ARJUN vs ZAHEER

[Greenwood]

Update 40

Time: 1:25 AM

Location: Zaheer ki chhat – top floor,

(Wide shot – andhera hai, bas moonlight aa rahi hai. Hawa slow speed pe chal raha hai. Zaheer khat pe letke aasman ko ghoor raha hai  aankhen khuli hui, expression blank but heavy.)

(Voice-over format mein Shanu ki pehli line gunjti hai – soft echo ke saath)

Shanu (echoed memory)

"Main sab bol chuki hoon… bas ek lafz chhod diya hai."

(Zaheer slowly aankhen band karta hai, par fir turant khol deta hai. Woh side mudta hai, pillow adjust karta hai… lekin fir bhi sukoon nahi milta.)

Zaheer (andar se – soft thought)

Uski aankhon mein darr bhi tha... par saaf tha…Wo mujhse kuch chhupa nahi rahi thi... sirf rok rahi thi.

(Slow zoom-in – Zaheer uthta hai, bistar se nikal ke balcony ke paas aata hai. chhat pe nazar jaati hai breeze slow chal rahi hai, kahin door ek dog bhauk raha hai.)

(Woh haath se railing ki grill pakad ke khada ho jaata hai aankhon mein deep reflection.)

Zaheer (andar hi andar)

Jab usne kaha ki uska sab mere liye tha…Toh main kuch keh hi nahi paaya… kyunki mujhe lagaa…

Main deserve hi nahi karta tha.

(Thoda sa back flash mein — Shanu ki aankhen, wo corridor mein nervous body language, aur uski shaky voice screen pe momentarily flash hota hai.)

Shanu (echoed)

"Mujhe tere saath waqt chahiye Zaheer… bas waqt…"

(Zaheer apne haathon ki taraf dekhta hai — jaise us waqt usne Shanu ka haath pakda hota, par nahi kiya.)

Zaheer (whispered tone)

Tu kyun bol gayi ye sab…

Ab neend kahaan aayegi?

(Woh ek halki si thandi saans chhodta hai moonlight uske half face pe padti hai. Slow instrumental piano background mein bajne lagta hai.)

(Zaheer apna phone uthata hai, WhatsApp kholta hai — Shanu ka chat open karta hai. Cursor blinking… kuch type karta hai, fir delete… fir blank screen.)

*(Zoom on screen: “Typing…” likha aata hai… fir sab erase.)

(Last mein sirf ek voice note open karta hai, phir cancel kar deta hai.)

Zaheer (andar se – final thought)

Waqt toh chahiye tujhko…

Lekin main khud… kab se us waqt mein atak gaya hoon.

Zaheer fir kamre me bistar pe jaake let jaata hai blanket sirf pair tak.Aankhen khuli hain.Camera slowly zoom out karta hai ceiling fan, soft moonlight, aur ek dil mein uthta hua khayal:

"Wo ladki mere dil ke liye zyada soft hai…

Isliye main har waqt uske baare mein sochta hoon… loud nahi, lekin poore volume mein.

Vibe:

Pure late-night emotional stillness

Shanu ke baatein bina uske present hone ke zaheer ke dil pe chal rahi

No drama, no noise — just silent unrest

Location: Gali ka mod – Arjun aur Zaheer ke ghar ke beech ki chhoti gali

Time: 7:55 AM – College ke liye nikalne ka waqt

(Zaheer blue hoodie pehne, backpack daale, bike ke side stand hata raha hota hai. Tabhi gali ke dusre corner se Arjun aata hai — usual casual shirt, bag shoulder pe, earphones gale me latke.)

(Dono ek dusre ko door se spot kar lete hain. Ek lamha freeze hota hai. Dono ke chehre pe non-verbal static tension. Na hello. Na nod. Sirf aankhon mein wo “tu fir samne aa gaya” wali energy.)

(Zaheer helmet pakadta hai, par pehenta nahi. Arjun bhi chhoti si rukawat ke saath slow walk karta hai. Jab dono almost pass se guzarte hain, ek side-eye exchange hota hai — na gussa pure gaya, na pyaar wapas aaya.)

(Background mein halki morning breeze. Koi choti ladki college bag leke side se guzarti hai, uske saath ek puppy bhi. Wo scene ki awkwardness ka contrast ban jaata hai.)

