11-09-2025, 08:10 PM
Ise Jine Ka Koi Haq Nehi
Mr. Alias
Doctor ke chamber se nikalne ke waqt mere pair jaise patthar ke ban gaye the!!!! Bachpan se main kabhi sharab ko muh nehi lgaya, ciggratte kabhi chua tak nahi, or mujhe hai ye ghatak bimari!!! Doctor ne mera scan report hath mai lete hue bahut gambhirta ke saath mere taraf dekha or kaha.’
“ Kya aap akele aye hain yahan par? koi rishteydar ya dost hai aap ke saath?”
Dur dur tak risto ka naam par meri bas ek budi maa hai, jo gaon main rahti hai. Wo aankh se andhi hai or padosi ke sahare jee rahi hai. Main bas paise bhejta rahata hu or kabhi kabar saal main ek ya do baar chala jaata hun maa ko dekhne ki liye. Padosi bhi mere thoda bahut paise ke karan hi mere maa ka khuch dhyan rakhti hai, jis din mera paisa bhejna bandh, usi din meri maa ko khana dena bandh kar degen ye giddh log.
Maa ko dekhu bhi to kaise, unki haalat ab dekhi nehi jaati mujhse. Main jo do paise bacha leta hu, saal me ek kapda or ghar ke maramat main wo kharch ho jaate hai, to unke aankh ka operation ke paise ka jugaad karna mushkil hi nehi, na-mumkin hai.
Aur rahi dost ki baat, kabhi apne kisi garib ka dost dekha hai? Paisa nehi to dost bhi nahi. Apne jivan ke 40 saal lagatar jindagi ke bhhag dodh main kabhi dost ya dushmani, pyaar mohabbat ka time hi nahi mila.
Lekin, meri ram kahani se Doctor ko kya matlab.
Meine apna gardan hila kar unhe na kaha.
“ Apke liver main cancer hain.Mujhe dukh ke sath kahna pad raha hai, ke ye advanced stage mein hai or aapke paas medical science ke hissab se jada samay nehi hai. Lekin aap himmat na haro, bahut kuch hai jo abhi hum logon ke samajh se pare hai, aap kuch alternative medicine try karke dekho.”
“Doctor sahab, kya chemotherapy ya fir ray de kar kuch ho nehi sakta?”
Jindagi ki chahat aisi hoti hai, koi bhi jindagi se juda nahi hona chahta, main bhi jeena chahta tha, kisi bhi keemat par. Apni chair se khade ho kar maine doctor ka haath pakad lia tha, ek gujarish thi meri ankhon mein, kuch bhi kar ke mujhe jindagi ka daan de do.
Doctor sahab ne apna chehra latkaye hue bina kuch bole apne haath se mere hath ko tham liya.Main samajh gaya or apne vajan ko apni kanpti tango se khichte hue unke chamber se nikal aya.
Maut bina kuch kahe aa jaye to pata hi nahi chalta aur na hi koi ahsas ya dukh janam leta hai, par vahi maut jab dastak de kar dhire dhire rengti hui aati hai to pal pal bache hue lamhen jeene aur bhi bhari pad jaate hain.
Ankhon mein andhera sa cha gaya tha, pal pal aati hui meri maut ne meri ankhon ko nam kar daala tha, ansuon se bhari meri ankhen mujhe dhudalke mein apni maa ke chehre se rubaru karwa rahi thi. Mere bina wo bhukh se tadap tadap kar maregi, isse achcha hoga agar main ja kar unka gala daba du, kam se kam wo takleef to kam hogi!!!
Dekha jaaye to ek jinda laash ki tarha jee raha tha main, na koi umang, na koi prasanta,na hi kabhi kisi nashe ka sevan kiya, aur na hi jindagi ne kabhi kuch bhogne ka moka diya. Bas do paise kamane mein sara waqt nikal jaata ek khud jeene ke liye rakh leta aur ek maa ke liye bhej deta.
