ARJUN vs ZAHEER

[Greenwood]

Update 46




Location: College Ground ke paas Notice Board
Time: 9:00 AM – Monday Morning
College ke ground pe thoda hustle chal raha hai. Notice board ke paas crowd lagta jaa raha hai. Football trial list update hui hai. Taz sabse pehle notice board tak pohachta hai  sunglasses pehne hue, ek chewing gum chabaate hue.

Taz
Oye... ye kyaaa... Zaheer bhai ne naam hata liya?!
(Uska chewing gum slow ho jaata hai, jaise time freeze kar diya ho)

Nikhat(Arms crossed, board ke saamne khadi)
Haan. List mein clearly missing hai. Arjun ka naam hai… Zaheer ka nahi.

Shanu(Thoda shock mein, aankhen faili hui) Kya? Par usne toh itni mehnat ki thi... Achanak?

Arjun(Side se walk karta hua aata hai, thoda sarcastic tone mein)
Shaayad ground pe khud se hi ladte ladte thak gaya hoga…

Taz(Zooming in dramatically)
Drama hai boss… ya toh pyaar ka pressure… ya system ka sadma!

Nikhat(Coldly)
Focus kar Taz… tumhara naam aaya hai kya?

Taz(Looking at board)
Kya naam kya badnaam mere toh sirf dreams mein selection hota hai!

Shanu(Ammu ke paas jaake softly)
Tumhe kuch pata hai kya Kyun kiya usne aisa?

Ammu (Shoulders tight, face composed)
Nahi… lekin shaayad kisi aur cheez ka zyada weight ho gaya hoga uske liye.

Arjun (Side glance deta hai Ammu ko)
Haan. kabhi kabhi kuch log team ke bajaye... emotions ke liye match chhod dete hain.

Taz(Hands on hips)
Oye... yeh sports trial hai ya heartbreak championship?

Nikhat(Looking at him straight-faced)
Tumhare liye toh har cheez comedy show hai…

Taz(Lifting imaginary mic)
Ladies and gentlemen… main hoon heartbreak Singh, aur yeh hai Zaheer ka silent exit drama!

Shanu(Slow smile ke saath, Zaheer ki taraf dekhti hai jo thoda distance pe khada hota hai)
Silent… par sab sun sakte hain.

Zaheer(Distance se sabko dekhte hue, aankhen Arjun pe tikti hai. Smile karta hai. Jaise keh raha ho
game toh chhoda hai… lekin khel ab bhi zinda hai.)

Ammu, Arjun aur Zaheer teen alag alag corners mein… par vibe ek hi silent rivalry and rising tension.



Location: College Library – Second Floor, Back Corner Window Seat
Time: 11:45 AM
Library ka ek purana wooden bench... dono taraf books stacked hain, beech mein ek table, jiske neeche dono ke haath jud jaate hain. Shanu aur Zaheer ek dusre ke samne baithe hain, lekin baatein aankhon se ho rahi hain.

Shanu(Slowly uska haath pakad ke)
Main nahi janna chahti thi ki tune team se naam kyu wapas liya…
(She squeezes his hand gently)
Mujhe bas itna maloom hai ki tu jo bhi faisla le… main uske sath hoon.

Zaheer(Uski taraf dekhta hai, aankhon mein guilt aur shukriya dono)
Kabhi kabhi... kisi cheez se pyaar karte hue bhi usse chhod dena padta hai…

Shanu(Lightly)
Aur kabhi kabhi… kisi se door hote hue bhi uska haath chhodna nahi padta
Zaheer uski baat sunke ek chhoti si smile deta hai… jaise kisi ne andar chalte tufaan ko ek second ke liye pause kar diya ho.

Zaheer(Soft tone mein)
Tu jab mere aas paas hoti hai na… toh sab kuch theek lagta hai…
(Main, meri life… mera control)

Shanu(Main aankhon mein aankhon daal ke)
Toh bas... mujhe aas paas rakh
(Uska thumb uske knuckles par gently rub karta hai)

Dono ke beech ek pal ke liye complete silence hota hai. Window se dhoop seedha unpe padti hai — dono ka face golden glow mein aata hai. Zaheer uski taraf jhukta hai… thoda aur paas...

