Fantasy Girls college (COPIED)

[liljohn]

" pata nahi bhai.. uska toh fone off aa raha hai..mere paas se toh nikal gaya tha.. 7 8 baje ke aaspaas..." Tough ne jawab diya..
" pata nahi yaar.. wo kaise line par aayega.. chal achchha.. rakhta hoon..!" kahkar shamsher ne fone kaat diya.... Tough unn sabko lekar Loharu pahuncha toh subah ke teen baj chuke the.. sabhi neend mein ludhak chuke the..
Tough ne anjali ke ghar ke saamne roki aur unko sota hua chhodkar angan se hota hua darwaje tak ja pahuncha aur jate hi bell bajai..
Anjali unka hi wait kar rahi thi.. usne turant darwaja khola," Aa gayi...?"
"Aa gayi nahi bhabhiji.. Aa gaye! Gadi mein poore 5 hain..!"
"matlab?.. Tum... wo kya naam hai... Sneha ko lene gaye the na?" Anjali ne Gadi ki aur dekhte huye kaha..
"haan.. lene toh Sneha ko hi gaya tha.. par kya karta? wo apne sath do aur ko le aayi aur unn do ke sath do aur aa gaye?" Tough ne tapak se uttar diya," Sneha ko har haal mein lana jaruri tha.. kya karta?"
"par yahan.. itne sare adjust kaise honge?... mera matlab sirf living room hi khali hai!" Anjali ne kuchh sochte huye kaha...
"Mujhe nahi pata Bhabhi ji.. Shamsher ne mujhse kaha tha ki main Sneha ko aapke paas chhod doon.. mera kaam khatam.. ab aap unse hi baat karein!" Tough ne rukha sa uttar diya...
"arey maine aisa bola hai kya?.. tum toh iss tarah se kah rahe ho jaise main khush nahi hoon.. inko apne paas rakhkar.. mera matlab tha ki....." Anjali ne safai dene ki koshish ki toh tough beech mein hi bol pada..," aap ek baar bhai sahab se baat kyun nahi kar leti...? wo hi kuchh raasta nikalenge ab..."
"chalo theek hai.. main unse baat kar leti hoon.. aap unko andar toh le aayiye..."
"nahi.. pahle aap baat kar lo.. main bachchon ki wajah se khulkar baat hi nahi kar paya.. raaste mein.." kahkar Tough ne fone milakar Anjali ko de diya...
"utha hi nahi rahe!" Anjali ne kaha..
"ek baar fir se try karo na.. so rahe honge..!" Tough ne kaha...
iss baar shamsher ne fone utha liya," haan tough.. pahunch gaye kya?"
"haan.. Pahunch gaye!" Jawaab Anjali ne diya..
"koun.. anjali?" Shamsher ne poochha..
"shukra hai.. aawaj nahi bhoole!.. aa.. tum toh kah rahe the.. yahan koyi Sneha Aane wali hai...?" Anjali ne ek taraf hote huye kaha.. Shamsher ki aawaj bhar se uske armaan khil se gaye..
"toh.. Sneha nahi aayi kya?" Shamsher ne choukte huye kaha...
"aayi hai.. aayi hai.. par uske sath char aur hain...!" Anjali ne jawab diya..
"char aur??? wo koun?" Shamsher ka matha thanaka...
" lo.. Ajeet se hi poochh lo..!" kahkar Anjali ne wapas aakar fone tough ko pakda diya..
"haan.. bhai..!"
" ye tu aur kisko utha laya bhai?" Shamsher ne poochha..
" Mujhe nahi pata bhai.. maine toh Raaste bhar koyi poochh tachh bhi nahi ki.. kahin darr na jayein.. 2 ko toh apni saheliyan bata rahi hai.. aur do wo hain.. jinke paas vicky usko chhodkar gaya tha... tumne bola tha.. Sneha ko har haal mein lekar aana hai.. so main le aaya..." Tough apni jagah par sahi tha...
" chal.. koyi baat nahi.. tu ladko ko apne sath le jayega na..?" Shamsher ne kaha...
"haan.. mujhe toh koyi problem nahi hai.. par agar unko wapas jana hi hota toh wo wahin par na rah jaate..?" Tough ne kaha...
