09-07-2025, 11:25 PM
(This post was last modified: 09-07-2025, 11:34 PM by Greenwood. Edited 2 times in total. Edited 2 times in total.)
Update 35
Location: Arjun ke ghar ka guest room
Time: 3:25 PM – Lunch ke thodi der baad
(Andar ka room semi-dark hai. Curtains thode band hain. Mirror ke saamne Asad khada hai shirt ke first two buttons khule hue, sleeves thodi fold ki hui, thoda thaka, lekin aankhon mein rest nahi, sirf uljhan.)
(Uska reflection usse tak raha hai — jaise woh khud apne aap se sawaal kar raha ho.)
Asad (low voice, mirror se aankh milakar)
Kya kami reh gayi mujh mein?
(Pause. Deep breath.)
Asad
Ek rishta — jo sabke liye perfect lagta hai...
Woh bhi us ladki ke liye confusion ban gaya.
(Wo mirror ke samne thoda aur paas jaata hai — apne collar thoda adjust karta hai, jaise control wapas laane ki koshish kar raha ho.)
Asad (mocking smile)
Aur sabse bada competition?
Ek ladka jo “protector” ban gaya hai...
Hero nahi, guard dog.
(Mirror mein Arjun ka mental image flash karta hai uske dimaag mein — Ammu ke saamne khada, seedhi baat karta hua. Asad ka face tighten ho jaata hai.)
Asad (to himself)
Main tum jaise nahi hoon, Arjun.
Main chillake pyaar nahi jeetta...
Main yakeen se jeetta hoon.
(Uske haath ka fist tight ho jaata hai. Wo hair gel ki bottle uthata hai, par rakh deta hai — unsure move. Silence. Just heavy breathing. Then suddenly —)*
Asad (firm, whisper)
Ammu ko main chhod ke nahi jaaunga.
Uska decision... uska hoga.
Lekin main... last tak yahin rahunga.
(Wo mirror se door jaata hai, par uski aankhon mein ek nayi tezi aa chuki hai. Jo thoda shaant Asad tha — wo ab controlled aggression mode mein aa gaya hai.)
Location: Shanu ka bedroom
Time: Late afternoon – 4:00 PM
(Shanu aur Ammu dono bed pe baithe hain. Thaliyan kitchen mein chali gayi hain. Bahar sab apne kaam mein lage hain. Shanu ka room quiet aur safe space jaisa lag raha hai. Window se thodi dhoop aa rahi hai.)
Shanu (softly)
Thak gayi hogi… sabke beech mein rehke?
Ammu (slow nod)
Jaise… har waqt koi na koi kuch expect kar raha ho.
Main bas... theek rehna chahti hoon sabke liye.
(Shanu uska haath pakadti hai.)
Shanu (gently)
Sab ke liye mat soch.
Ek baar khud ke liye soch.
(Ammu usse dekhti hai — aankhon mein thoda confusion, thoda guilt.)
Ammu
Main confuse hoon, Shanu.
Asad… perfect rishta hai. Sab keh rahe hain.
Lekin jab Arjun saamne aata hai na… toh sab kuch aur feel hone lagta hai.
Shanu (thoda directly)
Toh bata…
Tu kisey chahti hai, Ammu?
Asad ko… ya Arjun ko?
(Ammu chup ho jaati hai. Bahar se ek do crow ki awaaz. Silence heavy ho jaata hai room mein. Shanu usse dekhti rehti hai, wait karti hai — no pressure, sirf sach.)
Ammu (soft whisper)
Arjun…
jab paas hota hai na…
toh mujhe lagta hai main safe hoon. Jaise main main hoon.
Shanu (encouraging)
Aur Asad?
Ammu
Uske saath… main perfect dikhne ki koshish karti hoon.
Smile karna padta hai… kuch na kuch justify karna padta hai.
(Ek second ka pause.)
Ammu (slowly)
Main Asad ke saath secure feel nahi karti…
main responsible feel karti hoon.
(Shanu halki si smile karti hai. Ammu ki aankhon mein aansuon ki ek halki si layer aa chuki hai.)
Shanu (softly)
Toh phir tu kis taraf khadi hai, Ammu?
(Ammu mirror ki taraf dekhti hai — wohi reflection jisme kuch waqt pehle Asad ne apne aap se poochha tha: "Main kam hoon kya?"
Aur ab… Ammu wohi mirror mein apni aankhon mein dekh kar whisper karti hai —)
Ammu (clear voice, to herself)
Main Arjun ke paas hoon… dil se.
Shanu uska haath kas ke pakad leti hai.
No dramatic hug, no rona-dhona bas ek decision ki clarity.
Ammu ke chehre pe pehli baar ek calm expression — jaise andhar ka storm thoda shaant hua ho.
