Fantasy Girls college (COPIED)

[liljohn]

"Usko bulane ko koun bol raha tha.. maine toh mansi ko bulaya tha bus.." Vani ab bhi Disha ko pakde huye thi..
" toh mana kar doon.. Manu ko!"
" ab kah diya hai toh chalne do.. ya toh pahle hi nahi bolna chahiye tha..." Vani ne usko chhodte huye kaha..
"Abhi kahan bola hai? abhi toh bolna hai.. bolo kya karoon?"
" aap kitni achchhi ho didi..!" Vani ne aur kuchh nahi bola aur andar bhag gayi..
" Muskurati huyi Disha ne Manu ka no. dial kiya... Vasu tour chalne ki baat sunte hi vyakul ho utha.. ab kya karein.. wo log toh aaj rat hi jane wale hain.. Vasu ki manosthiti Ajeeb si ho gayi.. wah toh Neeru ke liye hi tour par jana chah raha tha.. warna toh ye duniya uski dekhi huyi thi.. ab Neeru ko khabar kare bhi toh kaise kare.. Vasu ke dil mein paap tha.. isiliye wah chahkar bhi Anjali ko Neeru ke chalne ke baare mein kuchh bol nahi paya.. Antat: usne khud hi sara jokhim uthane ka faisla kiya..
Anjali ke wahan se nikalte hi usne ek prem pati mein Nainital jane dene ke liye ghar walon ko manane ka sandesh likha aur usko jeb mein daal kar bahar nikal gaya... jaise taise wo poochhta hua Neeru ke ghar ke paas pahunch gaya.. wahan ek aurat nalke par pani bhar rahi thi.. Vasu ghar poochhne ke liye uske paas hi pahunch gaya," Devi Ji, yahan aaspaas ek ladki ka ghar hai.. Neeru ka.. aap kripa karke bata dengi kounsa hai..?"
jhuk kar pani bhar rahi aurat tapak se seedhi khadi huyi aur Vasu ko upar se neeche tak ghoora," re, koun se tu? chhori ke bare mein kyun poochh raha se?"
Vasu uss aurat ke bolne ka lehja sunkar ghabra gaya," Ji.. aap baat ko anyatha na lein.. main Vasu hoon.. Vasu shastri!"
" shastri vastri hoga apne ghar mein.. pahlya ye bata kaam ke hai tanne ladki se? sharam nahi aandi iss tariyan ladki ka ghar poochhti haan.." ( pahle ye bata kaam kya hai ladki se.. sharam nahi aati iss tarah ladki ka ghar poochhte huye ), aurat tamtama gayi thi..
" Ji.. Mujhe kanya se koyi kaam nahi.. Kanya ki mata ji se kaam hai.. aap kripa karke ghar bata dein bus!" Vasu vichlit hote huye bola...
" haye.. mere te ke kaam hogya tann (oho! mujhse kya kaam ho gaya aapko)..tu hai koun bhai " aurat ka mijaj kuchh naram pada...
Vasu ko na nigalte bana na ugalte.. uski halat kharab ho gayi.." tt.. to. kykya aap unki Mata ji hain..?"
" aur ni toh ke ? maa su main Neeru ki.. (aur nahi toh kya? maa hoon main uski) par tu koun se?" Aurat ne jawab diya..," bata ke kaam tha?"
" Jji namastey.. mata ji.. main Vasu.. unka ganit ka addhyapak hoon.." aage usko soojha hi nahi.. jo ye bolta ki kaam kya tha..! aurat ne toh uske munh par tala hi laga diya tha...
" oho.. te master ji.. pahlyan batana tha na.. ( oho.. toh master ji pahle batana chahiye tha na) main tujhe kuchh ulta seedha toh na kahti.. main jaane ke ke soch gi thi.. bata beta.. ke kaam tha..." aurat ka lahja ekdum badal gaya...
" Jji.. wo.. doodh.. nahi.. matlab doodh ke baare mein poochhna tha.. Neeru ne bataya tha ki aapki bhainse doodh deti hain..."
" A Neeru! bahar aayiye ek baar.." aurat ne aawaj lagayi...
Paas ke hi ghar se Neeru bahar nikli aur Vasu ko wahan khade dekhkar buri tarah sakpaka gayi.. man hi man socha," isne toh raat ko aane ko bola tha.. ye toh din mein hi tapak pada...," Namaste Sir!" usne apne aap par kaabu kiya...
