ARJUN vs ZAHEER

[Greenwood]

Update 119




Next Scene – The Sudden Fall

Shaam ka waqt tha. Arjun ke ghar ka drawing room poore doston ke hansi–mazak se goonj raha tha.
Arjun aur Zaheer ek doosre ko chhed rahe the ki kaun zyada heroic pose banata hai jab media ke saamne khada hota hai. Ammu sofa ke kone par baithi muskaan daba rahi thi, aur Shanu unke upar taana maar rahi thi ki tum dono ko ab sirf acting award milna chahiye.

Hawa me halke music ke jaise laughter ghoom raha tha.
Routine ab bilkul waisa hi lag raha tha jaise pehle hota tha.

Shanu uthti hai aur kehti hai
Ruko main sabke liye chai le aati hoon, fir tum dono ke fake heroism pe aur roast karungi.

Wo kitchen ki taraf chali jaati hai.
Sab apne mazaak me lage rehte hain—Arjun aur Zaheer ka friendly–taunt session, Ammu ka hasna.

Lekin agle hi pal… ek zor ka thud ki awaaz aati hai.
Sab chup ho jaate hain.

Ammu pehle react karti hai
Shanu?

Arjun, Zaheer aur Ammu teenon ek saath kitchen ki taraf daudte hain.
Aur dekhte hain—Shanu zameen par padi hoti hai, chai ke cup side me bikhre hue, aur uska chehra safed pad chuka tha.

Arjun turant uske paas jhukta hai
Shanu… Shanu… aankhein kholo!

Zaheer bhi panic me kehta hai
Yeh kya ho raha hai isse?

Ammu rokti hui awaaz me bolti hai
Arjun… hospital le chalo jaldi!

Room ka atmosphere jo abhi thodi der pehle laughter aur normalcy se bhara tha, ek hi pal me shock aur khauf me badal gaya.

Hospital Scene – Hilarious Twist

White–washed hospital ke corridor me ek heavy silence chhaya tha.
Shanu bed pe be-hos padi thi, machines beep kar rahi thi, aur doctor uski reports check kar rahi thi.
Arjun, Ammu aur Zaheer door ke bahar aise khade the jaise kisi ka faisla sunne wale mulzim ho.

Kuch pal baad doctor door khol kar bahar aayi. Uske chehre par ek mystery wali smile thi.

Arjun turant bhaag kar aage aaya
Doctor… Shanu theek toh hai na?

Doctor ne halki si teasing tone me kaha
Pehle mujhe yeh bataiye… inke pati kaha hain?

Bas itna sunnte hi corridor freeze ho gaya.
Arjun ka chehra ekdum chalk–white.
Ammu ki aankhein plate ki tarah badi ho gayi.
Aur Zaheer apne hosh khona laga jaise abhi faint karega.

Arjun ki awaaz phat gayi
Doctor… aap kya keh rahi ho?!

Doctor full smile me bolti hai
Please, unke husband ko inform kar dijiye… she is pregnant.

Yeh keh ke doctor apna file band karti hui aage chali gayi jaise usne abhi koi nuclear bomb drop kar diya ho.

Aur waha…
Arjun wahi ke wahi freeze ho gaya. Jaise statue ban gaya ho. Uske dimaag me sirf ek hi baat ghoom rahi thi – pati?? Pregnant??
Ammu ki aankhein badi ho gayi thi lekin aankhon me confusion bhi utna hi tha.
Zaheer bechaara apna balance hi khokar ekdum peeche bachi hui bench par dhad se gir gaya.

Doctor ja chuki thi, lekin uske lafz abhi bhi hawa me ghoom rahe the — “She is pregnant… inke pati kaha hai?”

Arjun wahi jam gaya tha, phir dheere se uski gardan ghoomi… seedha Zaheer ki taraf.
Uski aankhein full suspicion mode me thi.

Zaheer pehle toh blank face banata hai, phir ekdum awkward si weird smile deta hai jaise ki uski koi chori pakdi gayi ho.
Uske dant chamak rahe the, aankhon me guilt + comedy + bachpana sab ek sath.

