Adultery Supriya: Ek Jawan Biwi ki Kahani

[Sriya2]

Update 45

Poori raat Supriya sochti rahi ki aakhir Atul ki hua kya tha. Usne kyu itni sharab pee thi? Kahin use Rahul aur uske baare mein toh pata chal gaya tha? Agar pata chal gaya tha toh woh kya karega? Aur usse bhi jyada Supriya kya karegi? Ghar wale aur poori duniya kya kahegi? Agar Atul use chhod dega toh kya woh Rahul ke saath apna jeevan bitana chahegi? Par shayad aisa kuch bhi na ho, kya pata usne bas aise hi sharaab pee ho bas. Inhi sab sawalon mein uski poori raat beet gayi.

Woh jab subah uthi toh usne kamre se bahar aa kar dekha aur Atul abhi bhi sofa par hi leta hua tha. Supriya ko Atul ko iss halat mein dekh kar gussa aa raha tha. Usne ek baar pehle hi Atul ko bol diya tha ki woh sharaab nahi piye par Atul ne kal raat toh kuch jyada hi pee li thi shayad. Supriya ne Atul ki peeth par haath rakh kar use jagane ke liye hilaya.

Supriya - Atul... Atul... utho.... hosh bhi hai aapko kitna time ho gaya...

Atul ki aankhein halki halki khuli - Uhhhh... kya.....

Supriya - Aapko pata hai main kitna pareshaan thi kal raat se...

Atul - Thoda dheere bolo na... itni tez kyu bol rahi ho...

Atul ko uthte na dekh, Supriya ka gussa badta jaa raha tha - Mujhe kal raat office mein kaafi late ho gaya tha... aur aap phone utha hi nahi rahe they, toh mujhe Rahul ko bulana pada...

Supriya ke muh se ekdam se bina soche samjhe Rahul ka naam nikal gaya. Woh ye bolte hi ekdam se chhup ho gayi, pata nahi Atul ne iss halat mein ye suna tha ki nahi.

Par Atul ne shayad ye sun liya tha - Oh acha.... Rahul ne drop kar diya tumhe...

Supriya ne dheemi si awaaz mein kaha - Haan...

Atul - Sorry yaar.... Woh boss aaye they itne dino baad office, aur woh office ke baad mujhe drinks par le gaye, aur kuch jyada hi pee li.

Supriya ne table par rakhi bottle ki taraf ishaara karte hue kaha - Aur fir ye doosri bottle kahan se aayi?

Atul - Aree ye... woh Rahul laaya tha na ek baar... yaad hai...

Supriya - Atul, maine aapko pehle bhi kaha tha na ki mujhe acha nahi lagta aapka ye sharaab peena, fir aapne kyu pee?

Atul - Sorry baba... bas ek hi baar toh pee hai... ab boss ko kaise mana karta... 

Supriya - Ye kya baat hui, boss ki galat baat bhi maanoge?

Supriya wahan se gusse mein uth kar nahane chali gayi. Atul bhi dheere dheere khada ho gaya aur usne bottle ko wahan se hata diya. Supriya ne thodi der baad aa kar dekha toh Atul abhi bhi aaram se sofe par baitha hua tha.

Supriya gusse mein boli - Atul jayo naha ke aayo... aapko pata hai kitni badboo aa rahi hai aap mein se...

Atul - Jaa raha hoon, itni kya jaldi hai...

Itne mein ghar ki ghanti baji aur Karuna kaam karne aa gayi thi. Supriya ne na chahte hue bhi darwaza khol kar use andar kiya. Karuna bhi andar ghuste hi soongh kar samajh gayi thi ki yahan sab kya hua hai. Karuna ko dekh Atul bhi jaldi se living room se nikal kar bedroom mein ghus gaya aur nahane ki tayaari karne laga. Karuna bhi kaam karne lagi aur beech beech mein palat kar Supriya ke jhunjhulaye hue chehre ki aur dekh rahi thi.

Aur fir mauka lagte hi usne pooch liya - Didi... kya hua...?

Supriya ne use bina dekhe bola - Kya hota? Kuch nahi hua?

Karuna - Nahi woh... kafi smell si aa rahi na aaj...

Supriya ne Karuna ko ghoor kar dekha - Tumhari naak kafi tez hai aaj... waise tumhe koi smell kabhi nahi aati...

Karuna haste hue - Didi aisa kuch nahi hai.... bas woh laga kuch...

