ARJUN vs ZAHEER

[Greenwood]

Update 59

Priya’s House – Engagement Preparations, Few Days to Go

Ghar ke aangan me mithaiyon ki meethi khushboo aur halke-hulke bajte sangeet ke sur mil kar ek shaadi ke ghar ka sapna sa racha rahe the. Priya ke ghar ka har kona saj raha tha – jahan ek taraf halwai rasgulle ke andar chashni bhar raha tha, wahin doosri taraf do aunties phoolon ki malaa banane me jhuki hui thi.

Andar ke drawing room me college ki puri girl gang ikatthi thi – Ammu, Shanu, Priya, aur unki aur do teen saheliyaan. Saree ke pallus aur dupatte kandhon pe latke hue, sab kisi na kisi kaam me vyast thi. Koi mehndi cones decorate kar raha tha, koi gifts wrap kar raha tha, toh koi priya ki mummy se list verify kar raha tha.

Shanu

Bas do din aur… phir Priya ki engagement. Time kitna jaldi nikal gaya na?

Ammu

Haan... us din jab usne sabko bataya tha, aisa laga tha abhi toh kafi time hai. Aur ab...

Menal

Aur ab toh ladkiyon ko sabse zyada kaam hai! Saree, lehenga, mehendi, dance practice... uff!

Shanu

Arey Priya, tujhe kya lagta hai? Tu engagement kar rahi hai ya wedding planner banne ja rahi hai?

Priya thak kar sofa par gir gayi, haath hawa me utha kar

Priya

Tum log aaye ho tab se bas bol rahe ho. Kaam koi nahi kar raha. Shanu, please jaake terrace pe light wale ko bol de... aur Ammu, tu kitchen me ja, juice walo ne kya kiya check karna hai.

Ammu cheekh kar

Ammu

Arey main teri saheli hoon ya catering waali? Tu bas mujhe dikh raha hai, us Shanu ne toh abhi tak kuch uthaya bhi nahi!

Shanu nakhre se baal ghumate hue

Shanu

Mujhe kapdo ka kaam mila hai, main sab bridesmaids ke outfits finalize kar rahi hoon.

Priya sarcastically

Priya

Haan, tune toh sabko apni tarah neon green ka lehenga pehna diya hota agar maine mana nahi kiya hota.

Sab ki hansi chhoot gayi. Ghar ke andar ka mahaul shaadiyon ke typical dinon jaise vibrant aur zindadil ho gaya. Kabhi koi ek dusre ki choti si baat pe chidh jaata, toh kabhi kisi ki baat pe sab mil kar hass padte.

Ammu ek pal ke liye khamosh ho gayi, phir Priya ke paas jaake uske kandhe pe haath rakha.

Ammu

Tension mat le. Sab perfect hoga, promise.

Priya uske haath pakad ke halke se smile karti hai, aankhon me halka sa stress aur excitement dono.

Tabhi background me ek phone bajta hai, kisi ladki ne uthaya aur chilla kar bola

Ladki

Ammu, terrace pe dhol waale aa gaye!

Ammu

Bhai waah! Ab aaya maza. Shanu, chal race lagate hai... kaun pehle pahuchta hai.

Shanu

Tu mujhse race karegi? Chal aaja, tujhe dhol ke saath floor pe letaaungi!

Sab hass padte hai aur dono chhoti si bachpana bhari dosti mein terrace ki taraf daud jaati hain – poore ghar me ek jashn jaisi roshni phail jaati hai.

Kuchh din pahle....

Campus ke main corridor me lunch break ka waqt tha. Students apne groups me ya toh canteen ki taraf ja rahe the, ya lawns me gupshup me busy the. Aise me Priya apne haathon me ek stack of invitation cards le kar confident steps me sabke beech se guzarte hue apne doston ke paas ja rahi thi.

Wo sabse pehle Shanu ke group tak pahuchti hai jahan Arjun, Ammu, Shanu aur Taz baith kar kisi topic pe chhed-chhad kar rahe hote hain.

Priya

Guys! Bas kuch din bache hain. Engagement hai meri, aur tum sabne aana hai. No excuses!

Sab log hans ke uske haath se cards lete hain. Arjun ne invitation card lete hi uske sir pe haath rakha, jaise chhoti behen ko blessings de raha ho.

Arjun

Meri chhoti behen ki engagement hai... kya baat hai! Priya, I'm proud of you. Achha ladka hai na?

Priya thoda blush karti hai

Priya

Haan... Sabne approve kiya hai toh obviously good hoga.

Sab hans padte hain. Arjun ne uske kandhe par haath rakha

Taz

Engagement ke dance ke liye mujhe shortlist kar lena, lekin solo mile toh!

Priya

Taz! Tumhare liye toh surprise plan hai already.

Tabhi wo sabse alag baitha Zaheer dikhta hai, lawn ke ek side wall ke paas, jahan wo headphones laga kar laptop me kuch dekh raha hota hai. Priya sabse permission le kar uski taraf badhti hai.

Zaheer usse aate dekh ke Main headphones nikal deta hai.

