Misc. Erotica Nisha ki Life : Puraana Mohalla

[Wickedguy]

                           Nisha ki Life : Puraana Mohalla


Bahot dino baad soch raha hoon kuch likhoon... Kuch adhure kisse pure karu.. Woh puraani kahani ... Ki fir se shuruwat karu.. Ek nayi shuruvat .. Pata nahi 2019 mein likhi apni story "Nisha ki Life : ek chote seher mein" jaisi story fir likh bhi paaunga yaa nahi lekin ek koshish jarur karna chahunga.... Aur agar support mile pehle jaisa toh shayad likh bhi jaau ....
Khair, story shuru karte hai:

---

Mohalle Ki Jhalak 

Yeh story hai Nisha Chowdhary ki, jo ab 27 saal ki behad khoobsurat aurat hai. Aur filhaal primary college mein teacher ki job kar rahi hai. Padhai likhai mein toh khair Nisha bahot hi average thi, iski wajah kuch hadh tak uske gharwale aur rishtedaar bhi the. Jo bachpan se uske dimaag mein yeh baat feed karaate rahe ki woh itni sundar hai, usse padhai likhaayi ki kya zaroorat? Usse toh koi Ameer yaa NRI yunhi mil jaayega. Lekin kismat ne uska rishta puraani Dilli ke Chowdhary Halwai ke yahaan, Sunny ke saath karwa diya.
Nisha ka sasural puraani Dilli ke Puraane Mohalle ka rahvaasi hai. Ek aisa mohalla jahan purani haveliyan aur tang galiyan ek doosre se lipati hui hain. Subah ki azaan ke saath chahal-pahal shuru ho jaati hai, aur shaam ko galiyon mein bachchon ki kilkaariyan aur bade-buzurgon ki chaupal jamti hai. Har ghar ki khabar doosre ghar tak palak jhapakte pahunch jaati hai, aur mohalle ka har kona ek kahani kehta hai.

---

Parivaar Aur Rishtey
Nisha ke parivaar se parichay kar lete hain:

• Nisha ka Pati - Sunny: 30 saal ka smart aur handsome jawaan mard. Jo bachpan se hi dil-o-dil Nisha se pyar karta tha. Nisha ki ek jhalak ke liye ghanto sadak pe intzaar karta tha, apni dukaan par baitha bas uska rasta takta rehta. Uska pyar itna gehra tha ki usne apne sapne, apni zindagi Nisha ke naam kar di thi.
  Nisha bhi kahin na kahin uske dil ka haal bachpan se jaanti thi isliye woh bhi kabhi kabar usse "ghaas daal deti" thi aur kapde sukhaane ke bahaane chat pe aajati thi aur usse cricket khelte hue nihaarti thi. Kissi din agar dono ki nazrein mil jaaye aur Nisha muskura de toh Sunny ka toh din hi ban jaata tha. Woh poora din us muskurahat ke nashe mein rehta.
  "Chutiye Sunny" mein itni himmat toh thi nahi ki apni dil ki baat Nisha se kar paaye. Bas "lavdu" bachpan se hi "hello-hi" kiye jaa raha tha aur akhirkaar maa baap ne pehal kar ke Nisha ka hath maanga apne nakaare bete ke liye. Chowdhary halwai ka acha khasa rutba tha toh Nisha ke  gharwalo ne bhi haan kar di.  Itna bada "chutiya" tha Sunny ki, us "lavdu" ne apni engineering ki admission chhod ke Nisha ke B.Com college mein daakhla le liya tha . Uski soch thi ki kam se kam woh uske kareeb toh rahega. 
  Sunny ki harkatein dekh uske pitaji ko bhi pata chal gaya tha yeh "nakaara" hai lekin tha toh unhi ka khoon isliye unhone apni halwai dukaan se kamayi hui saari jami punji laga ke Sunny ke liye ek hardware ki dukaan khol di aur Nisha jaisi sundar sanskaari ladki se uski shaadi bhi karwa di, jisse woh bachpan se pyar karta tha. Baap ne Sunny ko naukri aur chokri thaal mein paros ke di thi. Lekin "naalayak Sunny" fir bhi din bhar awaragardi karta rehta aur bechara buddha baap hi do-do dukaane sambhal raha tha, apne bete ki khushi ke liye.
  
  
• Nisha ke Sasur - Chowdhary Halwai: Mohalle ki sabse purani aur mashhoor Chowdhary Sweets ke maalik. Unki mithaaiyon ka swaad door-door tak prasiddh hai, aur unka naam hi shuddhata aur parampara ka prateek hai. Unke chehre par hamesha ek santushti aur meethapan rehta hai, jaisa unki banayi barfiyon mein.
  
• Nisha ki Saas - Chowdharayan: Ek seedhi-saadi, '. mahila jo ghar aur parivaar ko bade pyar se sambhalti hain. Unki baaton mein gaon ki mitti ki khushboo aur maa ka mamta bhara pyar jhalakta hai. Woh ab Nisha ke liye ek maa jaisi hain, jo naye rishton ko jodti hain.
  
• Nisha ka Naalayak Chota Devar - Kallu Halwai:  umar 22 , Jo pichle 3 saal se "first year" ki pariksha  mein fail ho raha hai. Uski zindagi sirf cricket, gali mein doston ke saath gappe maarna aur apni bhabhi Nisha ko chidana tak seemit hai. Dukaan par baithne ke naam se hi uske pet mein dard shuru ho jaata hai, aur ab toh Chowdhary Halwai ne bhi usse zyaada umeed rakhna chhod diya hai.
  