Aati hui maut pal pal bata rahi thi meri jindagi ka diya jald bhuj jaayega, dukh ke sagar mein gote lagata akela in lehron se jhujta hua main apni sochon mein gum park mein ek kone mein baith gaya , taaron ki timtimati kirne mujh pe gir rahi thi, par mujhe unka ahsas hi na ho raha tha.
“ Ae saale, yaha kya kar raha hai be?”
security officer hawaldar ne meri garden daboch jor se jathka diya. Dard se bilbilate hue main yatharth mein pahunch maafi ki guhar lagane laga.
“ Saab, main to sirf yaha baitha hu”
“ Ye teri Biwi ki godh hai kya be, ke jee chaha baitha raha? Chal bhag, raat main yaha baithna mana hai”
Mujhe park se nikal kar hawaldar khaini malte hue chala gaya andhere ka labh lete hue do premi jode ke taraf, paisa ainthne apni aesh ke liye.
Mujhe bahot gussa aya. Gussa aya us hawaldar ke upar, wo timtimati roshni ke upar, wo corner ke bench ke upar jis se dhakke de kar mujhe nikala gaya, wo premi jode ke upar, ye duniya ke upar or sabse jada gussa aya us uparwale ke upar, jisne mujhe jindagi to di, magar use jine ka haq nehi diya.
Apni jindagi to main jee nehi paya, lekin main marunga to apne tarike se. Main dard ke maare bistar main let kar tadap tadap kar dam todne wale main se nehi hu, main apne tarike se ek hi lamhe main dam tod dunga, lekin usse pahle main apne maa ki jaan apne haath se lunga. Use main jindagi mein kabhi sukh na de saka, kam se kam maut ki takleef to kam kar sakta hun.
Mere kiraye ke ghar ke piche sahar ka sabse badnaam ilaka tha. Jahan par paisa fenko to kuch bhi mil sakta tha. Mainne pehle ATM jaa kar apne jivan ki sari kamai or agle barsaat ke pehle ghar ki marammat ke lie rakha hua sara paise nikal lia. Jab agle barsat tak gharwala hi nahi rahega, to ghar kaisa?
Andhere main kisi bhayanak jungle ki tarha vo ilaka railway track ke dono taraf faila hua tha, main vahan chala gaya aur jab lota to, ahkbaar me lipta hua mera sabse pehla or akhri dost mere hath mein apni neend tutne ka intezar kar raha tha. 6 goli ka vo revolver mujhe or meri maa ko iss dukh or dard bhari dunia se dur le jane wala tha kisi sachche dost ki tarha.
‘ Main aapki pair padti hu, mujhe chod dijiye. Mere pati mujhe apne ghar le jaane ke liye taxi lane gaye hai, vo abhi loutenge. Please, bhagwan ke lie mujhe chod dijiye”
Andhere main kisi ladki ki ye awaj samne ke kothi se aayi, or saath main kisi aadmi ki bhari bharkam aawaj.
“ Chal Rand, tera pati mujhse bees hazar rupiya le kar tujhe yaha chod gaya hai suhag raat manane ke liye. Tu to bahut lucky hai be, tujhe har raat naya pati milne wala hai.:
Ye to is muhalle ka aam baat hai.Har roz yaha aisa kuch hota hi rahta hai. Agar ye koi aam raat hoti, to main muh chupa kar yaha se nikal leta. Lekin aj to baat alag hi hai. Jo maut se nahi darta, wo kisi se nahi darta.
Darwaje ko dhakka dekar main ghar ke andar jaa kar khada ho gaya. Andar saree main kisi tarha lipti hui ek ladki patte ke tarha kaanp rahi thi, our samne nashe main dhut ek badmash use ched raha tha. Ek mota sa insan apne chaddi baniyan main sofe pad baitha us ladki ko ankhon hi ankhon se chat raha tha.