Arjun garajh uthta hai
Oyeee Zaheeer… tu… tu hi hai naaa iska zimmedaar?!

Zaheer turant bench se uchhal kar khada ho gaya
Arrey pagle! Main toh bas chai pi raha tha kal raat… main kya jaano pregnancy kya hoti hai!

Arjun gusse me aage badha
Main abhi teri haddiyan tod dunga… bhai behen ka rishta barbaad karke rakha hai tune!

Zaheer turant corridor ke dusre side bhaagne laga
Arjun uske picche full speed se daudta hua…

Arjun chillata hua
Zaheeer! Aaj main tujhe hospital me admit kara ke chhodunga!

Zaheer bhaagte bhaagte ulti galiyan deta hai
Mainu chhod Arjunnn… doctor ne toh bola husband, mujhe sasur bana diya Ammu ne!

Aur Ammu?
Wo toh dono ko rokne unke piche bhagti hai

Nurse aur staff corridor me ek dusre ko dekh ke confused… yeh hospital hai ya comedy show chal raha hai?

Arjun ne Zaheer ko corner me daba rakha tha, dono ka scene WWE vs. Comedy Circus jaisa tha.

Arjun ke mukke baarish ki tarah gir rahe the, beech beech me laate bhi chala raha tha.

Zaheer zor zor se chilla raha tha
Arre maar mat Arjun… meri toh shaadi bhi nahi hui abhi… main toh abhi bachcha hi hoon!

Ammu dono ke beech apni poori jaan laga kar unhe alag karne ki koshish kar rahi thi
Bas karo tum dono, log dekh rahe hain, yeh hospital hai akhada nahi!

Tabhi peeche se halki si awaz aati hai…
Arjunnn?

Sab freeze.

Dheere dheere sabki nazar ek hi taraf ghoomi.
Shanu hospital ke kapdon me, abhi abhi hosh me aayi, apna IV stand sambhalte hue corridor me aa gayi thi.
Uska chehra abhi bhi halka sa behaal tha, lekin aankhon me ek bada sawal.

Shanu hairani se puchti hai
Yeh kya ho raha hai yaha? Tum dono ek dusre ki jaan kyu le rahe ho?

Arjun, Zaheer, Ammu — teeno ek sath uski taraf dekhte hai.
Aur teeno ke chehre pe caught red-handed waali awkward silence.

Ek second ke liye koi kuch nahi bolta.
Arjun ke haath hawa me freeze ho gaye, Zaheer ke muh se bas ek halki si suki hahah… nikalti hai, Ammu ka bas chale toh zameen phat jaye aur wo usme gir jaye.

Shanu phir se puchti hai, is baar zyada teekhe tone me
Bataoge bhi, ya main khud andaza lagau?

Aur sabhi ek dusre ke chehre dekhne lagte hai — jaise cricket ka ball hawa me ghoom raha ho aur koi samajh na pa raha ho ki catch kaun lega.

Hospital Comedy Chase Scene

Doctor corridor se guzarti hai, clipboard haath me, aur Shanu ki taraf dekh kar muskurati hai.

Doctor
Are wah, aap hosh me aa gayi. Mubarak ho, aap maa banne wali hain… aap to lagti bahut young ho, phir bhi congratulations!

Doctor itna bolkar aage nikal jaati hai.
Shanu ek dum freeze. Ek second tak bas aankhen phaad kar Arjun, Zaheer aur Ammu ki taraf dekhti hai.

Agle hi pal Shanu ka chehra laal pad jata hai gusse se.
Wo Zaheer ki taraf ungli dikhati hai.

Shanu
Zaheeer… tuu…!!!

Zaheer ki hawa tight. Wo ek awkward si smile ke sath peeche hatne lagta hai.

Zaheer
Are nahi nahi, tu sun to le Shanu… yeh sab galat fehmi hai, doctor ki galti hai! Main to… main to abhi innocent version hu…

Shanu seedha bhaag kar uske piche padti hai.
Hospital gown hawa me ud raha hai, IV tube latak rahi hai.

