Adultery Supriya: Ek Jawan Biwi ki Kahani

[Sriya2]

Update 34

Agle din Sunday ki subah Surpiya 5.30 baje uth gayi thi. Pichli shaam ko usne Atul ko bataya tha ki woh aur Megha subah jogging karne neeche jayenge, agar Atul ko chalna hai toh woh bhi chal sakta hai. Supriya ko achi tarah pata tha ki itni subah Atul bistar se nahi nikalne wale they aur Megha ka naam sunkar toh bilkul bhi nahi. Supriya ne ek dheeli si tshirt and leggings pehni aur joote pehen liye. Uske ye running shoes usne Atul se jidd karke kharidwaye they, ye bol kar ki woh inhe pehen kar jogging karne jayegi. Par shayad mushkil se koi ek din jab usne inhe pehna hoga.

Supriya ne apna chehra dho ka neend bhagayi. Aaj toh jaise usmein josh bhara pada ho is naye kaam ko shuru karne ke liye. Uske saath hamesha aisa hota tha ki naye kaam ke liye woh subah time se pehle uth jaati thi. Uska mann tha ki woh chai pee le, par itni subah subah woh jyada khatar patar nahi karna chahti thi. Woh balcony se bahar dekhne lagi, mausam abhi thoda thanda sa hi tha. Suraj nikalna shuru ho raha tha, toh kaafi andhera sa tha. Shayad 15 minute baad thoda ujala ho jaye.

5.55 ke aas paas Supriya ne apna phone liya aur lift se neeche aa gayi. Building ke theek saamne Iqbal ne ek safed rang ki gaadi khadi kari hui thi. Gaadi thodi purani si thi, par Supriya ko isse kya matlab, use toh bas gadi chalana seekhna tha. Iqbal saamne gaadi par tek laga kar khada tha. Supriya muskurate hue uski aur chal padi.

Supriya ko aate dekh Iqbal ka chehra bhi khil utha - Madamji aap toh ek dam time se aa gaye… main soch raha tha ki kahin aap nahi jage toh….

Supriya - Kaise nahi aati… time diya na maine aapko…

Iqbal - Sach mein… aap juban ke pakke ho…

Supriya - Toh ab yahin se chalana shuru karu kya?

Iqbal - Nahi madamji, aapne bola tha na ki aapne kabhi bhi gaadi nahi chalayi hai… toh aisa karte hai pehle kisi khaali maidaan mein chalte hai… yahin paas mein hi hai ek…

Supriya - Haan ye theek rahega… chaliye…

Supriya aage ki seat par passenger wali side baith gayi aur Iqbal driver wali seat par baith kar gaadi chalane laga. Supriya gaadi mein idhar udhar dekh rahi thi. Gaadi kafi achi smell kahi thi jaise kisi ne abhi thodi der pehle koi perfume chidka ho. Gaadi mein Iqbal ke dharm ki kuch photo aur maala tangi hui thi jise dekh kar lag raha tha ki kisi '. ki hi gaadi hai. Thodi si hi der mein Iqbal gaadi ko ek khule maidaan mein le aaya. Wahan pahuchte pahuchte thodi si roshni ho gayi thi. Poore maidaan mein abhi bas ikka dukka hi log they. Iqbal ne gaadi roki aur gaadi se bahar nikla. Supriya bhi khadi ho kar driver wali side par aa gayi.

Supriya driver wali side par baithi thi aur Iqbal wahin darwaza khole khada tha. Woh Supriya ke pairo ke aur dekh raha tha, dekhna toh use ye tha ki Supriya ke pair sahi jagah lage ho, par use Supriya ki tight leggings mein bas uske sexy jaanghe hi dikh rahi thi.

Usne apne aap par kisi tarah kaabu rakhte hue bola - Madamji toh neeche teen pedal hai, accelerator, brake aur clutch. Dikh rahe hai na aapko?

