Xossip Ultimate Story Contest 2015

[Expert]

Haadsa Yaa Murder (Not Participating) 

salma khan798

Barsaat ka mausam tha aur sawan ki halki halki fuaaren gir rahi thiin. Fuhaaren aise gir rahi thiin maano unme bajan hi naa ho. Hawa me tairti ruii ki si wo neeche gir rahi thiin.
Me yaani siddharth urf sid aur meri biwi leela apne laun me baithhe huye en fuhaaro ka aanand le rahe the. Garam garam aalu-pyaaj ki pakodiyaan aur chaay ki chuskiyaan bhi chal rahi thiin.
"Aaj mausam bahut suhaana hai naa?" mene leela ki aankho me aankhe daalte huye romantic andaz me kaha.
"Haan......hai to sahi" leela ne bhi shararti lehaje me kaha-"to??"
"to........................" mene leela ke hothho par nazar tikaaye huye apna chehara uski taraf badhhaya.
Leela ne apna chehara door karte huye kaha-"kya kar rahe ho sid? Manish yahiin hai. Dekh lega to kya sochega??"
Manish humare yahaan kiraaye se rehata hai. Do maheene pehale wo kiraaye se kamre ki puchhne aaya tha. Mene use jhidakte huye manaa kar diya tha. Lekin tabhi leela wahaan aa gayi aur uske bolne ke lehaje ke karan puchha kahaan ke rehane waale ho?? Kismat dekhiye manish ki, ki wo leela ke hi shahar ka nikla. Uski yahaan kisi insurance company me job lagi thi aur ab wo rehane ka thhikaana dhhund raha tha. Leela ke kehane pe mene use baahar wala kamra de diya, jo ki separate hi tha.
Shuruaat me to mujhe achchha nahiin laga uska rehana. Kyuki uske hone se humaari aazaadi par fark pad gaya tha. Lekin do mahino me hi usne mere wo sab kaam apne hath me le liye, jinko karne me mujhe badi kheej hoti thi yaa unhe delay karta rehata tha. Maslan- gas dairy ki booking, gas slender refill karwana, nal, bijli, telephone bagaira ke bill jama karaana, bazaar se koi urgent samaan laana bagaira bagaira.
Khair......aage.

"Sochega ki pati patni ko tharak chadhhi hai aur aaj bahut jabardast chudaaii hone waali hai" mene shararat se kaha.
Darasal.........kabhi kabhi me khule shabd use kar leta tha, jab bedroom me hote the. Mera maan'na tha, ki khule shabdo se sex ka maza doguna ho jata hai.
Haalaaki leela hamesha iska virodh darshaati thi, lekin me jaanta tha ki use bhi ye pasand tha, lekin strichyut swabhaav ki wajah se wo is tarah ki baatcheet ka khule me samarthan nahiin karti thi.
"tumko is kaam ke alaawa koi kaam hi nahiin hai" wo maathe par hatheli rakhte huye boli-"pata nahiin office time me tumhara gujaara kaise hota hoga??"
"Wahaan to tumhara khayaal aur bathroom hi kaafi hai. Haan.........bathroom nahiin hota, tab jarur dikkat hoti hai" me muskuraate huye bola.
"Ohohoho" wo muh banaati huyi boli-"sab pata hai mujhe. dk, rajesh, prince, ht, harshit aur puri chandal chaukdi me jab baithhte ho to siwaay apni patniyo ka mazaak banaane ke tum logo ko koi kaam nahiin hota hai. Whatsapp pe jab patniyo ka mazaak udaaya jaata hai tab tum kitne khush hote ho, wo chhupa nahiin hai mujhse"