" namaste ki bachchi.. tanne master ko jhooth kyun bola.. kounsi bhains doodh deve se aapni.. master ji.. iske munh se galti te likad (nikal) gya hoga.. mhare ghar doodh nahi hota..." Aurat ne aakhiri line Vasu ki aur dekhte huye kahi...
" chalo koyi baat nahi.. main aur kisi se poochh loonga.. Haan Neeru.. wo.. Disha kah rahi thi.. tumhe bata doon.. aaj Raat hi nainital ke liye tour ja raha hai.. tumhe jana ho toh.." Vasu ne jindagi mein pahli baar ishara karne ke liye apni ek aankh ko matkaya.. wo bhi Ladki ki taraf..
Neeru samajh gayi.. aur khush bhi ho gayi..," theek hai sir.. main Disha se milne ja rahi hoon.. abhi.. mummy.. main tour par chali jaaun na?"
" Mujhe na pata ! ye baat apne papa se poochh liye..."
" unhone toh haan kar di thi mummy.. "
" toh fer chali jayiye... mere te kyun poochh ri se....
" Aaja master ji.. Ghar aaja.. doodh toh nahi hai.. par chay toh pila hi devenge...
" Ji.. bahut bahut dhanyawad.. abhi jara jaldi mein hoon.. fir kabhi.." kahkar Vasu, Disha ke ghar chal di Neeru ke pichhe nikal liya..... Gali mein kuchh aage nikal jane ke baad Neeru ne pichhe mudkar dekha.. Vasu uske pichhe pichhe jaise usko soonghta hua aa raha tha.. usne apni chal dheemi kar di aur lagbhag Vasu ke sath sath chalne lagi," Sir! aapko aise nahi aana chahiye tha.. Maa ko shak ho jata toh?" Neeru ne dayein bayein dekhte huye Vasu se kaha...
" Toh kya karta? aaj Rat wo tour par nikal jate aur hum yahin rah jate.." Vasu ne bhi bina usko dekhe; chalte chalte jawab diya..
"hum kyun? aap toh chale hi jate.." Neeru ne ithlate huye apne balon ko kaano se pichhe kiya aur Vasu ki aur houle se Muskurayi...
"Tumhare bina main kya karta wahan?" Vasu ne jawab diya...
Neeru par poori masti chhayi huyi thi.. Vasu ko iss tarah apne liye machalte dekh wo itra gayi," aur.. mere Sath kya karenge wahan?"
"kkkuchh nahi.. main kya karoonga? mmmaine kabhi kuchh kiya hai kya?" Vasu chalte huye Neeru ke madak nitambon ki uthapatak mein khoya hua tha ki Neeru ke iss dwiarthi sawaal ne usko hadbadahat mein daal diya..
Neeru apni hansi nahi rok payi.. Vasu ka ye bholapan hi toh Neeru ko le dooba tha.. warna toh wo kab ki 'jawan' ho chuki hoti..
" ek baat kahoon..?" Vasu ne mouka dekhkar kaha...
" Ji.. kahiye.." Neeru ne chalte huye sarak gayi chunni ko theek karte huye kaha..
" nahi.. kuchh nahi.. tum chalogi na?"
" Haan.. main toh pakka chaloongi.. par aur koun koun ja rahe hain..?" Neeru ne sawal kiya...
" Mujhe toh bus itna pata hai ki tum ja rahi ho.. aur main ja raha hoon.. baki tum unhi se poochh lena.. achchha.. chalne ka samay achchi tarah yaad rakhna aur time se pahle pahunch jana.. bhool mat jana..!" Vasu bechaini se bola, ghar aa gaya tha...
" Ji.." Neeru ne ek baar sarsari nigah Vasu ke pyare chehre par dali aur usne apni chal tej kar di..
-----------------------------
Sham ke kareeb 7 baj chuke the... sab apne apne saman ki packing mein lage the..
" Jiju kab aa rahe hain didi.." Vani se sabra nahi ho pa raha tha.. uska Manu jo uske sath aane wala tha..
" aane hi wale honge.. kah rahe the 10 minute ka rasta aur..." Disha ko Vani ne baat bhi poori na karne di..
