Xossip Ultimate Story Contest 2015

[Expert]

Zindagi ke Rang

humtum

“ Kahan tha ve sale…kitni der se tera intezar kar raha hu ..kuchh pata hai tere ko”
“sorry yaar…”

“ bas sorry…bahut aasan hai sab ke liye sorry bol ke nikal jana…dusre ki takleef samajhte hi nahi” maine rohan ki halat ki bina parvah kiye huye, lecture dena suru kar diya aur vo bechara meri baton to sunta raha aur phir usne canteen wale ko ishare se do coffe dene ko kaha.

“ kya baat hai….aise debdas ki tarah chehra kyon latka hua hai tera” maine bhi apne aap pe kabu me rakhte huye uske ukhre chehre ko dekhte huye kaha.

“ sanju…meri samajh me nahi aa raha ki aisa kaise ho sakta hai” usne akhir apni baten suru ki, jiske liye mujhe yahan bulaya tha.
“ aisa kya hua?…kisi ne teri gaand maar li kya” main aise hi us se baten kiya karta tha…aur abhi khas kar karna chahta tha…kyoki uski halat mujhe kharab lag rahi thi.

“tujhe samajh kab aayega…yaar. Main serious baat kar raha hu”
“ ok bhai..chal bata , kya hua”

“ meri aur reshma ki zindagi ka sabal hai…aur kisi ko hamari fikar nahi hai” rohan ne apni baat rakhi to mujhe ye sara majra samajh me aa gaya.

[Main, rohan aur reshma ek saath college me the, aur abhi college finish karne ke baad job kar rahe the, rohan ko lagta tha ki uske papa uski baat maan lenge aur uski saadi reshma se karba denge. Uske papa , sehar ke bahut bade advocate the aur rohan ki mummy ke gujar jane ke baad unhone hi rohan ko maa aur baap dono ka pyar diya…rohan ko koi dikkat na ho isliye unhone dusri shadi nahi ki.
Reshma , ek anath ladki thi…uske ek uncle ne use pala tha aur pichhle saal unka intekaal ho jane ke baad reshma ka aur koi sahara nahi tha aur isliye dono jaldi se jaldi shadi karna chahte the. Aaj jab dono ek hone ka man bana liye the to rohan apne papa ki sehmati ke liye gaya tha aur jab lauta to mujhe yahan milne ke liye bulaya tha.]

“ kya hua tere papa ne mana kar diya is shadi se” mujhe uski baaten samajh me aane lagi thi.
“ unka mujhse pyar bas ek dikhaba tha…vo to bas apni social status to sabse upar mante hai..mujhe pura bharosa tha unpe..ki unko meri shadi aur reshama ke dharam aur cast se koi lena dena nahi hoga…lekin…” usne bolte huye apna sar pakar liya.

Tab tak coffee aa gayi thi, maine coffee ka cup hath me liya aur uski chuskiyan lete huye sochne laga ki kya kar sakte hai.
“ yaar jab miya bibi raji to kya karega kaji” maine josh me aate huye kaha…mere dimag me achanak ek idea aaya tha.
“ kya bak raha hai..sale” usne ajeeb sa muh bana ke kaha.

“ dekh tu chal mere saath sehar ke bahar ek devi mandir hai..wahan ke pandit ji shadi karate hai..main baat kar lunga, bas tu reshma se baat kar le aur kal subah pahuch wahan pe” maine use apna plan bata diya.

Usne kuchh bola nahi..aur coffee ki cup niche rakhte huye sochne laga, use bhi ye sahi laga. Rohan ne mobile uthaya aur reshma se baat karne laga…
……………………………………………………….


Maine rohan ko subah 6 baje hi pahuchne ke liye bola tha…kyoki thode bahut log jo devi darshan ko aate the wahan , 10 baje ke baad aate the. Maine raat me hi mandir pahuch ke pujari se baat kar taiyari kar li thi.

Main subah taiyaar hoke nikal pada sehar se bahar tile pe bane us mandir ki taraf …main apne bike pe tha aur sehar se bahar nikalte hi dhund me kuchh bhi dikhayi nahi de raha tha..suraj ki kirne dhire dhire us dhund ko bilupat karti ja rahi thi..jaise jaise main us tile pe jane wale raste se hote huye upar jar aha tha…dhund rasta chhor rahi thi aur sunehari kirne apni chamak to aur dhardaar kar rahi thi…prakiriti ke is sundar khel se rubru hote huye kab main us mandir ke aangan me pahuch gaya pata hi nahi chala.