"Whatsapp pe patniyo ka kitna bhi mazaak udaaya jaata ho, kitne jokes banaaye aur forward kiye jaate ho, lekin sachchaayi iske ulat hai leela" me serious hote huye bola-"sach ye hai ki me tumhare bina bilkul adhura hu. Tumhare bina jivan ki kalpana bhi nahiin kar sakta. Subah chaay laakar uthhane se lekar raat ko doodh dene tak hazaaro kaam aise hain, jinko tum naa karo to mera kya haal ho, ye mujhe bhi nahiin pata. tum meri jindagi ho leela. Dil se me tumhara kabhi mazaak udaana to door, sun bhi nahiin sakta"
"Mujhe pata hai sid.....mujhe sab pata hai ki tum mujhe kitna pyar karte ho. Mujhe maaf kar do jo mene tumhe dukhi kiya. Iam sorry sid" wo apne kaan pakadte huye boli.
"Are pagli......dukh kaisa?? Jo sach hai wohi to kaha mene. I love you leela" mene khada hote huye kaha.
"Ohh sid......i love you too" wo mere seene se lagte huye boli-"mujhe hamesha..........aaaaahhhh" kehate kehate wo ekdum chillate huye alag huyi.
Uski aawaj sun kar apne kamre se manish bhi bhaaga hua aaya.
Mene aur manish ne lagbhag ek sath hi puchha-"kya hua leela??"
"w.........wo..........saanp........saanp hai wahaan"
Hum dono ki najar ek sath us saanp pe padi. Wo......jo ki ekdum kaala tha aur kundali maar ke, fan uthhaakar hume hi dekh raha tha. 

Manish bhaagne ko hua-"me laathhi lekar aata hu"
manish ka us jagah se hilna tha ki saanp ne fufkaar maarte huye jamin par apna fan patka.
"Ruko..........mat bhaago manish" mene kuchh sochte huye kaha-"tum iske daaye bhaago aur leela tum" me leela se mukhaativ hokar bola-"tum baaye bhaago. Isse wo confused ho jaayega"
"Aur tum?" Leela ne shankaa jaahir ki.
Wo saanp abhi bhi usi haalat me lekin satark baithha hua tha.
"Meri chinta chhodo. Tumhe pata hai ki ye mera kuchh nahiin bigaad sakta. Tum dono jaao yahaan se"
Mere kahe anusar wo bipreet dishaao me bhaage.
Saanp kabhi daaye dekhe aur kabhi baaye. Itna mauka kaafi tha mere liye. Mene wahaan pada ek bhagona uthhaya aur ulta patak diya uske upar.
Ab saanp us bhagone me qaid tha.
Manish aur leela wapas aa chuke the.

"Kamaal kar diya sid bhaiya aapne. Lekin.......ab ise kaise maaroge?"
"Dekhte jaao" keh kar Me andar gaya aur ek bada saa aur majboot plastic bag le aaya.
"Ye kya karne jaa rahe ho tum?" Leela ne aashankit hokar puchha.
"Gireeh janwar hai bechaara. Rasta bhatak kar aa gaya idhar. Me ise is plastic bag me qaid karke jungle me chhod aaunga"
"Tum aisa kuchh nahiin karoge. Qaid karne me kaat liya ya Kahiin bair baandh liya aur wapas aa gaya to?? Pls sid maar do use"
"Kuchh nahiin hoga mujhe. Door hato aur mujhe apna kaam karne do"
Leela aur manish door ho gaye. 5 minutes me mene us saanp ko qaid kar liya.
***********************************

(Teen ghante baad. Waqt raat 10 baje)
"Sidddddddddd" leela buri tarah cheekhi. Uske hath se doodh ka gilaas gir kar bikhar chuka tha, jise wo mere liye laayi thi.
me palang pe shaant pada hua tha. mere muh se jhaag nikal rahe the.
Leela badhawaas si bhaagi meri taraf aur buri tarah jhankjhodte huye chillayi-"sid.........uthho sid. Kya hua tumhe? Uthhoooooooooo"
***********************************