Zaheer(Pure honesty ke saath)
Mujhe laga tha main emotions se door reh sakta hoon
Lekin tu… tu sab kuch tod ke andar ghus gayi hai Shanu

Shanu (Whispering)
Aur ab?

Zaheer
Ab toh main chaahta hoon ki tu har jagah ho… har match ke baad… har haar ke baad… har jeet ke pehle
Shanu ke lips thode vibrate karte hain… aankhon mein halki nami… lekin expression mein bas ek sukoon.

Shanu (Main bas hoon… tujhmein)
Zaheer uska haath table ke upar kheench leta hai… dono ke haath ab openly table pe hain — fingers locked.
Background mein library ke clock ka tik-tik… aur books ke pages palatne ki halki si awaaz… par in dono ke beech mein sirf ek baat — I see you.
Scene slow zoom out karta hai… window ke paar se ek halki hawa ka jhonka aata hai… Shanu ke baal udte hain… aur Zaheer bas use dekhta rehta hai.

Canteen Confrontation – Zaheer vs Arjun

Location: College Canteen, 1:15 PM
Vibe: Casual noise, table pe coke bottles, par hawa mein garmi hai
Arjun ek corner table pe casually baitha hota hai, ek hand se chips chaba raha hota hai, dusre haath se football ka stat sheet dekh raha hota hai. Tabhi door se Zaheer canteen me enter karta hai. Dono ki aankhen milti hain.

Zaheer
(Seedha uske table ki taraf aate hue)
Toh… captain ban gaya tu?

Arjun
(Leaning back, smirking)
Kya karein… jab best player retire kar jaye, toh second-best ko hi aage badhna padta hai.
Zaheer aankh mein aankh daal ke khada hota hai, hands folded, tone calm but sharp.

Zaheer
Retire nahi… break liya hai
Farq samajh le, Arjun

Arjun
Break toh breaks mein hota hai… match se pehle quit karna loser mentality hoti hai

Zaheer
(Low voice, almost whisper)
Main match se nahi… kuch aur cheezon se lad raha hoon
Tu nahi samjhega… kyunki tere liye sab sirf game hai

Arjun
(Laughs coldly, wiping his hand with tissue)
Game bhi… aur prize bhi
Aur main dono jeetne ke liye khela karta hoon

Zaheer
Prize?
(Looks away for a second, then smirks)
Prize waise milta hai… jise uski kadar ho

Canteen mein halki silence ho jaati hai. Taz door se dono ko dekhta hai aur apne coke ka can slowly neeche rakhta hai jaise koi scene shoot hone wala ho.

Arjun
(Leaning forward, slow whisper)
Prize par pehla haq jeet ka hota hai
Aur main haar nahi maanta
Zaheer ke jaw tight hote hain, par wo kuch nahi bolta. Sirf ek look deta hai jaise keh raha ho  yeh khatam nahi hua.
Zaheer palat ke chala jaata hai.

Taz
(Aate hi coke sip lete hue)
Oye oye… baat ho rahi thi ya aankh micholi chal rahi thi?

Arjun
(Looking away, still locked in thought)
Bas… rivalries ka naya chapter shuru hua hai

Arjun Finds Out – Zaheer Quit the Team
Location: Same day – Football Ground ke locker room area
Time: 4:00 PM
Team ki notice board list update ho chuki hai. Arjun trial ke baad towel shoulder pe daale walk karta hua board ke paas aata hai. List padhta hai… ek second ke liye ruk jaata hai.

Arjun
(Reading under his breath)
Zaheer… naam gayab?
Uska mood ekdum change hota hai. Ball ko neeche se uthata hai, wall pe thokta hai.

Arjun
(To himself)
Bhaag gaya… typical
Tabhi Taz peechhe se aata hai, chip packet leke.

Taz
Tension kyu hai bro? List mein tu toh top par hai na…

Arjun
(Still looking at board)
Haan… par opponent nahi mila toh jeetne ka maza nahi aata

Taz
Oye, tu toh movie villain ban gaya hai...
“Agar main jeeta… toh kis se jeeta?”

Arjun
Us se… jo haar maanta hi nahi tha
(Softly)
Aur ab… saala chhod ke chala gaya
Uska hand tightly band hota hai… lekin aankhon mein sirf ek spark — Challenge accepted type.

