ARJUN vs ZAHEER

[Greenwood]

Update 91




College ke ek kone me, campaign ke hustle-bustle se thoda door, Arjun akele baitha tha. Bench pe peechhe tikkar, dono haath apne bal pe rakhkar wo ek gahri saans leta hai. Principal ka announcement abhi bhi uske dimaag me ghoom raha tha, jaise koi bgm ho jo uske har thought ke saath baj raha ho.
Arjun ke dil me khud se ek monologue shuru hota hai.
Arjun (andar ki awaaz)
Football tournament… wahi din tha jab sab kuch badla. Ground par jeet ke baad jo energy thi, jo crowd ki cheekh thi… us din laga tha main kuch bhi kar sakta hoon. Aur tabhi ruling party ke log aaye mere paas. Unhone kaha, tumhe sirf khelna nahi hai, tumhe lead bhi karna hai. Collage election…
Uski aankhein ek pal ke liye bandh ho jaati hain. Visuals uske dimag me flash hone lagte hain.
— Madhu ka chehra, jab usne apne bete ko jeet ke baad gale lagaya tha.
— Pratap ka fakhr bhara look, bas aankhon me ek hi sawal tha… kitna aage jaa sakta hai mera beta.
— Shanu ka mischievous smile, jo hamesha uski tension tod deti hai.
— Aur Ammu… uske saath bitaye hue wo lamhe. Terrace pe baatein, raat ke wo close moments, jab dono ne ek doosre se bina bole sab keh diya tha. Ammu ke chehre ki warmth jaise abhi bhi uske dil me chhupi ho.
Arjun dheere se aankhein kholta hai, bench ki side dekhte hue muskurata hai.
Arjun (andar ki awaaz)
Bas aaj ka din aur… aur fir main banunga is collage ka naya Student President.
Uske lips par ek badi si confident smile aa jaati hai. Jaise saari journey, saari struggle ka ek sukoon mil gaya ho. Camera uske face par zoom karta hai—calm, determined, aur victorious.

Shaam ka waqt tha. College ke hustle-bustle se door, ek purani si building ke andar ka scene. Same wahi jagah jo pehle bhi ek do baar dikh chuki thi—andar kaafi andhera tha, sirf tube light ki halki jhilmil roshni, kuch purane table aur kursiyan, aur diwaar par lagbhag girti hui plaster. Hawa me ek ajeeb si mystery thi.
Wahi anonymous ladka aur ladki Zaheer aur Shanu ke saamne khade the. Dono ka expression abhi bhi blank tha, jaise samajhne ki koshish kar rahe ho ki yeh sab ho kya raha hai.
Anonymous ladka apni baat ko aage badhata hai.
Anonymous ladka
Sirf ek champion hi champion ko hara sakta hai. Aur aap dono… aap dono me wo potential hai jo Arjun Singh ke saamne khada ho sake.
Shanu thoda chokti hai, ek kadam peeche lete hue Zaheer ki taraf dekhti hai. Zaheer apne dono haath apne jeans ki pocket me dal kar khamoshi se sunta hai, uske chehre par koi clear emotion nahi tha.
Zaheer
Lekin hum isme aapki kya help kar sakte hai?
Uske saath hi Shanu bhi apna sir dheere se hilati hai, jaise is baat se agree kar rahi ho.
Anonymous ladki ek confident muskaan ke saath aage badhti hai.
Anonymous ladki
Arjun Singh ke paas college ka power hai, crowd hai, aur ab election ka raasta bhi. Uske saamne kisi aam insaan ka khada hona mushkil hai. Isiliye zaroori hai ki uske samne koi khada ho jo khud ek naam ho… ek champion.
Anonymous ladka
Aur hum jaante hai, aap dono ke paas woh spark hai. Question yeh hai… aap dono chahte kya ho?
Room me ek pal ke liye sirf tube light ka humming sound sunai deta hai. Zaheer aur Shanu ek dusre ki taraf dekhte hai—na smile, na gussa, bas ek blank expression. Jaise dono ke dimaag me ek hi sawal ghoom raha ho, lekin jawab abhi tak kisi ke paas nahi hai.
Camera dheere se zoom out karta hai, chaaro ke figures ko andheri building ke andar chhoti si roshni me dikhata hua… ek mystery atmosphere ke saath.
Raat thodi gehri ho chuki thi. Wahi purani building ke ek kone me, ek purani kursi par baith kar Shanu aur Zaheer dheere-dheere aapas me gupchup baat kar rahe the. Dono ke chehre par abhi bhi thoda confusion tha, lekin baaton me ek narmi aur apni hi duniya me doob jaane ka sa feel tha.