---

Mohalle Ke Anya Kridaar (Story mein aur bhi kirdaar aate jaate rahege )

• Nimmi - Nisha ki Hum-Umar aur Saheli: Dikhne mein bilkul sadhaaran aur bhaari bharkam mote sharir wali, lekin dimaag se bahut tez aur dosti nibhane wali. Nisha ki har baat sunne wali aur uski har mushkil mein uska saath dene wali. Unki dosti bachpan se hai, aur dono ek doosre ke raaz jaanti hain.
  
• Patwardhan Panwadi - Nimmi ke Pita: Jinki mohalle ke chourahe pe ek choti si, lekin hamesha chahal-pahal se bhari paan ki dukaan thi. Inhe pure mohalle ki khabar hoti thi, kyunki aksar awaara launde aur tharki mard unki dukaan pe aake gossip kiya karte the – idhar udhar ki, iske uske ghar ki. Toh maan lo yeh Panwadi Uncle jeete-jaagte encyclopedia hain, jinse koi bhi khabar chhupi nahi reh sakti. Unki nazar har aane-jaane wale par rehti hai, aur unke kaan har sargoshi ko pakad lete hain.
  

---

Khair ab aate hain kahani ki mukhya kirdaar Nisha pe. Nisha itni khoobsurat thi ki uski khoobsurati ke charche aas-paas ke mohallo mein bhi the. Nisha behad khoobsurat thi – paune 6 foot ki height, kamar tak ke lambe kesh, hari aankhein, aur sabse jyada jaanleva the uske bhaari boobs. Halaanki Nisha hamesha dhaki-dhaki hi rehti thi, lekin laakh koshishon ke baawjood kahin na kahin se uska 34D size ke boobs ki wajah se cleavage dikh hi jaata. Jiski ek nazar paane ke liye awaara mardon ke dil mein humesha chaah rehti thi, aur unki bhooki nazrein uske har kadam ka peecha karti thi.

---

Maujooda Din: Mohalle Ka Chouraha
Ab aate hain present day pe. Subah ke 7:30 baje hain. Nisha aur Nimmi mohalle ke chouraahe pe apni bus ka intzaar kar rahe hain, college jaane ke liye. Suraj ki pehli kiranen galiyon mein phail rahi hain, aur chai ki tapri se uthti khushboo hawa mein ghuli hui hai.
Ki tabhi wahaan chouraahe pe ek puraani phatphati  pe bagal wale mohalle ke chatte hue badmaash - Ajju aur Ballu aa jaate hain. Dono Panwadi ki dukaan pe khade hoke door se hi Nisha ko ghurne lagte hain. Unki aankhon mein gandi chamak saaf dikh rahi thi.
Ajju: "Haaye kyaa maal hai yeh, iski gadraayi gaand dekh ke mera khada ho jaata hai har baar..." aur woh besharmi se apni pant ke ubhaar ko dabaane laga Nisha ki ore dekh ke.
Ballu: "Haan bhai, aisa pataka pure ilaake mein nahi hai.... Gaand toh gaand iske gol gol mammey toh aise lagte hain ki kabhi kurta phaad ke bahar aa jaayenge...."
Panwadi Uncle, apni dukaan par baithe sab sunn rahe the aur mann hi mann sochte hain: "Saala, acha hai meri beti Nimmi Nisha jaisi sundar nahi, varna yeh haraami uskee baare mein bhi ant-sant sochte." Unke chehre par chinta ki lakeerein ubhar aayi.
Itne mein Nimmi ki nazar Ajju aur Rahim pe padti hai.
Nimmi: "Nisha, dekh woh dono lafange tujhe kaise ghur rahe hain...."
Nisha muh pher leti hai aur kehti hai: "Pata hai mujhe Nimmi, yeh toh ab roz ka hi ho gaya hai lekin kya hi karu main... ab apni jawani ko inki bhooki nazron se toh nahi bacha sakti naa..." Uske lehje mein thodi bechari aur thodi udaasi thi.
Nimmi: "Ek idea hai...."
Nisha: "Kya?"
Nimmi: "Tu Sunny se kyun nahi baat karti?"
Nisha hansi: "Hahahahahahahahahahaha, woh kya hi karlega?"
Nimmi: "Areeey, woh tera pati hai. Usse pata chalega ki tujhe gunde chhed rahe hain toh kuch naa kuch toh jarur karega.... Aur ek baat bata.. tum dono ke honeymoon ko toh 5 saal ho gaye, good news kab suna rahi ho??" Nimmi ki aankhon mein shaitani chamak thi.
Nisha sharma gayi: "Dhattt......"
Wahaan door khade Ajju aur Ballu ko Nisha ko yun hasna aur sharmaana ek alag hi signal de gaya. Unhein laga ki Nisha unki gandi harkatein dekh ke sharma gayi hai aur unhein unki harkaton se koi farak nahi pad raha. Unki himmat aur badh gayi.
Fir thodi der mein bus aa gayi aur Nisha aur Nimmo college chal diye. Yahaan Ajju aur Ballu toh saatvein aasmaan mein the – unhone din mein hi theke ki ore gaadi mod li aur apna kaam dhaam chhod ke peene baith gaye.