Arjun (andar se, thought only)

Kaash hum dono sirf college ke teammate hote…Yeh personal chapter kab kaat gaya?

Zaheer (andar se, parallel thought)

Bolne ko kuch nahi hai…Par lagta hai sab keh chuka hoon uske haathon se collar pakad ke.

(Arjun silently nikal jaata hai seedha. Zaheer opposite direction mein kick maar ke bike start karta hai. Dono ek dusre ki back ko last baar dekhte hain — without turning heads.)

“Shanu's Library Hour”

Location: College Library – Window seat

Time: 9:15 AM

(Shanu corner table pe baithi hoti hai open notebook, pen haath mein, par likh kuch nahi rahi. Uski aankhon mein halki si thakaan hai, lekin ek softness bhi. Kabhi-kabhi window ke bahar dekhti hai, phir diary mein kuch doodle kar leti hai.)

(Flashback style mein previous night ka Ammu ke saath call yaad aata hai)

Ammu (echoed memory)

“Waqt ka kya bharosa…

Isliye kuch bhi dil mein nahi rakhna chahiye…”

(Shanu diary ke ek kone mein likhti hai:)

"Kuch bhi dil mein nahi rakhna chahiye..."

Phir turant us line ke neeche ek chhota sa smiling face bana deti hai jaise apne dil ko thoda sa push kar rahi ho positivity ke taraf.)*

(She remembers Zaheer’s eyes — jab usne usse almost sab keh diya tha. Ek chhoti si blush uske lips pe aata hai, lekin wo hide kar leti hai.)

Shanu (andar se)

Main toh keh chuki hoon sab… bas “woh” lafz chhod diya…

Ab uske jawaab ka intezaar hai… bina maange.

(Tabhi ek book shelf ke peechhe se Zaheer ka silhouette nazar aata hai. Woh door se kisi dusre shelf ke samne khada hota hai, unaware ki Shanu usse dekh rahi hai.)

(Shanu bas quietly usse dekhti hai na smile karti hai, na chhupti hai. Just observes. Ek silent beat.)

(Woh diary band karti hai, aur sirf itna bolti hai apne andar se)

Shanu (softly)

Tune toh raat meri neend uda di…Aaj subah meri subah bhi tu hi ban gaya hai.

Zaheer bookshelf se ek novel uthata hai (but clearly he's not paying attention).Shanu us moment ko smile ke saath accept karti hai.

Light instrumental score fade in hota hai soft guitar notes.

Location: College Canteen – Left window corner table

Time: 11:50 AM – Lunch break se thoda pehle ka rush

(Canteen mein halki bheed hai. Log tray leke idhar udhar jaa rahe hain. Ek side table pe Ammu already baithi hoti hai  ek novel khola hua, aur chhoti si coffee cup uske paas. Uska dhyaan book mein hai.)

(Arjun apni tray leke dusre end se aa raha hota hai, aur uska dhyaan table pe nahi, balki apne phone pe hota hai Taz ka koi meme bhej raha hota hai. Without looking, woh Ammu ke table pe baith jaata hai — SAME TABLE — aur turant uske haath Ammu ke haath se TOUCH kar jaate hain.)

*(Ek second ka freeze.)

(Dono ek dusre ki aankhon mein seedha dekhte hain.)

Ammu (surprised)

Tum…?

Arjun (phone side rakhte hue)

Main? Main toh seat dhoondh raha tha… Aur mil gayi… galti se sahi.

(Ammu ka haath instant reflex se hatt jaata hai, lekin nazar wapas Arjun pe chali jaati hai. Arjun tray adjust karta hai, casually.)

Arjun (with half smile)

Tu coffee pi rahi hai? Waise… tu kaunsi cheez chhodti hai taste ke naam pe?

Ammu (deadpan)

Bakwas chize chhodne ki koshish ki thi. Lekin tum gaye nahi.

(Arjun laugh choke karta hai halka cough, fir muskarata hai.)

Arjun

Tera sarcasm pehle jaise sharp hai.

Lekin ek baat kahun?Tu coffee ke saath… aur bhi mature lagti hai.

