Xossip Ultimate Story Contest 2015

[Expert]

Serial Killer

niks77killl

"Ek aur ladki rehsyamyi tarike se hui pali road se agwa.. har baar ki tarah na kisi ne kuch dekha na kisi ne kuch suna.. security officer har baar ki tarah taftish kar rahi hai.. par is baar bhi agwa insan ke gharwalo ko bas lash ke bache khuche tukdo ke milne ka intezar hai.. ye is serial killer ki daswi hatya hogi.. aur is kidnapping ke baad to is case ko CBI ko saupe jane ki maang ne or jor pakad liya hai.." tv par koi news chal rahi thi jo kafi interesting thi. Pali road ke paas hi hamara ghar tha par humne bhi aajtak kuch dekha ya suna nahi tha.

"Maa.. khanaa..." maine awaaj di par maa ka koi jawab hi nahi aaya.
"Maaa..." maine phir awaaj lagayi par phir yaad aaya ki maa to papa k sath abhi tak bahar se aayi hi nahi hai. Dono bahar ghumne gaye the aur kafi time se laute nahi the.
Mujhe bahut joro se bhuk lagi thi aur ye maa abhi tak lauti hi nahi thi. Lagta hai aaj bhi bahar hi khana padega. Tabhi mere mobile ki ghanti baj uthi. Dekha to Dr Mishra ka phone tha.
"Hello Dr uncle.. kahiye kaise yaad kiya..??" Phone uthate hi maine poocha.
"Are anjali beta.. tumhari to hume har pal yaad aati rehti hai.. ye batao aaj to medicines time se le liye the na?? Bhuli to nahi??"
"Ohh.. sorry uncle.. mai sach mai bhul gayi.. aap ruko.. mai abhi le leti hoo.."
"Ye kya beta... kya karti ho.. medicines to time se leni chahiye na.. chalo koi ni.. ab lelo.. aur agar khana nahi khaya ho to khana khakar hi lena.."

"Thik hai uncle.. mai abhi khana khane hi ja rahi thi.. chaliye phone rakhti hu.. khana kha lu.. nahi to phir aapki daant sunne ko milegi.."
"Thik hai beta... bye.. goodnight.. aur medicines jarur le lena.."
"Thik hai uncle.. bye.."
Maine abhi phone rakha hi tha ki kitchen se microwave ki alarm ki awaaj aayi.
"Oven mai kuch rakha tha kya khane ke liye??" Maine apne dimag par jor dala par yaad nahi aaya. Par awaaj aayi thi to kuch na kuch to rakha hi hoga. Wese bhi ajkal bhulne ki nayi bimari jo lag gayi hai mujhe.
"Ye maa ko bolkar is badboo ka kuch karna hi padega.." mai badbadate huye kitchen mai jane lagi. Pichhle kuch samay se hamare pados wale ghar se hamesha mare chuho jesi badboo aati rehti hai jo kabhi kabhi to itni badh jati hai ki saans lena bhi mushkil ho jata hai.
Mai abhi oven tak pahuchi hi thi ki tabhi mujhe abhaas hua ki kitchen mai mere alawa koi or bhi hai. Maine palatkar dekha to paya kone mai ek aadmi khada hai jisne naqab oad rakha hai or uske hath mai ek bada sa chaku hai. Mai dekhte hi samajh gayi ye wahi serial killer hai jiske bare mai tv par bata rahe the.
Mai kuch kar pati itne mai wo aadmi teji se meri taraf aaya aur paas rakha belan uthakar usne mere sir par de maara.

Mujhe yaad nahi mai kitne samay tak behosh rahi par jab hosh aaya to esa laga ki meri aankho ki roshni hi chali gayi hai. Par esa nahi tha. Meri aankho par kali patti bandhi thi. Aur tabhi mera dhyan us taklif par gaya jiski vajah se mai hosh mai aayi thi. Mujhe ek barf ki silli par leta kar rasiyo se bandha gaya tha or badan par ek bhi kapda nahi tha. Mai apne badan ko us silli se hatane ke liye machal rahi thi par koi fayda nahi ho raha tha. Badan ka nichla hissa sunn ho chuka tha aur thand ab dimag par poori tarah hawi ho chuki thi. Sir mai abhi bhi dard tha par wo dard us taklif ke aage kuch nahi tha jo us barfili thandak ki vajah se ho rahi thi.