"wo chhodo mr. siddharth. short me bataao age kya huaa tha" mene....yaani inspector prem sagar ne kaha-"jhoothhi story sunaane ki koshish bhi mat karna. tumhari jhhothhi kahani me pehale bhi sun chuka hu. me pakke taur pe keh raha hu ki ye ek haadsa nahiin.... balki khoon hai. me sirf tumhe ek mauka de raha hu sach bolne ka"
"ab me sach hi bol raha hu inspector sahab"
Darasal....subah 3 baje thaane me phone aaya tha. mene hi attend kiya tha. Phone sid ne hi kiya tha.
me pahucha to dekha ki manish mara pada hai aur uske muh se jhaag nikal rahe the. Sid ki bhi haalat jyada achchhi nahiin thi. Sid aur unki patni leela se Puchhtachh me pata laga ki din me inke ghar ek saanp (snake) aa gaya tha, jise sid ne polythene me qaid kar liya tha. raat 10 baje jab leela sid ke liye doodh lekar aayi to pata laga ki use saanp ne kat liya hai. wo chillayi to manish aaya. saanp abhi bhi polythene me pack to inhone andaza lagaya ki shayad nagin badla lene a gayi hai aur usne sid ko das liya hai. wo log dhhundne lage. manish bathroom me dhhundkar baahar aaya tabhi manish ko bhi nagin ne das liya. Sid choonki yoga teacher tha, nagin ke daste hi usne kuchh yoga voga kiya aur usne zehar pe kaaboo kar liya aur hosh me aa gaya. manish mar chuka tha. sid ne thane phone kar diya.

Mauka-e-baardaat dekhkar pata laga ki manish ko tathakathit nagin ne maathe par dasa hai. mujhe ajib laga. Kya uske pankh the jo hawa me udkar maathe pe das liya?
Dusra- nagin ko dhhundne me ek ghanta laga hoga, yaani mere mutabik had se had 11 baje tak manish ko nagin das chuki hogi, is bich leela ne naa hi to khud prayaas kiya in dono ko hospital le jaane ka aur naa hi ambulance ko phone kiya....kyu? Kya karti rahi leela 4 ghante tak?
iska leela ke paas koi santoshjanak jawab nahiin tha.
teesra...nagin ke dasne ke baad sid ka thhik ho jaana bhi mujhe nahiin jama.
Chautha- bathroom ke halaat bata rahe the ki koi abhi abhi usme nahaaya hai. aise halaat me koi kaise nahaa sakta hai?
in sab bato ko gaur karke mene alag alag dono se puchhtaachh ki.

Leela ne kuchh nahiin bataya, lekin sid se jab halaat bataate huye mene kaha ki tum to behosh the aur saare halaat leela ki taraf ishara kar rahe hain ki ho naa ho manish ko leela ne hi saanp se daswaaya hai. yaa ye bhi ho sakta hai ki tum dono ne manish ko maara ho. isliye sid aur leela ko giraftar karne ki baat kahi to wo toot gaya. bola...jo kiya hai mene kiya hai. use to pata bhi nahiin hai ki manish ko mene maara hai. aur ab wo asli kahani bata raha tha.
*********************************

Sid ne dowaara bataana shuru kiya-"Mujhe bada maza aa raha tha leela ki haalat dekhkar. Man me aa raha tha ki jor jor se hansu uski is haalat par. Lekin me abhi uthhna nahiin chaahta tha. Is romanch ka me aur mazaa lena chaahta tha.
Leela mere sharir ko buri tarah jhankjhod rahi thi aur mujhe uthhne ke liye bol rahi thi.
Itne me manish ki aawaz aayi-"kya hua leela?"
"Abe ghonchu.....kuchh nahiin hua. Tu bhaag yahaan se. Mujhe meri leela se aur maze lene de" mene man hi man jhidka manish ko.
"Dekho manish.......kya hua inhe? Ye uthh kyu nahiin rahe. Kuchh karo jaldi se"
Manish bhaagkar aaya aur mujhe dekhkar shocked hote huye bola-"i.......inhe to s.......saanp ne khaa liya hai" aur turant meri nabj dekhte huye bola-"nabj chal rahi hai, lekin bahut dheemi hai"

"Kya bak rahe ho tum? Saanp kaise khaa sakta hai? Wo to wo bandha pada hai plastic bag me"
"Mujhe nahiin pata" manish meri naak ke aage apni hatheli rakhta hua bola-"saans to lagbhag toot chuki hai. Kya pata is naag ki koi naagin ho aur usi ne inhe badla lene ke liye kaat liya ho?"
"Abe saale, me ekdum thhik hu. Bada philosopher aur doctor ka choda ban raha hai. Nabz dheemi ho gayi, saans toot gayi. Teri behan ki choot bhosdi ke" me man hi man jor se chilla kar bola-"naagin ne badla le liya........huh. teri gaand chutiye. basss......kuchh der aur.....fir me ye bata dunga ki me mara nahiin hu hahaha"
"n.........naagin" leela chaunkte huye boli-"m........matlab w........wo abhi bhi yahiin hogi??"
"hehehe.....ab aayega maza" muzhe sach me bada maza aa raha tha.

