Xossip Ultimate Story Contest 2015

[Expert]

" The Dream "

harshit1890

" i know i am not beautiful... " usne bhavuk hote hue kaha jise dekh mene uska hath apne hathon mein liya , " look into my eyes , dekho in ankhon se , you are the most beautiful girl .. " meri baat sun ke vo meri ankhon mein dekhne toh lagi lekin yakin usne phir bhi nahi kiya , " i know you love me tabhi tum keh rahe ho par you know na i want to be a star... i want to be on that stage jahan har koi sirf mujhe dekhe , ye pura world mujhe dekhe...par mujhe pata hai mein khubsurat nahi hun... "

" ye sirf tumhara veham hai , tuu--tu-tum bahut khubsurat ho supriya , agar tumhare liye y.a.ahi.. jaruri hai toh mein tu-tuu-tumhe promise karta hun ki tumhara ye dream aaj se mein apna bana lunga.. " galla saaf karte hue mene apni baat kahi jise sun kar uska chehra khil utha aur vo mere galle lag gayi...

" uss din ke baad supriya ke dream ko mene aise apnaya jaise vo mera khud ka ho " dinner karte hue usne apne atit ki kuch jhalkiyan batai jisko batate hue uske chehre pe muskan tair ayi.

" kisi ke dream mein uska sath dena , use pura karna , thats true love sameer , she is very lucky girl , par tumne abhi tak nahi bataya ki supriya akhir hai kahan... mujhe use milna hai " chehekte chehre ke sath usne kaha jise sun kar sameer ne apni chamach plate mein rakh di..
" vo tumse nahi mil sakti sheetal ... "
" kyun.... "

" because she's dead... " sameer ne behad shant lehaze mein apni baat kahi aur apni plate utha ke kitchen mein chala gaya.
kuch pal baad...
" i am sorry sameer ... i am really very sorry .. " abhi sheetal ne itna hi kaha ki sameer muskurate hue uski taraf ghuma aur bade shant lehaze mein use pucha .

" coffee... " kuch pal dono hall mein aise hi baithe rahe aur phir jigyasa purvak sawal liye baithi sheetal ne apna sawal kiya...

" vaise sameer mene ek chiz notice ki hai ki supriya ki photos har jagah lagi hai , i mean they are beautiful but normally ghar ke har hisse mein photos nahi lagi hoti isliye kuch ajeeb laga.. " ye sawal karte hue sheetal ka dil zoron se dhadak raha tha kyun ki vo nahi chahti thi ki uski koi bhi baat sameer ko hurt kare.

vahin sameer ne is baat ka jawab behad sehaz lehaze mein diya , " kyun ki mein supriya ko har hisse mein mehsus karna chahta hun.. " jawab sunte hi sheetal ne santushti bhari gehri sans chori.

" bahut pyar karte the tum use... " sheetal ne pyari muskan ke sath apna sawal pucha.
" hmm-mm... "

" bahut mushkil hota hoga tumhare liye uske bina , i mean kisi ko itna pyar karo aur vo achanak se yun chala jaye , life is like a death... " bolne ke baad bhi sheetal ki nazar sameer ke chehre se judi rahi.

" nahi.. bilkul mushkil nahi hai... kyun ki vo mere sath hai , uska sharir mere sath hai.. " halki muskan ke sath sameer ne kaha. " everytime i close my eyes , she is there with me ... " ankhein band karke sameer sofe ka tek leke baith gaya...

sheetal ek pal use dekhti hui ye sochne lagi ki kya ye sirf ek dikhawa hai apne dukh ko chupane ka ya phir hakikat mein sameer ne apne aap ko is tarah dhal liya hai , " par sameer supriya ki death hui kaise.." akhir sheetal ne vo sawal puch liya jo vo shuru se puchna chahti thi. uska sawal sunte hi sameer ne apni ankhein kholi aur sheetal ki ankhon mein dekhte hue bola.

" i killed her... sheetal " sameer ki baat sunte hi sheetal ki dhadkan tezz ho gayi.
" what..t.... " kampte honton ke bich se uske muh se ye shabad nikle aur vo aise baith gayi mano koi sans leta pathar ho.
" my dream killed her.. " sameer ki baat sunte hi sheetal ne aise sans chori mano kayi salon se rok ke rakhi ho.
" tumne toh dara hi diya tha.. "

" par mein issi dar ke sath roz jee raha hun ki mene supriya ko khud se chin liya.. " narmi ke sath sameer ne kaha aur coffee ka mug table par rakh diya.

