Fantasy Girls college (COPIED)

[liljohn]

"theek hai.. tum naha lo.. waise bhi mujhe koyi khas dikkat toh hone nahi wali hai.. nashta karke nahi jaaoge kya?" viru bola....
"abhi toh main late ho raha hoon.. aakar hi dekhunga.. college mein kha loonga kuchh.. tumhare liye lakar de jata hoon..." Raj bahar nikalne laga...
"mere liye toh meri behan bana degi.. kyun Sneha?" Viru Sneha ko dekhkar muskuraya....
"par... mujhe khana banana nahi aata hai... kabhi banaya hi nahi.." Sneha ne najrein uthhakar Viru ko dekha...
"koyi baat nahi.. main sikha doonga na.. bus tum waisa karti jana jaise mein bataaunga.. Ja Raj Bread aur butter le aa..." Virender Sneha ko vyast rakhna chahta tha.. jab tak Vicky nahi aata... usko pata tha ki wo khali rahegi toh jyada pareshan rahegi...
Raj ne sneha ki aur dekha.. Sneha muskura padi..,"theek hai.. par kuchh ulta seedha ban gaya toh mujhe mat bolna baad mein.. pahle bol rahi hoon" aur hansne lagi...
Raj uski hansi ka jawaab hulki muskurahat se dekar bahar nikal gaya....
"kya baat hai bhaiya? Raj kuchh pareshan sa lag raha hai..?" Sneha ne Raj ke jate hi viru se poochha..
"hummm.. wahi toh main bhi dekh raha hoon.. kal se isko pata nahi kya ho gaya hai..?" Viru ne jawaab diya..
"aapne iss-se poochha ye rat ko kahan gaya tha...?"
"na.. par shayad mujhe pata hai ye kahan gaya hoga..?"
"kahan?" Sneha ko bhi utsukta huyi jaan'ne ki...
"Rahne do.. tumhare matlab ki baat nahi hai..." kahkar viru ne karwat badal li..
"batao na bhaiya.. aise kyun kar rahe ho.. main fir se ro padoongi..." Sneha ne uski baju pakad kar wapas apni taraf kheench liya....
" theek hai.. usko aane do.. pahle pakka toh kar loon.. main jo soch raha hoon.. wo sahi bhi hai ya nahi.." Virender ne baat poori ki bhi nahi thi ki raj aa gaya..," ye lo.. aur ye khidki band rakhna.. "
"khidki ke bachche.. tune ye toh bataya hi nahi ki tu gaya kahan thha.. Rat ko..?" Viru ne aate hi sawaal daga...
"bata doonga bhai.. abhi toh late ho raha hoon...?" kahte huye Raj bathroom mein ghusne laga...
"uski maa aayi thhi abhi yahan.. tumhe poochh rahi thhi..." Viru ne paansa fainka..
"kkyaaa? par kyun?.. mera matlab koun aayi thi.. kiski maa?" Raj ne hadbada kar kaha...
"jiske ghar tu raat ko gaya tha.. uski maa..? viru ke aisa kahte hi raj ka chehra safed pad gaya.. uski haalat par dono pate pakadkar hansne lage...
"kya hai bhai.. khamkhwah dara diya tha... tune sneha ko kuchh bata diya kya?" Raj ne unko hansta dekhkar raahat ki saans li......
"nahi.. abhi tak toh nahi.. par abhi bataaunga.. tadka lagakar.. tu chala ja pahle.." Viru ne hanste huye kaha...
"kya hai ye...? bhai tu bhi na.. main nahi jata college..." Raj touliye ko patak kar wahin baith gaya..
"theek hai.. mat ja.. jo mujhe nahi pata wo tu bata dena..." khilkhilate huye Viru ne Sneha ko hath diya.. Sneha ne bhi taal se taal milayi...
"pls bhai.. tere hath jodta hoon.. meri ijjat ka falooda kyun nikal raha hai.." Raj dono hath jodkar gidgidane ki mudra mein aa gaya...