Manish ne chaaro taraf najar daudaayi aur bola-"Wo yahaan nahiin hai. Me dekh chuka hu. Shayad wo sirf inhe hi apna dushman samajhti hai. Warna kamsekam wo tumko kaatne ki koshish to karti hi, kyuki tum isi ka.re me thi"
"m.........mujhe kyu kaategi wo? Mene to uske saanp ko najar bhar ke dekha bhi nahiin tha" aur iske sath hi wo manish se sat gayi-"a....aur achchhi tarah dhoondo manish use. a.....aur is saanp ko baahar chhod aao. Use uska saanp mil jaayega to wo wapas chale jaayenge"
Aur un dono ne lagbhag ek ghante me ghar aur laun ka ek ek kona chhan maara.
"Kamaal hai.....ye to mujhe bilkul hi bhool gayi. Ise to apni jaan bachaane ki padi hai" mujhe pehale jahaan maza aa raha tha, wahiin ab thoda gussa aa raha tha"
**********************

"tum ye natak kyu kar rahe the?" mene bich me tokte huye puchha.
"mazaak karna chaahta tha thoda saa leela se...aur kuchh nahiin"
"thhik hai...continue karo" mene kaha.
*************************

Sid ne dowara bataana shuru kiya-"Wo sab baad me.......pehale inhe hospital le chalte hain" leela mujhe uthhane ki position banaate huye boli.
"Ab mujhe uthh jaana chaahiye. Bass....ye khel yahiin tak tha" ye sochkar me uthhne hi waala tha ki manish ki aawaz aayi-"pagal ho gayi ho?"
"y........ye kya hai be?? manish ko kya hua?" me uthhna bhoolkar sochne laga.
"Kyu....kya hua" leela ne puchha.
"Humari muraad puri hone waali hai aur tumhe isko hospital le jaane ki padi hai?" manish ki shaitaani me doobihi huyi aawaz aayi.
"Ye me kya sun raha hu? Kya me neend me hu aur sapna dekh raha hu? nahiin nahiin...... ye sapna nahiin hai. to fir kya hai. manish aisa kyu keh rahi hai? "

"matlab" leela ki hakbakaayi si aawaaz aayi.
"matlab.......jo sapna hum mile hain, tab se dekhte aaye hain ki ek chhota saa ghar ho jisme sirf me aur tum ho.....wo ab pura hone waala hai buddhu. Sid ko marne do. Uski nabj rukne do, uski dhadkan thamne do, saanse rukne do. Fir is ghar me sirf me aur tum. iske insurance ke 50 lakh rupye mil hi jaayenge. paise ki ab bhi koi kami nahiin hai, tab aur maze honge. Humara pyar jeet gaya leela, humara pyar jeet gaya. Dekho......dekho upar waale ne hume kis tarah hamesha ke liye ek kar diya hai manish. I love you leela.....i love you" aur.......aur manish leela se kisi bel ki tarah lipat gaya.
"Omg..........ye kya sun raha hu me? n.....nahiin....... ye nahiin ho sakta. Meri leela aisi nahiin ho sakti. Ye nishchit hi sapna hai" iske sath hi mene apne anguthhe ka naakhoon hatheli par chubhoya-"nahiin..... ye haqeeqat hai. Uffff......ye mazaak mene kyu kiya? Bhool bhere me hi sahi, lekin meri jindagi sahi salaamat chal rahi thi. Kya zarurat thi mujhe ye natak karne ki....leela ko daraane ki planning karne ki kya zarurat thi? yoga teacher hone ke karan dhadkan, saans, nabj bagaira par control karna to aata hi hai. Lekin aaj in sab par mujhe rona aa raha tha. Mera hansta khelta pariwar...... ek jhatke me khatm ho gaya. Aakhir aisi kya kami reh gayi mere pyar me jo leela manish ke paas chali gayi?"
iske baad mujhe bahut si baaten pata lagi.