Zaheer corridor me bhaagta hai.
Uske piche Shanu, uske piche Arjun, aur sabse last me Ammu.

Sab apne dialogues chillate hue:

Zaheer (bhaagte bhaagte, guilt me)
Main kasam khaata hu, maine kuch nahi kiya! Mujhe bachaoo, doctor ko bulao, main abhi test karata hu!

Shanu (zaheer ke piche galiya barsati hui)
Aye namune! Mujhe apni biwi samjh liya tha kya? Agar mai tujhe pakad gayi na to itna thappad marungi ki tujhe apna naam bhi yaad nahi rahega!

Arjun (ghabrahat me chilla kar)
Shanu ruk ja, tu abhi patient hai! IV tube khul jaayegi, doctor gussa ho jaayenge!

Ammu (Arjun ke piche bhaagte hue)
Arjunnn! Tu bhi dhyaan rakh, tujhe plaster laga hai! Kahin tu bhi na gir jaaye!

Poora hospital ka corridor unke shor se guunj uthta hai.
Nurse aur ward boy raste se hatt kar confused faces ke sath dekhte hai, ek patient to apne drip stand ke sath corner me chipak jata hai.

Aur chase scene freeze hota hai ek hilarious snapshot pe — Zaheer aage panic me bhaagta hua, Shanu uske piche gusse me chilati hui, Arjun shanu ko rokne ke chakkar me aur Ammu Arjun ke piche chillati hui.

Scene – Azhar aur Pratap ka gussa


Frame cut hota hai ek dum tension bhare ghar ke atmosphere par.
Pehle Azhar House.

Zaheer saamne khada hai, sar jhukaye, aankhon me guilt. Ammu corner me khamosh baithi hai.
Azhar ka chehra gusse se laal, uski awaaz darwazon ki deewarein hila deti hai.

Azhar
Meri naak katwa di tune! Pura sheher, pura news channel chillaa raha hai… aur tu? Tu iss ghar ke izzat ko mitti me mila raha hai.

Zaheer kuch kehna chahta hai, par Azhar uske lafz kaat deta hai.

Azhar
Nikal ja mere ghar se! Aaj ke baad main tujhe apna beta kehne layak bhi nahi!

Azhar ek zor ka dhakka deta hai.
Zaheer ladkhadate hue bahar girta hai. Ammu turant daud kar usse sambhalti hai, aankhon me aansu, par kuch keh nahi paati.
Door zor se band ho jaata hai.

Cut to Pratap House.

Living room me Pratap aur Madhu sofa par khade Arjun ke paas Shanu ko ghurte hai.
Shanu sar jhukai hui, aankhon me aansu, abhi bhi hospital gown me.

Madhu (dil par haath rakhte hue)
Yehi din dekhna baaki reh gaya tha! Ek ladki hote hue ghar ki maryada ko tu ne chura diya, Shanu.

Pratap (gusse se table thappad maarte hue)
Hamari parvarish par kalank laga diya tune!

Shanu ro padti hai, bas itna keh paati hai…
Shanu
Papa… main… main…

Arjun beech me aake khada ho jata hai. Uska chehra bandage ke bawajood fierce tha, aankhen protectiveness se bharpur.

Arjun
Bas! Bahut ho gaya, Papa!
Main janta hoon Shanu se galti hui hai… lekin wo akele zimmedar nahi hai. Aapko kya lagta hai? Usne khud apna haal aisa kar liya? Sabke peeche ek kahani hoti hai, par aap log… aap log uski baat sunne ko tayyar hi nahi ho.

Madhu aankhen phaad kar Arjun ko dekhti hai.
Pratap gusse me aur garajta hai, par Arjun ki awaaz uske dil me echo hoti hai.

Arjun (Shanu ke shoulder par haath rakh kar)
Aaj main apni behen ke liye khada hoon. Kyunke wo meri zimmedari hai… aur main usse akela nahi chhodne wala.

Shanu apni aankhen Arjun ki taraf uthati hai — pehli baar usse kuch himmat milti hai.