" aisa kuch nahi hai sameer , dont blame yourself.. " sheetal ne apna hath aage badhaya aur sameer ke hath ke uppar rakh diya. hathon ka sparsh patte hi sameer ne apni nazarein utha ke sheetal ki taraf dekha aur dono ki nazrein kuch pal ke liye apas mein judi rahi phir kuch sochte hue sheetal ne apna hath hata liya.

kuch pal na toh vo kuch keh saki aur na hi sameer kuch bola , " if you dont mind sameer kya tum ye bataoge ki aisa kya hua tha jiski wajah se tumhe lagta hai supriya ki death tumhari wajah se hui ? " sheetal ka sawal sunte hi sameer ek pal ke liye chup baitha raha aur phir shabdon ko jodte hue lafzon se bayan karne laga..

" 2 sal ho gaye is baat ko , supriya photoshoot karke aksar late ghar vapis aya karti thi , us raat vo kuch jaldi ayi , mein khush tha aur vo bhi khush thi kyun ki aaj kaffi time baad hum sath mein dinner karne valle the lekin tabhi use ek aur photoshoot ka call aya . usne mana kar diya lekin mene use force karke bhej diya kyun ki mein nahi chahta tha ki hum dono ke pyar ki wajah se uske career mein kuch nuksan ho , vo abhi settle hona shuru hi hui thi . kaffi samjhane ke baad usne meri baat mani aur vo photoshoot ke liye ghar se nikal gayi. par mujhe ye nahi pata tha ki mera yun zid karke use bhejna mujh par is tarah bhari padega. " sameer itna kehke ek pal ke liye shant ho gaya.

" mein puri raat uska intezar karta raha lekin vo vapis nahi ayi , phone bhi uska switch off aa raha tha. subh hote hi mein uss studio jaa pahucha jahan vo kal raat gayi thi lekin jab vahan pahucha toh pata chala ki vo vahan kal raat ayi hi nahi thi , iss baat ne mujhe andar tak dara diya , mein fauran security officer station pahucha jahan unhone missing ki report darz kar li. waqt guzarta gaya , din hafton mein badale , hafte mahine mein lekin supriya ka kuch pata nahi chala. phir ek din inspector ne mujhe vo khabar di jisne meri sari ummid ko khatam kar diya... " gehri sans chorte hue sameer ne apne chehre ko apne hath se pocha aur phir aage batane laga.

" unhone mujhe kuch photos dikhai , jisme sirf lashein thi vo bhi bahut buri halat mein , katte hue sharir ke tukde , bahut behremi se mara gaya tha un aurton ko . mein ye samajh nahi paa raha tha ki inspector mujhe aisi photos kyun dikha raha hai ki tabhi .. tabhi unhone mujhse kaha ki ye sab lashein unhe ussi studio ke pass mein banne nalle mein padi milli. par mere man mein ye sawal ghum raha tha ki supriya ki lash kisi bhi photo mein nahi thi toh phir kaise mein man lun ki supriya ka bhi yahi haal hua hai. par jab inspector ne mujhe supriya ka phone diya aur ye bataya ki ye phone ussi jagah se mila hai tab meri bachi hui har ummid khatam ho gayi aur us waqt mein samajh gaya ki ab mein supriya se kabhi nahi mil paunga" sameer ki baat sun kar sheetal kuch nahi keh payi vo samajh rahi thi pyar ko is tarah khone ka gum sameer kis tarah jhel raha hoga..

" kya supriya ki lash kabhi... " sheetal ne apna sawal itne mein hi rok diya.
" nahi sheetal .. security officer ko jo sharir mile un sab ki aisi halat hi nahi thi ki usme kisi insan ko pehchana ja sake.. "
" par ye sab kiya kisne aur kyun... kya security officer uska pata nahi laga payi.. "
" security officer ke mutabik ye murder koi Psycho killer hi kar sakta hai , par security officer use abhi tak dhund nahi payi hai. "
" lekin supriya hi kyun.. aisi kya dushmani ho sakti thi us insan ki supriya se.. " sheetal ne kuch sochte hue khud se aur sameer se sawal kiya.