Priya

Zaheer… tu mere bhai jaisa hai. Toh tujhe bina personally bulaaye main kaise shaanti se sagai kar leti?

Usne thoda emotional ho kar ek card uske saamne rakha. Zaheer ne usse uthaya, aur muskuraya.

Zaheer

Sagai kar rahi hai tu, mujhe time pe bataya hota toh main ladke ke background check pe nikal jaata.

Priya

Late ho gaya bhaiya… ab toh engagement fix ho gayi.

Zaheer uske sir pe haath rakh ke

Zaheer

Tension mat lena. Har kaam me help karunga. Main hoon na.

Priya uski aankhon me dekhti hai, genuine gratitude ke saath

Priya

Thank you zaheer...

Scene slowly wide hota hai, jahan Priya college ke corner me ek ek friend ko invite karti nazar aati hai… lekin dhoop ke ek tukde ke neeche Arjun aur Zaheer do alag poles ban kar khade hote hain — dono ne ek hi ladki ki taraf pyaar aur protective feelings se dekha hai… lekin ab unke beech ka faasla shaayad kabhi nahi ghatega.

College Gym Corridor – Arjun aur Zaheer ka awkward face-off

Engagement se ek din pehle ka scene hai. Subah ke waqt gym corridor me kuch students warm-up kar rahe hain. Thoda shaant sa vibe hai. Corridor ke ek side pe punching bag latka hai… aur doosri taraf stretching mat bichha hua.

Arjun warm-up karte hue apne wrist band tight kar raha tha. Uski aankhon me focus tha, lekin andar se kuch uljhan bhi. Aankhon ke aaspaas halka sa stress.

Tabhi peeche se door khulta hai… aur Zaheer andar aata hai. Uske haath me towel, neck pe gym bag ka strap. Dono kaam se aaye hain, par takraav inevitable hai.

Ek second ke liye dono ki nazar milti hai. Ek lamha jismein dosti ke saal bhar ki warmth nahi… sirf ek theli hui khamoshi hoti hai.

Zaheer ne aankhen hata li. Arjun ne bas ek second tak usse dekha… lekin kuch bola nahi.

Zaheer ne bag ek bench par rakha, towel nikaal kar neck pe daala aur punching bag ki taraf badha. Arjun usi waqt bottle se paani pi raha tha.

Punching bag ke saamne aake Zaheer ne gloves pehne. Arjun usi mat pe jahan stretching kar raha tha, utkar khada hua.

Silence.

Punch. Punch. Punch.

Zaheer ne bag pe do teekhe punches maare. Frustration uske movements me saaf dikh raha tha.

Arjun ne corner se dekha… phir aankhen jhuka li.

Zaheer

(kas ke ek punch maarte hue, bina dekhe)

Tu Priya ke engagement me aayega?

Arjun ne pause liya… fir slowly jawab diya.

Arjun

Aana toh chahiye… uski khushi ka din hai.

Zaheer ne bag ko roka, uske dono haath ab bag ke dono sides me. Uski saans tez ho gayi thi. Kamar thodi jhuk gayi thi… jaise kuch bolna chahta ho lekin words dhoondh nahi pa raha ho.

Zaheer

Sab us din tujhe hero banayenge…

(par thoda kadwaapan tha tone me)

Main bhi clap karunga. Don’t worry.

Arjun ne us taraf kadam badhaye. Do kadam. Teesra nahi.

Arjun

Mujhe pata hai tu kya sochta hai…

Lekin main waise nahi hoon jaise tu samajh raha hai.

Zaheer finally uski taraf dekhta hai. Aankhon me dard, disappointment… aur ek talaash bhi.

Zaheer

Toh phir jaisa hai… waisa kyun nahi dikhata?

Arjun ne ek lamha chup rehkar kaha

Arjun

Main sabko justify nahi kar sakta.

Aur tu hi sabse pehle judge ban gaya.

Dono ki aankhen takraati hain… lekin koi chillata nahi.

Sirf… ek pal jisme ek dosti, ek bharosa… tut ke hawa me ghul gaya tha.

Arjun ne aankhen chura kar bag uthaya, bina kuch kahe corridor se bahar nikal gaya.

Zaheer wahi khada raha. Punched bag hilta raha… jaise dono ke beech ka tension usi me utar gaya ho.

Priya ke ghar ki engagement preparations – Cold rivalry + Taz comedy twist

Shaam ka waqt hai. Priya ke ghar me mehmaanon ke aane se pehle last-minute engagement preps ho rahe hain. Living room saj chuka hai — white fairy lights aur yellow genda ke phool ki ladiyan har taraf. Center me ek round table jahan engagement ring ki tray rakhi jaayegi, aur backdrop pe “P & A” likha hua hai golden frame me.

Sab ladkiyan: seating aur lighting sambhal rahi hain.

Boys: table set-up, speakers, drinks counter, lighting fix kar rahe hain.

Aur usi beech — Arjun aur Zaheer, ek hi jagah par, ek hi kaam ko alag-alag tareeke se karne ki koshish kar rahe hain.