" aa gaye... kahte huye wah darwaje ki aur bhagi.. par achanak hi darwaje se kuchh pahle thithak kar ruk gayi.. wapas bhag kar aaine ke saamne gayi aur khud ko upar se neeche tak dekha... pyar aisa hi hota hai.. warna Vani ki taaraf koyi aaina kya karta.. wah toh khud darpan thi.. soundarya ka.. santust hone par wah bahar ki aur bhagi aur darwaje par jakar mayusi se khadi ho gayi," wwo.. kahan hai?"
Shamsher ne uske paas aate huye pyar se uske Gaalon par thapki di," Wo Koun Vani?"
" Wwwo.. wo.. Manasi!" Vani apni juban fisalne se muskil se rok payi..
" Isne toh yahi bataya tha ki yahi Manasi hai.. Ye Manasi nahi hai kya?" Shamsher ne hanste huye Vani ke Samne hi khadi Manasi ki aur ishara karte huye kaha...
" oh.. haan.. mmujhe dikhayi nahi di thi..!" Vani ne jhenpte huye Manasi ko bujhe man se gale lagaya aur andar aa gayi.. achanak hi uska sara josh thanda pad gaya..
" Inke baare mein nahi poochhogi? ye Shalini hai..! hamare sath tour par chalegi..!" Shamsher ne Vani ka hath pakadte huye kaha...
" Mujhe nahi chalna tour par.. mera sir dard kar raha hai.. jao.. sab chale jao.. mujhe akeli chhodkar..." Vani ko toh bus yahi aata tha.. rooth kar apni aankhon se hi roothne ka matlab samjhana aur jid poori hone tak hadtaal par baithe rahna...
Tabhi Disha andar se pani lekar aa gayi.. Shamsher ke sath najarein mili.. dono ne aankhon hi aankhon mein judayi ki tadap se ek dusre ko awagat karaya aur houle se muskurakar Disha andar chali gayi...
" Kya hua Vani? abhi toh tu fone par mujhe chahak chahak kar gana gakar suna rahi thi.. abhi achanak kya ho gaya tujhe.." Manasi ne Vani ke sir par hath lagakar dekha," Sir toh thanda hai tera.. fir Sirdard?"
" Mujhe kisi se baat nahi karni.. sab tour par jao.. maje karo.. main akeli yahan padi rahungi..." Vani ne munh fulate huye Manasi ka hath apne sir se hata diya..
uss'se kuchh door baithi shalini uthkar uske paas aayi..," kitni pyari ho tum.. kis baat par gussa ho yaar..!"
Vani ne apna neeche wala hont bahar nikal kar ek baar usko ghoora aur fir ye sochkar ki iss bechari ka kya kusoor; wah apna dard uske sath baantne ko razi ho gayi," Sabhi aisa hi kahte rahte hain didi.. par sab mujhe sataane mein lage rahte hain.. sab sochte rahte hain ki kaise Vani ko gussa dilaya jaye.. sab mujhe tang karte hain didi.. koyi mujhse pyar nahi karta..." Kahte huye vani ne uska hath pakad kar apne sath baitha liya...
Uski masoom shikayat sunkar Shalini bhi bina muskuraye na rah saki..," Baat kya hai? batao toh sahi?"
Vani kuchh nahi boli .. yunhi achanak Vani ki najar uski ungaliyon par padi.. aur wo ek pal ko sab kuchh bhool gayi," Haye Didi.. kitni pyari ring hai.. kahan se li?"
" pata nahi.. Gifted hai!" Shalini ne jawab diya...
"Kisne... achchha samajh gayi.." fir Shalini ke kaan ke paas munh lakar houle se kaha," Kya Naam hai?"
Shalini ne bhi uske andaj mein hi uttar diya.. uske kaan mein bola," Rohit!"
" Achchha! Shalini ka secret jaankar Vani bahut khush huyi.. par agle hi pal usko 'apna' secret yaad aa gaya aur fir se uska para chadh gaya..," jab aap dono mein ladayi hoti hai toh aap kya karti hain?" Vani aisa hi kuchh karne ka soch rahi thi..
Shalini khilkhilakar hans padi aur fir uske kaan mein kaha," Gali deti hoon.. aur kya?"
"Kya gali deti ho?" kano hi kano mein guftgoo jari thi..
" Ummmmmm" Shalini ne yunhi koyi gali sochi aur fir uske kaan mein kah diya..," Sala!"
" Hummmmmm!" Vani ne Gali rat li... tabhi Manasi ke dwara kahi gayi baat ne uska khoya noor fir se wapas la diya," bahar wale ghar chalein Vani.. Mujhe bhaiya se kuchh kaam hai...!"