" sirf supriya nahi sheetal.. security officer ke hisaab se jitni bhi lashein mili thi vo shayad un ladkiyun ki thi jo modelling karti thi aur ye baat bhi security officer isliye keh rahi thi kyun ki jitno ki missing report darj hui thi unme se jadatar sabhi ladkiyan modelling kar rahi thi.. aur shayad us psycho ne issi wajah se us raat supriya ko bhi...." sameer itna keh ke shant ho gaya aur iske baad sheetal ne bhi aage koi sawal nahi kiya...

" kudrat ka khel bhi ajeeb hai .. kehte toh ye hai ki kuch paa-ne ke liye kuch khona padta hai par mujhe ye nahi pata tha ki ek dream ko paa-ne ke liye mujhe apne pyar ki zindagi ko khona padega , agar aisa mujhe pehle se pata hota toh mein kabhi supriya ko is sapne ke piche nahi bhagata. par kismat aur kudrat dono jab apne khel khelte hai toh hum insan kuch samajh hi nahi patte tabhi toh dekho abhi mein un yadon ko bhulne ki kosish kar raha tha ki usne tumhe mere samne laa khada kiya. " sameer ne ek fikki muskan ke sath sheetal ko dekha.

" jo ho gaya use badla toh nahi ja sakta par we have to move on sameer , tumse jada pyar supriya ko koi aur nahi kar sakta tha.. " sheetal ki baat sun kar sameer thoda relax hua aur sheetal ki ankhon mein dekhte hue han mein sar hilane laga . sheetal use shant hota dekh halka sa muskurai aur coffee ka ek sip lekar mug ko table par rakh diya.

" tumne sahi kaha sameer kismat kya kar de pata nahi , hum dono ko hi dekh lo 1 mahine se mil rahe hain ek dusre se lekin tumhari life ka sabse important chapter mujhe aaj pata chal raha hai aur shayad chalta bhi nahi agar supriya ki photo mene na dekhi hoti ... "

" waqt ke aage hum sab majbur hote hain sheetal vo jo chahta hai hota hai , hamara milna bhi shayad waqt ne khud banaya tha . " itna keh kar sameer sheetal ko dekhne laga , ek baar phir dono ki nazrein apas mein ja mili , aisa hi kuch hua tha 1 mahine pehle..

Sameer supriya ke liye itna pagal ho gaya tha ki vo roz studio ke chakkar lagata ye dekhne ke liye ki kahin uski supriya vapis toh nahi aa gayi , andar hi andar vo janta tha ki aisa nahi hoga par dil ke aage majbur uska rozana ka ye routine hua karta tha aur phir ek din uski mulakat sheetal se studio mein hui jisne sab kuch badal diya. dhire - dhire dono ki baat-cheet shuru hui aur issi baat-cheet mein sheetal ko sameer pasand anne laga , dono ki mulakatein badhne lagi aur phir ek din sheetal ne supriya ki photo dekh li jiske baad sheetal ke kayi sawalon ka jawab dene ke liye sameer ne sheetal ko apne ghar dinner ke liye invite kiya....

dono abhi ek dusre ki ankhon mein dekh rahe the , sheetal kuch kehna cha rahi thi par tabhi uski ankhein halki halki band hone lagi aur use halka halka chakkar sa anne laga..

" hey any problem.. " sameer ne uski band ankhon ko dekhte hue pucha.
" no , i am ok , i just need to use a washroom " sheetal apni jagah se khadi hui aur washroom ki taraf badh gayi.

chehre ko panni se achi tarah dhone ke baad sheetal thodi relax hui . towel se chehra saaf karte hue jaise hi uski nazar samne wall pe padi toh vo vahan dekhti reh gayi , samne supriya ki photo lagi hui thi. jise dekhte hi vo uske samne jaa khadi hui aur usne frame ko deewar se utar liya.

" tumhari photo jab dekhi thi tab laga tha ki shayad sameer ko mera pyar karna bekar ho jayega par ab jab pata chal gaya hai ki tum is duniya mein hi nahi ho toh dil mein iss baat ki ummid jagi hai ki vo mere pyar ko aur mere dream ko samjhega , mujhe apna pyar aur apna sath dega , vaise bhi mujh mein aur tum mein koi farak hi kahan hai .. " kuch pal tasveer ke sath baat karte hue sheetal soch mein dub gayi par jab vo frame ko vapis apni jagah lagane gayi tab samne ka nazara dekh hairan reh gayi. jahan se usne frame hataya tha uske piche deewar ki jagah ek kagaz laga tha jispe ek number likha tha.