"Kyu kesa lag raha hai tujhe..??" Ek aadmi ki darawni si awaaj mere kaano mai padi jise sunkar mai thar-thar kaap gayi.
"Kaun ho aap.. please mujhe jane do.. mujhe bahut taklif ho rahi hai.. maine aapka kya bigada hai.. please aap mere sath esa kyu kar rahe hai.." maine rote gidgidate huye usse kaha.
Badle mai ek jordar athhaas waha goonj utha jisse mai samjh gayi mai ek band kamre mai hoo jo shayad underground hai.
Jese hi usne hasna band kiya wo mere paas aaya aur mere chehre ko apne hath se dabochte huye bola, "Kyu jab meri anjali ko maar rahi thi.. meri fool jesi beti ko noch noch kar kha rahi thi.. tab uski taklif ka tujhe khyal nahi aaya.. ab jara sa dard kya hua rone lagi.. hhhaahh.."
"Ye kya bol rahe ho uncle.. anjali to mera naam hai.. maine kisi ko nahi mara.. please mujhe jane do.. bahut thand lag rahi hai uncle.. please is barf ki silli se to utar do kam se kam.." maine gidgidate huye hi apni baat kahi. Mai samjh chuki thi ki ye wahi serial killer hai aur poori tarah psycho hai. Iske changul se agar bachna hai to apni taraf se hi tikdam bhidani hogi.
"Ruk tu aise nahi manegi.. abhi teri thand door karta hoo.." wo aadmi thoda piche hata or phir meri rassiya kholkar mujhe uthakar usne ek bistar par patak diya.

Us bhaynakar thand se mili turant rahat se mujhe achha to laga par phir achanak hi dimag mai aaya ke isne mujhe bed par patka hai aur mere sharir par abhi bhi ek bhi kapda nahi hai. Aankho par patti abhi bhi mojoud thi par hath pair usne aapas mai bandh diye the. Maine jitna ho saka apne badan ko sikod liya taki apne ango ko usse chhupa saku.
"Dar mat.. tera bang karne ka mera koi irada nahi hai.. tere sath sokar mujhe apna sharir ganda nahi karna.. mai to yaha tujhe teri thand door karne ke liye laya hu.." jab uski awaaj mere kaano mai padi to mai thoda relax ho gayi par abhi ek second bhi nahi gujra tha ki ek garam jalti huyi lohe ki rod meri peeth par kode ki tarah padi. Ek to uski garmi or jis tezi se usne wo rod mari thi meri peeth ka maans pighlate huye wo mere sharir mai dhas gayi.
"Kyu.. aayi garmi..??" Itna bolte hi usne phir ek baar wo rod mujh par barsayi. Is baar wo seedha mere kandhe par lagi or waha ka maans bhi turant hi udhad gaya.
"Please uncle.. mujhe chhod do.. please.. bahut dard ho raha hai.." mai royi buri tarah gidgidayi par us jalim par koi asar nahi hua. Usne or ek baar mere upar wo rod barsayi.
"Tujhe abhi se dard hone laga.. to soch meri anjali kitna tadpi hogi jab tune use maara tha.. abhi to maine bas shuruat ki hai.. tu aage aage dekh mai tera kya haal karta hu.." itna kehkar usne wo rod wahi jamin par feki or waha se chla gaya.

Mere badan ka maans jaha bhi wo rod padi thi un jagaho se pighal chuka tha or sare sharir se khoon beh raha tha. Pehle wo barf uske baad rod ki maar ne mere sharir ki saari taqat khich li thi or ab lag raha tha ki mai kisi bhi pal marne wali hu. Mujhe marne ke baad ye killer mujhe bhi kha jayga or phir mere sharir ke baki bache tukdo ko mere ghar bhej dega baki lasho ki tarah.
Mai rona chahti thi par sharir mai itni taqat bhi nahi bachi thi ki ansoo bhi baha saku. Par itna mai samajh chuki thi ye killer poori tarah pagal hai or ye apni beti ki hatya ka badla le raha hai sabse. Maine kahi padha tha ki ese logo ko kafi sadma lagta hai jab unka koi apna mar jata hai or phir wo poori duniya ko apna dushman samjhne lagte hai. Aur ab is dushmani ka shikar mai bani thi. Kisi bhi pal wo mujhe maar sakta tha aur mai kuch nahi kar pati. Mai abhi ye sab soch hi rahi thi ki mera sir ghumne laga aur mai phir behosh ho gayi.

Mujhe hosh tab aaya jab badan par kuch chubhta aa mehsoos hua. Maine apni aankhe kholi to dekha usne meri aankho se patti hata di hai aur ab wahi patti mere muh par bandhi thi. Usne mere hath piche ki tarf bed se bandhe huye the or sharir abhi bhi nanga hi tha. Mai bebasi se bas gooo-gooo ki awaaj hi nikale ja rahi thi jab uska chaku mere sharir ke har hisse par adha-adha inch ghusakar wo bahar nikal raha tha. Ankho se ansoo beh rahe the par use koi fark na to pehle pada tha na ab padne wala tha.
Maine uska chehra dekha to paya wo kareeb 45-50 ke bich ka aadmi tha jiske chehre se darindagi saaf jhalak rahi thi. Maine uske chehre se najar hatayi or ek najar aas paas dekha to paya ye uska bedroom tha jaha bed ke samne hi ek tv rakha tha. Mai soch rahi thi ki ab tak to maa-papa ko mere kidnap hone ke bare mai pata chal hi gaya hoga or is waqt meri kidnapping ki hi news tv par aa rahi hogi. Phir achanak hi ek bhyanak khyal mere dimag mai aaya ki mere parents to kafi dair tak laute nahi the kahi isne unhi bhi maar to nahi diya.

