Xossip Ultimate Story Contest 2015

[Expert]

Adhuri kahani

Frankthekount

---

Us raat baarish bahut hi tej ho rahi thi sadko par pani kafi jyada bhar chuka tha aur ye koi time bhi to nahi tha ki sadko par nikla jaye par kya karee is sahar me koi sota hi nahi hai ab drive karna mushkil tha maine car ko vahi par choda aur paidal hi aage ko badhne laga ittefaq se street light bhi na ke barabar thi kabhi jal jata kabhi bujh jata ek najar maine idhar udhar dali aur baarish se bachne ke liye chate ko khol diya aur pani me chap chap karte huve aage ko badhne laga pata nahi kitne dino ke baad aaj maine ye taja hava mehsoos ki thi varna jaise in aalishan imarato me bane chambers me hi kaid hokar reh gaya tha mai,
Kuch door chala hi tha ki tabhi ek ladki bhagti huvi aakar mere chate me ghus gayi aur apni bheegi huvi julfo ki lato ko chehre par se hata te huve boli, sorry baarish bahut tej hai bheeg rahi thi to …….. maine kaha it’s okay par andar se mai thoda hil sa gaya tha kahi koi chorni na ho par kapdo se to theek hi lagti thi aur vaise bhi ye mumbai thi par vo kehte hai na ki kismat thodi door chalne ke baad vo chata tej havao aur barish ko seh nahi paya aur ek side se khul gaya to ab hum dono hi baarish me bheegne lage bhaag kar ek showroom ke chajje tak gaye

Vaise time to kuch jyada nahi tha par barsat ki vajah se market shayad jaldi hi band ho gayi thi vo ladki meri or dekh ke halki si muskurai to maine bhi smile se javab de diya aur us se kuch door khada ho gaya hava ke saath saat barish ki boonde hum par padne lagi thi vo baar baar apne mobile ko check kar rahi thi uske chehre par kuch jhunjhlahat thi akhir maine puch liya ki kuch problem hai , to vo boli ki ghar par phone kar rahi hu par shayad pani se geela ho gaya , maine apna mobile dekha kaam kar raha tha to usko dete huve kaha ki is se kar lo , ghar par baat karte huve usko dekha to uske chehre par ek khusi si dikhi

Uski vo lat baar baar uske chehre par aajati thi maine shayad usko dekhne me thoda jyada samay le liya tha to vo uncomfertable hone lagi par jaldi hi mujhe meri galti ka bhaanho gaya aur maine kaha ghar kaha hai aapka to vo boli, karib 20 minute ki doori to hogi hi par baarish itni tej hai ki soch rahi hu kaise jaungi maine kaha sadko ki halat kharab hai to taxi bhi nahi milegi uske mathe par shikan bhar aayi beshak prime city thi par ek ladki raat ko sadak par safe nahi thi maine kaha chalo mai tumhare ghar tak saath chalta hu idhar kab tak pareshan rahogi aur fir time bhi kharab hai

Usne kaha it’s ok. Maine kaha dekhiye, mai chalta hu aapke saath aap ne beshak ghar par baat kar li hai par gharvalo ko fikar to hogi hi na idhar aap pareshan udhar vo usne kuch socha aur fir boli theek hai vaise mai ladkiyo se bahut hi kam baat karta tha aur is se mera kuch lena dena bhi nahi tha par na jane mujhe uski kuch fikar si huvi, uske hath me kuch shopping bags the maine kaha lao mujhe de do shayad use kuch jhijak si ho rahi thi aur sahi bhi tha aajkal ajnabiyo par kon bharosha karta hai, bheegte huve hum galiyo ko par karte huve uske gharki taraf badh rahe the

Hum chal to rahe the par khamoshi se na vo kuch boli aur na maine kuch kaha vo bees minute ki doori me dedh ghanta lag gaya hume par dil me ek khushi si thi ki kisi ki help kar raha tha akhir hum uski building par pahuch gaye usne mujhe thanks kaha aur kaha ki pls chai pikar hi jana par maine kaha ki mujhe bhi ghar jana hoga to vo bus muskura ke reh gayi vo andar chali gayi aur mai kuch der use jate hvue dekhta raha wo raat bhi beet gayi aur vo baat bhi par kismat kya karva de hume kuch pata hi nahi chalta

Us din bathroom me mera panv fisal gaya aur chot lag gayi hospital me doctor ko dekh kar mai chounk gaya ye to vohi ladki thi usne mujhe dekha aur boli aap maine kaha to aap doctor hai vo boli ji haa chot kuch jyada gambheer nahi thi usne kaccha plastar kar diya aur boli bed rest karna hoga aapko uski bato se jyada mera dhyaan uske balo ki us lat par tha jo baar baar uske chehre par aa jati thi, vo boli us din to aapne chai ke liye mana kar diya par aaj to pini hi padegi aur mai mana bhi nahi kar paya