Taz
Bhai, lagta hai tu team ka captain kam… revenge ka soldier zyada lag raha hai

Arjun
(Smirking)
Captain hoon… aur rival bhi
Next move meri hogi
Scene zoom out karta hai – canteen ke intense look, locker room ka silent revenge vow...

Location: College Campus – Library ke peeche chhota garden, shaam ke 4:45 baje ka waqt

Vibe: Light breeze, dhoop patton ke beech se chhanni hui, thoda secluded area jahan sirf dono bhai-behen ek bench par baithe hain
Ammu ek chhoti si diary apne haathon mein ghuma rahi hoti hai. Zaheer chhupchaap baaju mein baitha hota hai. Dono ke beech kuch der tak khamoshi hoti hai, sirf hawa ka sound.

Ammu
(Us diary ko thoda tight pakadti hai, phir dheere se bolti hai)
Mujhe pata hai tune apna naam wapas liya hai… team se
Zaheer kuch nahi bolta. Sirf saamne dekh raha hota hai. Eyes calm, lekin andar kuch chal raha hai.

Ammu
Sab pooch rahe hain… log speculate kar rahe hain
Par mujhe kisi ne bataya nahi.
Mujhe tere chehre se samajh aaya.

Zaheer
(Slow nod ke saath, voice low aur steady)
Kuch decisions explanation ke liye nahi hote
Kabhi kabhi insaan ko rukna padta hai, sirf dekhne ke liye ki uska dil kis taraf ja raha hai

Ammu thoda confuse hoti hai, lekin samajhne ki koshish mein uski aankhon mein garmahat hoti hai.

Ammu
Tujhe pata hai na… log kahenge ki Zaheer haar gaya… Zaheer back out kar gaya

Zaheer
(Uski aankhon mein bhari honesty)
Agar haarne se kisi ke bed book me aa jate to yeh duniya hi kya hogi

Ammu ka gala thoda bhar aata hai, aankhon mein nami si aati hai… phir vo dheere se uska haath pakad leti hai.

Ammu
Tujhe pata hai… main duniya ke sab ladkiyon se alag isliye hoon
Kyuki meri zindagi mein ek aisa bhai hai
Jisne kabhi mujhe majboor nahi kiya, sirf samjha

Zaheer uski taraf dekhta hai… phir gentle sa laugh karta hai.

Zaheer
Aur tu meri behen nahi hoti… toh main kab ka wrestler ban chuka hota
Na feelings, na confusion… sirf ring aur dhoop

Ammu
(Diary band karke, uske kandhe par sir rakhte hue)
Tere faisle pe main kuch nahi bolungi bhai…
Kyuki tu jo karta hai… dil se karta hai
Aur tujhmein woh shakal hai… jo kabhi jhooth nahi bolti
Zaheer slowly uske head pe haath rakhta hai, jaise uski protection ka assurance de raha ho.

Zaheer
Tu mere liye chhoti behen se zyada hai, Ammu
Tu meri zimmedari nahi, mera fakhar hai

dono ek bench par baithe hain, ek strong silent comfort mein — aur patton ke beech se dhoop un par pad rahi hai jaise nature bhi is bond ko salute kar raha ho.

Location: Arjun ka ghar – drawing room, shaam ke 6:45 baje ka waqt

Background: Ghar me shaanti hai, Madhu kitchen me busy hai, Pratap balcony me newspaper padh rahe hain. Drawing room me sirf Arjun aur Shanu. TV off. Light orange lamp ka soft glow.
Shanu sofa par casually bethi hoti hai, phone scroll karte hue. Arjun kitchen se aata hai, ek biscuit ka dabba le kar, aur uske saamne couch par baith jaata hai. Uski aankhen thodi narrowed hoti hain, jaise scan kar raha ho.

Arjun
Kal tu ghar par poore din thi hi nahi.
Aur tujhe call kiya toh ya toh busy… ya silent.
Shopping mall mein Wi-Fi bhi khatam ho gaya tha kya?
Shanu ek second ke liye stiff hoti hai, lekin phir expression normal kar leti hai, aur thoda stretch karti hai arms ko.

Shanu
Arey haan yaar… Priya ke saath gayi thi
Uski engagement aa rahi hai, lehenga dekhne thi
Tu toh jaanta hi hai, ladkiyon ka shopping matlab… time travel
Wapas aaye toh 8 baj gaye the

Arjun ek biscuit chabata hai, aankhen us par tiki hoti hain, jaise ki jhoot se uska chip-chip nikal dega.

