Fantasy Girls college (COPIED)

[liljohn]

wapas aayi toh uske mathhe par pasina jhalak raha thha.. tript hokar bhi wah aur 'pyasi' hokar aayi thhi.. Riya ne andaja laga liya.. par boli kuchh nahi...
"ek baat Bataaoon Priya.. agar kisi se na kaho toh..?"
" haan bolo..." Priya aaj poore suroor mein thhi..
" nahi.. pahle promice karo...!"
"Promice kiya na.. bol toh sahi..." Priya ne jaan'ne ke liye dabav banaya...
"Mujhe..... Virender bahut achchha lagta hai...?" Ek baat kahne ke liye Riya ko do baar saans leni padi...
"whhhaaaat..? aur tune aaj tak nahi bataya.. kabhi baat bhi huyi hai kya?" Priya ko sunkar badi khushi huyi.. ab wah bhi apne dil ka raaj bata sakti thhi...
" kahan yaar.. baat kya khak hongi.. wo toh sir uthhakar bhi nahi dekhta kisi ki aur.. aur ladkiyon se toh wo baat hi tabhi karta hai jab usko ladayi karni ho....... isiliye toh achchha lagta hai.." Riya apne dil mein kareeb ek saal se chhipayi huyi baat ko apni behan ke sath share karke rahat mahsoos kar rahi thhi.. uske chehre par sukoon sa thha...
"haan yaar.. ye toh sach hai.. sabhi ladkiyan uss'se baat karte huye darti hain... by the way.. tumhari choice bahut achchhi hai.. par iss khawahis ko dil mein hi rakhna.. papa ka pata hai na...." Priya ne bin maange salah de daali...
Riya mayus si ho gayi...," tum batao na.. kya tumhe koyi achchha nahi lagta..? sach batana..."
"pata nahi...." kahte huye Priya laja si gayi.. uske gulabi hont apne aap tar ho gaye.. aur aankhon mein ek ajeeb si chamak ubhar aayi.....
"ye toh cheating hai.. pata nahi ka kya matlab hai.. batao na...!" Riya ne uske kandhe pakadkar usko jor se hila diya...
"ab do din mein mujhe kya pata.. aage kya hoga.. agar isi tarah file maang maang kar gayab hota raha toh meri nahi ban'ne wali.." Priya ne muskurate huye Riya ko apni bahon mein bhar liya.. chhatiyon ke aapas mein takraane se dil ke armaan jaag uthhe...
"oh my God! its Raj.. main jaanti thhi.. main jaanti thhi.. wo bilkul tumhare type ka hai Priya.. Jhenpoo sa.. he he he..!" Riya uss'se alag hote huye boli...," agar tumhari file abhi mil jaaye.. toh tum uss'se naraj nahi howogi na...!"
"abhi?.... Kaise...?" wo mera kaam hai.. par shart ye hai ki kal college mein tum khud uss'se baat karogi... bolo manjoor hai.." Priya ki haan se hi toh Riya ke raaste khulne thhe.. Raj ke maddhyam se wah Virender ke dil tak ja sakti thi...
"par batao toh kaise..? aaj file kaise mil sakti hai...?"
"wo mujh par chhod do.. tum sirf haan bolo"
"haan" Priya ne bina soche samjhe tapak se haan bol diya... aakhir usko bhi toh bahana mil raha thha... 'shart' ke bahane teer chalane ka...
"bus ek minute..!" Riya ek dum se uthhkar gayi aur ek copy aur pen uthha layi..
"iska kya karogi...?" Priya ne hairan hote huye poochha..
"tum ab bolo mat.. mera kamaal dekho.." aur Riya likhne lagi...

"Hi Raj!
aap jo file lekar gaye thhe.. mujhe uski sakht jarurat hai... wo mujhe chahiye.. tum aaj college bhi nahi aaye.. sara din tumhari raah dekhti rahi... pls usko gate ke neeche se andar sarka dena.. main uthha loongi...

aaj college kyun nahi aaye.. kal toh aaoge na...

Tumhari dost,
Priya!"