Wo dono college ke jamaane se hi pyar karte the.
Meri najar leela pe padi, aur khoobsurati ka kaayal hokar uski garibi ko darkinar karke bina dahej usse shaadi ka prastaab uske maa-baap ke saamne rakha. Leela ne jee tod virodh kiya, yahaan tak ki bhaag kar manish ke paas chali gayi. Lekin manish ke dimaag me ameer banne ki puri scheme ban chuki thi. Usne leela ko mujhse shaadi karne ke liye kaha aur mauka dekhkar mujhe raaste se hataane ki baat kahi.
Leela ne shuruaat me iska virodh kiya, lekin manish ne use apni baato me lekar aakhirkaar raazi kar hi liya.
Usi raat manish ne leela ki seal todi.....yaani uske saath sex kiya.
Shaadi ke baad Leela mujhse pyar ka natak karti rahi aur peehar jaati, tab usse milti rahi.
Jab raha nahiin gaya to manish ko trick se mere yahaan rakh diya gaya.
Leela mujhse kabhi kabhi manish ki buraayi karti rehati thi. Lekin Manish mere bahut se kaam kar deta tha, isliye mene dhyaan nahiin diya. Haan.....kabhi bhi manish ke charitra par ungli nahi uthhaayi thi leela ne. Bas chhoti moti shikaayaten.....jaise kachra yahaan fenk diya, ye jagah gandi kar di, regular kamre ki safaayi nahiin karta, paani jyada failaata hai etc.
Ye sab bhi unki sajish ka hi hissa tha, jisse me use nahiin nikaalu aur naa hi unpar shak karu.
Me ek tiraahe par khada tha- 

ek raasta tha ki me in dono ko maar du. Lekin isme meri jindagi barbaad ho jaati.
Dusra raasta tha ki me ye sab yuun hi chalta rehane duun. Lekin isme hamesha meri jaan pe khatra rehata aur sath hi mera aatm-samman hamesha ke liye gart me gir jaata.
Teesra ek tareeka aur tha. Wahi mene apnaane ki sochi.
****************************

"kaunsa tareeka?" mene puchha.
"manish ko maar du aur ise accident ka rup de du. dheere dheere hi sahi...leela use bhoolkar mujhe pyar karne lagti aur meri jindagi fir se patri pe aa sakti thi"
"kya kiya tumne?"
"un dono ne mere paas hi mere bed par sex kiya aur wo nahaane chale gaye. unke bathroom me ghuste hi me uthha aur saanp ke fan ko is tarah baahar nikaala ki sirf fan baahar rahe aur achchhi tarah taqat se pakad liya. mujhe pata tha ki manish hi pehale aayega.
kareb 2 baje jaise hi manish baahar nikla mene ek hath se manish ke muhe ko dabocha aur bijli ki teji se saanp ke fan ko sidha manish ke maathe par maara"
"hmm...matlab leela ko i baare me kuchh pata nahiin lag saka?"
"nahiin.... me sooch raha tha ki agar mera ye plan successful ho jaata hai to meri life....jo khatm ho gayi thi dowara jivit ho sakti thi. mene ek aise aadmi ko maara jo dimag se hi nahiin... charitra se bhi ganda tha aur usne leela ko bargala rakha tha"
"tuhari biwi bhi to charitraheen hai. uski bhi utni hi galati hai, jitni manish ki"
"maanta hu....lekin mere paas aur koi raasta nahiin tha"

Baat sahi thi. usne jo kuchh kiya...apne pariwar ko bachaane ke liye kiya tha. Kanoon ki najar me ye clear cutt murder ka case tha. Lekin afsos...ki usme wo fans raha tha jiski koi galati nahiin thi. Jabki jiski galati thi....yaani leela, use is case me aanch bhi nahiin aani thi.
Bahut soch vichaar karke mene ye case ek simple saanp ke dasne ka bata kar khatm kiya.
Aapme se jyadata log mere is faisle par ungli uthhayenge. Lekin mene apni security officer ki naukari me wahi kiya jo meri nazar me sahi tha.....naa ki wo jo kanoon ki nazar me sahi tha.
Jai hind. 

THE END