Bato bato me pata chala ki uska naam ritu tha, umar koi hogi mere jaisi hi 26-27 saal khoobsurat itni to nahi thi par ek kasish si mehsoos ki maine khair do bar mil chuka tha us se ghar aane ke baad mai so hi raha tha ki sapne me laga ki jaise vo aayi ho meri aankhe jhat se khul gayi dekha to khamoshi chayi thi kamre me mai tha aur mera akela pan fir puri raat neend nahi aayi na jane kya baat thi baar baar aankho k saamne ritu ki hi tasvir aa rahi thi

Din gujarte gaye, chot bhi theek ho gayi thi us shaam mai bus ghar jane ke liye nikal hi raha tha ki tabhi mere assistant ne bataya ki sir loan ke liye ek urgent application aayi huvi hai aur kaam ka itna pressure tha ki sir aapse approve hi nahi karva paya pls consider kar lijiye sab kuch verify kar liya hai maine bus aapke sign baki hai maine kaha theek hai dekh leta hu, maine file dekhi to ye to ritu ki application thi na jane kyo mai muskura pada kuch hi minute me uska loan pass ho gaya maine check taiyar karvaya aur socha ki personally hi de deta hu use

Asal me na jane kyo mai kuch betab sa tha us se milne ke liye, agli dophahar mai half day lekar bank se nikal gaya , aur hospital pahuch gaya ritu se mila aur usko uska loan ka checqu dete huve bola pehle hi bata deti to kab ka manage ho gaya hota vo boli mujhe kaha pata tha ki aap loan manager hai aur has padi,uski vo muskaan mere dil me utarti chali gayi, pata nahi kaise mere muh se nikal gaya ki loan pass huva hai party to banti hai usne kaha yee bhi koi kehne ki baat hai par place meri pasand ka hoga maine kaha ji bilkul

Us shaam, hum band stand ke ek chote se café me baithe the ye pehli baar tha jab mai kisi ladki ke saath aaya tha, ye shuruaat thi meri aur ritu ki dosti ki , us shaam humne karib teen ghante saath bitaye laga ki jaise maine apna jivan hi jee liya ho uske saath behad hi simple si ladki thi vo par bate bahut karti thi usne mera phone number le liya maine uska wo shaam kaisa jadu sa kar gayi thi mujh par. Din gujarte ja rahe the

Par mera man kaam me na lage, bank me baithe baithe bus dhyaan ritu par hi jaye mera phone ki ringtone romantic set ho gayi thi aaj kal mai kuch alag alag sa mehsoos karne lagatha kabhi kabhi khud se hi bat karta kabhi bin baat muskura padta, aksar hum apni shame saath gujarne lage the usi café me hamari bate chalti har gujarte lamhe ke saath vo mujhe apne aur karib lagne lagi thi ek din hum aise hi baithe the ki ritu boli tum me na bilkul bhi fashion sence nahi hai maine kaha to tum hi sikha do kuch vo mujhe ek store le gayi aur apni pasand se kuch kapde select kiye

Do-char dino me mera makeover karva diya tha usne ye uska hi asar tha ki mai puri tarah se badal gaya tha mai sochata tha ki zindagi to ye hai itne dino se to mai bus sans hi le raha tha hum apas me bhaut hi ghul mil gaye the best friend ki tarah se par kahi na kahi mujhe aisa lagne laga tha ki mujhe pyar hone laga hai ritu se, uske andaaj se mujhe bhi aisa lagta tha ki mujhe bhi chahti hai vo par mai izhaar karne me ghabra raha tha kabhi vo naraj na ho jaye

Us din mera janamdin tha subha hi ritu ka phone aa gaya tha usne kaha kya gift chahiye maine kaha kuch nahi par usne baar baar kaha to maine keh diya ki tumhari zindagi ka ek din de do mujhe phone par kuch der khamoshi cha gayi mai uske javab ka intzaar karta raha 2-3-5 minute beet gaye vo hi khamoshi fir usne kaha theek hai wo din meri zindagi ka ek behtarin din tha pura din ritu ke saath ghoomta raha mai kuch shopping kuch fun pata hi nahi chala time kaise kat gaya tha


Wo raat, maine kaha ritu dinner mere ghar par karenge maine pehle hi sab kuch soch liya tha , aaj pehli bar ritu mere ghar aa rahi thi uske swagat me mai koi kami nahi rakhna chahta tha, ritu andar aayi aur boli ghar to bahut shaandar hai tumhara maine kaha aise hi hai, khana tabe par saj chuka tha , vo boli mai parosti hu ye meri khushnasibi thi vo mujhe apne hatho se kahna khilane lagi us pal mai jaise kahi kho gaya tha usko dulhan ke roop me kalpana karn laga mai vo boli are kaha kho gaye to mera dhyaan toota