" kyaaa? kahan.. Manu bhi aaya hai kya?" Vani khil uthi...
" tum toh aise poochh rahi ho jaise wo bina bulaye hi aa gaya ho.. bulaya nahi tha kya?" Manasi ne muskurate huye kaha...
" maine nahi bulaya kisi ko.. didi ne bulaya hoga... chalo chalte hain..!" Sab kuchh bhulakar Vani usko bahar kheench kar le gayi........ "Sneha! dekho koun aaya hai? Anjali ne khoyi khoyi si Sneha ko ek agyaat romanch se bhar diya. 'kahin wahi toh nahi' soch kar uska dil jhoom utha aur wah apne aap ko teji ke sath pichhe mudne se rok na saki.. Vicky Anjali ke pichhe khada pyasi nigahon se usko taak raha tha.. Nigahon mein Tan ki bhookhi Wasna ki pyas nahi thi, bulki Sneha ki aankhon mein uske liye fir se wahi pyar, wahi jajbat dekhne ki pyas thi
" Mohan!!!! sorry... Vicky aap? Aap kaise aa gaye?" Bhag kar uske gale se ja chipakne ko Sneha ka poora badan bechain ho utha.. par beech mein Anjali khadi thi.. wah awak netron se usko dekhti rah gayi..
"Tum baatein karo! main aati hoon.." Sneha ke tan-man mein uthe ufaan ko bhanp kar Anjali wahan se khisak li...
"Sneha!.." Vicky ki aankhein bhar aayi.. Wah ab bhi usko yun hi ektak dekh raha tha.. bina palkein jhapkaye..
"Hummm.." 2 kadam aage badh kar Sneha fir thithak gayi.. wah Vicky ko baahein failakar usko pukarte huye dekhna chahti thi..
" Tum mere bina rah logi!" Vicky ne wahin khade khade ulte baans bareli ki tarz par sawaal kiya..
" Par tum.." Sneha ke munh se itna hi nikla..
" Main tumhare bina nahi rah sakta Sanu.. itni hi der mein maine jaan liya... ab tumhare bina man nahi lagta.. lagta hai jaise sab kuchh kho doonga.... agar tumhe kho diya toh.. mujhe maaf kar do na.. mujhe tumhari jarurat hai.. tum mere paas kyun nahi aa jati..." Vicky bolta chala ja raha tha.. Sneha ke liye ab aur sahan karna mushkil tha.. wah toh pahle hi tadap rahi thi.. jakar Vicky ke shareer se ja lipti.. aur bachchon ki tarah bilakhne lagi," tumne bulaya hi kab tha.. Main toh pyar kiya tha Mohan... ab tumhi Vicky ho gaye toh main kya karti.. batao!" Sneha uske seene par sir rakhe usmein simat-ti ja rahi thi...
" Mujhe aaj ahsaas ho gaya Sanu! Mujhmein bhi jajbat hain.. main apne ya apno ke armaano ka gala nahi ghot sakta.. mujhe jeena hai.. jikar dekhna hai.. tumhare sath.. Maine faisla kiya hai.. agar tum mera sath dogi toh...." Vicky ke ruk ruk kar bolte honton par jaise tala lag gaya.. Sneha ne apne larjate honton se uski bolti band kar di.. donon sab kuchh bhool kar ek dusre mein kho gaye.. Sneha ne janam janam uska sath dene ka elaan kar diya..
Achanak darwaje par 'khansne' ki aawaj ke sath dono ekdum chhitak kar ek dusre se door ho gaye.. Bedroom ke darwaje par khadi Neeru bahar dekhte huye muskura rahi thi..
"sorry! Mujhe pata nahi tha ki...." Neeru ke chehre par shararati Muskaan thi..," Main aa gayi.. kab chalna hai?" unn dono ko itni aatmiyata se ek dusre mein khoye dekhkar Neeru ke poore badan mein saanp sa reng gaya...

" wo.. hamein kya pata.. mmain toh inki aankh se kuchh nikal rahi thi.. bahar kisi ko pata hoga.." Sneha ne hadbadate huye kaha...
"Andhere mein hi?" Hanskar Neeru bahar nikal gayi.. dono ne ek dusre ki aankhon mein dekha.. hans pade aur fir ek dusre se chipak gaye...