Supriya - Haan... tumhare bhaiya ne sharaab pee thi kal raat ko... theek hai ab....

Karuna - Didi mera woh matlab nahi tha, bas laga aap pareshaan ho...

Supriya - Nahi, main pareshaan nahi... mujh se jyada toh tum pareshaan lag rahi ho...

Karuna - Maaf kar do na didi... itna gussa mat karo na...

Supriya - Acha theek hai, tum bas apna kaam mein dimaag lagayo...

Karuna fir se kaam mein lag gayi aur uske jaane ke baad Supriya bhi gusse mein so gayi. Poora din uska aise hi gusse mein nikal gaya. Pata nahi use Atul ke sharaab peene par itna gussa kyu aa raha tha, ya fir gussa Karuna par tha, ya fir apne aap par? Poore din Supriya gusse mein apne kamre mein bed par baithi rahi, jo kuch hua tha uske baare mein sochte hue. Atul bhi darr ke maare uske paas nahi aaya.



____________________________________________________

Agli subah, woh jaldi uth kar neeche apni driving class ke liye pahuch gayi. Woh driving seat par baithi aur confidence se gaadi chalane lagi. Use lagbhag 2 mahine ho gaye they Iqbal ke saath Saturday Sunday car chalate hue aur use kaafi confidence aa chuka tha, aur woh kaafi aasani se car chala rahi thi. Iqbal ko kuch jyada bolna bhi nahi pad raha tha. Car chalate chalate Supriya bheed wali jagah par bhi aa gayi thi aur wahan bhi woh ache se car chala paa rahi thi.

Iqbal ne Supriya ki aur dekha, bina kisi make up ke subah subah uske chehre par dhoop padti hui woh kitni pyaari lag rahi thi. Par aaj kitni chup chup si thi woh, waise toh un dono ke beech kitni hi baatein ho jaati thi.



Iqbal ne chuppi ko todte hue bola - Madamji, ab aapko ache se car chalani aa gayi hai, ab toh aap mere bina bhi chala loge...

Supriya khush ho kar - Iqbal... sach mein aapne mere saath kitna sabr dikhaya mujhe car sikhane ke liye...

Iqbal aankhein neeche karte hue bola - Madamji maine toh kuch bhi nahi kiya, sab aapne khud hi seekha hai...

Supriya - Aap bhi jaante ho ye sach nahi hai....

Iqbal - Ab bas aap bhi apni gaadi nikal kar kahin bhi jaa sakti ho...

Supriya - Haan, par Atul ko toh abhi tak nahi pata ki main car chalana seekh gayi hu

Iqbal - Aap unko hi bitha ke kahin le jaana...

Supriya ne ganda se muh banaya - Nahi, unko kahin nahi le jayungi...

Iqbal - Kya masla hai... woh fir se sharaab peene lage?

Ye sun kar Supriya ki aankhein sharam se jhuk si gayi - Nahi, bas ek baar hi tha...

Iqbal - Insaan ko sharab se door hi rehna chahiye...

Supriya - Aapne mujhe pehle bhi kahi thi ye baat, aur maine unhe bola bhi tha, par pata nahi kya hua tha unhe is baar...

Iqbal - Koi baat nahi, aap fikr mat karo... sab theek ho jayega...

Supriya - Shukriya Iqbal... waise ek baat toh reh hi gayi...

Iqbal - Konsi baat?

Supriya - Aapne mujhse kuch bhi fees nahi li thi mujhe gaadi sikhane ke liye.... main aapko bahar khane ke liye le jaana chahti hu...

Iqbal ne chaunkte hue kaha - Mujhe??!! Madamji par...

Supriya - Par war kuch nahi, itna toh banta hi hai mera haq...

Iqbal - Aapka toh poora haq hai mujh par... par main bahar jyada kuch khaata nahi....

Supriya - Acha.... toh fir aap hi bataiye main aapke liye kya kar sakti hu....

Iqbal - Madamji.... kuch karne ki jaroorat nahi hai... 

Supriya - Nahi nahi... aapko batana hi hoga...

Supriya ke itna zid karne par Iqbal soch mein pada gaya - Madamji... main bata toh dunga... par aapko shayad woh karna na chaho..

Supriya bhi sochne lag gayi ki aisa kya kehna chahta hai Iqbal jo woh woh karna na chahegi. Kahin woh baaki mardo ki tarah usse kuch galat....

Supriya ne fir bhi pooch hi daala - Aap bataiye toh...