Arjun
Lehenga dekhne mein itna glow kaise aaya hai chehre par?
Aur tujhe kya zarurat thi Priya ke sath designer blouse try karne ki?
Shanu thoda chauk kar dekhti hai uski taraf, fir awkwardly laugh karne lagti hai.

Shanu
Areee woh… shop wale ne bola ki "sample blouse sab pe check karwate hain", so I just..

Shanu ka smile freeze ho jata hai. Uski aankhon mein ek second ke liye halke guilt ka sparkle hota hai, lekin wo quickly recover kar leti hai.

Shanu
Aree tu writer hai, aur detective bhi lagta hai ab
Chhod na, Priya ki kasam… pura din uske saath thi
Ab mere words pe bharosa karega ya Priya ki engagement card dikhaun?

Arjun thoda narrow-eyed smile deta hai, jaise ki “acha, chal rehne de”.

lekin usi waqt Madhu ki awaaz aati hai kitchen se ki dinner ready hai.
Scene cut hota hai – Arjun toh shayad maan gaya… lekin audience jaanti hai ki Shanu ki “shopping” uska sabse personal purchase tha – ek naya rishta.



Location: Shanu ka room – raat ke 11:45 baje
Setting: Kamra halka dark hai, ek side lamp ka soft orange glow. Shanu apne bed par lete hue chhat ki taraf dekh rahi hoti hai, aankhon mein kuch palon ki baarish jhalak rahi hoti hai. Uska haath apne cheek ke paas ruka hota hai… jaise abhi bhi woh touch wahan mehsoos ho raha ho.
Aankhen bandh hoti hain… aur flashback chal padta hai…
Flashback: Nahargarh Fort – golden hour mein
Dhoop dhal rahi hoti hai. Pura Jaipur neeche chamak raha hai. Hawa tez chal rahi hai, Shanu ka dupatta udta hai.
Dono – Zaheer aur Shanu – fort ki boundary par khade hote hain, peeth se camera angle, sirf silhouettes. Aasman laal peele rangon se bhar gaya hota hai.

Shanu
(saas andar lete hue)
I love you Zaheer!

Zaheer
(thoda aur unchi awaaz mein, haath hawa mein uchhalte hue)
I love you Shanuuu!
Dono ek dusre ki taraf dekh kar hans padte hain. Hansi thodi der chalti hai… phir ruk jaati hai.
Ek gehra sa eye contact hota hai… aur ek pal… wo pal… ruk jaata hai.
Shanu ka dupatta hawa mein udta hai… Zaheer uske ek step kareeb hota hai. Shanu apni aankhen thodi naram karti hai, sir halka sa jhukati hai…

Zaheer
(softly, bilkul kareeb)
Ab aur kuch kehna baaki hai?

Shanu
(slow whisper)
Nahi… bas mehsoos karna baaki tha
Dono ek dusre ke kareeb jhukte hain… hawa tez hoti ja rahi hoti hai… aur camera bas unke silhouette ko capture karta hai.
Kiss hota hai… koi shabd nahi… sirf hawa ka shor… aur ek wide shot mein Shanu ka dupatta ek baar fir se hawa mein poori tarah lehrata hai…
Back to Present: Shanu’s Room
Shanu aankhen bandh kiye padhi hoti hai… halki si blush karte hue.
Uske hothon pe ek curve hai… smile aur shyness ke beech ka.
Woh halki si sigh leti hai… fir aankhen kholti hai aur us lamp ki roshni me ek soft whisper jaise khud se bolti hai...

Shanu
Bas... ab isse zyada kya maangu...
Scene fade hota hai… lamp ke golden glow par… aur ek soft instrumental violin bgm play karta hai…

Location: Arjun ka ghar – Kitchen area, morning 9:00 AM

Madhu gas pe tawa chala rahi hoti hai, ek haath se paratha palat rahi hai aur doosre haath se WhatsApp pe kisi aunty group ka good morning message forward kar rahi hoti hai. Arjun ready ho kar aata hai, ek shoulder pe college bag aur haath mein tight roll ki gayi jeans aur kuch kapde.

