ARJUN vs ZAHEER

[Greenwood]

Update 99




Scene – Early Morning, Arjun’s Room
Arjun apne kamre ki khidki ke paas baithe cigarette ke dhuye ke chakkar hawa me uda raha tha. Aankhen laal si, raat bhar ki neend usne phoonk phoonk kar uda di thi. Dil me abhi bhi kal raat ka gussa tha—Shanu ki baatein, uska Zaheer ke liye khul kar khada ho jaana, aur phir uss thappad ki yaad jo usne gusse me maar diya tha. Uske dimaag me sab kuch ghoom raha tha, lekin Arjun wo aadmi nahi tha jo sirf emotions me doob kar baith jaye. Uski planning machine jaise dimaag phir se chalne lag gaya tha.
Arjun apne chair pe piche jhuk kar sochta hai
Arjun (andar hi andar)
Agar mujhe un sab pe control paana hai, to ab ek naya angle sochna hoga. Sirf aam students ko target karne se kuch nahi hoga. Mujhe un logon pe haath daalna hoga jinke aas paas crowd apne aap lagta hai.
Usne ek diary uthai, pen khola aur likhna shuru kiya.
Arjun
Singer… dancer… athletes… basketball team… haan, yahi log hain. Inke aas paas hamesha bhid hoti hai. Agar yeh convince ho gaye, to indirectly unke fans, unke dost, unke supporters sab mere side aa jayenge. Matlab hundreds of votes without much effort.
Wo ek aur cigarette jalata hai, ek lamba kash leta hai aur diary me naam likhne lagta hai jo uske dimag me ghoom rahe the—college ke famous faces. Uski aankhon me ek thandi si chamak aa gayi jaise kisi ne usse ek naya weapon de diya ho.
Arjun
Zaheer… tu samajhta hai sab tere favour me jaa raha hai. Ab dekh, main kaisi game khelta hoon.
Arjun diary band karta hai, cigarette ki bachi hui raakh ko dabata hai aur ek confident smirk deta hai. Uska plan set ho chuka tha—ab bas execute karna tha.
Scene – Midday, College Campus

Ek classroom ke corner me ek chhoti si meeting chal rahi thi. Whiteboard ke saamne Zaheer, Shanu, Priya aur Taz baithe hue the. Table par files, pamphlets aur water bottles bikri hui thi. Subah ki thakan sabke chehre par dikh rahi thi, lekin dimaag abhi bhi active tha.
Zaheer apni notebook bandh karke sab ki taraf dekhta hai
Zaheer
Humne campus ke har kone me rally ki, posters lagaye, seminars kiye… lekin abhi bhi Arjun humse ek kadam aage khel raha hai. Kuch aisa hai jo hum touch nahi kar paye.
Shanu apna pen ghumate hue sochti hai
Shanu
Exactly. Agar hume students ko emotionally connect karna hai to un jagahon tak pahunchna hoga jahan wo sabse zyada vulnerable feel karte hain.
Priya haath jod ke thoda frustrate hoti hai
Priya
Lekin aur bacha kya hai? Library cover ki, sports ground cover kiya, canteen cover kiya, classrooms bhi. Ab aur bacha hi kya hai?
Taz chair pe ulta baith kar mazaak me kehta hai
Taz
Bas hostel hi bacha hai. Waha jaake speeches doge kya? Girls ki balcony ke neeche mic lekar khade ho jaoge?
Sab hans padte hain, lekin Shanu aur Zaheer ek pal ke liye ek dusre ki taraf serious nazar se dekhte hain. Us nazar me mazaak nahi tha—jaise dono ek hi baat samajh gaye ho.
Shanu halki muskaan ke saath
Shanu
Nahi Taz… tumne mazaak me bola, par asal me hostel hi wo jagah hai jahan hum abhi tak nahi gaye. Wahi ek jagah hai jahan students apna asli din guzarte hain, apni asli problems face karte hain.
Zaheer sir hila kar agree karta hai
Zaheer
Haan. Hostel ke corridors, common rooms, late night study sessions… waha ka connection canteen ya classroom se alag hota hai. Agar hum waha unke saath interact karein, unki problems ko genuinely sunen… to hum unke dil jeet lenge.
Priya bhi excited ho jaati hai
Priya
Yaar this makes sense. Waha ka environment hi alag hota hai. Agar hum hostel side le aaye apni campaign me, to Arjun chahe jitna bhi smart ban jaye, students humse zyada relate karenge.
Sab ke chehre pe ek nayi energy aa jaati hai.
Shanu apne notebook me likh kar bolti hai
Shanu
To decide ho gaya. Hostel hoga hamara agla step.
Parallel Scene – Arjun’s Side
Campus ke dusre kone me Arjun apne 3–4 trusted boys ke saath baithe hue tha. Unke saamne ek list padhi thi—college ke famous dancers, ek band ke singers, aur basketball team ke teen players ke naam.
Arjun apne chehre pe confident grin ke saath bolta hai
Arjun
In sab ko individually approach karna hai. Unhe feel karana hai ki main unke talent ko support kar raha hoon. Agar yeh log mere favour me aa gaye, to Arjun ka naam har jagah ghoomega.
Uske dost excited ho kar taali bajate hain.
Arjun dil me sochta hai
Shanu… Zaheer… tum dono hostel ka plan banate raho. Main tumhare stars ko apni taraf kheench lunga. Tab dekhna kiski baat sunte hain students.
Scene – College Music Room, Late Afternoon