Use ghabrahat ho rahi thi ki pata nahi Iqbal kya hi bolega, tabhi Iqbal ne kaha - Aap mere saath Jama Masjid chalengi....

Supriya ye sunkar hairaan hi ho gayi, usne kabhi socha bhi nahi tha ki Iqbal kuch aisa maang baithega. Supriya koyi jyada '. toh thi nahi, aur uske pariwaar ne hamesha use sabhi dharmo ka aadar karna hi sikhaya tha, toh use ye itni badi baat nahi lagi.

Supriya - Jama Masjid? Par wahan kyu? Aap toh kuch bhi aur maang sakte they na...

Iqbal - Main chahta ho ki aapke saath ja kar wahan aapki salamati ki liye dua karu... mujhe bahut sukoon milta hai wahan....

Supriya - Par main toh aaj tak kabhi kisi bhi masjid mein nahi gayi.... mujhe pata bhi nahi ki wahan kya karte hai...

Iqbal - Masjid toh bas khuda ka hi ghar hai... aap fikr mat karo itna.... aap chaloge na? Aap mana karoge toh main samajh sakta hoon... main bhi kabhi mandir nahi jaata hoon...

Supriya - Nahi nahi, aisa nahi hai, main chalungi... par kya hum agle hafte jaa sakte hai?

Supriya ko yaad tha ki Atul apne ghar jaa raha hai, shayad wohi sahi samay hoga Iqbal ke saath Masjid jaane ka. Use kafi ajeeb lag raha tha woh is cheez ke haan kar rahi thi, par Iqbal ne uske liye kitna kuch toh kiya tha aur woh use nirash nahi karna chahti thi.

Supriya ki baat sun kar Iqbal bhi khush ho gaya - Shukriya madamji... aap jab bhi chalna chaho mujhe bata dena...
_________________________________________________

Driving ka aakhri paath khatam karke Supriya chehakti hui si ghar wapas aayi. Woh bas ab Atul ko apni driving skills dikhana chahti thi. 

Atul bhi kal ki naraazgi ke baad Supriya ko manana chahta tha. Supriya ghar wapas aate hi kitchen mein chai banane lag gayi. Atul kitchen ke darwaze par aaya aur usne Supriya ko peeche se dekha. Usne ek white tshirt aur ek black color ki legging pehni hui thi. Is tight legging mein Supriya ki gaand bahut hi mast lag rahi thi aur Atul ko mood banne laga. Atul ne peeche se aakar pakad Supriya ko pakad liya.



Atul ne Supriya ke gaal par kiss karte hue kaha - I am really sorry kal ke liye.... aage kabhi nahi hoga...

Supriya Atul ki aur nahi mudi aur apne kaam mein lagi rahi - Aapne pichli baar bhi yehi bola tha...

Atul - Ab ki baar sach mein nahi hoga... waada...maan bhi jaayo na please....

Supriya ne bhi apne gusse ko khatam karte hue kaha - Acha theek hai...  Waise mere paas aapke liye ek surprise hai.

Atul ne excited ho kar Supriya ko zor se bheecha - Acha... kya surpise hai? Kahin main papa toh nahi...

Supriya ne muh banaya - Ufff.. nahi... woh surprise nahi hai....

Atul Supriya ko peeche se kheechne laga - Toh fir us surpise ko sach karte hai na abhi bedroom mein jaakar...

Supriya ne apne aap ko Atul ki jakad se azaad karne ki koshish kari - Abhi nahi please...

Par Atul Supriya ko chhodne ke mood mein nahi tha aur usne apna muh uski gardan par chipka liya - Bahut din ho gaye yaar... 

Supriya - Suno toh... aaj mandir chale kya...

Mandir ka naam sunkar Atul ki pakad thodi halki hui, jaise woh bhi bhagwan se darta ho - Hmmm... theek hai...

Supriya - Theek hai toh aap jaldi se tayyar ho jayo....

Atul - Baad mein nahi jaa sakte kya? Pehle pyaar fir mandir?

Supriya - Nahi... pehle mandir... fir kuch aur...

Atul Supriya ke baat maanta hua jaldi se naha ke tayyar ho gaya. Thodi der baad Supriya ne bhi naha ke ek nayi saree pehen kar tayyar ho gayi. Usne saree ko kas ke baandh liya taaki use driving mein koi problem na ho, aur is kasi hui saree mein woh bahut hi mast lag rahi thi. Saree hamesha se use ek ajeeb si hi dress lagti thi, kehne ko toh bahut hi traditional dress thi par isme ladkiyon ka poora pet saaf dikhta tha. Aur Supriya ke gore pet par toh har kisi ki nazar jaati thi.