"kyun jab munh kala karane gaya tha tab nahi nikla ijjat ka faalooda..." Viru aur Sneha jor jor se hans rahe thhe.. Raj ka chehra dekhne layak ho gaya tha...
"theek hai toh fir.. teri bhi baat main bataungaa wapas aakar.. jitna bhola ban raha hai.. utna nahi hai ye.. college mein ek bhi ladki iss'se baat nahi karti.. sab ko dara ke rakhta hai.." aur Raj ki baat dono ki jordar hansi mein dab kar rah gayi.. Raj ko kuchh bolte na bana toh wapas bathroom mein ghus gaya...
Naha dhokar munh fulaye huye hi Raj college chala gaya...
"chalo.. batao.. ab kaise banega.. nashta..?" Sneha ne butter aur bread uthaye aur viru ke paas aa gayi.. "Raj! tumhe Sir bula rahe hain..!"
Raj aawaj se hi pahchan gaya.. yeh priya thi.. uski aawaj mein ek ajeeb si mithas thi... jabki Riya ki aawaj mein alhadpan jhalakta tha....
Raj class se bahar nikla.. Priya pahle se hi bahar thi.. Priya ko undekha karte huye wah kuchh kadam aage badha par fir Priya ki aur mud gaya," kounse Sir?" Raj ki aawaj mein rookhapan tha...
"wwo.. sorry Raj.. Really..!" Priya uss'se najrein nahi mila pa rahi thi..
"kounse sir bula rahe hain..?" Raj ne uski baat ko andekha karne ka dikhawa kiya...
"kya tum mujhe maaf nahi karoge Raj? tumhe pata hai.. mujhe ek pal ke liye bhi neend nahi aayi... plz maaf kar do... kar do na.." Priya idhar udhar dekh rahi thhi.. kahin koyi dekh toh nahi raha...
"maaf to tum mujhe kar do.. main bhi dusron ke jaisa hoon na.. badtameej..!" Raj ka gussa toh uski pahli request par hi pighalne laga tha.. ab toh wah sirf dikhawa kar raha tha.. Priya ko apne liye tadapta dekh Raj ko bahut sukoon mil raha tha...
"mmera wo matlab nahi tha Raj.. main darr gayi thi.. tumhari kasam... aaj ke..."
Priya ne apni baat poori ki bhi nahi thi ki wahan riya aa dhamki," tumhe pata hai Raj.. ye sari Rat subakti rahi.. main bhi nahi so saki.. iske chakkar mein.. ab isko maafi de bhi do..." Riya ne apna vote Priya ke paksh mein dala...
"agar tum nahi bata rahi ki kounse Sir bula rahe hain.. toh main wapas ja raha hoon..!" Raj ne Riya ki baat ka koyi jawab nahi diya...
"maine jhooth bola tha.. tumse baat karne ke liye.. main tumhari kasam...." aur priya ki baat adhoori hi rah gayi.. Raj wapas mud kar class mein chala gaya...
" tu chinta mat kar Priya... ye kahin nahi jane wala.. main sab samajh rahi hoon.. ye tumse badla le raha hai bus.. chal aa class mein chalte hain.. aa naaaa!" riya ne Priya ka hath pakad kar class ki aur kheench liya...
-----------------------------------------------------
" Ajeeb aadmi hai yaar tu bhi.. uss ladki ko aise hi chhod aaya.. anjaan ladkon ke paas?" Shamsher ko vicky ki baat par bahut gussa aaya...
"chinta mat kar bhai.. nihayat hi shareef ladke hain.. usko pyar se rakhenge.. 2-4 din ki toh baat hai.. tab tak main Murari ko nipta loonga..." Vicky fone par Shamsher se baat kar raha tha," waise bhi toh usko loharu chhodkar aisa hi karne ka plan tha.. Loharu chhodne par baad mein tension aa sakti thi.. uski samajh mein kuchh nahi aayega.. maine usko samjha rakha hai ki meri jaan ko khatra ho sakta hai.. agar kuchh ho jaye toh tum kisi bhi soorat mein apne bayan mat badalna..."