Shanu apni baat dhire tone me keh rahi thi.
Shanu
Mujhe samajh nahi aa raha Zaheer… yeh sab itna sudden… matlab kyun hum? Aur Arjun ke against…
Zaheer
(shant lekin serious)
Mujhe bhi samajh nahi aa raha. Lekin ek baat hai, agar Arjun bina fight ke jeet gaya, to fir is college ka kya hoga…
Jaise hi dono baatein kar rahe the, piche se ek halki si footstep ki awaaz aati hai. Shanu turant apna sir ghumati hai, Zaheer bhi alert ho jaata hai.
Phir ek gahri, thodi kharash bhari aawaz unke kaanon tak pahuchti hai.
Aawaz
Kuch aur na sahi… to apne college ke bare me hi sochiye.
Dono turant khade ho jaate hai aur apna dhyaan us taraf le jaate hai.
Ek aadmi saamne aata hai—kareeb pachaas saal ka, patla sa sharir, aankhon me ek ajeeb sa confidence aur wajah par gehri lakeerein. Usne simple sa kurta-pyjama pehna tha, lekin uski personality me ek wazan tha.
Zaheer aur Shanu ek pal ke liye us aadmi ko bas mood kar dekhte rehte hai, jaise samajhne ki koshish kar rahe ho ki yeh kaun hai aur kya chahta hai.
Camera unke expressions par ruk jaata hai—Shanu ke chehre par thodi bechaini, aur Zaheer ke chehre par ek mix of suspicion aur curiosity.
Building ke andar ki hawa aur zyada heavy lagne lagti hai, jaise koi bada raaz abhi khulne wala ho.

Scene Cut – College Campus, Shaam ke waqt
College ke corridor me Ammu tezi se idhar-udhar dekh rahi thi. Uske chehre par clearly tension likhi hui thi. Woh lagataar Shanu ko call kar rahi thi, lekin line har bar unreachable aati thi.
Ammu
(gusse aur chinta ke mix tone me)
Yeh Shanu bhi na… bina bataye kahaan gayi?
Tabhi Priya peeche se aati hai, uske kandhe par haath rakhti hai.
Priya
Ammu, relax. Pata nahi Shanu ko kya kaam aa gaya hoga. Waise bhi wo ghar aa jaayegi. Abhi tum akele ghar kaise jaogi? Main chhod deti hoon.
Ammu thoda ruk kar Priya ki taraf dekhti hai. Uska mann to abhi bhi Shanu ke liye tension me tha, lekin Priya ki baat me logic tha.
Ammu
(halke se)
Haan… shayad tum theek keh rahi ho.
Next shot me dikhaya jata hai ke Ammu aur Priya ek scooty par nikal padte hai. Priya drive kar rahi hoti hai aur Ammu chupchaap uske piche baithi hoti hai, hawa uske baalon me ulajh rahi hoti hai. Ammu ke dil me bas ek hi sawal ghoom raha hota hai – arju 
Scooty ke headlights sham ke andhere me kho jaate hai aur camera dheere-dheere fade out hota hai…
Cut Back – Wahi Purani Building, Shanu aur Zaheer ka Scene Continue
Raat ka andhera aur tez ho gaya tha. Purani building ke ek kone me Zaheer aur Shanu abhi bhi khade the. Unke saamne wahi 50 saal ka aadmi tha jiski aawaz abhi thodi der pehle goonj uthi thi.
Aadmi
(kadam aage badhakar)
Kuch aur na sahi… apne college ke bare me hi sochiye.
Zaheer aur Shanu ek saath uski taraf ghoom kar dekhte hai. Dono ke chehre par ek hi expression tha – blank, jaise abhi decide kar hi nahi pa rahe ho ki is aadmi ki baaton ko seriously le ya ignore kar de.
Shanu apni aankhon me thoda doubt le kar Zaheer ki taraf dekhte hai, jaise keh rahi ho – yeh aadmi kaun hai?
Zaheer thoda aage badhta hai, uski aankhen aadmi par tik jaati hai.
Zaheer
Aur aap humein yeh kehne wale kaun hote hai?
Camera zoom in karta hai – aadmi ke chehre par ek halka sa smile. Uski aankhon me ek plan tha.
Purani Building – Raat