Woh dono neeche unki gaadi ki aur gaye aur Atul driver seat par baithne hi wala tha ki Supriya ne uske haath se chaabi li aur wahan baith gayi.

Atul - Supriya doosri side baitho na...

Supriya - Nahi aap baitho doosri side... main aapko lekar chal rahi hoon aaj....

Atul - Ye kya majak hai...

Supriya ne chaabi se gaadi start karte hue kaha - Majak nahi hai... aap baitho toh... nahi toh mujhe akele hi jaana padega...

Atul puzzled sa hota hua gaadi mein passenger side par baitha. Supriya ne handbrake neeche kari aur fir gaadi ko gear mein daalte hue chalani shuru kar di. Atul hairaan ho kar Supriya ko ye sab karte dekh raha tha.

Atul - Tumne car chalani kab seekhi...

Supriya muskurate hue boli - Abhi toh bas dekhte hi jayo...

Supriya car chalate hue building ke darwaze tak le gayi jahan Iqbal ab duty par khada tha. Supriya ko laal gaadi mein drivers seat par baithe dekh Iqbal ko bahut hi khushi ho rahi thi. Jaise woh khud hi baith kar car chala raha ho. 

Supriya ne Iqbal ko muskura ke dekha - Iqbal... gate kholna please...



Iqbal - Ji Madamji... 

Iqbal jaldi se gate kholne laga aur mud kar Supriya ki aur dekhne laga - Madamji bahut ache lag rahe ho aap driver seat par...

Supriya ne use haath hila kar bye bola aur sadak par gaadi nikaal li.

Atul ko samajh hi nahi aa raha tha ki ye sab ho kya raha tha - Supriya... tumne itni achi driving kab seekhi... pehle si hi aati thi kya...

Supriya apna raaz nahi kholna chahti thi - Haan... kuch aisa hi samajh lo... aap aaram se baitho na...

Supriya gaadi chalati hui Mandir le gayi aur dono ne wahan bhagwan ke darshan kiye. Mandir mein bhi use aisa lag raha tha jaise log use mud mud kar dekh rahe ho. Par uska confidence aaj use is sab se darr nahi ek alag sa ehsaas de raha tha. Baaki din aise hi bahar shopping aur dinner mein chala gaya aur raat ko Atul car chalata hua wapas ghar le aaya. 

Aaj Atul bhi Supriya ke confidence se kafi chakit sa reh gaya tha. Uske saamne ek nayi alag si Supriya thi, aur use kahin na kahin aisa lag raha tha ki jaise woh uske layak hi na ho.

Ghar pahuch kar Atul bola - Ab mujhe lag raha hai ki main aaram se Gwalior jaa payunga tumhe yahan chhod kar...

Supriya - Haan bilkul... aur waise 2 din kyu... jaa rahe ho toh 4-5 dino ke liye toh jayo kam se kam...

Atul - Aree par office bhi toh hai...

Supriya - Aapke boss ne bhi toh chutti li thi itne saare dino ki... aap nahi le sakte kya? Aapki family aapko kitna miss karti hai.

Atul - Tumhe bhi toh miss karti hai...

Supriya - Main toh kitne din rahi hu wahan? Khair, aapka mann bhi hai na jaane ka...

Atul - Haan mann toh mera bhi hai jyada dino ke liye jaane ka, par tumhe yahan kaise chhod jayu itne dino ke liye?

Supriya - Areee... abhi toh aapne kaha ki main kitni independent aur confident ho gayi hu...

Atul ne Supriya ke paas aate hue kaha - Ho toh gayi ho... par peeche se kuch gadbad...

Supriya - Kuch gadbad nahi hogi.... main sab sambhal lungi...

Atul ne Supriya ko gale lagate hue kaha - Acha... pehle yahan aakar mujhe toh sambhalo.... bahut din ho gaye hai...

Supriya ne Atul ko apne se door kiya - Nahi... abhi aapki saza khatam nahi hui jo aapne Friday ko kiya tha... toh abhi bas chup chaap so jayo... jab aap wapas aayoge tab sochenge is sab ke baare mein...

Jab se pichle hafte Supriya ne Rahul ke saath sex kiya tha, usne Atul ko ek mauka bhi nahi diya tha apne aap ko chhune ka. Atul apna mann maar kar chup chaap so gaya. Aur thodi der baad Supriya bhi.