Supriya ne neeche jhaankte hue dekha aur fir apne dahine pair se teeno ko ek ek karke touch kiya. Beech wala pedal baki dono se thoda sa bada tha. Supriya ke pair pedal par ache se nahi pahuch paa rahe they aur use neeche sarakna pad raha tha.

Iqbal - Nahi nahi aisa aap leto mat, seat aage kar lo….

Supriya - Kahan se hogi seat aage?

Supriya ke gaal sharmindagi se laal ho gaye they. Car chalana toh door use toh ye bhi nahi pata tha ki seat kaise aage peeche hoti hai. Ab woh thodi na car mein itna jyada baithi thi apni life mein. Apni khud ki car mein toh woh mushkil se 3-4 baar baithi thi pichle ek mahine mein.

Iqbal uski shakal dekh kar samajh gaya tha - Koi nahi madamji… main aapko sab samjha dunga… sabko is duniya mein hi aa kar seekhna hota hai na… aapki seat ke neeche ek danda hai, use dabayo aur seat ko aage kar lo…

Supriya me apni seat ke neeche haath daala… kuch toh tha aur woh use neeche dabane ki koshish kar rahi thi par woh neeche nahi ho raha that’s… kuch second woh aise hi haath maarti rahi. Iqbal bhi sanyam se khada use dekh raha tha.

Supriya - Kahan dabayu… nahi samajh aa raha…

Iqbal - Main bata deta hoon…

Iqbal jhuka aur usne apna haath Supriya ke khule pairo ke beech mein se le jaate hue seat ke neeche uske haath par rakh diya. Supriya ek second ke liye toh ghabra gayi ki woh kya kar raha tha aur seat par thoda uchak gayi.

Iqbal - Daro mat madamji, yehi hai woh danda.. ise aap upar ki aur dabayo…

Supriya - Oh acha… maine ise neeche push kar rahi thi…

Iqbal ne uska haath pakadte hue seat ke lever par rakha aur use upar kara. Aur fir doosre haath se Supriya ki seat aage dhakel di. Par seat ekdam se kuch jyada hi aage ho gayi aur Supriya ke boobs steering wheel par jaa kar lage. Iqbal ka haath bhi wahin Supriya ki jaanghon ke beech mein khichta hua fas gaya.

Supriya ki halki si cheekh nikal gayi - Ouchhh…ye kya kiya...

Supriya ne neeche Iqbal ke haath ki taraf dekha aur thoda gusse mein Iqbal ki taraf dekha. Iqbal ne ghabra kar jhat se apna haath bahar kheecha, jo uske jaangho se ragadta hua bahar nikla - Sorry madamji… ekdam se jyada aage ho gayi seat.

Supriya ne Iqbal ki shakal dekhte hue apne gusse ko shaant kiya - Koi nahi… aap help hi karma oh rahe they…. Main ab peeche karu seat?

Iqbal ki saans mein saans aayi - Haan.. aap try karo peeche karne ka…

Supriya ko ab samajh aa gaya tha ki lever kahan hai, aur usne use dabate hue apni seat peeche kar li. Ye karte hi uske chehre par smile aa gayi, jaise usne koi badi cheez seekh li ho. Iqbal bhi uski smile dekh kar uski taraf muskura diya. Supriya ne fir seat ko aage peeche karke apne pair ache se adjust kar liye.

Supriya - Haan ab mere pair sahi se pahuch rahe hai.

Iqbal- Theek hai aap seat belt lagayo, itne main doosri side baithta hoon.

Supriya ne seat belt lagayi aur itni der mein Iqbal passenger wali side aa kar baith gaya. Usne dekha ki Supriya ki seat ki belt uske mammo ke beech mein se guzarte hue unhe aur bada bana rahi thi. Use dekh kar Iqbal ka lund tight hone laga tha. 



Iqbal ne steering ko haath lagate hua kaha - Ye steering wheel hai, isse gaadi idhar udhar hoti hai…

Supriya jhepte hue boli - Itni buddhu bhi nahi hu main.. ye toh mujhe pata hai…

Iqbal has pada - Maine kab kahan aap buddhu ho madamji. Bas bata raha tha. Aur fir ye beech mein jo danda hai, isse gaadi gear mein jaati hai…

Supriya ne use bholepan se dekhte hue kaha - Usse kya hota hai?