Scene – Gali ke bahar chai ki tapri

Raat ka waqt tha, gali ke ek kone par chhoti si chai ki tapri abhi bhi khuli hui thi. Ek tube light ki halki si peeli roshni, plastic ki kursiyan, aur thandi hawa me chai ki bhaap.

Zaheer ek kursi par jhuk kar baitha tha, dono haathon se ek chhoti si chai ki glass pakad rakhi thi. Nazar neeche, aankhen sujh kar laal ho gayi thi. Uske dil me ek ajeeb sa khud se ghin aur guilt chal raha tha.

Tabhi peeche se ek awaaz aayi.
Arjun
Ek aur glass chai dena bhaiya… strong wali.

Zaheer ka dil ek pal ko ruk gaya. Dheere se usne sir uthaya — saamne Arjun khada tha. Wahi dosti wali confident body language, lekin aankhon ke andar bhi thakan aur bojh saaf dikh raha tha.

Arjun Zaheer ke saamne aake kursi kheench kar baith gaya. Dono kuch pal chup rahe. Sirf tapri ka chammach ke steel glass se takraane ki awaz aa rahi thi.

Aakhir Zaheer ne halki si awaaz me poocha.
Zaheer
Shanu… kaisi hai?

Arjun ne uski taraf dekha. Uski aankhon me protectiveness aur ek bhai ka dard tha.
Arjun
Thik hai… zinda hai. Lekin ro ro ke apna bura haal kar liya hai.

Zaheer ne apne chai ka glass table par rakh diya. Uske chehre par guilt aur sharm dono mil gaye the.
Dono ke beech phir ek gehri khamoshi chha gayi. Hawa thodi tez chal rahi thi, aur ek kuta door se bhonk raha tha.

Dono doston ke beech wo silence sirf silence nahi tha, balki dosti, guilt, aur unka apna apna dard sab kuch keh raha tha.

Thodi der tak dono bas chup baithe rahe. Zaheer apni chai ke glass ke andar ghurta raha jaise usi mein saare jawab milein, aur Arjun apne haath ke joints daba raha tha jaise andar ke pressure ko control kar raha ho.


Aakhir Arjun ne khamoshi todhi.
Arjun
Zaheer… tujhse ek baat sach sach kehni hai.
Main Ammu se mohabbat karta hoon. Bahut pehle se. Lekin is darr me jeeta raha ki shayad tu mere khilaaf ho jayega.
Aur jab maine dekha tu uski shaadi ki baat kar raha hai kisi aur se… lagta tha sab khatam ho gaya.

Zaheer ki aankhon me aansu bhar aaye. Usne ek thandi saans li, aur Arjun ki taraf dekha.
Zaheer
Arjun… mujhe bhi tujhse ek baat kehni thi kab se.
Meri mohabbat… Shanu hai. Teri behen.
Lekin main khud ko rokta raha, kyunki sochta tha ki tu kabhi accept nahi karega.
Aur sach kahoon… main bhi darr gaya tha society, family… sabse.

Arjun ne uski taraf ek lambi nazar dali, phir ek ajeeb sa smile aaya uske chehre par.
Arjun
Pagal… tu samajhta kya hai mujhe?
Main apni behen ke aansuon ko dekh kar mar raha hoon. Agar uski khushi tere saath hai… to main ab tum dono ke bich nahi aaunga,
Jo bhi hua humare bich wo ek nightmare tha hum dono ke liye... Agar humare bich wo sab nahi hua hota to shayd hum apne dil ki baat ek dusre ko batane se darte nahi

Fir ek khamoshi 

Aur rahi baat Ammu ki… tu samajhta hai main tujhe uske beech aane dunga?

Zaheer thoda hansa, phir aankh pochne laga.
Zaheer
Tu na… ek number ka pagal hai.
Dushman ban ke bhi dost lagta hai.

Dono ki baatein sun ke chai wala bhi muskuraya. Ek garam chai ke glass dono ke saamne rakhte hue bola,
Chaiwala
Bhai, lagta hai aaj dosti ki chai pi jaayegi.