Jaise ki mujhe umeed thi, rohan ke saath-saath reshma bhi wahan maujud thi..maine unhe shadi ke kapde me aane ko kaha tha…isliye rohan apne parampara ke mutabik dhoti aur kurte me tha aur reshma laal rang ki saari me thi.

Reshma aaj bahut hi khoobsurat lag rahi thi, waise mujhe hamesha har kapde me achhi lagi vo, kyoki thi hi itni sundar..malik ne badi fursat me banaya tha use. Shayad apne dost ki mashuka aur ab hone wali bibi ke bare me kuchh nahi bolna chahiye, lekin yahan aisa nahi tha…

[College ke first year me jab hum mile the, reshma se pehle meri hi baat huyi thi aur dosti bhi, hum ek saath bahar ghumne bhi jate the, jis bakt rohan ke reshma ka bas hii- hello hi tha. Lekin saath me bakt bitane ka matlab pyar nahi hota, koi ladki apne dil ki baten Karen to matlab vo aapse pyar kar rahi hai, aisa nahi hota.
Pyar aur dosti ke beech ek patli lakshman rekha hoti hai, aur hum aksar us rekha ko andekha kar dete hai, jab pyar ek tarfa hota hai… aur wahi wajah hota hai dil tutne ka. Maine bhi reshma ke is dosti ko pyar hi samajh liya tha. Mujhe ye ehsaas hua tha ki mere aur reshma ke beech aur koi nahi hai, aur jo mera haal hai vahi haal reshma ka hai….

Mere ishq ka nasha us din utra jis din reshma ne rohan ko dene ke liye ek kaagaj ka tukra mujhe diya.

Mujhe ajeeb laga aur meri jigyasha badhi … maine us tukre ko apne kamre me ja ke khola aur padhne laga….jaise jaise main padh raha tha, meri saanse atak rehi thi..mujhse usme likhi baten padhne ki himmat nahi bachi thi shayad..mere hath kaanp rahe the aur mere aankh ke kone se kab kuchh bunde tapak ke zameen ko bhigo gayi pata hi nahi chala.

Us kaagaj ke tukre me likhe antim akshron ko padhte huye..meri jabaan bhi kabu me na rahi..aur main jor-jor se rone laga….maine kiska kya bigara kabhi, kyon mujhse hi sab kuchh chhin jata hai, aaj barso baad mummy papa ke marne ke baad kisi se pyar ki umeed thi..zindgi saath gujarne ka soch liya aur uska kya haal hua….mere hath se nikal ke vo tukra jameen pe pada tha

“………………….. maine bahut koshish ki apne izhar-e- ishq ke liye , lekin kambakht ye dil himmat hi nahi juta paya aaj tak. Main intezar kar rahi hu , campus ke bahar coffee house me …aaj sham 6 baje…umeed karti hu, tum jaroor aawoge...
Tumhari diwani
Reshma”

Maine apne aapko sambhala aur phir har vo koshish ki jis se reshma ko uska pyar rohan use mil jaye. Lekin apne aapko reshma se dur hi rakha, kyoki na to apne aapko dukhi karna chahta tha aur na hi rohan ko.]

Aaj reshma ko dulhan ke lal jore me dekhkar phir se salon baad aankho me nami si aa gayi aur kab kuchh bunde aankho se dhalak kar jameen pe gire pata hi nahi chala. Andar bhavnao ka ek toofan ghumarne laga.

Apne aapko kitna bhi reshma se dur karne ki koshish ki lekin aankhe baar baar uski taraf dekhne ko majboor kar deti thi. Reshma kisi devi ki tarah lag rahi thi, uske bhare pure badan pe saari itni khil rahi thi jaise kisi shilpkar ki athak mehnat se tarashi huyi koi divya murat ho, jiske har anng se koi bhi aakarshit huye bina na rah sake.

Main jyada der tak ..uski sundarta ko nahi dekh paya…rohan to kahi aur khoya tha lekin reshma khari huyi mujhe nihar rahi thi.
“ kya dekh rahe ho..itne gaur se” reshma ne toka mujhe.
“ bas yehi ki…saari me kitni divya lag rahi ho..” pata nahi kya hua ki ,aaj main rohan ke rahte hi apne aapko ye kahne se rok nahi paya.