Location: Zaheer ke ghar ka chhota sa verandah
Time: Shaam ke 5:45 PM – dhoop dhalk rahi hai, halki si hawa chal rahi hai
(Ammu ek kone mein bench pe baithi hoti hai — simple cotton dress mein, sir thoda jhuka hua. Haath mein ek diary hai, par kuch likh nahi rahi. Chhup si hai. Tabhi Zaheer wahan aata hai — ek bottle paani ke saath. Bina bole uske paas baith jaata hai.)
Zaheer (soft tone)
Pani piyegi ?
Ammu (slowly leke)
Haan… bhai
(Thoda silence. Zaheer uski taraf dekhta hai, par kuch nahi bolta. Ammu diary close kar ke godh mein rakh leti hai.)
Zaheer (gentle)
Sab tension de rahe hain, na?
Ammu (half-smile)
Sab pyaar se push kar rahe hain...
but haan… kabhi kabhi saans lena mushkil lagta hai.
(Zaheer uski baat calmly sunta hai. No judgment, no “bhaisaab” tone — sirf ek elder bhai ka patience.)
Ammu (after a pause)
Zaheer bhai…
main kuch kehna chahti hoon…
Zaheer (nods)
Sun raha hoon.
Ammu (softly, eyes down)
Mujhe thoda waqt chahiye…
Main itni jaldi decide nahi kar sakti.
Main abhi… sirf doosron ke liye nahi… apne liye bhi sochna chahti hoon.
(She pauses. Phir slow smile ke saath add karti hai:)
Ammu
Aur meri college bhi toh abhi khatam nahi hui...
Zaheer (smiles – soft, content)
Toh?
Tu toh waise bhi apni duniya ki rani hai.
Jab tak tu ready feel na kare… tab tak koi tujhe push nahi karega.
(Ammu uske taraf dekhti hai — eyes slightly moist, but peaceful.)
Zaheer (light tone)
Aur tu bhool gayi kya…
main tere saath hoon.
(Ammu ke lips pe halki si smile aa jaati hai. Wo sir halke se jhuka deti hai “thank you” bina bole feel hota hai. Zaheer apne haath se uske head pe halki si thapthap karta hai — jaise chhoti behen ko aashirwaad deta ho.)
Zaheer (playfully)
Par haan… jo bhi decision le, mujhe bata dena.
Main tere le lad bhi sakta hoon... aur tere le sabko sambhaal bhi sakta hoon.
Ammu (whisper)
I know...
Zaheer uth kar chala jaata hai — shoulders relaxed, smile soft.
Ammu diary dubara kholti hai… aur ek word likhti hai:
“Waqt.”
Location: Pratap & Madhu ka drawing room
Time: Agle din dopahar – 12:30 PM
(Bahar Asad ka suitcase ready hai. Ek cab road par khadi hai. Drawing room mein sab log casual tone mein baith ke usse bye kehne aaye hain. Hawaa thodi heavy si hai — sab polite hain, par heart se clear hai ke yeh goodbye casual nahi hai.)
Asad looks at Pratap & Madhu
Asad (respectful smile)
Uncle, Aunty... aap logon ne itne din apne ghar mein rakha, comfort diya...
Shukriya kam padega.
Madhu (softly, polite)
Tum mehmaan nahi the, Asad. Apne jaise ho.
Pratap (formal nod)
Apna khayal rakhna, beta. Aur...
(Chhoti pause — Pratap bas ek subtle look Arjun ki taraf daalta hai, jo thoda peeche sofa pe baitha hai. Phir Asad ki taraf dekh kar continues:)
Pratap
Zindagi mein har faisla waqt se pehle nahi hota. Jab waqt aaye... tab sahi hoga.
(Asad thoda smile karta hai, aankhon mein halki si sharpness. Then he turns to rest of them.)
Taz & Zaheer
(Taz aage badhta hai, as always thoda drama karta hai.)
Taz (emotionally)
Jaa raha hai?
Tu toh mere raita–biryani ka bhai tha yaar…
(Asad hans padta hai. Taz ko tightly gale lagata hai.)
Asad
Tu sabse real tha yahaan.
Drama kam kar... par dil bada rakh.
(Zaheer aata hai. Dono eye contact mein jaate hain. Gale milte hain — dosti, respect aur unsaid maturity ka touch hota hai.)
Zaheer (soft voice)
Safe journey, bhai.
Asad (whisper)
Tumhara ghar... aur tumhare log. Sambhal ke rakhna.
Asma
(Asma thoda door pe khadi hai. Asad uske paas jaata hai, uske sir par pyaar se haath rakhta hai.)
Asad (gentle)
Kamyabi sirf books mein nahi hoti, Asma.
Zindagi bhi pass karni hoti hai.
(Asma silently smile karti hai, thoda confused, thoda samajhne ki koshish mein.)