" ' 197 ' .. " paper pe likha number lal rang se likha tha , sheetal ne un akshron ko hath se chua , " frame ke piche aisa paper strange.. " khud se baat karte hue usne frame ko vapis vahin laga diya. lekin man mein chal rahe ek sawal ko vo nikal nahi paa rahi thi ki ye number aur paper frame ke piche kyun laga hai , vo kuch pal yun khadi sochti rahi phir akhir mein usne frame ko vapis hataya aur paper ko uppari hisse se hata kar andar dekhne ki kosish karne lagi par kuch saaf nahi dikha toh usne uss paper ko thoda aur hataya toh vo pura hi deewar se nikal kar niche gir gaya..

" oh shit... " usne jhuk kar vo paper uthaya aur jaise hi usne samne dekha uske hath se paper aur frame dono gir gaye aur usne apna muh fauran apne hath se band kar liya jise jo cheekh uske muh se nikalne valli thi vo uske muh mein hi dab ke reh jaye. samne ka nazara dekh uski ankhein badi ho chuki thi , dar ke mare uska pura sharir kampne laga tha . samne us chote se ched mein rakhe katte hue hath ko dekhte hue uske dimag mein vo jawab ghuma jiska sawal usne khud pucha tha...

" supriya ki photo ghar ke har hisse mein kyun.. "
" kyun ki mein supriya ke har hisse ko har jagah mehsus karna chahta hun.. "

use samjhte der nahi lagi ki ' 197 ' ka asli matlab sheetal ke sharir ke tukdon ka ek number hai , sheetal tezz kadmo se bahar nikali aur hall mein ayi jahan sameer aram se baitha coffee pi raha tha. sheetal bina uski taraf dekhe hi ghar se bahar nikalne ko hui ki tabhi sameer ki awaz ne uske kadam halke se rok diye....

" kya hua sheetal kahan jaa rahi ho "

" vo.. voo.. sameer. vo.. important call aya hai mujhe abhi jana hai " kisi tarah apne dar aur bhavukta ko apne andar chupate hue sheetal ne jawab diya aur uska jawab bina sune jane lagi lekin vo kuch hi kadam aur badhi ki uske pair ladkhada gaye aur vo zameen pe ek jinda lash ki tarah lait gayi...

andhera har khaufnak pal ka gawah hota hai ya yun kahun ki har khaufnak khel andhere mein khela jata kyun ki andhera hi ek matr aisi cheez hai jo har shaitan ko chupa ke rakhta hai.....

jaise hi dimag hosh mein ana shuru hua toh use is baat ka ehsas hua ki uske hath aur pair chain se bandhe hue hain . usne apni dhundli ankhon se samne dekha toh uske samne koi khada kuch kat raha hai jiski awaz uske kano mein ghus rahi hai aur phir usne apni halat ko dekha , apne sharir ko dekha jise dekhte hi uski ankhon se dhundla pan gayab ho gaya , uska pura sharir bina kapdon ke lal gadhe rang ke niche bicha hua tha jise dekhte hi uske muh se cheekh nikal gayi kyun ki ab uska dimag puri tarah se hosh mein aa chuka tha aur vo samajh chuki thi ki vo is waqt kaha hai aur kiske sath hai...

" help...... help someone..pleasee.. help.... " sheetal ne jaise hi cheekhna shuru kiya ussi samay samne se aa rahi katne ki awaz band ho gayi .