“ chalo chale..pandit ji aa chuke hai shayad” rohan ne tokte huye kaha….
“ ha ..chalo chalte hai…” maine pujari ka number dhundhna suru kiya.

Tabhi meri najar pujari pe padi aur usne ishara kiya ..mandir ke andar aane ko. Humlog mandir ki taraf badhe aur pujari aur uske saath ek aur aadmi wahan hamara intejar kar raha tha…bahar ujala tha, suraj ki kirne charo taraf apni ghata bikhere huye thi..lekin wahan ke neeche dekhne pe ghati me sab kuchh dundh ke ghane badal se dhake huye najar aa rahe the…hamare alaba wahan pe koi nahi tha is bakt.

Abhi hum seedhi tak pahuche hi the ki ek saath wahan pe do van aake ruki aur usme se kuchh log bahar nikle …usme se ek jo suit me tha, sidhe aake reshma ke paas khara hua...

“ tere abba ne marne se pehle tera hath mere hath me dene ka vada kiya tha…maine bahut minnate ki tujhe..lekin tere bheje me baat nahi gayi..maine intejar kiya, lekin tu yahan mujhe dokha deke shadi karne chali hai…aur vo bhi is champu se” usne baat khatm karte hi rohan ka girebaan pakad liya.

Mujhe kuchh samajh me nahi aa raha tha…mujhe bhi kabhi reshma ne apne mangetar ke bare me kuchh nahi bataya tha …khair mujhe kyon batayegi.
“ reshma kaun hai ye…aur ye kya badtamiji hai” rohan us anjaan se apna girebaan chhudate huye bola.

“beta..ye kya batayegi tere ko…ye aaj ka rishta nahi hai, bachpan me bandh gaya tha…tu apni salamati chahta hai to nikal yahan se” usne rohan ka collar to chhora lekin …mera dimag abhi bhi chakkar kha raha tha..ye sab dekhkar.

Vo aadmi dikhne me kisi achhe ghar ka lag raha tha…lekin baten kisi gunde ki tarah kar raha tha…usne reshma ka hath pakda aur use khichne laga. Ye dekh ke rohan ko gussa aaya aur usne aage badh ke uska hath hataya reshma ke hatho se aur usne ek mukka mara uske chehre pe aur vo aadmi uchhal ke jameen pe gira.

“ kaun hai ye reshma..kya bol raha hai ye” rohan tamtamaye huye reshma se poochha.
“ iska naam kabir masood hai, iske abba aur mere abbu ache dost the ..unhone vada kiya tha!, lekin main anpadh nahi hu jo us vade ki vajah se apne aapko iske hawale kar du” reshma ne us ajnabi kabir ki or dekhte huye kaha….

“ to iska matlab tu meri baat nahi manegi aur is se shadi karegi…to main tum dono ka vo haal kar ke chhodunga ki tumhari zindigi pe dusre ko tarash aayega.” Usne apne gurgo ko ishara kiya.

Uske char aadmi rohan aur reshma ki taraf badhe, rohan un dono se bhir gaya aur rohan ko sambhalna un dono gurgo ke bas me nahi tha, ye dekhkar van ke paas khare do aur gurge daude rohan ko marne. Idhar rohan us se uljha hua tha aur baki do gurge , reshma ko thame huye the.

“ reshma darling , agar tum meri nahi banogi to main tumhe iske layak bhi nahi rahne dunga” aur vo kabir jiske chehre pe ek hawasi jaisi muskan thi, reshma ki taraf badha, rohan char gurgo se ulajha hua tha, kabhi ve use mukka marte to kabhi rohan unhe marta….main ye dekh nahi paya aur reshma ko bachane aage badha ….dono pujari pehle hi ye dekh kar mandir ke andar ja chuke the.

Main reshma tak pahuch bhi nahi paya tha ki, kabir ke do aur gurge daud ke mujhse ulajh gaye, maine unko marna suru kiya lekin vo kasrati pehlban the aur aasani se pichhe nahi hath rahe the.