Arjun speaker wire connect kar raha hota hai.

Zaheer doosri side se usi wire ko ulta chadha raha hota hai.

Dono ke haath ek hi wire pe takraate hain.

Zaheer

Side se jaa… ye wire upar se jaayegi.

Arjun

Wire neeche se layi thi… tu disrupt mat kar.

Zaheer

Toh mere hisaab se karne de… zyada complication nahi chahiye.

Arjun

(teekhe lekin calm tone me)

Tere hisaab se karna is problem ka part hai.

Zaheer

Tu har cheez me hero banne ki aadat chhod de, toh solution mil jaaye.

Dono ki aankhen takraati hain. Wahi purani friction, ab cold silence ban chuki hai.

Taz, table ke neeche crouch karke extension board laga raha hota hai.

Wahi se awaaz aati hai:

Taz

Aree bhaiyo, "Don’t fight, love karo... dosti nibhao… Nibba-Nibbi nahi ho tum dono!"

Dono thoda sa peeche hat jaate hain. Priya door se ye scene dekh leti hai, lekin kuch nahi bolti.

Cut to – Ring Table Setup Area

Ammu, Shanu, nikita aur ek-do aur ladkiyan setting final kar rahi hoti hain.

Taz wahan aake khud ko expert declare karta hai.

Taz

Bhai mujhe setting ka full experience hai…

pout karta hai "Kya karu main, mar jaaun?"

Priya (slightly annoyed but smiling)

Taz, zara candle stand seedha kar de please.

Taz

Candle stand toh main hoon…

"Fire hai main fire!"

Shanu (rolling eyes)

Tujhse zyada toh candles stable hain.

Taz pout karke corner me jaake couch pe girta hai.

Taz

"Zindagi barbaad ho gayi, kuch sense nahi bacha..."

(pause karta hai)

...but snacks kaha hain?

Meanwhile – Arjun and Zaheer lighting pole ke dono sides pe stand karte hain.Dono ek hi bulb fix karne jaate hain. Ek second ke liye haath takra jaata hai. Arjun turant peeche hat jaata hai, Zaheer bhi bina kuch kahe opposite side chala jaata hai.

Ammu door se ye awkwardness dekh rahi hoti hai. Uski aankhon me concern hai… par wo kuch nahi kehti.

Cut to: Balcony.

Taz

Guys dekho…"Ye dekho: Jab Arjun aur Zaheer ek hi ladder pe chadh jaaye – Caption: ‘Dosti thi, toh chhod dete… mohabbat thi, toh thok dete!’"

Priya

Nonsense shut up!

Taz

"Bas main toh content deliver kar raha hoon, audience jaye bhaad me."

Scene ka mood: dosti ke beech thanda pad chuka tension, kuch log notice kar rahe hain, kuch log ignore… aur Taz us beech memes se full-time TRP generate kar raha hai.

Priya ki engagement se ki shaam – Arjun aur Ammu ka private moment

Sab log tayyariyon mein lage hote hain. Drawing room se shor-sharaba aa raha hai. Priya ka ghar mehmaanon se bhara hua hai.

Lekin Arjun... ek kone ke room ke door ke paas khada hota hai — bored, phone scroll karta hua. Tabhi seedhiyon se utarte hue Ammu aati hai...Maroon aur gold ka heavy lehenga, soft curls open, neck pe ek delicate necklace, aur aankhon me kajal ki halki si depth. Arjun ka phone haath se slip hote-hote bachta hai.Uski aankhen sirf us pe tik jaati hain. Ek second ke liye saari awaz thamm jaati hai jaise.

Arjun (soft murmur, aankhon se scan karte hue)

Main kahu Priya ke ghar me itni roshni kyun ho rahi hai...

Pata chala asli chandelier toh abhi neeche aaya hai.

Ammu (smirking, uske pass se nikalti hai, dupatta sambhalte hue)

Itni tareef mat karo... aadat lag jaayegi tumhari.

Arjun (tashan se uske samne aake rasta rokta hai)

Aadat lag jaaye, toh buri cheez nahi hai.

Lekin yeh lehenga…

Thoda paas jhukta hai, bas itna ki uski awaaz sirf Ammu sun sake...

Arjun

Agar yeh lehenga aaj raat mere cuddle me aa jaata na...

Toh gareeb ki zindagi bhi royal ho jaati.

Ammu (halki hansi rok ke, nakhre se aankhen ghumakar)

Tumhare jaise gareeb ke liye...

Sirf photo or posters hi milenge.

Zubaan chidha ke, playful smile ke saath wo aage nikal jaati hai. Arjun peeche mudh ke use dekhta rehta hai, aankhon me ek lazy sa smirk…

Arjun (teasingly slow)

Tera peeche se dupatta sambhalna bhi slow motion me hota hai ya mujhe hi dikh raha hai?

Ammu (bina mudhe, bas haath uthakar)

Dream on, Mr. Cuddle King.

Arjun halka sa hans padta hai… dil me kuch kuch hota hai.