Arjun

Maa yeh jeans aur kuch kapde dhulne de raha hoon… kal ke match mein poora mitti mein lathpat ho gaya tha.

Madhu (jeans lete hue, thoda suspicious expression ke saath)
Itni tight roll? Beta... kapde de raha hai ya koi daku ka khazana chhupa ke laaya hai?

Arjun (halki nervous smile deta hai)
Arey maa... jeans hai, koi black money nahi... style hai yeh!

Madhu
Style? Pehle hi warning de rahi hoon, agar kisi pocket se gutkha, pyaar patr, ya kuch aur nikal gaya na... toh saara ghar terrace pe daal dungi dhone ke liye.

Arjun (hassi dabaate hue)
Relax maa... sirf mitti aur thodi si... bas mitti hi hai.

Madhu
Hmm... achha chal, tere kapde main machine mein daal rahi hoon, par agar kuch phata nikla na toh samajh le... maa se nahi, washing machine se pitwayungi!

Arjun
Washing machine se? Kya tum dono ne naya alliance banaya hai?

Madhu (chappal thoda adjust karti hai)
Bana lungi agar zarurat padi toh. Chal nikal, hero banne ka time ho gaya hai tera!

Arjun (laugh karte hue nikalta hai)
Main to chappal mein bhi hero hoon maa… chalta hoon, love you!



Scene : "Romance aur Jeans ki Tension"
Location: College Garden – 11:30 AM

Arjun aur Ammu ek secluded bench par baithe hote hain, dono ke haath ek dusre ke haath mein. Weather halka cloudy, lekin vibe romantic. Ammu ek light blue kurta mein, Arjun white T-shirt aur joggers mein.

Ammu
Ek baat bolun?

Arjun
Bas ek

Ammu
Haan, filhaal ek. Tu mere set ka karta kya hai? Har baar ek naya… rakhta kahan hai?

Arjun
Kya karun… tu de deti hai main le leta hoon... mera dil nahi maanta mana karne ko.

Ammu
Pakka? Sirf dil nahi maanta ya kuch aur bhi?

Arjun (laugh karte hue)
Set special hai… isliye... special jagah mein rakhta hoon… heart ke paas.

Ammu
Kahin fridge mein toh nahi rakh diya?

(Arjun haas raha hota hai, lekin achanak freeze ho jaata hai. Uski aankhen gol ho jaati hain.)

Ammu (confused)
Kya hua?

Arjun
Woh... woh set... meri jeans ke andar tha…

Ammu
Aur?

Arjun
Wahi jeans… jo main maa ko de aaya dhone ke liye!

Ammu(slap arjun or shoulder)
Tera matlab... Mummy?

(Arjun ki halat aise ho jaati hai jaise kisi ne uska parcel COD ke bajaye open delivery mein bhej diya ho.)

Arjun
Mujhe turant nikalna hoga… Mission: Bachao Set 007.

(Cut to…)

Mummy vs bra-panty
Location: Arjun ke ghar – 12:00 PM

Arjun ki bike full speed se rukti hai. Uski halat aise jaise koi final round mein dance step bhool gaya ho. Seedha bedroom ki taraf bhagta hai. Jaise hi wo bedroom ke paas aata hai, Madhu andar enter hi kar rahi hoti hai, jeans uthate waqt.

Arjun
Maa maa maa! Ek minute! Bathroom mein paani chal raha hai! Flood aa gaya!

Madhu
Toh pehle warning kyun nahi di? Jeans lene aayi thi…

Arjun (chappal bhi utare bina bedroom me ghus ke jeans kheechta hai)

Woh toh main dekh leta hoon… usme notes reh gaye hain, maths ke formula… bahut rare hai.

Madhu
Ohh toh jeans ab library bhi ho gayi hai?

Arjun (jeans ke andar se set nikaal kar thoda sigh lete hue)
Pata nahi maa... kabhi kabhi life jeans tight ho jaati hai...

Madhu (door se bolti hai)
Tera dimaag bhi kabhi kabhi tight lagta hai mujhe!

(Arjun bed par girta hai, haath se apna sir pakadta hai, ek relief wali smile ke saath.)

Arjun
Aaj bach gaya Arjun… warna mummy ke haath lag jaata toh... set nahi, salami milti mummy ke haath se!
(Camera zooms out slowly, ek light comic BGM ke saath scene fade out.)