"fir tu aisa hi kar.. subah unko Rohtak wali bus mein baitha dena.. chale jayenge.. aur 'wo' ladkiyan?? wo koun hain..? unko bhi aajkal mein wapas bhej de yaar.. wo yahan koyi picnic manane thhode hi aaye hain.. baki tu dekh lena.." Shamsher ne kaha...
"theek hai bhai.. main dekh loonga.. aur kuchh..?" Tough ne kaha...
" wo recording suna dena Sneha ko.. vicky aur murari wali.. usko aise visvas na ho shayad.. Pyar ka maamla hai..." Shamsher ne kaha...
"wo main subah hi sunaaunga.. ab toh so lene do bechari ko.. sach mein yaar.. bahut masoom hai bechari..!"
" wo toh mujhe vicky ne hi bata diya tha.... main subah vicky se baat karke usko samjhane ki koshish karoonga.. chal theek hai.. subah mujhe bhi wapas chalna hai.. ab so leta hoon.." Shamsher ne kaha...
"OK bhai.. mujhe bhi neend aa rahi hai.. Main toh Bhabhi ke paas jakar sounga.." Tough ne majak kiya...
"tujhe laat padegi.. tab akal aayegi.." Shamsher ne hanste huye kaha..
"main wo nahi kah raha bhai.. jo tu samajh raha hai.. mera matlab tha.. unke ghar jakar..." Tough jor jor se hansne laga...
"chal ab rakh de.. sala!" kahkar Shamsher ne fone kaat diya... "kya kah rahe hain", Tough ki baat khatam hote hi Anjali ne use toka.
" subah main baki logon ko wapas bhej doonga... par ab raat bhar ke liye toh kuchh na kuchh karna hi padega..." tough ne afsos jahir karte huye kaha..
" Theek hai.. main dekhti hoon.. tum lekar toh aao sabko!" Anjali ne jawaab diya...
Tough ne jakar Raj ko jagaya.. ek baar tokte hi wo unghata hua uth baitha," aa gaye kya?"
"haan.. Aa gaye.. sabko utha kar andar le aao!" kahkar tough wapas chala gaya...
Raj ki najar sabse pahle Priya par padi.. chand ki chandni mein wo uska hi pratiroop lag rahi thi.. gol gol chhota sa pyara chehra; kitni nischint hokar soyi huyi thi.. Raste bhar wo Raj ki side mein baithkar hi aayi thi.. Raj ka mann kayi baar usko chhoone ka hua tha.. par har baar uske dimag mein wo baat koundh jati..," main tumhe achchha ladka samajhti thi.. aur wo apna hath wapas kheench leta.. yunhi sochte sochte kab usko neend ne apne aagosh mein le liya, usko pata hi nahi chala tha. usko yakeen hi nahi ho raha tha ki Priya ab har pal uske sath hi rahne wali hai... usko wo itna tadpa dega ki wo khud uski baahon mein aane ke liye tadpegi.. aur fir wo usko ek baar jaroor kahega," main tumhe aisi ladki nahi samajhta tha..". Raj man hi man khil utha..
Raj ne bade pyar se uske gaalon par hath lagaya," Utho Priya!"
Priya par uske chhoone ka koyi asar dikhayi nahi diya..
"Priya.. utho.. gaanv aa gaya hai.. andar chalna hai..!" iss baar uski aawaj bhi kuchh tej thi aur sparsh bhi kuchh sakht.. par nateeja wahi.. Priya gahri neend mein thi..
Priya ke rasile hont barbas hi usko apni aur kheench rahe the... uske honton ko.. ek rasile chumban ke liye.. Raj ne badi mushkil se khud ko control kiya par wah apni hatheli ko na rok paya.. unn najuk gulabi honto ki chhap usspar lene se.. Raj ne iss tarah uska chehra apne hath mein liya ki honton ne hatheli ko choom liya.. uske liye ye ek avismarneeya anubhav tha.. honto se honton ko chhoo lene ki kalpana jaisa hi madak.. Priya neend mein hi uski aur ludhak gayi.. uska ek hath Raj ke kandhe par tha aur uska sir Raj ki chhati par tika hua tha.. Raj ki saanse tej ho gayi.. Priya ke komal par sudoul vaksh Raj ki baanh se sate huye thhe...
"Priya! uthho na.." Raj aur sahan karne ki sthiti mein nahi tha.. kisi bhi pal uska man sharaarat karne ko machal sakta tha..