Shanu
(Asad Shanu ke saamne rukta hai. Dono ke beech ek civil, controlled silence hota hai. Bas ek mutual understanding aur chhupi respect.)
Asad (polite nod)
Tumhara support… kaafi solid hai.
Shanu (slight smile)
Tumhara patience bhi.
(Dono light smile exchange karte hain. No bitterness, no closeness — bas mature goodbye.)
Arjun – The Final Eye Contact
(Asad Arjun ke saamne rukta hai. Na haath milata hai, na baat karta hai. Sirf aankhon mein aankhon.
Arjun apni jagah se uthta nahi. Uska expression calm hai — par aankhon mein ek warning hai.)
Asad (fake smile)
Shayad tum samjhte ho ki yeh khatam ho gaya...
*(Arjun apne face pe ek dry smile laata hai — jaise keh raha ho: “Main bhi wahi soch raha hoon.”)
(No words. Sirf look. Sirf tension. Sirf ek unfinished scoreboard ka signal.)
Ammu – Silent Pause
(Sab ke baad, Asad finally Ammu ki taraf dekhta hai.
Woh kuch nahi bolta — sirf ek stare jo 3 seconds tak chalta hai.
Jaise keh raha ho:
“Main jaa raha hoon... lekin tera jawab ab bhi yahin kahin ruka hua hai.”)
Ammu aankhon se contact banaye rakhti hai — par kuch keh nahi paati. Her eyes say: "Mujhe waqt chahiye."
Scene Shift: Azhar ke ghar
(Door knock hota hai. Azhar (bimar par stable) sitting chair par hota hai. Asad andar aata hai, thoda formally.)
Asad (low voice)
Uncle, main jaa raha hoon.
Aap apna khayal rakhiye...
(Azhar slowly nod karta hai. Asad unke paas baith jaata hai.)
Asad (gently)
Aur... ek salah dunga. Ammu ko waqt dijiye.
Jo log uske aas paas hain, wo sab kuch keh rahe hain…
lekin uska andar abhi tak chup hai.
(Azhar thoda surprise hota hai Asad ke tone se — pehli baar vo ego ke bajaye sense aur softness dikha raha hai.)
Asad (final line)
Main waapas aunga… agar waqt ne bulaya.
(He gets up. Ek baar ghar ke andar glance deta hai… aur chala jaata hai. Gate band hone ki awaaz aati hai.)
Asad gaya…
Lekin kisi se bhi poori tarah alvida kehke nahi gaya.
Uske goodbye mein ek silent line likhi thi:
"Main haara nahi hoon… main ruk gaya hoon."
Chai, Chand, Aur Chhed-Chhaad” – Arjun & Shanu Terrace Chat
Location: Arjun ke ghar ka chhat
Time: 11:00 PM
Props: Thermos mein chai, do steel ke cup, ek old blanket bichha hua hai, aas-paas quietness
(Scene opens with Shanu chhat pe aati hai — haath mein do cups. Arjun already blanket pe baitha hota hai, haath peeche tek ke, asmaan dekhte hue. Moonlight unka chehra soft bana rahi hoti hai.)
Shanu (cup extend karte hue)
Lo, Mr. Mastermind. Tumhari mission success wali chai.
Arjun (cup leke)
Aah... taste of victory.
(Sip lete hain. Halki si silence. Arjun aankhon se thank-you bolta hai. Shanu uska chehra observe karti hai — thoda tired, lekin relaxed.)
Shanu (grinning)
Baaki sab to samajh aata hai…
Taz ka distraction, mujhe Ammu ke aaspaas rakhna, Asad ko outing pe bhejna...
Lekin plan mein Nikhat ko shamil karna? That was a banger.
Arjun (chuckles)
Bas socha… agar Asad ko Ammu se door rakhna hai, toh mujhe kisi aise ke paas jana hoga jo uska “focus” hila de
Shanu (laughing)
Aur Nikhat ne toh full distraction package ban ke entry li. kya flirty ladki hai wo,bhai, tu toh ladka hilaa diya!
Arjun (shrugs playfully)
Call it… psychological warfare.
Shanu (sipping chai, teasing)
Haan, haan… ab mujhe lagta hai tere dimaag mein double chip lagi hai.
Ek emotional processor… aur doosra prankster mode.
(Arjun smiles, eyes soften. Thoda pause. Hawa chalti hai.)
Arjun (quietly)
Warna kya karta, Shanu?
Ammu mere saamne hoti thi… aur main kuch keh nahi sakta tha.
Sirf yeh plan hi ek tareeka tha… usse khud se sochne dene ka.
Shanu (softly, proud)
Aur usne socha. Apne liye.,Aur tujhe choose kiya… dil se.
(Arjun uski taraf dekhta hai. Smile karta hai — pure gratitude aur sukoon se.)