"hey.. tumne mera naam kyun likha.. apna likho na.. aur iska karogi kya ab..?" Priya ka dil joron se dhak dhak kar raha thha.. kisi anhoni ki aashanka se...
"dont worry Darling.. bus mera kamaal dekhti jao... ek baar papa ko dekh aao.. so gaye ya nahi......
Priya neeche jakar aayi...," papa toh aaj aaye hi nahi.. mummy kah rahi thhi.. aaj thhane mein hi rahenge.. wo Murari pakda gaya hai na..."
"ohh.. thanx Murari ji! ab koyi darr nahi.." Riya khushi se uchhal padi....," tum bhi aa rahi ho kya? khidki tak..."
"na.. mujhe toh darr lag raha hai.. tumhi jao..." Priya ka dil gadgad ho uthha thha.. kum se kum behan se toh ab wo dil ki baat kar sakti hai...

Riya kareeb 2 minute khidki ke paas khadi rahi.. jaise hi Raj ne uski aur dekha.. Riya ne apna hath hila diya..
Raj ka toh band hi baj gaya.. usko apni aankhon par visvas hi nahi hua.. aankhein faad kar khidki ki aur dekhne laga...
Riya wapas chhat par gayi.. ek patthar dhoondha aur kagaj ko uspar lapet diya.. Raj ko sirf Riya dikhayi de rahi thi jisko wo Priya samajh raha thha.. uske hath mein pakdi cheej usko najar nahi aayi...
Riya ne khidki se hath bahar nikala aur nishana lagakar de mara.. iske sath hi wo pichhe hat gayi..
Kismat ka hi khel kahenge.. hawa mein fainkne ke sath hi patthar par lipta kagaj hawa mein hi rah gaya aur patthar jakar Raj wali khidki se ja takraya...
Riya upar bhag gayi....
"oye viru.. dekh.. priya ne patthar fainka..." Raj khushi se naach uthha..
"kyun? tera sir fodna chahti hai kya wo..? tu pagal ho gaya hai beta.. ye tujhe kahin ka nahi chhodengi.. pichhli baar top kiya hai na.. lagta hai agli baar drop karega.. chup chap padh le.. tujhe ladkiyon ki fitrat ka nahi pata.. bahut bhola hai..!" Viru ne fir se kitab mein dhyan laga liya...
"yaar, tu toh hamesha aisi baat karta hai jaise dil par bahut se jakham khaye baithha ho.. itna bhi nahi samajhta.. wo mujhe pareshan kar rahi hai.. matlab wo bhi....." Raj ko Virender ne beech mein hi tok diya," haan haan.. wo bhi.. aur tu bhi.. dil ke jakham tumhe hi mubarak hon beta.. aisi koyi ladki bani hi nahi jo mujhe jakham de sake.. tum jaise aashikon ki halat dekhkar hi sambhal gaya hoon.. main toh...
Raj aur virender mein behas jari thhi.. udhar Priya riya ko 2 baar neeche bhej chuki thhi.. file dekhkar aane ke liye.. ek baar khud bhi aayi thhi.. par har baar Raj unhe wahin baithha mila.. uska dhyan ab bhi baar baar khidki par laga huaa thha..
"oho yaar.. ek galati ho gayi.. humne ye likh diya ki kal toh aaoge na.. kahin usne ye toh nahi samjha ki agar kal na aaye toh rakhni hai..." Riya ne idea lagaya..
"haan.. mujhe bhi yahi lagta hai.. nahi toh ab tak toh rakh hi deta.." Priya ne bhi sur mein sur milaya...
"thhahar.. ek aur kagaj kharaab karna padega.. Dont worry.. mohabbat aur jung mein sab jayaj hai.. he he.." aur Riya uthhkar ek baar fir se copy aur pen uthha layi... aaj uski aankhon mein neend thhi hi nahi... nahi toh kab ki ludhak chuki hoti...

"Raj!
Yaar Mujhe bahut...."
"A.. yaar kaat de.. dobara likh..." Priya ne kaha...

"OK.. No Problem.." Riya ne fir se likhna shuru kiya...

"Raj!
Abhi aa jao na pls.. Bahut jaruri hai.. main Riya ko neeche bhej rahi hoon.....

I am waiting

Tumhari Dost
Priya
"par yaar.. Tu samajhta kyun nahi hai.. Wo aisi nahi hai.. Baki ladkiyon ki tarah... Kitni pyari hai..!" Raj Virender ko kisi bhi tarah se sahmat kar lena chahta thha.. Iss tanka jhanki ko Dosti ke raste par le jane ke liye.. ," kuchh bhi ho jaye.. Main kal uss'se baat karke rahunga.. Dekh lena!"