Udhar kabir , reshma ke pass pahuch chuka tha ..aur uske do aadmi uske dono hatho ko pakde the, vo nishay si khari thi. Kabir ne apne napak hath se reshma ke pallu ko pakda aur use kheech diya….reshma ne apne aap ko dhakne ki bahut koshish ki..lekin kabir kabir ne apne hath uske unnat vaksh pe rakhte huye use apne se chipka liya…

“ chhoro mujhe ….jalim insaan, yehi hai tumhari asliyat, jiski vajah se tum mujhe pa na sake..aur mere jite ji tum mujhe nahi pa sakte. Chhoro mujhe….” Reshma jor-jor se chillane lagi, aur uski dard bhari aawaj sunke udhar rohan bhi un gurgo se apne aapko chhurane aur reshma ko bachane ki koshish me laga hua tha…

Aur idhar main bhi apne aapko bebas samajh raha tha ,lag raha tha main kaise udd ke reshma ke paas pahuchu aur use is kamine kabir ke chungal se bacha lu. Lekin uske mustande mujhe aise jakre huye the ki main lakh koshisho ke baad bhi unse paar nahi pa raha tha.

Tabhi maine rohan ki aah suni aur ek gurge ne rohan ke chehre pe aisa mukka mara ki uske muh se khun ki dhar bah nikali…reshma bhi apne aapko kabir se alag karne ki bharshak koshish kar rahi thi, ab uske dono gurge use chhor hamare upar hi tut pade the…

“ tor do in salon ki ek –ek haddi…aur khaskar is dulhe raja ko to apang bana kar hi chhorna” kabir apne gurgo ko apna aadesh de raha tha…aur uski pakad reshma pe dhili huyi, aur reshma use dhakka dekar bhagi , lekin uske saari ka pallu , kabir ke hath me hi tha..usne us pallu ko bas pakde rakha aur parat dar parat ..reshma ke angon se saari utarti chali gayi… …kabir ne jaise hi reshma ko is haal me dekha usne apne kadam reshma ki taraf badhaye…reshma, apne aapko bachane ke liye tile ke chhor ki taraf daudi .

Ye dekh mujhe aisa prateet hua jaise reshma kuchh aur soch ke naa bhagi ho tile ki chhor ki or, maine apne hath paav jor jor se chalane suru kar diye un gurgo pe…
Kabir ne tile ke chhor se pehle hi reshma ko dhar dabocha, aur use niche gira ke uske upar chad gaya aur usne uske blose ko apne hatho se noch ke taar taar kar diya ..ab bechari reshma usne neeche dabe huye apne vaksh-sthal ko apne hatho se bharsak dhakne ki koshish kar rahi thi aur kabir, uske hatho ko hathane ki.

Kabir ke gurgo ne rohan ko bedam kar diya tha..lekin reshma ki ye halat dekhkar main jaise pagal ho gaya tha aur main un gurgo ko buri tarah se marte huye , reshma ki taraf bhaga…pata nahi kahan se mere andar itni takat aa gayi thi, maine kabir ko reshma ke upar se ghaseet ke niche kiya aur use marte huye…apne aap hi chilanne laga…

“ teri itni himmat ..ki tu meri reshma ko hath lagaye, main teri jaan le lunga kamine”
“ main aaj tak kebal isliye khamosh tha kyoki vo khus thi….aur tu uski khusiyan chhinana chahta hai, mere jite ji aisa nahi ho sakta ….main maar dunga tujhe” main pagalo ki tarah use pite ja raha tha, mujhe marte dekhkar rohan ko bhi josh aa gaya aur usne bhi un gurgo ko dhona suru kar diya, waise uska chehra khoon se sana hua tha.

Meri baten sunke hakki bakki si apne sine ko hatho me samete reshma vahi khari thi..aur mujhe in sab ki koi parwah nahi thi jaise…..main kabir ko aur gurgo ko bas marte ja raha tha aur pagalo ki tarah bas bole hi ja raha tha.
“ kamine…kya samajh rakha hai, tumne ki tu meri reshma ko hath lagayega aur main chupchap dekhta rahunga…jab tak mere shareer me jaan hai, main aisa hone nahi dunga..jaan le lunga teri”

Main apni dhun me usko maare jar aha tha, is beech uske aadmi van me rakhe talwar aur dusre hathiyar le kar aa gaye aur ek ne mere piche se vaar kiya, aur uska khanjar meri pasli me ghusta chala gaya…maine kabir ko gale se pakad rakha tha, aur hum tile ke kinare hi khare the..maine use jor ka dhakka diya aur vo vaha se fisal ke niche girta chala gaya.