‘Kya re, tu keya yahan iski nath utarne aaya hai? Iski booking apne minister saab ke sath ho chukki hai, tu dusri try kar le”
Gandi juban hilate hue wo janwar mere taraf badha. Meine newspaper se apna revolver nikal kar pahele wo ladke par or uske baad sofe par baithe hue us minister ke naam par desh ke kalank par che ki che goli khali kar di. Mera revolver se wo goli nahi nikli thi, nikla tha to mere man me jama hua itne dino ka gussa, mera na-kamyabi ka frustration or mere tute hue sapno ka dard. Khoon se lath-path vo dono apne jagah hi dher ho gaye.
Ladki ki halat daar ke mare bahot hi kharab ho gayi thi. Mere man main achanak ek nasha sa fail gaya. Jeevan main paheli baar dusre ke lie kuch kar ke mera man ne itna anand mehsus kia ke byaan karna mushkil hai. Mera dimag abhi shant nahi hua tha, Kuch aisa karna tha ke is tarah ka kaam karne ke pahle admi dubara soche. Main us duniya ko kuch dena chahta tha jisne mujhe kuch na dia. Meine ghar ke kone me rakhe table se ek paper ka tukda uthaya or usme un dono ke khoon se likhkha, “ ise jine ka koi haq nehi” Meine us kagaz ke tukde ko unki bejaan laash ke upar rakhkar us ghar se nikal gaya.
Agle din,Newspaper main neta ji ke katal ki badi charcha thi. Sahar ki badnaam gali main payee gaya unka shav aur us par likhkhi gayi us likhawat ne case ko our pechida bana dia tha. Rulling party wale ise opposition ki conspiracy aur opposition wale unki mrityu ka shok prakat karte hue unke jivan shaili our jurm ki duniya ke saath unke sambandh ko lekar sawal utha rahe the. Dinbhar ye chrcha TV main ayi, our main bahut hi rochakta our umeed ke saath din bhar wo sab khabre our unke analysis pe nazar rakhta gaya. Zindagi main pahli bar kisi aur ki jubaan par mere kaam ka charcha tha, aur bura ho ya bhala, mujhe bahut maza aa raha tha.
Jada tar log us minister ke atyachar se pareshan the, our vo unke marne se khush the. Achanak mere jeevan ke bache kuche dino ko ek laksh mil gaya our maine apne saath hue har ek anay ka hissab lene ka faisla kar liya. Maine bahut hi pyar se apne paas rakhkhe hua revolver par hath rakhkha.
Saat din aur beet gaye aur dus samaj ke kide apne karmo ka fal bhugat chuke the. Achanak corrupt politician or ghuss lete hue sarkari affsaron main jaise kapkapi suru ho gayi thi. Main in saat dino main nyay ka ek Prateek, ek ankh ban chukka tha. Samaj ko apna batman, apna superman mil chukka tha. Main andhere main rah kar andher ka shikar kar raha tha, aur harek shikar ke upar apna signature mark wo kaagaz ka tukda jarur chodta tha, jisme likhkha tha’ Ise jine ka koi haq nehi”. Main bahut chalaki se har ek black market ki dukan se ghuma fira kar golia kharid raha tha, taaki kisi ko mere upar shaq na aa jaye.
Meri haalat tezi se bigad rahi thi. Ab har ek khansi ke saath khun nikal raha tha.Mere paas jada time nehi tha. Main jaldi se jaldi jitna jada ho sake darindo ko maut ke ghat utarna chahta tha, taaki baki log sudhar jaye our apne jine ka haq sabit kar sake.
Andhere main dur se ek auto aa kar gali ke paas rukha. Mujhe pata tha ke is ilake main drugs ka vyapar faila hua tha, our main un haramzado ko aaj apna shikar banana ki aas liye andhere main chup kar unka intezar kar raha tha.
Auto se teen nojowan nashe main dhut ho kar ladkhate hue utar kar age badne lage. Piche se autowala awaj dia;
“ Are o bhaisaab, auto ka kiraya kon dega?”
Teeno mud kar auto ke paas laut kar gaye.
:Bhodsi ke, tu hum se kiraya vassul karega? Janta hai hum log kon hain?”
“ Saab, aap jo bhi ho, garib ka paisa dete hue jao, warna naatija achcha nahi hoga.”