Ammu (raised eyebrow)

Mature ya budhhi dadi

Arjun (leans in slightly)

Mature…

Old toh tab bhi nahi lagegi thi jab tu 80 baras ki budhhi ho jayegi, or teri khoobsurati aisi ki aisi rahegi

(Ammu ka chehra full blush + glare. She looks around to check if anyone heard. Arjun us moment ka pura maza le raha hota hai.)

Ammu (hushed)

Tu mar jaa na please.

Arjun (smirks)

Tere haathon se marne ka idea… kaafi romantic lagta hai.

(Suddenly ek ladka aata hai aur unki table se takrata hai,thoda jhatka lagta hai. Table hilti hai aur Ammu ka coffee cup girte girte bachta hai. Arjun jaldi se cup pakadta hai uska haath Ammu ke hand pe fir se touch hota hai. Lekin iss baar dono haath hataate nahi. Ek lamha rukta hai.)

(Background se soft slow music ka instrumental vibe — halki si breeze chalti hai.)

Arjun (seriously)

Kabhi kabhi accident…Sabse honest moment hota hai.

*(Ammu bas uski aankhon mein dekhti hai. Phir slowly haath hataati hai, cup wapas uthati hai, lekin kuch nahi bolti.)

(Ek chhoti si smile — na haan, na naa — bas confused warmth.)

Ammu (softly)

Mujhe class ke liye nikalna hai…

Arjun

Toh jaa… Lekin agle “accident” ke liye tayyar rehna.

(Ammu uthti hai, tray pakadti hai, lekin jaane se pehle palat ke ek baar Arjun ko dekhti hai — long look. Arjun sirf wink karta hai.)

(Scene cut on Ammu's blush + eye-roll mix expression as she walks off — aur Arjun ka slow sip of coke with that “she’s still into me” confidence.)

[i]Ammu jaise hi canteen se bahar jaati hai, Arjun uski back dekhte hue thoda dreamy ho jata hai. Pehle ka touch, woh nazar… sab yaad aa raha hai. Tabhi  Ek sudden thud! Taz apni tray lekar usi bench pe Arjun ke saamne jhat se baithta hai.)[/i]

Taz (mouth full)

Bhai… bhai… tu toh Romeo 2.0 lag raha hai.

Laga… laga… current toh gaya hai tujhmein!

(Arjun thoda jump maar jaata hai)

Arjun

Abe tu kaha se tapak gaya be?

Taz

Kahi nahi…Tere aur Ammu ke nayan-milap ki sixth-row audience tha main.Mujhe sab dikh gaya.

Arjun (sighs)

Haan yaar… maaf toh kar diya usne…

Lekin lagta hai spark kuch missing hai.Wo baat… jo pehle thi…

Taz (tray side rakh ke lean karta hai)

Toh sun…Taz Baba ka totka number 143.

(Arjun suspicious look deta hai.)

Taz

Sabse pehle — tu uske saamne emotional ho ja.Full filmy style.

“Main tere bina zinda nahi reh sakta Ammu…”

Aur tab tu chhup chaap… ek pyaaz ka juice pee ja.

Aankhon mein aansu aayenge — real!

Arjun

Bro… pyaaz?

Taz

Trust kar bhai. Ye scientifically tested hai… main khud ro chuka hoon isse.

Arjun

No. Not happening.

Taz (excited)

Theek hai, plan B.

Uske liye ek love dance kar.

Canteen ke beech mein.

Koi bhajan pe nahi — “Tumse Milke Dil Ka” wale beat pe.

Shirt phaad ke chest pe likh — “Only Yours”

Arjun (horrified)

Tujhe security officer ne kab chhoda tha last time?

Taz

Plan C.

Ammu ko apne paas bula…

Aur dheere se uske kaan mein bol —

"Main tujhe dekh ke hi brush karta hoon…"

Arjun

Taz, tu brush se direct pyaar mein kaise jump karta hai yaar!?

Taz (seriously)

Bro... tu emotion mein invest kar raha hai.Main hygiene mein feel laa raha hoon.

(Arjun facepalm karta hai.)

Arjun

Bas. Chup. Ab tu bas khana kha.

Aur mere aas paas mat aana.

Taz (chewing, proud expression)

Bhai… kabhi kabhi mujhe khud pe garv hota hai.

Log saleem-javed bolte hai…

Main Taz-Kitchen ke naam se pyaar baant raha hoon.