Shanu (curiosity)
Lekin tune yeh sab kiya kaise
Arjun (flashback mode on
Location: Nikhat ka apartment, small rooftop balcony
Time: 1 din pehle
(Nikhat white kurti mein, headphones pehn ke painting kar rahi hoti hai. Arjun entry leta hai — balcony ke corner pe rukta hai. Nikhat usse dekh ke surprise hoti hai.
Nikhat (removing headphones)
Oye… tu zinda hai
College kya, Instagram tak se gayab ho gaya!
Arjun (smirking)
Tu bhi toh kam nahi…
College ki stage tere bina blank lagti hai.
Nikhat (sitting down with brush)
Flattering se kuch nahi hone wala.,Bol, aaya kyun hai?
(Arjun thoda pause leta hai — serious expression.)
Arjun (gently)
Ammu ke liye.
Main usse…
Main usse waise hi chahta hoon jaise tu apni coaching ko
(Nikhat ka haath freeze ho jaata hai brush pe. Ek second ka silence.)
Nikhat (tight smile)
Interesting metaphor.,Toh problem kya hai?
Arjun (exhaling)
Problem yeh hai ki uske aas-paas har waqt log hai — opinion, pressure, confusion...
Aur main nahi chahta ki main bhi ek aur pressure ban jaun.
Main chahta hoon… ki uska dil bole, na ki logon ka logic.
Nikhat (dry laugh)
Aur tu chahta hai main tujhe jealous angle dikh ke help karun?
Wah Arjun. Tera style alag hi hai.
(Arjun uski aankhon mein dekhta hai — soft, respectful tone mein bolta hai.)
Arjun (slowly)
Main tujhe use nahi kar raha, Nikhat.
Main tujhe iss game mein partner bana raha hoon.
(Nikhat thoda hurt feel karti hai — ek second ko uski aankhon mein kuch flash karta hai. Usne kabhi Arjun ke liye soft corner feel kiya tha — aur yeh moment woh thoda mehsoos bhi karti hai.)
Nikhat (masking with smirk)
Aur agar main keh doon ki main tujhe jealous dekhna chahti hoon?
Arjun (smile)
Tab main sirf itna kehunga...
“Main toh pehle se hi jal raha hoon.”
(Nikhat zor se nahi, lekin ek corner smile karti hai. Phir thoda serious.)
Nikhat (softly)
Tere aur Ammu ke beech kuch hai, Arjun…
I can see that.
Aur tujhe dekh ke lagta hai...,tere jaise dard kam hote hain.
(Pause. Uske baad Nikhat aankhon mein aankhon daal kar bolti hai.)
Nikhat
Main help karungi.
Par acting main karungi… likh ke de de, overacting nahi.
Arjun (smirking)
Deal.
(Phir dono normal ho jaate hain. Brush, painting, chai — aur thodi masti bhari light baatein.)
Flashback ends
Shanu
Tu toh asli emotional manipulator nikla.
Aur Nikhat…
She actually did well. Mujhe laga wo beech mein plan blow kar degi.
(Shanu uska cup khali karti hai, thoda proud smile ke saath uske kandhe se thoda dhakka deti hai dosti wala.)
Shanu
Kya kahun…
Tu mera bhai hai, toh genius toh hona hi tha.
Shanu (mock serious tone)
Waise ek baat bolun?
Arjun
Hmm?
Shanu (raises brow)
Next time agar kisi mission mein mujhe involve kare na… toh mujhe pehle se batana.
Main tujhse zyada smart hoon, bas halka time lagta hai samajhne mein.
Arjun (laughs)
Tujhe involve kiya hota toh tu overact kar deti.
Aur waise bhi… tu emotional ho jaati.
Shanu (fake offended)
Excuse me?! Emotional main hoon?
Tum dono raat bhar sad songs sunte ho, aur main emotional?
Arjun (teasing)
Arre… main toh “feels specialist” hoon.
(Dono haste hain. Cup se last sip lete hain. Blankets ko wrap karte hain thodi si thand se bachne ke liye.)
(Shanu Arjun ke shoulder se thoda sa lag jaati hai. Dono chhat pe baith ke sky dekhte hain — no drama, no tension — sirf ek solid bond.)
Shanu (softly)
Achha kaam kiya tune, bhai.
Na sirf Ammu ke liye... apne liye bhi.
Arjun (quietly)
Ab dekhte hain... aage kya hoga, uske liye bhi ready rehna padega
[b][i](Dono silence mein aasman ki taraf dekhte hain — moonlight unke chehron pe padti hai. Ek mission khatam, lekin ek [b]nayi beginning ki tayyari shuru.)[/i][/b][/b]
![[+]](https://xossipy.com/themes/sharepoint/collapse_collapsed.png)