Us gurge ne phir se khanjar nikal ke meri pasli ke andar daal di..mere aankho ke aage andhera chhane laga…
Reshma jor-jor se chikhte huye ro rahi thi…aur goliya chalne ki aawaj suni aur dhondhili aankhon se dekha ki security officer uniform me log aa gaye the, shayad pujari ne call kiya ho…bas itna hi dekh paya tha main…aur meri aankhen band ho chuki thi.
………………………………………………………..

“ kahan hai doctor….kyon nahi aayega, doctor ka dharam kya hota hai..pahele mareej phir kuchh aur”
Rohan ke papa…ki awaaj mere kauno me padi jab meri aankh khuli, maine apni ankhe kholi to dekha advocate mohit ganguli ,mere samne ek nurse ko daant rahe the…

“ sir..abhi call kiya hai,aa rahe hai..thoda time to lagega aap dhiraj rakhiye” nurse ne samjhane ki bharsak koshish ki.
“ kyu itna bada hospital hai, aur koi doctor nahi hai, yahan jo operation kar payen” vo phir se chilanne lage…
Meri aankhe phir se dhire dhire band hone lagi, main bas unki baten sun sakta tha lekin dekhne ki takat nahi bachi thi.
“ doctor agar mere bête ko kuchh ho gaya to main case kar dunga is hospital pe, aap jante nahi main kaun hu”

“ sir..aap samajhne ki koshish kijiye, doctor saab ke ghar pe bhi kuchh emergency aa gayi hai..aur vo best sugeon hai yahan ke..aap thoda wait kijiye” nurse ne phir samjhane ki koshish ki.

“ sir, aap abhi bahar jayiye…doctor saab aa gaye hai…aap bahar wait Karen” ek dusre doctor ne uncle ko samjhaya.
“ nahi main nahi jaunga…main dekhna chahta hu” uncle ne phir se jor pakdi.
“please..aap bahar jayiye hume hamara kaam karne dijiye” ek bhari bharkam aawaj ne unko phir se jane ke liye kaha.
“ye hai…Dr. azhar masood , ye jane mane surgeon hai..yehi aapke bête ka operation karenge” kisi dusre ne kaha.

Ye naam kuchh jana pehchana sa laga, lekin main kuchh soch pata us se pahle , meri aankhe band hoti chali gayi aur mujhe kuchh pata nahi chala ki kya hua phir.
…………………………………………

Phir jab aankhe khuli to doctor ek dusre se baat kar rahe the…
“ chalo kuchh to achha hua bechare aadmi ke liye… nahi to pata nahi kya karta vo…bula lo use patient ko hosh aa raha hai, dekh lega” doctor ne apne assistant se kaha.

Aur operation theatre me kisi ke aane ki awaaj aayi…
“ kya hua doctor….kuchh to batao” uncle baat kar rahe the..awaaj bharrayi huyi thi aur doctor se kuchh janna chahte the…
“ main nikal raha hu…aap mere assistant se baat kar lijiye..ye samjha denge.” Aur shayad vo doctor wahan se nikal gaya .. “ thanks doctor..take care” kisi aur doctor ne kaha.

“ kaisa aadmi hai ye..yahan kisi ke jindigi aur maut ka sabal hai aur ye bina kuchh bataye kaise nikal gaya…kisi ke dard ki fikar hi nahi hai ise” uncle ne phir gusse me apni baat kahi.
“ sir..aap ka gussa jayaj hai, lekin aap abhi unke bare kuchh na bole, vo kisi kudda se kam nahi hai” dusre assistant doctor ne kaha.

“ aisa kya bada kaam kiya usne ..ye uska farz hai” uncle ka gussa shant ho hi nahi raha tha..shayad ek baap ki dimagi halat koi bhi samajh sakta hai…tabhi mujhe rohan ka khayal aaya, lekin main bol pane ki halat me nahi tha.

Main ye soch ke khush tha, ki rohan ke papa us se sahi mayne me kitna pyar karte hai, ki kisi pagal ki tarah lad rahe hai sabse..guhar laga rahe hai…unki vedana samajh sakta tha main.
“ sir…un jaisa insaan shayad hi milega aapko…abhi vo sidhe apne bête ko daphna ke aaye the aapke bête ke liye aur aap aisi baat kar rahe hai unke liye” assistant doctor ne kaha..main bhi ye baat sunkar sakte me aa gaya.