Ek soft guitar strum ho raha tha. Teen–chaar students practice kar rahe the—college ke famous singers aur musicians. Unke beech Arjun entry leta hai, ek friendly smile ke saath. White shirt ke sleeves fold kiye hue, haath me ek juice bottle.
Arjun casually guitar wale ladke ke paas jaake baithta hai.
Arjun
Tum logon ki practice dekh ke lagta hai ki is college ka asli talent yahin hai. Waise bataun? Agar thoda aur push mile na, to tum log bahar ke stage tod doge.
Singer hansi me bolta hai
Push kaun dega Arjun bhai? College me facilities ka haal to tum jante ho. Instruments purane, koi proper diet plan nahi, koi support nahi.
Arjun thoda jhuk kar unki taraf confidential tone me bolta hai
Arjun
Isi liye to mai keh raha hoon. Tumhe jo chahiye, wo sab arrange ho sakta hai—better equipment, rehearsal space, even proper diet consultation. Bas ek cheez chahiye… tum log mujhe apna samjho. Main tumhare side hoon.
Singer ke saath baaki boys bhi ek dusre ki taraf dekhte hain. Ek ladka cautious tone me bolta hai
Student
Arjun, hum kisi ke politics me padna nahi chahte. Hum bas apna music karna chahte hain.
Arjun hansi ke saath unke kandhe pe haath rakhta hai
Arjun
Aur wahi to main chah raha hoon… tum apna music karo, baki sab main sambhal lunga. Tum log meri guarantee ho. Tumhari awaaz, tumhara naam—tumhe agar sahi platform mila, to tumhare fan followers double ho jayenge. Aur mai chahta hoon tum logon ke liye ek bada stage banau.
Uska andaaz itna friendly aur convincing tha ki students ke chehre soften hone lage. Singer finally haan me sir hila deta hai
Singer
Theek hai Arjun… jo bol rahe ho agar sach hai, to hum tumhare saath hain.
Arjun andar hi andar smirk karta hai, jaise ek aur pawn board par chal gaya ho.
Scene Shift – Basketball Court, Evening
Basketball team ke players shots practice kar rahe the. Arjun ek ball uthata hai aur khud ek basket mar deta hai—wo bhi perfect shot. Team clap kar deti hai.
Arjun cool tone me kehta hai
Arjun
Aap log already stars ho, lekin imagine karo agar proper diet, gym supplements, aur naye shoes ho jayein… to tumhara game next level pe chala jayega. Main chahoon to sponsors tak baat kara sakta hoon. Bas ek cheez… mujhe apna dost samajhna.
Team captain ball pakad kar Arjun ke saamne aata hai
Captain
Aur tumhe hamari dosti ke badle kya chahiye?
Arjun confident grin ke saath
Bas support. Jab waqt aaye, bas itna kehna ki Arjun tumhare saath hai. Tumhara game mera game hai.
Captain aur team ke players ek dusre ko dekh kar sir hila dete hain.
Arjun unse casual hug karta hai, jaise ek family member ho. Lekin uske dimaag me sirf ek hi baat chal rahi hoti hai—votes aur influence.
Scene – Boys Hostel Common Area, Late Night