" Ummmm.. abhi toh soyi thi.. thoda aur sone do na mummy..!" kahkar Priya ne Raj ko apni aur kheench liya.. mano apne takiye ko apne sir ke neeche lagane ki koshish kar rahi ho.. sparsh aur adhik aanandkari ho gaya.. aur adhik kamuk.. Priya ka chehra Raj ki Gardan ke sath chipka hua tha.. honton ne bus Raj ko chhoo hi liya tha..
Priya ke shareer mein huyi hulchal se uske sath baithi Sneha jaag gayi.. Jaagte hi jab iss manmohak drishya ko dekha toh wo apni hansi na Rok payi.. usne hath lagakar Riya ko jaga diya.. Riya aankhein masalte huye uth baithi aur wo bhi Raj aur Priya ko dekhkar 'Haaye Ram' kah baithi...
Raj ko laga ki jaise wo bina kuchh kiye hi Rangey haathon pakda gaya hai.. usne tapak se Priya ko Sneha ki taraf uchhalne ki koshish ki.. par Priya toh jaise us'se chipki huyi thi.. Raj usko apne se alag na kar paya..
Raj ne Riya aur Sneha ko dekha aur khisiaaya hua sa sharmakar mushkurane laga," Neend mein hai.. he he!"
"haye Ram.. tum dono sare raaste aise hi aaye ho..?" Riya ne sharaarat se kaha aur Priya ko jor se jhakjhor diya..
Priya hadbadakar uthi toh sabse pahle Raj ki aur aascharya se dekha.. uski baanhe Raj ki gardan se lipati huyi thi.. aur Raj na hans raha tha.. na ro raha tha.. aisi haalat mein tha..
Wah sambhal bhi nahi payi thi ki apne pichhe se usko Priya aur Sneha ki khilkhilati aawaj sunayi di.. wo hadbadakar uth baithi.. uski chunni Raj ki janghon par padi thi.. usne jhat se usko sambhalte huye najar neeche kare huye hi kaha..," pahunch gaye kya..?"
"hum toh pahunch gaye.. tumhara pata nahi?" Sneha ne khilkhilate huye gadi se utarte huye kaha.. Riya pahle hi utar chuki thi..
Priya iss tarah gadi se utarkar Riya ke pichhe bhagi jaise pahle Raj ne usko jabardasti pakad rakha ho," kya hai.. neend mein thi.. bata nahi sakti thi kya..?"
Raj ne aage aakar khidki kholi aur Viru ko hilaya," uthh le bhai; aa gaye..!"
Viru ne uthte hi peechhe dekha," Sneha kahan hai?"
"gayi wo andar yaar.. itni fikar mat kar.. aaja!" Raj ne neeche utarne mein uski madad ki...
"pata nahi yaar.. mujhe sab gadbad lag raha hai.. Isko lene mohan bhi toh aa sakta tha.. aur fir itni Raat ko wahan lene jane ki kya jarurat thi.. Subah bhi toh aa sakta tha.. kuchh na kuchh toh baat jaroor hai.. tu Sneha ka dhyan rakhna...! main toh uske sath ghoom nahi paaunga jyada.." Virender ko khatre ki boo aani shuru ho gayi thi...
"chinta kyun karta hai yaar..? wo mohan ka hi dost hai.. Fir Sneha bhi koyi pagal toh nahi hai na..." Raj ne kaha...
"hummm.." Kahte huye Viru Raj ke sath andar ghus gaya..
" kitni pyari pyari ladkiyan hain sari..... lag raha hai jaise koyi soundarya pratiyogita hone wali hai ghar mein..." Anjali ne sabhi ko dularte huye kaha...," Mere paas bhi hai ek.. tumhare hi jaisi.. andar soyi padi hai.. subah milawaaungi.. abhi so jao... neeche hi sona padega.. sorry.. maine bister laga diye hain andar.. Ladke bahar so jayenge.. living room mein!"
"theek hai didi.. neeche toh aur maja aayega... hai na Priya?" Sneha anjali ka dular dekh kar baag baag ho gayi...
"haan.." Priya aur Riya ek sath bol padi...
"achchha bachcho.. main toh chalta hoon.. subah milenge..!" Tough ne nikalte huye kaha...