" chup ho jaa sali.... chup ho jaa....dikh nahi raha kaam kar raha hun.. " sameer gusse mein nazrein piche ghumate hue bola , uske hath mein ek tezz dhardar chaku tha jispe khoon laga hua tha , jise dekhte hi sheetal aur zor se chillane lagi.

usko zor zor se chillata dekh sameer ne us chaku ko vahin table pe gadh diya , " ye ladkiya bhi na .. sar mein dard kar deti hai sali.. aaa..aaa.. aa... maa.. chillati rahengi bevkuf sali.. " jhinjhinate hue sameer ne kaha aur table pe rakhi choti se balti mein kuch mans ke tukde bhare aur sheetal ki taraf badh chala.

jaise jaise sheetal sameer ko apne pass atte dekh rahi thi vaise vaise uske sharir mein dar ki kampan badhti ja rahi thi , kuch hi pal mein sameer uske piche jaa khada hua aur balti uske sharir ke uppar palat di jise sarre mans ke tukde uske sharir pe fisalte hue zameen pe jaa gire par kuch chote tukde uske sharir se chipak gaye.

sameer piche se aage aya aur sheetal ke sharir ko dekhne laga , sheetal ne darte hue behad kam awaz mein kaha..

" please.. sameer... let me go.. mein kisi ko kuch nahi bataungi please... " uski awaz sun sameer ne apna hath aage badhaya aur uska sina dabane laga , " paun paun.. paun paun.. " dabate hue usne apne dant dikha diye. " ache horn hai tere.. paun paun.. haa..... " dant dikhate hue sameer ne sheetal ke sine pe chipke chote se mans ke tukde ko uthaya aur use muh mein dal ke chabane laga. " hamm.. " aur phir apni jagah pe vapis chala gaya , ye dekhte hi sheetal gusse mein chilla padi.

" you are sick... you bloody idiot... khol mujhe.. khol.. " sheetal chillati rahi lekin sameer ko koi asar nahi hua. kuch der chillane ke baad vo jor - jor se rone lagi , emotions uske uppar havi ho rahe the , sameer apne katne ke kaam mein laga hua tha jiski awaz sheetal ko aur pagal kar rahi thi..

" you are bloody psycho sameer , bloody psycho , mein janti hun tumne mara hai supriya ko aur un sabhi ladkiyun ko.. tum sirf ek psycho ho aur kuch nahi.. tumhe koi pyar nahi kar sakta , you are just a bloody psycho " sheetal ne kharash awaz mein kaha jise sunte hi sameer ne apna kaam band kar diya aur vo ghum ke sheetal ko dekhta hua uske pass aa pahucha.

" kya kaha tune... han.. ki mein ..k...kabhi.. p..p..pyar nahi kar sakta.. mere se jada supriya ko koi bhi p..p..pyar nahi kar sakta samjhi.. vo..vo.. thi jisne mujhe kabhi p..pyar nahi kiya .. use sirf apni khubsurti se pyar tha apne jism se pyar tha.. kya nahi kiya mene uske liye.. uska..d.d...dream apna banaya aur usne mujhe waqt bhi nahi diya.. " sameer ne kehte hue sheetal ki gardan pakad li. " janti hai tu hafton tak mene aur usne sex nahi kiya tha.. uss raat bhi mene use kaha toh usne mana kar diya , itne pyar se khana banaya par vo bina khaye chali gayi.. uss din mene soch liya ki ab use mere sath rehna hi padega isliye mar diya mene use aur rakh liya apne pass...ise kehte hai pyar samjhi , pagal kahin ki.. " sameer ne kehte hue sheetal ke kan ko muh mein daba liya aur unhe chusne laga , sheetal ghin ke mare apne hath pair hilane lagi.

" hamm tera taste thoda alag hai .. " hat-te hue sameer ne kaha aur sheetal ko ghurne laga .
" tum supriya ko toh mar chuke ho toh ab kyun bakki ladkiyun ko bhi mar rahe ho.. " sawal sunte hi sameer ke mathe pe bal badh gaya aur vo phir apni table ke pass jaa khada hua.

" sab ki sab sali ek hi jaisi hoti ho tum .. sirf khud se pyar.. are kahe ka pyar.. " jhallate hue gusse mein sameer ne table pe zoron se hath mara jaise vo apni hi baat sochte hue gussa kar raha ho , " sali sharir dikhayengi apni khubsurti dikhayengi , un bechare ladkon ko kyun nahi dikhati jo sale bechare unse pyar karte hain , unhe toh bas apna dream pura karne ke liye rakhti hai sali kutiya kahin ki..jada sharir dikhane ka shauk tha na kar diya mene unke sharir ko alag ab dikha le jisko dikhana hai.... " khud ki baton par vo muskura pada.

sheetal samajh gayi ki agar use sameer ke iss pagal pan se bach ke yahan se jana hai toh usko is baat ka yakeen dilana hoga ki vo use bahut pyar karti hai..