Arjun aur Zaheer ne ek dusre ki taraf dekha, dono ne ek saath apne chai ke glass uthaye. Dono ke chehre par pehli baar ek sacchi wali sukoon ki muskaan thi.

Scene – Azhar ka Monologue (Late Night)

Ghar ka andhera shaant tha. Sirf ek purana pendulum clock tick-tick karta hua sunayi de raha tha. Drawing room ki light bujhi hui thi, bas ek chhoti si lamp ki roshni table par rakhi Samia ki photo par gir rahi thi. Azhar ne ek thandi saans li, ek glass paani uthaya, par pee nahi paaya. Uske pair wapas usi photo ke paas le aaye.

Azhar dheere se kursi par baith gaya, dono haath photo frame par rakhe jaise Samia ka haath pakad raha ho. Uski awaaz bhari hui thi.

Azhar
Samia… tu hoti na, to shayad aaj yeh sab na hota.
Main sochta hoon, kya galti meri thi?
Main apne kaam, apne ideals mein itna ulajh gaya ki apne bachchon ke dil ke jazbaat samajh hi nahi paaya.

(Thoda ruk kar, aankh band karke)
Aaj mera Zaheer… jis par main fakhr karta tha… jisne apni behen aur bhai ke liye jaan daav par laga di… usne jo kiya usko main kisi se dohra bhu nahi sakta. 

(Uski awaaz hilti hai, aansu rukte nahi)
Samia… agar tu hoti na, to shayad tu mujhe samjhati.
Tera ek narm lafz, ek muskaan, meri zidd tod deti.
Main sochta hoon… agar tune dekha hota aaj ka din… jab maine apne bete ko ghar se dhakke dekar nikala… tu mujhe rok leti.

(Aankhon me paani bhar aata hai)
Main kaisa baap hoon Samia?
Apne hi khoon ko dard diya, aur fir akela yahan baith kar tujhe dhoond raha hoon. Lekin maine koi kami nahi chhodi inki parvarish me, lekin fir bhi shayd maine hi koi chook kardi.
Shayad main abhi bhi seekh raha hoon… par tu to nahi hai na mujhe sambhalne ke liye.

(Aakhir me ek thoda halka sa muskaan laane ki koshish karta hai)
Bas ek dua hai Samia… jahan bhi tu hai, apni duaon mein Zaheer aur Ammu ko hamesha rakhiyo.
Main jitna bhi sakht ho jaaun, tu jaanti hai andar se main apne bachchon ke bina jee nahi sakta.

Azhar photo ko apni aankh se lagata hai, phir dheere se kursi par peeche gir jaata hai. Kamre ki lamp ki roshni dheere dheere kam hoti hai… aur clock ki tick-tick aur tez sunayi dene lagti hai.

Scene – Shanu’s Bedroom (Late Night)


Kamra andhere mein tha, sirf ek corner lamp ki mildi hui roshni bikhri hui thi. Shanu apne bed par guthmuthiyaan bana kar baithi thi, uska kajal beh kar gaal par nishaan chhod gaya tha. Aankhein lal, bilkul soojh gayi thi. Uski saanson ka bojh bhi mehsoos ho raha tha.

Darwaza dheere se khulta hai. Pratap andar aata hai. Subah jo uske chehre par gussa tha, wo ab pighal chuka tha. Aaj sirf ek baap tha jo apni beti ke dard ko seh nahi pa raha tha.

Pratap bed ke paas khada hota hai, lekin Shanu us taraf dekhti bhi nahi.

Pratap
Shanaya…
(Tone narm hai, ruk kar phir bolta hai)
Subah main gusse mein tha. Bahut kuch keh diya jo shayad mujhe nahi kehna chahiye tha.

Shanu aankh pochhne ki koshish karti hai, lekin uski awaaz behad halki niklti hai.

Shanu
Papa… main aapki beti hoke bhi aapko sharminda kar rahi hoon.
Main ne hi sab bigaad diya… Arjun, Ammu, Zaheer… sab mere wajah se pareshaan hain.

Pratap uski baat sun kar uske bed par baith jaata hai. Dheere se uske kandhe par haath rakhta hai.