“Kya ukadh lega tu mera?” Un mein se ek ladka autowale ka collar pakad kar use auto se bahar le aya. Autowala bhi ek nadaan ladka tha, vo bhi un teeno badmaso se mara-mari karne laga.
Achanak ek ladka apne jeb se pistol nikal kar autowale ke pet main laga kar goli chala dia. Khoon mein lathpath autowala raste main gir gaya aur vahin par dam tod dia.
“ Shit yaar, tune goli chala di????” Ghabra kar ek ladke ne kaha.
“ Chal yaar, patli gali se nikal lete hai.” Teeno ulte taraf bhagna suru kar dia. Achanak ek ladka kuch dur se wapas aya or uss autowale ka upor jhuk kar kuch kiya or fir se bhagne laga.
Wo teeno mere nishane main tha. Lekin ye ghatna itni achchanak hui ke pathar sa khada hakka-bakka reh gaya or wo ladke mere najar ke samne se bhag gaye.
Main lahu luhan us autowale ke karib aya, aur jo dekha us se mera ankho ke samne mano andhera sa cha gaya.
Lahu luhan raste main ek ladka jo abhi puri tarha jawan bhi nahi hua tha ,apni aakhri sans le chukka tha aur uske shav par ek kagaz ka tukda laga hua tha jisme likhkha tha ke’ Ise jine ka koi haq nahi”
Main bahut der tak raste main khada raha, us autowale ke lash ke saath.Wo shav jaise mere taraf dekh kar keh raha tha ke “dekh tera karmo ka natiza.”
Main dhire dhire apne jeb se paper ka ek tukda nikala kar uspe apne kampte hue hath se likhkha ke’Ise jine ka koi haq nehi”. Use apni jeb main rakhkar revolver nikalkar apni kan patti main rakhkha. Agar is dunia main jine ka haq sabse kam kisiko hai to wo sirf main hu, sirf main our dushra koi nahi.
-----------------------------------------------
______________________________
My name is alias, and I am not an abuser.
Mr. Alias
Doctor ke chamber se nikalne ke waqt mere pair jaise patthar ke ban gaye the!!!! Bachpan se main kabhi sharab ko muh nehi lgaya, ciggratte kabhi chua tak nahi, or mujhe hai ye ghatak bimari!!! Doctor ne mera scan report hath mai lete hue bahut gambhirta ke saath mere taraf dekha or kaha.’
“ Kya aap akele aye hain yahan par? koi rishteydar ya dost hai aap ke saath?”
Dur dur tak risto ka naam par meri bas ek budi maa hai, jo gaon main rahti hai. Wo aankh se andhi hai or padosi ke sahare jee rahi hai. Main bas paise bhejta rahata hu or kabhi kabar saal main ek ya do baar chala jaata hun maa ko dekhne ki liye. Padosi bhi mere thoda bahut paise ke karan hi mere maa ka khuch dhyan rakhti hai, jis din mera paisa bhejna bandh, usi din meri maa ko khana dena bandh kar degen ye giddh log.
Maa ko dekhu bhi to kaise, unki haalat ab dekhi nehi jaati mujhse. Main jo do paise bacha leta hu, saal me ek kapda or ghar ke maramat main wo kharch ho jaate hai, to unke aankh ka operation ke paise ka jugaad karna mushkil hi nehi, na-mumkin hai.
Aur rahi dost ki baat, kabhi apne kisi garib ka dost dekha hai? Paisa nehi to dost bhi nahi. Apne jivan ke 40 saal lagatar jindagi ke bhhag dodh main kabhi dost ya dushmani, pyaar mohabbat ka time hi nahi mila.
Lekin, meri ram kahani se Doctor ko kya matlab.
Meine apna gardan hila kar unhe na kaha.
“ Apke liver main cancer hain.Mujhe dukh ke sath kahna pad raha hai, ke ye advanced stage mein hai or aapke paas medical science ke hissab se jada samay nehi hai. Lekin aap himmat na haro, bahut kuch hai jo abhi hum logon ke samajh se pare hai, aap kuch alternative medicine try karke dekho.”