Na jane use kya hua usne apne chaku ki harqat rok li aur phir aakar mere bagal mai let gaya.
"Janti hai.. tu bahut sundar hai.. meri beti Anjali bhi teri tarah hi sundar thi.. teri umra ki hi to thi.. shadi hone wali thi uski.. maa nahi thi uski bachpan se hi.. isliye mai hi uska sabkuch tha.. hum dono uski shadi ki shopping ke liye hi market gaye huye the.. jab tune use agwa kiya.. or maar diya.." mere badan ko sehlate huye wo bolne laga or sath hi ro bhi raha tha. Jawab mai bas goooo-goooo ki awaaj hi nikal pa rahi thi. Mujhe ab pakka yakin ho gaya tha ki ye aadmi poori tarah se psycho hai or ab meri maut nazdik hai.

"Kuch bolna chahti hai.." itna kehte huye usne mere muh par bandhi patti hata di.
"Dekhiye.. uncle.. please maine aapki beti ko nahi maara.. mera hi naam anjali hai.. aapko koi galatfehmi huyi hai.. please mujhe jane dijiye.." maine kisi tarah apni baat poori ki. Dard itna jyada tha ki mujhse bola hi nahi ja raha tha.
"Jhoootttt.." wo chillaya "maine dekha tha tujhe.. use agwa karte huye.."
Iske baad wo khada hua or bola, "Tu aise nahi manegi.. ruk tujhe abhi sach bolna sikhata hu.."
Itna kehne ke sath hi usne bed ke bagal mai rakhi drawer se ek plyer nikala or phir mere upar chad gaya.
Ek ek karke wo baalo ke guchhe mere sir se ukhadne laga.
"Bolegi jhut abb.." vehshi tarike se haste huye wo chillaya.
Dard ab limit se bahar tha. Mai siway chillane ke ab kuch nahi kar sakti thi. Esa lag rah tha ki ab to bas maut aakar kisi bhi pal is dard se rahat dilaye. Par insan ke chahne se thodi na sab kuch hota hai.
Achanak bahar se security officer jeeps ke sirens ki awaaj aane lagi jinhe sunkar wo ruk gaya. Uske chehre par gussa bhi tha or ab ek vijayi muskan bhi thi. Pehli baar ab mere chehre par bhi muskan thi kyuki ab mai bachne wali thi. Phir mujhe yaad nahi ke aage kya hua kyuki mai phir behosh ho chuki thi.

Jab mujhe phir se hosh aaya to mere sharir par kapde mojoud the par andar se itni kamjori mehsoos ho rahi thi ki aankhe bhi nahi khul rahi thi. Ha par bahar ka shor jarur saaf sunayi de raha tha jo kafi tej tha. Mai shayad kisi ambulance mai thi or bahar ki awaajo se saaf pata chal raha tha ki wo sab news reporters the.
"Sir aapne us killer ko arrest kar liya??" Ek reporter ne pucha.
"Ji ha.. hume ye batate huye bahut khushi ho rahi hai ki humne us killer ko pakad liya hai.. is shehar ki janta ek baar phir khud ko surakshit mehsoos kar sakti hai.." inspector ne khushi ke sath jawab diya.
"Sir humne suna hai usne ek or ladki ko kidnap kiya tha.. kya wo ladki sahi salamat hai..??" Ek or reporter ne pucha.
"Ji.. us killer ne kisi ladki ko kidnap nahi kiya tha.. balki wo ladki hi serial killer thi.." thoda atakte huye inspector bola.
"Darasal ye ladki jiska naam anjali hai mentally bahut hi unstable hai.. saal bhar pehle iske parents ki kisi ne ranjish mai hatya karke lashein isi ke ghar parcel kar di thi.. jiske baad iska mansik santulan poori tarah se bigad gaya.. wese to ye normal rehti hai par jab bhi ye kisi ko apne parents ke sath dekhti to ye poori tarah se apna aapa kho deti hai.. aur us insan ka kidnap karke use maar deti hai.. phir use kha jati hai.. or bachi khuchi lash ko unke gharwalo ko hi parcel kar deti hai.. iska ilaj kar rahe Dr mishra ne hume bataya hai ki ye ladki amnesic bhi hai.. or mentally ye totally disturbed hai jise sirf pyar se hi kaabu mai laya ja sakta hai..

Ye jo kidnapper hai wo is ladki ke pichhle shikar ka pita hai.. jisne ise dekh liya tha jab isne pata puchne ke bahane iski beti, jiska bhi naam anjali tha, ko kidnap kar liya tha.. is ladki ke padosiyo ne jab iske ghar se badbu aane ki shikayat ki tab sari sachhayi ka khulasa hua.. waha ghar ke basement mai abhi gayab huyi ladki ki lash padi thi or jiska hath iske ghar ke oven mai pak raha tha.. ye apne shikar ko khati bhi shyad isi badle ko poora karne ke liye thi.. baki investigation chal rahi hai.."
Ye sab sunkar mai andar soch rahi thi, "Aaj phir medicines lena bhul gayi.. Dr uncle phir daant lagayenge.."

***The End***