Pata nahi kab bahar baarish shuru ho gayi thi dinner ke baad hum coffe ke sip le hi rahe the ki ight chali gayi, mombati jala di gayi us ki roshni me neeli saadi me ritu bahut hi sundar lag rahi thi maine socha kya aaj apne dil ki baat bata du usko kya ye sahi time hai maine khidki khol di thandi hava andar aane lagi mombati bujh gayi mai usko jalane ke liye palta hi tha ki ritu se takra gaya maine sorry kaha hi tha ki tabhi biji kadki aur vo dar se meri baho me samati chai gayi ye mera pehla avsar tha jab maine usko chuva tha

Mere hath uski peeth par kas gaye vo chipak si gayi thi mujh se un do char lamho me maine bahut kuch mehsoos kar liya tha jise mai shabdo me byaan nahi kar sakta , tabhi light aa gayi to vo mujhse door hati usne kaha maaf karna vo mujhe bijli se bahut dar lagta hai aur sofe ki taraf badhne lagi maine thodi himmat ki aur uska hath pakad lia wo boli kya ……. Maine kaha ritu I want to tell you something vo boli ha sun rahi hu mai

Mai apne dil ki baat use kehne hi ja raha tha ki tabhi fir se light chali gayi uska hath mere hath me tha maine usko halke se dabaya aur ritu ko apni baho me kheech liya ritu boli ye kya kar rahe ho chodo mujhee ritu boli mujhe lagta hai ki ab mujhe ghar jana chahiye maine kaha pls thodi der aur par vo boli nahi mujhe jana hi hoga varna kahi hum eek dusre eki najro me na gir jaye usne gate khola bahar nikal gayi mujhe laga ki ritu naraaj ho gayi hai kuch dino tak uska koi phone nahi aaya aur mai bhi kar nahi paaya

Fir ek shaam uska message aaya ki vo kahi bahar gayi huvi thi to reply nahi kiya aur hum dono agle din band stand par beer pe rahe the maine kaha yaar mai socha ki tum naaraj ho gayi ho isiliye phone nahi kiya vo boli naaraj kisliye maine kaha vo us raat vo boli are vo dekho mai us raat sochi ki kahi kuch aisa na ho jaye jo baad me hum dono ki dosti pe aanch laye isiiye mai chali gayi tum samajh rahe ho na mai kya kehna chah rahi hu maine gardan hila kar uski baat ka samarthan kiya .

Ritu jabse meri jindagi me aayi thi vo khali jagah jaise bhar si gayi thi dil yu hi gujar te gaye februry ka mahina aa gaya tha feb 12th ki baat hai maine pakka soch liya tha ki is valentine mai apne dil ki baat ritu ko bata kar hi rahunga aur us shaam uska phone aaya usne kaha ki 14 ko mai uske ghar aau vo mujhe kuch batana chahti hai maine kaha kamal hai mai bhi tumhe kuch batana chahta hu, vo boli to bata do abhi maine kaha nahi 14 ko hi bataunga

Maine socha ki shayad vo bhi apne pyar ka izhaar karna chahti hai par ghar par kyo bulaya usne shayad apne gharvalo k e saamne direct shaadi ki hi baat karegi valentine ka din mai saj dhaj kar dopahar ko uske ghar pahuch gaya hatho me taje mahakte gulab ka guldasta lekar aaj mai ritu ko apna bana lene vaala tha , lift li aur uske floor par pahuch gaya bell bajayi to ritu ne gate khola khushi se mere gale lag gayi vo laal surkh saadi me kya gajab lag rahi thi vo mera to dil hi kabu se bahar ho gaya tha

Mai uske roop ko nihar raha tha ki vo boli, gate par hi rahoge ya andar bhi aaoge, to mai andar aa gaya vo boli tum do minute ruko mai abhi aayi fir vo coffee lekar aayi to meri najar uski mang par padi ye kya usne sindoor lagaya huva tha maine socha ki kuch ladkiya aajkal fashion ke liye bhi sindoor laga leti hai par fir bhi mere dil me kuch hone laga maine kaha ritu batao tum kya batane vali thi to usne kaha ha bus do pal ruko usne fir avaj lagayi to andar se ek aadmi bahar aaya usne kaha tej inse milo ye hai rahul mere pati

Mere pati….. kya maine sahi suna tha ritu boli rahul ye tej hai mera best frined inhone bahut help ki meri , rahul ne mujhse hath milaya aur baithte huve bola tej aapka ahsaan hai aapne ritu ko sambhala mere piche se actually mai army me hu aur border area me dushmano ne pakad liya tha to pure 4 saal baad mai vapis aaya hu. Mai ab kya bolta mai to rone ko ho gaya mere armman bikhar rahe the . ritu boli tej maine to ummid hi chod di thi par chamatkar ho gaya us raat achanak se hi rahul aa gaye meri khushiyo ko lekar

Sachi mujhe to vishvash hi nahi huva par meri khushhiya laut aayi thi tej , maine bahut roka par sale aansu chalak hi aaye gala rundh gaya mera ek taraf meri duniya hi ujad si gayi thi au dusri taraf ritu ka meet lot aaya tha mai utha bus uske sar par hath rakha aur vaha se nikal ayaa vo guldasta udhar hi reh gaya meri tarah adhura