“Doctor sahab, kya chemotherapy ya fir ray de kar kuch ho nehi sakta?”
Jindagi ki chahat aisi hoti hai, koi bhi jindagi se juda nahi hona chahta, main bhi jeena chahta tha, kisi bhi keemat par. Apni chair se khade ho kar maine doctor ka haath pakad lia tha, ek gujarish thi meri ankhon mein, kuch bhi kar ke mujhe jindagi ka daan de do.
Doctor sahab ne apna chehra latkaye hue bina kuch bole apne haath se mere hath ko tham liya.Main samajh gaya or apne vajan ko apni kanpti tango se khichte hue unke chamber se nikal aya.
Maut bina kuch kahe aa jaye to pata hi nahi chalta aur na hi koi ahsas ya dukh janam leta hai, par vahi maut jab dastak de kar dhire dhire rengti hui aati hai to pal pal bache hue lamhen jeene aur bhi bhari pad jaate hain.
Ankhon mein andhera sa cha gaya tha, pal pal aati hui meri maut ne meri ankhon ko nam kar daala tha, ansuon se bhari meri ankhen mujhe dhudalke mein apni maa ke chehre se rubaru karwa rahi thi. Mere bina wo bhukh se tadap tadap kar maregi, isse achcha hoga agar main ja kar unka gala daba du, kam se kam wo takleef to kam hogi!!!
Dekha jaaye to ek jinda laash ki tarha jee raha tha main, na koi umang, na koi prasanta,na hi kabhi kisi nashe ka sevan kiya, aur na hi jindagi ne kabhi kuch bhogne ka moka diya. Bas do paise kamane mein sara waqt nikal jaata ek khud jeene ke liye rakh leta aur ek maa ke liye bhej deta.
Aati hui maut pal pal bata rahi thi meri jindagi ka diya jald bhuj jaayega, dukh ke sagar mein gote lagata akela in lehron se jhujta hua main apni sochon mein gum park mein ek kone mein baith gaya , taaron ki timtimati kirne mujh pe gir rahi thi, par mujhe unka ahsas hi na ho raha tha.
“ Ae saale, yaha kya kar raha hai be?”
security officer hawaldar ne meri garden daboch jor se jathka diya. Dard se bilbilate hue main yatharth mein pahunch maafi ki guhar lagane laga.
“ Saab, main to sirf yaha baitha hu”
“ Ye teri Biwi ki godh hai kya be, ke jee chaha baitha raha? Chal bhag, raat main yaha baithna mana hai”
Mujhe park se nikal kar hawaldar khaini malte hue chala gaya andhere ka labh lete hue do premi jode ke taraf, paisa ainthne apni aesh ke liye.
Mujhe bahot gussa aya. Gussa aya us hawaldar ke upar, wo timtimati roshni ke upar, wo corner ke bench ke upar jis se dhakke de kar mujhe nikala gaya, wo premi jode ke upar, ye duniya ke upar or sabse jada gussa aya us uparwale ke upar, jisne mujhe jindagi to di, magar use jine ka haq nehi diya.
Apni jindagi to main jee nehi paya, lekin main marunga to apne tarike se. Main dard ke maare bistar main let kar tadap tadap kar dam todne wale main se nehi hu, main apne tarike se ek hi lamhe main dam tod dunga, lekin usse pahle main apne maa ki jaan apne haath se lunga. Use main jindagi mein kabhi sukh na de saka, kam se kam maut ki takleef to kam kar sakta hun.
Mere kiraye ke ghar ke piche sahar ka sabse badnaam ilaka tha. Jahan par paisa fenko to kuch bhi mil sakta tha. Mainne pehle ATM jaa kar apne jivan ki sari kamai or agle barsaat ke pehle ghar ki marammat ke lie rakha hua sara paise nikal lia. Jab agle barsat tak gharwala hi nahi rahega, to ghar kaisa?