Common area ke tube lights halki yellow glow de rahe the. Walls pe poster lage hue the—kisi ka cricket match ka, kisi ka band ka performance. Shanu apne file aur notebook lekar Zaheer ke saath andar aati hai.
Hostel ke kuch ladke sofa pe baithe the, cards khel rahe the, kuch phones me busy the. Jaise hi Shanu ko dekhte hain, unke expressions change ho jaate hain.
Ek ladka seedha taunt maar deta hai
Arre waah… girls hostel bandh ho gaya kya jo madam yahan aayi hain?
Dusra hansi ke saath bolta hai
Zaheer bhai, lagta hai ab padhai se zyada romance ke notes banenge.
Ek teesra halka sa whistle bajata hai, jisse poore group me hansi phail jaati hai.
Shanu file table par rakhti hai, aankhon me gussa to aata hai, lekin wo kuch kehti nahi. Uske chehre ka expression ekdum composed hota hai.
Zaheer un ladko ki taraf ek sharp nazar se dekhta hai, phir calm voice me bolta hai
Bachpan se sikhaya gaya hai na ki mehmaan ka apmaan nahi karte… aur Shanu sirf meri saathi nahi, is strategy ka important hissa hai. Tum logo ko problem hai, to tum ja sakte ho.
Room ekdum khamosh ho jaata hai. Ladke thoda murmur karte hain, lekin phir chup ho jaate hain.
Shanu halka sa Zaheer ki taraf dekhti hai, uske aankhon me ek unspoken thanks tha. Zaheer sirf ek chhoti si reassuring smile de deta hai.
Dono table par baith kar plan discuss karne lagte hain. Notebook ke pages palat-te hue Shanu bolti hai
Agar Arjun ne apne star students ko target kar liya hai, to hume us jagah jaana hoga jahan wo abhi tak touch nahi kar paya.
Zaheer sir hila ke kehta hai
Bilkul. Aur tumhe notice hua? Hostel ke students ka apna ek alag hi network hota hai. Ye log khud to stage par nahi hote, lekin campus me har information, har gossip unke paas hoti hai. Agar ye log humare saath aaye, to Arjun ko pata bhi nahi chalega aur humara circle double ho jaayega.
Shanu thoda muskura kar bolti hai
To iska matlab hume hostel me hi entry leni hogi.
Us waqt Taz aata hai, ek chips ka packet kholte hue aur joke maar deta hai
Hostel politics ko sambhalna matlab ek saath 50 bhaade ke chachas ko convince karna… good luck, guys.
Sab hans dete hain. Shanu aur Zaheer ek dusre ki taraf dekhte hain aur bas ek aankhon ka ishaara hota hai—yehi next step hai.
Hostel ke common room ka mahaul dheere dheere badal gaya tha. Jo ladke pehle hansi-mazaak kar rahe the, ab thoda serious ho kar apni baatein share karne lage.