(Camera slowly zoom out karta hai. Arjun uski tray uthake dusri taraf move karne lagta hai Taz uske peeche “aur bhi advice hai” kehke chillata hai.)

Taz (background me)

Next time ke liye chikni mitti ka pack try kar le bhai! Usse ladkiyon ko instant spiritual connection hota hai!

(Arjun peeche se “NAHINNN!” jaisi expression deta hai, lekin smile dikh jaata hai uske chehre pe.)

Camera canteen ke upar wale fan pe zoom karta hai…

Fan slow ghoom raha hai…

Canteen ka ambient noise fade hota hai…Arjun aur Taz dono scene se out ho jaate hain…Bas ek soft music fade-in hota hai.

Location: College Football Ground

Time: 5:30 PM – Practice Match Prep

(Football ground pe college ke boys warm-up kar rahe hain. Ek team Arjun ki lead mein hai, doosri Zaheer ke under. Coach abhi tak nahi aaya. Practice informal hai, lekin intensity full hai.)

(Zaheer ball ko juggle kar raha hai, thoda aggressively. Arjun dusre side se aake cones set karwa raha hota hai. Dono ke beech clearly koi communication nahi hai.)

(Tabhi ball roll hoke Arjun ke paas aata hai. Arjun us ball ko pick karta hai, aur thoda force se Zaheer ki taraf phenkta hai — not violently, but with attitude.)

Zaheer (catch karte hue, cold)

Tameez se bhi de sakta tha.

Arjun (straight face)

Tujhse tameez ki ummeed bhi nahi thi… toh kya fark padta hai?

(Silence. Kuch players pehle confuse, fir alert ho jaate hain. Ek team member bola jata hai "Arey chill guys…")

Zaheer (walks toward him)

Tu mujhse takraane ka mauka dhoondh raha hai Arjun…Kya chahiye? Ek aur collar pakadne wali yaad?

Arjun (steps forward)

Mauka nahi… wajah dhoond raha hoon.Aur tu toh har jagah bikhra pada hai… wajah banne ke liye.

Hero banne ka shauk tha na… ab villain lag raha hai tu.

Zaheer (laughs dry)

Tu toh pehle se villain tha…

Arjun (boils)

Aur tu kya tha?Behen ka guardian banne chala tha…Lekin usi ko emotional guilt mein dhakel diya Asad ke haathon!Tu toh bhai ke naam pe dhabba nikla!

Zaheer (flares up)

Apni maa baap ki izzat rakhi hai tune? Log kehte the Arjun sharif hai…

Main kehta hoon tu ek number ka manipulative chutiya hai!

Arjun (pushes cone aside, steps real close)

Chutiya bol ke bach gaya tu…

Warna iss baar tujhe ball nahi… muh todke dena tha mujhe!

Zaheer (nose to nose)

Aa na phir…

Ground hai, log hain, sab dekhenge ki Ek achhe dikhte hero ki asli aukaat kya hoti hai, sabko dikha de!

(Dono ke beech physical space minimum. Dusre players tension mein aa jaate hain. Ek do banda beech mein aake lightly push karta hai  “Arey rehne do yaar, kya kar rahe ho?”)

Arjun (clenched jaw)

Tu sirf Ammu ka bhai nahi…Ek insecure, ego wala kutta hai Jisko hamesha lagta hai ki har ladki ko protect karna uski duty hai.

Zaheer (eyes red)

Aur tu us har ladki ko possess karne wala harami hai…Pyaar karna nahi aata, bas jeetna aata hai tujhe.

(Ek final glare. Dono ek dusre ko almost dhakka dene ke mood mein, lekin coach ke whistle ki awaaz aati hai background mein dono ka moment freeze ho jaata hai. Coach aate hi sab fake busy ho jaate hain. Dono aankhon se aag barsa rahe hote hain.)

Coach (strict)

Jo personal war chal raha hai na…

Usse ground ke bahar chhodo.

Yeh college ka match hai, gully ka nahi!

(Dono silence mein distance bana lete hain —lekin aankhon mein clearly likha hai: “Ye khatam nahi hua.”)

Arjun aur Zaheer opposite ends pe khade hain Same team ke members confused

Pure hate & fire

Zero filter words

⚡ Emotions at edge