Iqbal - Isse gaadi aage chalti hai... ye dekho iske aas paas kuch number likhe hai na.. 1, 2, 3, 4, 5 or R. Ye dande ko 1 mein daalne se aage chalti hai or R mein daalne se peeche jaati hai...

Iqbal kitni bareeki se Supriya ko sab samjha raha tha, par dande ko daalne ki baat se Supriya ki mano hasi chhut rahi ho, usne kisi tarah se apne aap par control rakha.

Supriya - Samajh gayi... 1 se aage or R se peeche...

Iqbal - Haan bilkul... aur ye chaabi le kar gaadi ko start karo...

Supriya ne Iqbal ke haath se gaadi ki chaabi li hi thi ki Iqbal ekdam se bol pada - Ruko ruko madam... aapki pehli baar hai na... 

Iqbal ne apne haath dua ke liye aage badaye - Bismillah-ar-rahman-ar-rahim....

Supriya is sab ke baare mein jyada nahi jaanti thi, isliye woh pooch baithi - Isse kya hota hai?

Iqbal - Koi bhi naya kaam karne se pehle ise bolte hai toh kaam acha hota hai... aapke yahan bhi hota hoga na kuch aisa...

Supriya - Haan main jyada bhagwan ko maanti toh nahi hu, par haan hamare yahan kuch bhi naya kaam karne se pehle Ganesh ji ki pooja karte hai ya ghee shakkar khate hai...

Iqbal - Ghee shakkar toh nahi hai yahan aur pooja bhi kaise karoge, mere khayal se aap bhi bismillah hi bol ke shuru kar do...

Supriya ne ek-do second socha, woh jyada '. toh thi nahi, aur use hamesha se hi har dharm ki izzat karna hi sikhayi gayi thi, toh use aise karne mein koi harz nahi laga. Bas haan thoda sa ajeeb laga kyunki use ye shabd ache se nahi aate they, toh woh kuch galat nahi bolna chahti thi. Usne Iqbal ki taraf dekhte hue kaha - Bismillah...

Iqbal ne apne haath aage karke dua mein bana ke dikhaye aur ishaara kiya ki woh bhi aisa hi kare, aur fir use aage ke shabd fir se bata diye - ar-rahman ar-rahim.

Supriya ne bhi apne haath dua mein utha liye - ar-rahman ar-rahim.



Iqbal Supriya ke aisa karne par kafi jyada khush sa ho gaya - Bahut hi badiya madamji... ab aap jaroor kamyaab honge... aap shuru karo ab gaadi

Iqbal ne jahan bola tha Supriya wahan chaabi lagane ki koshish kar rahi thi, par chaabi andar nahi jaa rahi thi....

Supriya - Ye toh nahi jaa rahi hai... shayad ye iski chaabi nahi hai...

Iqbal - Nahi madamji, aap chabi ko doosri taraf ghuma ke dekho.. woh jayegi andar... ye iska hi chhed hai... thoda zor se andar daalo...

Supriya ghabrate hue boli - Theek hai...main try karti hu...

Supriya ne chaabi ko dusri taraf ghumaya aur haan is baar chaabi andar chali gayi. 

Iqbal - Ab aap apne baye pair se clutch daba ke rakho... aur chaabi ko ghuma do...

Supriya ne halke se chaabi ghumayi aur engine start hone ki awaaz aayi par woh jaldi se band ho gaya. Supriya ne Iqbal ki aur pareshaan hote hue dekha.

Iqbal - Zor ke ghumayo madamji...

Supriya ne is baar zor ke zor ke chaabi ko ghumaya aur engine is baar start ho gaya. Par usne jaldi se apna pair clutch se hata liya jisse gaadi jhatka kha ke band ho gayi.

Iqbal - Nahi madamji... aise nahi... aap pehle gear ko 1 par le kar aana hai... aur fir dheere dheere clutch ko chhodna hai... ekdam se nahi...