Pratap
Pagal ladki… tujhe lagta hai tu ne mujhe sharminda kiya hai?
Nahi, Shanu. Main bas dara hua tha… duniya ke liye, log kya kahenge uske liye.
Lekin teri aankhon ke aansu dekh kar samajh gaya hoon… mujhe sirf apni beti ki khushi ki fikr honi chahiye, na ki duniya ki.

Shanu us taraf dekhna chahti hai lekin guilt rok leta hai.

Shanu
Par papa… maine sabko takleef di hai. Mera naam, mera faisla… sab ne problem create kiya.

Pratap uske aansu pochta hai.

Pratap
Beta, insaan galti se seekhta hai. Aur sabse badi baat… tu akeli nahi hai.
Main aur teri maa… hamesha tere saath hain.
Aur haan, Arjun… usne bhi sab kuch tere liye saha.
Kya tu sochti hai tera bhai tujhe kabhi akela chhod dega?

Shanu ki aankh phir bhar aati hai. Aakhir wo apne papa ke kandhe par sir rakh deti hai, jaise chhoti si bacchi ho.

Shanu (ruk ruk kar)
Papa… aap mujhse gussa nahi ho?

Pratap uske baalon par haath pherta hai.

Pratap
Nahi, beta. Gussa kaise ho sakta hoon?
Mujhe sirf yeh wada kar… jo bhi raasta choose karegi, khud ke liye karegi… kisi ke darr ya guilt mein aakar nahi.

Shanu dheere se sir hila deti hai. Room mein ek shaant si silence chha jaati hai.

Scene – Next Morning (Pratap’s House)

Subah ka waqt tha. Drawing room me sirf ek lamp jal raha tha. Pratap sofa par baitha hua tha, ab bhi raat ki baatein uske dimaag me ghoom rahi thi. Tabhi darwaza khula aur andar aaye Azhar.

Dono ki nazar milti hai. Dono ke chehre par ek hi bhaav – sharm, guilt aur dard. Ek pal ke liye dono chup rahe.

Azhar dheere se bolta hai.

Azhar
Pratap bhai… main maanta hoon, Zaheer ne jo kuch kiya… wo galat tha. Usne aapke ghar, aapki beti ko dukh diya.
Mujhe maaf karna… main ek baap hoke apne bete ko samjha nahi paya.

Pratap ki aankh bhar aati hai. Wo khud ki aankhon ke aansu daba nahi pata. Dheere se khada hota hai aur Azhar ke paas aakar uske kandhe par haath rakhta hai.

Pratap
Azhar… tu bhi baap hai, main bhi baap hoon.
Bachon ki galtiyon ka bojh hum pe aata hai… par iska matlab yeh nahi ki hum ek dusre ke dushman ban jaayein.

Azhar ki aankh se aansu nikal padte hain. Wo jhuk kar Pratap ke haath pakadta hai, jaise maafi maang raha ho.

Azhar
Main sharminda hoon, Pratap. Bahut sharminda.

Pratap uske haath ko pakad kar khud hi usse gale laga leta hai. Dono baap ek dusre ke kandhe par rone lagte hain. Room me ek gehra sannata cha jaata hai.

Aur tabhi piche se kadmon ki aahat hoti hai. Arjun enter karta hai. Uske chehre par chot ke nishaan abhi bhi dikh rahe hote hain. Uski aankhon me ek ajeeb sa jazba tha.

Arjun un dono ko dekh kar rukta hai. Uski awaaz mazboot thi.

Arjun
Papa… Chacha… jo kuch hua, usko badalne ka koi tareeka nahi.
Par ek rasta hai usse sahi karne ka.

Room me phir se khamoshi chha jaati hai. 
Azhar dheere se Pratap ki taraf dekhta hai, uske chehre par ek narmi aati hai. Wo dono haath jod leta hai.
Pratap uske haath ko chhod kar apne dono haath Azhar ke kandhon par rakhta hai. Uski awaaz bharayi hui thi.

Pratap
Pehle hume apne dil ke bojh ko maaf karna hoga… fir milkar apne bacho ko samjhana hoga