“kya….” Uncle ki baat ruk si gayi
“ ji ha…aaj hi subah, unke bête ka sehar ke bahar tile se girne se maut ho gayi..aur vo apne ko daphnane me busy the..phir bhi unhone aake aapke bête ko operate kiya..aur aap hai ki…” assistant doctor ke bol sunke main bhi samajh gaya ki ye kabir ke pita the jinhone hamara operation kiya…kitna mahan hai ye insaan..apne bête ke katil ki zindagi bachane aaya tha.

“ sorry doctor…to mere bête ka kya hua” uncle ne apni baat kahi.
“ en dono me se bas ek hi operation successful raha…halat bahut hi kharab thi, ye doctor ki karamat hai ki ek ko bacha liye” usne lambi saans lete huye kaha.

Uncle bilkul khamosh ho gaye…aisa laga jaise hosh kho diya unhone, kyoki doctor ne nurse ko awaaj lagai… sab kuchh tham sa gaya, maine jitna reshma aur rohan ke bare me sochne ki koshish ki mera dimag utna hi sunya me jata raha aur phir andhera sa chhane laga ..aur lakh koshisho ke baad bhi,main apne aapko rok nahi paya uss andhere bhavar me jane se…..jaha se shayad hi koi laut pata ho…mujhe samajh me aa gaya tha ki main ab is jahan ko albida kar raha hu.
………………………………………

Sukh –dukh , rishte- nate, apne -paraye sab bas chhan bhangur hai…kabhi hame lagta hai, koi hamse bahut pyar karta hai…aur dusre pal nafrat. Kabhi koi bahut kareeb hota hai,aur dusre hi pal bahut door…kal kisi ko jante nahi, aur dusre pal me aisi dor bandh jati hai,ki hum zindagi nibhate chale jate hai….zindagi ke rang bare nirale hote hai, aur rang bhi aisa jo apni pehchan badalta rehta hai…aur idhar hum is rango ke indra dhanush pe baithe vo rang pehchan hi nahi pate jo sabse pyara hota hai..Gulzar sahab ki vo pankatiyan mujhe aaj bhi yaad hai.

“Mujhko Bhi Tarkeeb Sikha Koi Yaar Julahe,

Aksar Tujhko Dekha Hai Ek Tana Bunte
Jab Koi Dhaaga Toot Gaya.. Ya Khatam Hua
Phir Se Baandh Ke Aur Sira Koi Jodh Ke Uss Mein
Aage Bun’ne Lagte Ho

Tere Iss Tane Mein Lekin
Ik Bhi Gaanth Girah Buntar Ki Dekh Nahi Sakta Hai Koi

Maine To Ek Baar Buna Tha Ek Hi Rishta
Lekin Uski Saari Girhain Saaf Nazar Aatee Hain Mere Yaar Julahe”

Mere kalam achanak ruk gaye kisi ki awaaj sunkar… “ kabtak khatm ho jayega tumhara kaam, main intejaar kar rahi hu khane pe” ek pyari awaaj ne mere dil ke andar ghumar rahe bhavnao ke lehar ko jaise rukne pe mazboor kar diya. Maine apni diary band ki aur table lamp band kar ke dining room ki taraf badha. Wahan chair pe us awaaj ki malkin maujud thi, maine jake pichhe se uske gale me bahen dali…

“ reshma …main kitna khuskismat hu ki tum mere paas ho…aisa lagta hai,jaise mere zindagi ke sare rang ek saath sama gaye ho is pal me …mujhe sukhad anubhuti dene ko…main is pal ko kabhi khona nahi chahta” maine apne dil ki khusi bayan ki.
“ kavi maharaj …mujhe bahut bhookh lagi hai, pehle kha le…phir aaram se baith ke aapki kavita sunungi” usne bade pyar se agrah kiya.
khana khate huye sochne laga kaise hua ye sab...

[college me reshma ne jo letter diya tha, vo mere liye tha, isliye mujhe diya ..rohan ka naam bolke, lekin maksad tha apni baat mujhe batane ki, aur main pagal…uske is pyar bhari harkat ko nahi samajh paya aur apne aapko us se door karne ki ..aur use rohan ke najdik lane ki koshish me laga raha ….ye baat mujhe reshma ne hospital me batayi.
Rohan pe gundo ne bahut hi ghatak prahar kiya tha,uske pure shareer ko talwar se bhed diya gaya tha,aur doctor use bacha nahi paye the]

The End