Andhere main kisi bhayanak jungle ki tarha vo ilaka railway track ke dono taraf faila hua tha, main vahan chala gaya aur jab lota to, ahkbaar me lipta hua mera sabse pehla or akhri dost mere hath mein apni neend tutne ka intezar kar raha tha. 6 goli ka vo revolver mujhe or meri maa ko iss dukh or dard bhari dunia se dur le jane wala tha kisi sachche dost ki tarha.
‘ Main aapki pair padti hu, mujhe chod dijiye. Mere pati mujhe apne ghar le jaane ke liye taxi lane gaye hai, vo abhi loutenge. Please, bhagwan ke lie mujhe chod dijiye”
Andhere main kisi ladki ki ye awaj samne ke kothi se aayi, or saath main kisi aadmi ki bhari bharkam aawaj.
“ Chal Rand, tera pati mujhse bees hazar rupiya le kar tujhe yaha chod gaya hai suhag raat manane ke liye. Tu to bahut lucky hai be, tujhe har raat naya pati milne wala hai.:
Ye to is muhalle ka aam baat hai.Har roz yaha aisa kuch hota hi rahta hai. Agar ye koi aam raat hoti, to main muh chupa kar yaha se nikal leta. Lekin aj to baat alag hi hai. Jo maut se nahi darta, wo kisi se nahi darta.
Darwaje ko dhakka dekar main ghar ke andar jaa kar khada ho gaya. Andar saree main kisi tarha lipti hui ek ladki patte ke tarha kaanp rahi thi, our samne nashe main dhut ek badmash use ched raha tha. Ek mota sa insan apne chaddi baniyan main sofe pad baitha us ladki ko ankhon hi ankhon se chat raha tha.
‘Kya re, tu keya yahan iski nath utarne aaya hai? Iski booking apne minister saab ke sath ho chukki hai, tu dusri try kar le”
Gandi juban hilate hue wo janwar mere taraf badha. Meine newspaper se apna revolver nikal kar pahele wo ladke par or uske baad sofe par baithe hue us minister ke naam par desh ke kalank par che ki che goli khali kar di. Mera revolver se wo goli nahi nikli thi, nikla tha to mere man me jama hua itne dino ka gussa, mera na-kamyabi ka frustration or mere tute hue sapno ka dard. Khoon se lath-path vo dono apne jagah hi dher ho gaye.
Ladki ki halat daar ke mare bahot hi kharab ho gayi thi. Mere man main achanak ek nasha sa fail gaya. Jeevan main paheli baar dusre ke lie kuch kar ke mera man ne itna anand mehsus kia ke byaan karna mushkil hai. Mera dimag abhi shant nahi hua tha, Kuch aisa karna tha ke is tarah ka kaam karne ke pahle admi dubara soche. Main us duniya ko kuch dena chahta tha jisne mujhe kuch na dia. Meine ghar ke kone me rakhe table se ek paper ka tukda uthaya or usme un dono ke khoon se likhkha, “ ise jine ka koi haq nehi” Meine us kagaz ke tukde ko unki bejaan laash ke upar rakhkar us ghar se nikal gaya.
Agle din,Newspaper main neta ji ke katal ki badi charcha thi. Sahar ki badnaam gali main payee gaya unka shav aur us par likhkhi gayi us likhawat ne case ko our pechida bana dia tha. Rulling party wale ise opposition ki conspiracy aur opposition wale unki mrityu ka shok prakat karte hue unke jivan shaili our jurm ki duniya ke saath unke sambandh ko lekar sawal utha rahe the. Dinbhar ye chrcha TV main ayi, our main bahut hi rochakta our umeed ke saath din bhar wo sab khabre our unke analysis pe nazar rakhta gaya. Zindagi main pahli bar kisi aur ki jubaan par mere kaam ka charcha tha, aur bura ho ya bhala, mujhe bahut maza aa raha tha.
Jada tar log us minister ke atyachar se pareshan the, our vo unke marne se khush the. Achanak mere jeevan ke bache kuche dino ko ek laksh mil gaya our maine apne saath hue har ek anay ka hissab lene ka faisla kar liya. Maine bahut hi pyar se apne paas rakhkhe hua revolver par hath rakhkha.
