nahi hui?

Supriya ne Iqbal ki aur dekha - Unke saath koi aur bhi tha kya wahan...

Iqbal - Aap ye pooch rahi hai...

Supriya - Nahi kya pata woh bas kisi ke darr se ye bol rahe ho...

Iqbal - Jee... unke saath ek ladki thi wahan...

Supriya ne socha ki kya pata us samay Isha Vikram ke saath khadi ho - Ladki ya ek aurat? Koi 35-40 saal ki, thodi moti par bahut jyada nahi...

Iqbal - Jee nahi... aisi toh nahi thi woh... patli si jawaan ladki thi koi, aur woh Vikram ki gaadi mein peeche unke saath baith gayi thi... par pata nahi kaun thi woh...

Supriya ka dil buri tarah baith chuka tha, Vikram shayad use bhula kar ek nayi ladki ko apne jaal mein fasa chuka tha. Is baar uski aankhon se aasu nahi bas ek nafrat ki jwala si jal rahi thi. Woh kitni badi bewakoof thi jo Vikram ke pyaar mein pad kar usne apni poori jindagi tabah kar di. Yahan woh kitni besabri se Vikram ka intezaar kar rahi thi aur Vikram ne kitni aasani se use bhula diya.

Supriya ke shareer palang par jam sa gaya tha, uski aankhon ke saamne andhera sa chhaane laga tha. Supriya ko pata bhi nahi chala par woh palang par peeche gir gayi thi. Iqbal hadbadate hue uski aur bhaaga par woh shayad behosh ho chuki thi.

__________________________________________

Jab Supriya ki aankh khuli toh uske maathe par ek geeli patti thi aur uske barabar mein Hina baithi hui thi.

Supriya ko aankh kholte dekh, Hina ne zor se aawaz lagayi - Chachi ko hosh aa gaya....

Rubina shayad kamre ke bahar hi khadi thi aur woh turant andar aa gayi aur Hina ki aur ghoor kar dekha, jaise use dheere bolne ke liye ishaara kar rahi ho.

Iqbal bhi kamre ke darwaze par hi khada tha aur Supriya ki aur dekh raha tha.

Rubina aakar Supriya ke paas baith gayi - Ye lo... paani piyo... 

Rubina ne Supriya ko thoda sa sahara diya aur use bistar par tek laga kar bitha diya. Woh use apne haath se paani pilane lagi.

Supriya ka sir abhi chakra sa raha tha - Pata nahi kya hua... ek dam se sab andhera sa ho gaya tha...

Rubina - Ab kaisa mehsoos kar rahi ho....

Supriya - Ummm... thoda theek....

Rubina - Hina.... ja zara Chachi ke liye neeche se fal le aa...

Hina fauraan khadi ho kar neeche ki aur bhaag padi. Uske jaate hi Iqbal ne do teen kadam aur andar ki aur le liye they.

Rubina - Maine kaha tha na subah ki itna kaam mat karo.... ab dekho tumhare miyan ji bol rahe hai ki mere jaate hi meri fool se biwi se itna kaam karwa diya ki woh behosh ho gayi... kuch khane ko bhi nahi diya...

Iqbal bolne ko hua tha ki Rubina ne use haath se ishaara karke chup kar diya.

Supriya apne chhehre par ek jhoothi si muskurahat laayi - Aisa kuch nahi... bas pata nahi kaise chakkar sa aa gaya...

Rubina - Ammi ji ko toh laga ki unhe khushkhabri sunne ko milegi... par unhe samjhana pada ki bas tumhe thoda bukhaar hai...

Rubina ne Iqbal aur Supriya dono ki aur dekha - Ab bas jaldi se unhe khushkhabri de hi do.... woh apne pote ka muh dekhna chahti hai...

Supriya kuch bolti isse pehle Hina neeche se ek seb kaat kar le aayi thi. Woh Supriya ke paas baith kar use seb khilane lagi. Supriya ka mann toh kafi toota hua sa tha, par woh Hina ko mana nahi kar paayi. Kuch der baad Hina aur Rubina, wahan se neeche chale gaye aur kamre mein bas Iqbal aur Supriya reh gaye.

Iqbal ne darwaze par kundi lagayi - Aap ab kaisa mehsoos kar rahi hai...

Supriya ne mari hui si aawaz mein kaha - Theek hu...

Iqbal - Maaf kijiye aapko ye sab mere muh se sunni padi...

Supriya - Isme aapki kya galti hai...

Iqbal - Aap so jaiye... hum log kal baat karte hai... main aapke liye jo samaan laaya tha woh bhi toh aapko dikhana hai...

Supriya ne halke se sir hilaya aur Iqbal ne kamre ki light off kar di. Woh bistar par aakar let gaya. Supriya bhi fir se thoda neeche sarak gayi aur usne apne aap ko chaddar se dhak liya. Uska dimaag toh jaise kaam karna hi band ho gaya tha. Kuch bhi sochne ki shakti hi chali gayi ho jaise. Aur jaise hi purane khayal mann mein aane lage, uski halki halki subkiyan nikalne lagi. Woh cheekhna chahti par uski aawaz hi nahi nikal rahi thi.



Kuch der aise hi woh halki halki aawaz mein roti rahi, tabhi uske kandhe par Iqbal ka haath pada jisse woh ek dam se chhaunk gayi.

Iqbal - Aap jyada mat sochiye... so jaiye... sab theek ho jayega...

Supriya palang par lete hue Iqbal ki aur mudi, andhere mein uska chhehra saaf toh nazar nahi aa raha tha par woh use dekh paa rahi thi. Woh usse bahut door nahi leta tha aaj.

Supriya ne halke se kaha - Kya theek ho jayega? Main toh kahin ki nahi rahi....

Uska rona ab fir se halka sa tez ho gaya tha.

Iqbal ne uske haath ko halke se pakadte hue kaha - Aap fiqr mat kijiye... main hoon na aapke liye... 

Supriya ko is samay rone ke liye ek kanda chahiye tha, aur woh sarak kar Iqbal ki aur nazdeek ho gayi. Aur fir apna muh uske seene mein chhupa liya. Woh uske seene par muh lagaye rone lagi thi, aur Iqbal ke haath uski baahon ko pakde hue uske apne paas kheech rahe they.

Iqbal ne us par poora haq jatate hue uski taango par apni taange rakh di aur woh poori tarah se Iqbal ke neeche sama gayi. Iqbal ka bhaar uske bhaari dukhi mann ko halka sa kar raha tha, aur kafi der Supriya aise hi Iqbal mein samaye roti rahi, aur use pata hi nahi chala ki kab uski aankh lag gayi thi.