" sameer i am sorry.. mein samjhti hu tumhari baton ko , tumne apna sab kuch deke supriya ko pyar kiya par usne apne dream ke aage tumhare pyar ko thukra diya par mein aisi nahi hun , yakeen mano mera mein tumhe sach mein pyar karti hun , mujhe mera dream nahi tumse pyar hai.. " sheetal ki narmi dekh sameer ne uski taraf dekha aur phir table pe padi choti si balti uthai jisme thoda khoon bhara tha. balti leke vo uske pass aya.

" pyar karti hai na mujhse.. " sameer ki baat sun kar sheetal ne han mein gardan hilai jiske hilte hi sameer ne balti mein bhara khoon uske muh pe de mara.
" ahh.. " sheetal iss chiz ke liye taiyar nahi thi usne apni ankhein band ki aur phir khol ke sameer ko ghurne lagi.

" chal ab iss khoon ko chat kar sabit kar ki tu mujhse pyar karti hai.. " sheetal sameer ki baat sun kar apni fati ankhon se use ghurne lagi , andar hi andar uska gussa sameer ke iss pagal pan ko dekh badhta jaa raha tha aur akhir vo gussa bahar nikal gaya. usne sameer ke muh pe thuk diya.. " you are a psycho murdrer tumhe mein kya koi pyar nahi kar sakta.. tum pyar ke liye nahi bane ho kyun ki tum insan nahi janwar ho janwar... "

" aeee.. chupp ho jaa..chup ho jaa.. " sameer bhannate hue bola lekin sheetal chup nahi hui vo bolti chali gayi , sheetal ki baatein sameer ko pagal bana rahi thi usne apna sar pakad liya " chup ho jaa sali.. kutiya chup ho jaa... " par sheetal chup nahi hui aur akhir mein sameer ne table pe gada chaku uthaya aur uska ek stan kat dala . stan ke katte hi khoon ki dhar tezi se beh nikali aur sheetal dard ke mare chilla padi.

" aaah-hhhh... " uska pura sharir dard ke mare kampne laga . uska stan aage se kat chuka tha aur usme se khoon panni ki tarah nikal ke zameen pe jama ho raha tha.

" chup ho jaa kutiyaa.... " sameer ne sheetal ke chehre ke kareeb jatte hue bola par vo dard bhari chekhein rukti bhi toh kaise . vo cheekhein nahi ruki aur sameer ka pagal pan badhta gaya aur akhir mein usne us chaku se sheetal ki gardan ko uske dhad se alag kar diya.

" chup ho sali kutiya.. chup ho jaa... " gehri gehri sans lete hue sameer sheetal ke bejan sharir ko ghurne laga jiski gardan valle hisse se khoon beh kar niche aa raha tha , " sali itni der se bol raha tha chup ho ja par nahi mani aur kehti pyar karti hu...thu... " sameer ne uske sharir pe thuka , " sab sali ek jaisi hi hoti hai... " aur phir uske sharir ko chaku se katne laga.

kuch der baad....
sameer gehri gehri sans lete hue deewar ke sahare baitha tha , uska pura chehra khoon se tar batar tha tabhi uski nazar sheetal ke katte hue sar pe padi , usne sar ko uthaya aur uske chehre ko ghurne laga.

" tera sirf ye chehra hi supriya ki tarah nahi dikhta balki tera dimag bhi ussi ki tarah hai.. bilkul vaisa.. sun rahi hai na tu... " sameer ne chillate hue kaha. " aise kya dekh rahi hai.. chal ankhein niche kar apni... mene kaha na niche kar... niche kar sali in ankhon ko.... arghhh... kar niche .... " gusse mein pagal hokar usne sheetal ke sar ko zor zor se zameen pe marna shuru kar diya aur tab tak marta chala gaya jab tak uska pura chehra bigad nahi gaya. akhir mein usne uska sar vahin ek kone mein fainka aur hanste hue deewar ke sahare baith gaya..

" dekha supriya mene tere dream ko aur tujhe kitna pyar kiya ki tujhe do - do bar mar diya.. haha... "

The End

______________________________
Tough Journey Till Completion 
Haunted(Dead Evil Returns)
Baat Uss Raat Ki...
Lust " Kimat " Love...