Andhera aur gehra ho chuka tha. Purane brick ke dararon se hawa cheekh jaisi awaaz kar rahi thi. Shanu aur Zaheer saamne khade the, dono ke chehre par ek hi sawal tha – yeh aadmi kaun hai?
Aadmi ne apni coat ki pocket se ek purana ID card nikala, jisme uska photo tha. Halke se torch ki roshni padti hai.
ID Card par likha tha – Mushtaq Khan – Narcotics Control Bureau (Suspended).
Zaheer aur Shanu ek dusre ko dekh kar chok jate hai.
Mushtaq Khan
(sanket dete hue, halki karki aawaz me)
Main jaanta ho tum soch rahe ho… kyun ek suspended officer tumhare samne khada hai.
Sach yeh hai… ki suspension sirf ek wajah thi mujhe chup karane ki.
Woh thoda aage badhta hai, uski aankhen directly Zaheer ke chehre me ghus jati hai.
Mushtaq Khan
Iss sheher me jo nasha chal raha hai, uska asli malik koi chhota-mota dealer nahi… balki woh log hain jinke posters tum har gali, har chowk par dekhte ho.
Shanu apne hont bhinch leti hai.
Shanu
Aap kehna kya chahte hain?
Mushtaq gehri saans leta hai.
Mushtaq Khan
Pichle saal, ruling party ke purane diggaj neta ki death ke baad unka beta kursi par aaya.
Ek young leader… charming, ambitious… lekin andar se… khokhla aur corrupt.
Usne apni party ka poora structure badal diya. Aur ussi waqt usne apna haath milaya iss sheher ke sabse bade drug syndicate ke malik ke saath.
Zaheer ki aankhen pat jaati hain.
Zaheer
Matlab… party ke andar hi drug racket chal raha hai?
Mushtaq
(sir hila kar)
Bilkul. Aur sabse badi baat… unka plan simple hai. Iss sheher ka sabse bada aur taqatwar student body… college ke through control karo.
Agar Arjun Singh election jeet gaya… to woh inke liye ek puppet ban jayega. Aur tum samajh hi sakte ho uske baad kya hoga.
Shanu halki si aawaz me bolti hai.
Shanu
Drugs… sheher ke sabse bade college me openly bhehne lagenge.
Mushtaq Khan
(sakht tone me)
Aur uska anjam tum dono soch bhi nahi sakte. Ek poori generation ko khatam kar denge yeh log.
Silence cha jata hai. Sirf hawa ki cheekh aur Mushtaq ki baaton ka bojh. Zaheer apni mutthi kas ke band kar leta hai, uske chehre par gussa aur tension dono mix hote hai. Shanu uske paas khadi hai, dono ek dusre ki taraf dekhte hai – blank, lekin andar se ek aag jal chuki thi.
Mushtaq unke kareeb aakar sirf itna bolta hai.
Mushtaq Khan
Ab tum dono par hai… champion ke samne champion utarna hai… ya phir sheher ko tabah hota dekhna hai.
Camera dheere se zoom out hota hai… purani building ke andhere me teen silhouttes khade hote hain – ek ladai shuru ho chuki thi, jo sirf election ki nahi thi… balki sheher ke mustaqbil ki thi.
Shanu ka room – raat der tak

Room ka ek kone me table lamp ki halki roshni thi, baaki kamra andhere me dooba hua. Shanu bed ke edge par baithi thi, dono haath tightly jod kar apne lap me rakhe hue. Zaheer khidki ke paas khada tha, curtains ke beech se bahar ke andhere aasman ko dekh raha tha.
Dono ke chehre par ek hi expression tha – thakan, hairani aur ek darr jo unke dil se chipak gaya tha.
Shanu
Zaheer… kya wo aadmi sach bol raha tha?
Kya Arjun ko is bare me kuch bhi nahi maloom?
Zaheer ne chup chap apne haath ki ungliyon se curtain ko pakda, fir dheere se palat kar Shanu ko dekha. Uski aankhon me confusion aur gussa dono the.
Zaheer
Main khud nahi samajh pa raha. Agar Mushtaq Khan jhoot bol raha hai to iska matlab hai ki hum ek trap me phas rahe hain.
Aur agar woh sach keh raha hai… to Arjun bina jaane kisi aisi game ka hissa ban gaya hai jiska anjaam sirf tabahi hai.
Shanu apna sir neeche jhuka kar ek gehri saans leti hai, jaise apne dil ka bojh control karne ki koshish kar rahi ho. Fir dheere se uski awaaz nikli – low, heavy aur almost tootne wali.
Shanu
Zaheer… agar us insan ki baat sach nikli…
To sirf is college ka nahi, puri Pink City ka ant nishchit hai.
Room me ek pal ke liye khamoshi chipak gayi. Table lamp ki roshni ne Shanu ke chehre ki parchaayi ko aur gehra kar diya. Zaheer uske paas aaya aur bed ke edge par baith gaya. Dono ki aankhen ek dusre me ja kar atak gayi – bina shabd ke, jaise dono ek hi sawal soch rahe ho.
Kaise bachaenge sabko? Kaise bachaenge Arjun ko?
Dono ke dil me wohi darr tha… aur iss darr ke peeche ek ajeeb sa connection ban raha tha.