"uss din toh teri fat rahi thhi.. File maangte huye.. Kal kounsa teer maarega..? Fir kah raha hoon.. Ye ......"
"oye.. Fir aa gayi.. Lagta hai ab fir patthar utha kar layi hai... Aaj toh mera kaam karke rahegi.." Ab ki baar Raj ne bhi khidki ki aur hath hila diya.. Bahut hi khus thha wo...
Ab ki baar patthar seedha unke kamre ke andar aaya.. Shukra thha Raj choukanna thha.. Warna Sir par hi lagta..," Arey.. Isspar toh kagaj lipta hua hai.."

"uthha le.. Aa gaya love letter.. Tere liye... Ho gayi tamanna poori.. Ab tu gaya kaam se...." Viru ne patthar par lipte kagaj ko gour se dekha...
Tab tak raj kagaj ko patthar samet lapak chuka thha.. Jaise hi usne kagaj ko khola.. Uska dil dhadak uthha... Ye toh kamaal hi ho gaya.. Usne toh seedhe seedhe ghar par hi bula liya thha.. Wo bhi abhi.. Raat ko.. Oh my God! Mujhe nahi pata thha ki 'wo' aisi ladki hai.. Raj mann hi mann soch raha thha...
"kya huaa..? Aisa kya likha hai usne..? Kahan kho gaya?" Virender ne utsukta se poochha...
"kkuchh nahi.. Aise hi.. Ye toh waise hi hai.. Kuchh purana likha hua hai..!" Raj usko ulat pulat kar dekhne ka natak karte huye bola...
"fir usko bimari kya hai..? Kal college mein dekhta hoon..." Virender ko uski baat par visvas ho gaya tha..
"kyun tujhe kya problem hai..? Madad nahi kar ssakta toh kum se kum roda toh mat ban.." Raj ne Virender ko bola...
"thheek hai beta.. Ye gadhe ke din sabke aate hain.. Tere bhi aa gaye.. Par roda main nahi.. Wo roda fainkne wali ban rahi hai... 2 ghante se dekh raha hoon.. Tu kitab ke usi page ko khole baithha hai....
"tu toh bura maan gaya yaar.. Mera ye matlab nahi thha.. Chal thheek hai.. Main thhoda bahar ghoom aata hoon.. Mind fresh ho jayega.. Uske baad padhta hoon..." Raj ne bed se uthhte huye kaha...
"mind fresh toh thheek hai.. Par ye raat ko kanghi.. Ye kya chakkar hai..?" Viru ne usko ghoorte huye poochha....
"thhoda aagey tak jakar aaunga.. colddrinks bhi le aata hoon.." shirt daalte huye Raj virender ki aur muskuraya....
"chal thheek hai.. Doodh bhi le aana.. Jaldi aana.." Virender ko uski baat se tasalli ho gayi...
"tu kitna pyara hai yaar..? Dil karta hai teri chummi le loon.. He he he.." Raj ne majak mein kaha toh Virender khil khilakar hans pada," ab makkhanbaji mat kar.. Jaldi aana.. Sach mein yaar.. Tune toh padhna hi chhod diya hai..."
"dont worry bhai.. Main sab sambhal loonga.." kahkar Raj kamre se bahar nikal gaya...
"a Priya.. Wo ab wahan nahi hai.. Teri file aane hi wali hai.. Kal ke liye taiyaar ho jana.. Yaad hai na.. Kya shirt thhi..." Riya upar jaakar chahakte huye Priya se boli...
"han han.. Sab yaad hai.. Khamkha promice kar diya.. Chhoti si baat ke liye.. Ye toh main hi na kar deti..." Priya muskurayi... Wo bahut khush lag rahi thhi.... Room se bahar nikal kar Raj ne 'wo' kagaj nikal liya jismein Priya ne usko apne pass aane ka nimantran bheja thha.. wo bhi abhi.. raat ko... Raj ke liye sab kuchh sapne jaisa thha.. aisa sapna jismein koyi na koyi toh 'kadi' thhi hi.. jo beech se tooti huyi thhi.. aur wahin par Raj ka dimag atka huaa thha..