"yaar tujhe bayano ki padi hai... wo ladke college mein padhte hain yaar.. darr jayenge.." Shamsher ne vicky se gusse mein kaha...
"tu chinta kyun kar raha hai bhai.. Sneha bahut samajhdar hai.. wo sambhal sakti hai agar kuchh ulta seedha huaa toh..! aur maine apna ek aadmi bhi aaspaas jama rakha hai.. agar kuchh hone bhi laga toh wo Sneha ko mera naam lekar le udega..." Vicky ne Shamsher ko tasalli dene ki koshish ki..
"par maan lo tujhe multiplex mil bhi gaya.. baad mein kya hoga... uss bechari ka!" Shamsher Sneha ko lekar chintit tha...
"hona kya hai.. jyada se jyada uska baap uska kharcha nahi dega na.. main de doonga.. aur bol?" Vicky ne jawaab diya...
"yaar.. teri yahi baat galat hai.. tu sab cheejon ko paise se tol kar dekhta hai.. aakhir wo tujhse pyar karti hai.." Shamsher ke mann mein abhi bhi kayi sawaal thhe..
"to main uss'se pyar karta rahunga na.. time nikal kar.. bahut mast hai sali.. aisi bala maine aaj tak nahi dekhi..." Vicky ne batteesi nikalte huye kaha...
"tera kuchh nahi ho sakta bhai.. tu toh politicians se bhi ek kadam aage badh gaya hai.. khair jaisa tu theek samjhe...!" Shamsher ne topic par baat karna vyarth samjha..,"waise kahan rahte hain.. wo ladke..?"
"S.H.O. Vijender ke ghar ke theek saamne... tu ye bata.. Tough se baat ki ya nahi..."
"haan.. kar li.. wo toh kah raha tha.. itni si baat mujhe nahi bol sakta tha kya? khair.. aaj Raat 8:00 baje seedha thhane chala jana.. tough aur murari wahin milenge.. kar lena jo baat karni hai.. khulkar.. maine sab samjha diya hai..." Shamsher ne bujhe mann se kaha...
"thank u boss! tussi great ho.." kahkar vicky ne khushi khushi fone kaat diya tha.. wo man hi man uchhal raha tha.. uske ek hi teer ne jaane kitne shikar kar liye thhe... par haan.. ek maasoom bhi uski chapet mein aa gayi thi... Sneha! " chalo! janab bula rahe hain?" C.I.A. thana Bhiwani ke ek sipahi ne tala kholte huye salaakhon ke andar murjhaye se baithe Murari se kaha.. Sham ke kareeb 5 baje the..
"Dekha.. maine kaha tha na.. tumhara janab jyada der tak mujhe aise nahi baitha sakta.. koyi chhota mota aadmi nahi hoon main.. baad mein uss'se nipatunga bhi... ye 'kanoon' chhote logon ke liye bante hain... hamare liye nahi.. aa gaya hoga fone.. upar se uske kisi 'baap' ka...." Murari ne Rumal se apni gardan par chhalak aaye pasine aur mail ki papdi saaf karte huye kaha aur choudi chhati karke bahar nikal liya...
"ab hamein kya pata sahab.. hum toh huqum ke gulam hain.. jaisa aadesh janaab karenge, maan'na padega.. waise meri poori humdardi aapke sath hai.. agli baar bhagwan ki daya se jab aap mantri honge toh main aapse jaroor miloonga.. yaad rakhiyega mera chehra..." Sipahi ne masoomiyat se kahte huye apne no. badhwa liye.. Murari ki najar mein..
Murari ne khush hokar uski peeth thonki," yahan kuchh len den nahi chalta kya re?"

"sab chalta hai sahab.. har jagah chalta hai ye toh... par na kisi ko kuchh upar milta.. na neeche.. janab DGP haryana ke bhatije hain na... hum toh bus intzaar hi karte rahte hain.. ki kab diwali aayegi aur kab bonus milega.. sala tankhwah ke alawa ek cup chay bhi nahi naseeb hoti fokat mein toh... iss thane mein... meri badli jaroor karwa dena sahab...." Sipahi ne fir se line mari...