Saat din aur beet gaye aur dus samaj ke kide apne karmo ka fal bhugat chuke the. Achanak corrupt politician or ghuss lete hue sarkari affsaron main jaise kapkapi suru ho gayi thi. Main in saat dino main nyay ka ek Prateek, ek ankh ban chukka tha. Samaj ko apna batman, apna superman mil chukka tha. Main andhere main rah kar andher ka shikar kar raha tha, aur harek shikar ke upar apna signature mark wo kaagaz ka tukda jarur chodta tha, jisme likhkha tha’ Ise jine ka koi haq nehi”. Main bahut chalaki se har ek black market ki dukan se ghuma fira kar golia kharid raha tha, taaki kisi ko mere upar shaq na aa jaye.
Meri haalat tezi se bigad rahi thi. Ab har ek khansi ke saath khun nikal raha tha.Mere paas jada time nehi tha. Main jaldi se jaldi jitna jada ho sake darindo ko maut ke ghat utarna chahta tha, taaki baki log sudhar jaye our apne jine ka haq sabit kar sake.
Andhere main dur se ek auto aa kar gali ke paas rukha. Mujhe pata tha ke is ilake main drugs ka vyapar faila hua tha, our main un haramzado ko aaj apna shikar banana ki aas liye andhere main chup kar unka intezar kar raha tha.
Auto se teen nojowan nashe main dhut ho kar ladkhate hue utar kar age badne lage. Piche se autowala awaj dia;
“ Are o bhaisaab, auto ka kiraya kon dega?”
Teeno mud kar auto ke paas laut kar gaye.
:Bhodsi ke, tu hum se kiraya vassul karega? Janta hai hum log kon hain?”
“ Saab, aap jo bhi ho, garib ka paisa dete hue jao, warna naatija achcha nahi hoga.”
“Kya ukadh lega tu mera?” Un mein se ek ladka autowale ka collar pakad kar use auto se bahar le aya. Autowala bhi ek nadaan ladka tha, vo bhi un teeno badmaso se mara-mari karne laga.
Achanak ek ladka apne jeb se pistol nikal kar autowale ke pet main laga kar goli chala dia. Khoon mein lathpath autowala raste main gir gaya aur vahin par dam tod dia.
“ Shit yaar, tune goli chala di????” Ghabra kar ek ladke ne kaha.
“ Chal yaar, patli gali se nikal lete hai.” Teeno ulte taraf bhagna suru kar dia. Achanak ek ladka kuch dur se wapas aya or uss autowale ka upor jhuk kar kuch kiya or fir se bhagne laga.
Wo teeno mere nishane main tha. Lekin ye ghatna itni achchanak hui ke pathar sa khada hakka-bakka reh gaya or wo ladke mere najar ke samne se bhag gaye.
Main lahu luhan us autowale ke karib aya, aur jo dekha us se mera ankho ke samne mano andhera sa cha gaya.
Lahu luhan raste main ek ladka jo abhi puri tarha jawan bhi nahi hua tha ,apni aakhri sans le chukka tha aur uske shav par ek kagaz ka tukda laga hua tha jisme likhkha tha ke’ Ise jine ka koi haq nahi”
Main bahut der tak raste main khada raha, us autowale ke lash ke saath.Wo shav jaise mere taraf dekh kar keh raha tha ke “dekh tera karmo ka natiza.”
Main dhire dhire apne jeb se paper ka ek tukda nikala kar uspe apne kampte hue hath se likhkha ke’Ise jine ka koi haq nehi”. Use apni jeb main rakhkar revolver nikalkar apni kan patti main rakhkha. Agar is dunia main jine ka haq sabse kam kisiko hai to wo sirf main hu, sirf main our dushra koi nahi.
-----------------------------------------------
______________________________
My name is alias, and I am not an abuser.
![[+]](https://xossipy.com/themes/sharepoint/collapse_collapsed.png)