________________________________________________

Agle din Supriya kafi ache mood mein office pahuchi. Usne apna computer khola hi tha ki peon ne aakar use bola ki Vikram sir ne use meeting room mein bulaya hai. Supriya ko thodi hairaani hui ki Vikram sir subah subah office aaye hue hai. Par woh muskurati hui meeting room ki taraf gayi aur usne halka sa darwaza khola.



Supriya ne muskaan ke saath kaha - Sir.. may I come in...

Vikram bhi Supriya ko dekh kar halke se muskuraya - Supriya... aayo aayo....

Supriya andar aa kar Vikram ke saamne baith gayi - Sir... aap yahan Monday ko subah subah?

Vikram haste hue - Ha ha, kyu yahan Monday ko aana mana hai kya?

Supriya ki chehre ki smile aur badi ho gayi - Nahi sir... aisi baat nahi hai...

Vikram - Lagta hai tum kafi ache mood mein ho aaj... all smiles... looks good on you...

Supriya - Thank you sir... 

Vikram - Ummm... hopefully meri baatein tumhare chehre ki muskaan na cheene...

Supriya tension mein aate hue - Ummm... maine kuch galat kiya kya sir?

Vikram - Nahi... all good... woh mujhe bas last week ki meeting ke baare mein pata chala... so wanted to talk to you.

Supriya toh us meeting ko apne dimaag se bilkul nikaal chuki thi. Mike ne jis tarah ki ghatiya baatein uske saath ki thi, woh usko yaad bhi nahi karna chahti thi. Par ab Vikram sir ko toh explanation deni hi padegi shayad.

Supriya ka chehra thoda serious hone laga - Sir.. haan woh maine Sahil sir ko bataya tha...

Vikram - Supriya.. dont be nervous... just tell me ki ki us meeting mein kya hua tha?

Supriya thoda hichkichayi, woh ab kaise Vikram ko us meeting ke baare mein batati. Aur pata nahi Vikram kaise react karega ye sun kar. Pichli baar usne Pratap ka kya haal kiya tha. Kam batana hi shayad sahi rahega.

Supriya - Sir woh actually... hume order nahi mila... bas yehi bataya unhone meeting mein...

Vikram ne Supriya ki body language padne ki koshish kari. Woh pehle se thoda aaram se jhooth bol paa rahi thi par abhi bhi uska jhooth pakda jaa raha tha. Shayad kuch aisa tha jo woh batana nahi chahti thi, aur Vikram use force nahi karna chahta tha. Par Supriya ki chuppi use bahut kuch bata rahi thi, aur Vikram ne bahut duniya dekhi thi.

Vikram - Ok, got it. I think mujhe jo pata karna tha, woh pata lag gaya hai...

Supriya ne chaunte hue kaha - Kya sir?

Vikram - Tum sab mujh par chhod do... main dekh lunga kya karna hai...

Supriya - Sir... aap kuch aisa waisa.... please... kuch bhi nahi hua tha...

Vikram haste hue bola - Tum kyu tension le rahi ho, its not your fault. 

Supriya dheeme se boli - Thank you sir..

Vikram - So, get your chin up, and keep smiling. Can you ask Sahil to come talk to me?

Supriya chair se khade hote hue boli - Sure sir...

Supriya thodi si tension liye meeting room ke bahar aa gayi. Pata nahi Vikram sir kya hi karne wale they. Par jo bhi shayad Mike ki ab khair nahi thi.

__________________________________________________

Poora hafta aise hi kaam mein nikal gaya. Atul ki bhi Gwalior jaane ki ticket confirm ho gayi thi aur ab woh poore hafte ke liye jaa raha tha. Shanivaar ki subah ko nikal kar woh agle Shanivaar ki raat ko wapas aane wala tha. Supriya ko thodi tension toh ho rahi thi, par use pata tha woh sab aaram se manage kar legi. Aur waise bhi Rahul toh tha hi uski madad karne ke liye agar kuch bhi ho gaya toh.

Shanivaar ki subah Atul ghar se railway station ke liye nikal gaya aur Supriya ab ghar mein poori tarah aazad thi. Pehli baar apni life mein woh itni azaad feel kar rahi thi, na toh ghar wale they na pati tha ghar par, bas woh akeli. Uske dimaag mein bahut kuch chal raha tha, woh kehte hai na khali dimaag shaitan ka ghar.