Ek lanky sa ladka, jo bunk bed ke kone par baitha tha, pehle bolta hai
Sabse badi problem hai paani ki. Din bhar ek tanki se hi kaam chalana padta hai aur subah 6 baje ke baad to tap bilkul sookh jaate hain.
Dusra ladka taana maar ke bolta hai
Aur jab paani aata bhi hai na, usme itna mitti hota hai jaise kisi ne balti bhar ke chuna ghola ho.
Shanu turant pen chalati hai, notes banane lagti hai.
Ek aur ladka, thoda gusse me
Mess ka haal to mat hi pucho. Kal daal khatti thi, paratha me se tel tapak raha tha aur ek din to roti kholne pe usme dead cockroach nikla.
Sab ladke zor zor se react karte hain.
Phir ek aur awaaz aati hai—
Aur raat ko chuhe aur machhar ka mela lagta hai. Lagta hai jaise hostel nahi, jungle me reh rahe hain.
Sab ki baat sun kar Zaheer unki taraf ghoom kar calmly bolta hai
Main tumhari frustration samajh sakta hoon. Ye sirf tumhari problem nahi, tumhare liye insult bhi hai. Aur yahi insult tumhare vote ki value bhi ban sakti hai.
Shanu softly add karti hai
Agar hum tumhari saari problems likh kar official complaint banaye, aur ek united group ke saath demand rakhe… to isse ignore karna kisi ke liye aasaan nahi hoga.
Ek ladka sceptical hota hai
Par complaint to humne pehle bhi bheji thi. Koi sunta hi nahi.
Zaheer uski taraf seedha dekh kar bolta hai
Tab difference ye tha ki tumhare peeche ek organized movement nahi tha. Ab hoga. Main promise karta hoon—agar tum log humare saath khade hote ho, to main apna naam risk me dal kar bhi tumhari awaaz upar tak le jaunga.
Room me khamoshi chhati hai. Sab ek dusre ki taraf dekhte hain.
Shanu fir muskaan ke saath bolti hai
Ye sirf ek election ka issue nahi hai. Ye tumhari dignity ki baat hai. Agar hum saath khade ho gaye to tumhari awaz ko koi ignore nahi kar paayega.
Dheere dheere ladke sir hilane lagte hain. Ek ladka bol padta hai
Theek hai… agar tum sach me serious ho, to hum tumhare saath hain.
Room me ek naya energy aa jata hai. Shanu aur Zaheer ek dusre ki taraf dekhte hain, aankhon me wahi satisfaction tha—pehla step successful ho gaya tha.

Library ke ek kone me Arjun apni team ke saath baitha tha. Table par cigarettes ke empty packets aur cold coffee ke glasses bikhar gaye the. Uske 3–4 close supporters uske aas paas notes aur student lists nikal kar baatein kar rahe the. Arjun ka expression thoda blank tha, lekin uski aankhon me ek thandi si aag jal rahi thi.
Ek ladka dheere se aage jhuk kar bolta hai
Bhai… ek khabar mili hai, Zaheer aur Shanaya Singh boys hostel gaye the. Wahan ke students ko ek saath bitha kar apni taraf khinchne ki koshish ki.
Arjun ki ungli cigarette ke filter par atak gayi. Usne ek gehri saans li aur dheere se smoke chhoda. Uski jawline kas gayi thi.
Woh khud se zyada gusse me mumbling karta hai
Slap ke baad… gusse ke baad bhi… usne uske sath jaana choose kiya? Behenchod Zaheer ke saath…
Table pe baitha ek aur supporter cautiously bolta hai
Bhai, tension mat lo. Hostel ke ladke kuch khaas kar nahi paayenge. Tumhare paas already star students ka support aa raha hai.
Arjun ne uske taraf aisi nazar daali jaise uski baat uske kaan tak hi nahi gayi ho. Usne apna haath table par thoda zor se patka, awaaz library ki khamoshi me halki goonj ban gayi.
Arjun teeth grind karte hue
Yeh sirf election ka khel nahi hai ab. Yeh personal hai. Shanu fir se us harami ke saath khadi ho gayi. Matlab meri baaton, mere warning, mere gusse ka us par koi asar hi nahi…
Uske saath baitha ladka dar kar chup ho gaya.
Arjun dheere se cigarette bujhata hai aur apni chair pe peeche tak jhukt kar baith jata hai. Uske hothon pe ek dark si muskaan thi.
Arjun
Agar woh meri baaton se nahi samajh rahi… to main use dikhata hoon ki meri khamoshi ka matlab kya hota hai. Zaheer ko target karne ka waqt aa gaya hai.. Arjun ki aankhen khidki se bahar tik gayi thi—aur uske chehre se saaf tha ki agla plan aur bhi zyada khatarnak hoga. 
Arjun
Ab waqt aa gaya tisre circle ko kholne ka, ab dekh tu zaheer behen ke lode qureshi.