Shanu ki awaaz dheemi thi, jaise koi apne andar se toot kar bol raha ho.
Shanu
Zaheer… agar us aadmi ki baat sach hai, to Arjun ko khud bhi pata nahi uske kadam kahan le ja rahe hain.
Uski jeet sirf ek kursi nahi hogi… woh kursi is sheher ka zeher ban jaayegi.
Uski aankh bhar aayi thi, lekin usne apna chehra side kar liya taaki aansu dikhayi na de.
Zaheer ne uska yeh haal dekha aur uska dil ek pal ko kaamp gaya. Usne apna haath dheere se Shanu ke haath par rakha.
Zaheer
Main jaanta hoon… tum Arjun ko sabse zyada samajhti ho.
Tumhe darr hai woh bigad jaayega, lekin mujhe darr hai… ki woh khud bhi apne aap ko barbaad kar dega.
Shanu ne uski taraf dekha. Dono ki aankhen mil gayi—blank nahi, balki emotions se bhari hui.
Shanu
Aur hum?
Agar yeh sab sach nikla… hum dono kya karenge Zaheer?
Arjun ke khilaaf khade ho sakte hain? Ya phir… uske saath khade hoke khud ko jala lenge?
Zaheer ek pal chup raha. Fir usne apni ungliyon se Shanu ke aansu ko wipe kar diya.
Zaheer
Sach keh raha hoon Shanu… main tumhe kabhi girne nahi dunga.
Jo bhi hoga… tumhari saans tak bachi hai, main tumhare saath rahunga.
Shanu ki saans tez ho gayi. Usne apna haath Zaheer ke haath par zor se band kar liya, jaise us ek pal me usne apna poora bojh uske haath me de diya ho.
Shanu
Bas ek darr hai Zaheer… agar hum sahi huye… to iss sheher ki sabse badi ladai hum dono ke kandhon par aayegi.
Aur mujhe nahi pata… hum dono kitna sambhal paayenge.
Zaheer ne halki si muskaan laayi, lekin us muskaan me bhi dard tha.
Zaheer
Hum dono toot bhi gaye… tab bhi Arjun se zyada majboot rahenge.
Ek gehri khamoshi chha gayi. Table lamp ki roshni me do chehre the—thake hue, pareshaan, lekin ek nayi bandhan se jude hue.

College Campus – Agle Din Dophar
Dhoop tez thi, lekin campus me ek alag hi energy thi. Har jagah posters, banners aur chhote groups me students apne-apne candidate ki tareef kar rahe the. Election ka mahol charam par tha.
Arjun apne football ground ke corner me khada tha, jahan se ab bhi uske jeet ke banners latak rahe the. Uske haath me ek notebook aur pen tha, lekin chehre par muskaan. Woh aas paas ke students ki beech chal rahe shor se door, apne hi zone me tha.
Arjun
(andar hi andar sochta hua)
Kaise main yahan tak pahucha… kabhi socha bhi nahi tha.
Sirf ek football ke liye khelne wala ladka… tournament jeeta… aur ab… sab mujhe ek leader ke roop me dekh rahe hain.
Woh ground ki mitti ko ungli se hilata hai, jaise yaadon ko chhu raha ho.

Arjun
Bachpan yaad aata hai… Papa ka woh sakht chehra… Madhu Maa ki hansi… Shanu ki chidchidi harkate…
Aur phir… Ammu.
Uske bina to yeh safar adhoora lagta hai. Har jeet, har khushi ka asli rang wahi hai.
Uski aankhen ek pal ke liye band ho jati hain, aur uske dimag me Ammu ke saath ke woh close pal dikhne lagte hain – terrace par hansi, football ground ke edge pe khamosi, uske haath ki mehsoos, uski aankhon ka bharosa.
Arjun halki si muskaan ke saath apne dil se bol padta hai.
Arjun
Bas… aaj ka din.
Aur phir main banunga is college ka naya Student President.
Aur is jeet ke saath… apni har kahani ko ek naya rang dunga.
Uske chehre par ek sukoon aa jata hai. Dur se uske dost uska naam le kar bulane lagte hain, election ki planning ke liye. Arjun notebook band karta hai, apna bag uthata hai aur confident steps me chal padta hai – usse zara bhi andaza nahi tha ki jis jeet ki taraf woh badh raha hai, uske peeche ek aisi andheri sachchai chhupi hai jo uske sapne hi nahi… poori duniya ko hila degi.
Camera Arjun ke muskurate chehre par freeze hota hai – ek bekhauf leader ka chehra… jo apne hi khel ke asli niyam se anjaan tha.