Supriya itne saari cheeze sun kar kafi pareshaan si ho gayi thi. Shayad ye gaadi uski bas ki cheez nahi thi - Nahi Iqbal, mujhse nahi ho payega ye... aisa karo ghar wapas le chalo...

Iqbal - Abhi toh humne shuru bhi nahi kiya hai aur aap abhi se kyu haar maan rahe ho... aap pareshaan mat ho... main kafi aaram se sikhayunga.. aap apna ye haath is dande par rakho aur gaadi fir se on karo...

Supriya ne apna haath gear ki stick par rakha aur fir se clutch ko dabate hue gaadi ki chaabi ko zor ke ghuma diya. Gaadi on hote hi, Iqbal ne apna haath Supriya ke haath ke upar rakhte hue gear stick ko pehle gear mein kara, aur fir Supriya ko dheere dheere clutch se pair hatane ke liye kaha. Supriya ne 1 second mein clutch se pair hata liya aur gaadi fir se band ho gayi thi.

Iqbal ne apna haath Supriya ke haath ke upar hi rakha hua tha - Koi baat nahi, hum fir se try karenge.... is baar thoda aur dheere clutch ko chhodna.

Supriya ne fir se wohi sab kiya par is baar clutch ko thoda aur dheere dheere chhoda. Clutch par se pair hatate hi gaadi dheere dheere aage badne lagi. Supriya ne khushi mein Iqbal ki taraf dekha, par uska doosra haath Steering par nahi tha.

Iqbal thodi si tez aawaz mein bola - Madamji doosra haath steering par rakho na...

Supriya - haan... sorry....

Iqbal - Ab isko idhar karoge toh gaadi idhar jayegi aur udhar karoge toh udhar... 

Iqbal ne apna doosra haath Steering wheel par rakha aur halke halke use idhar udhar ghumane laga. Uske daya haath abhi bhi Supriya ke baaye hath ko kas kar padke hue tha. Gaadi ab thodi tez chalni shuru ho gayi thi.

Thodi si aage jaakar usne Supriya ko bola - Ab bas aap brake maar do...

Supriya - Brake kahan hai....

Iqbal ne hadbadate hue kaha - Beech wala pedal madamji, clutch ko daba ke rakho aur doosre pair se break ko dheere dheere dabayo.

Supriya ne jhatke se brake aur clutch dono dabaye, aur gaadi jhatke se ruk gayi.

Iqbal - Koi nahi madam ji... aaj bas isi par kaam karte hai... dheere dheere aapko aa jayega...

Supriya - Aisa lagta hai mujhe saalo lag jayenge gaadi seekhne mein...

Iqbal - Nahi lagenge madam ji... aur jitna bhi time lage.. main aapko sikha ke rahunga...

Supriya - Shukriya Iqbal aapka... aap sach mein kitna sabr rakh rahe ho mere saath...

Iqbal haste hue bola - Lagta hai mere saath rehte rehte aapki urdu bhi achi ho jayegi... aap ke muh se urdu toh aur bhi haseen lagti hai...

Supriya ne sharmate hue apna haath Iqbal ke haath ke neeche se hata liya - Mujhe jyada nahi aati.... 

Iqbal Supriya ke surkh laal gaal dekh kar aur bhi khush ho gaya - Koi nahi madamji... main sikha dunga aapko...

Supriya aur Iqbal aise hi thodi der tak gaadi start karna aur thodi door seedhe chalane ki practice karte rahe. Iqbal ne ghadi mein time dekha toh 7.30 bajne ko aaye they.

Iqbal - Madam ji ab chale ghar... meri duty ka time hone wala hai.. par aap bole toh aur der bhi ruk sakte hai...

Supriya ne bhi ghadi mein time dekha - Ohhh... 7.30 baj gaye... haan Atul jagne wale honge... chalo jaldi se chalte hai...

Supriya ne gaadi roki aur jaldi se dono ne apni jagah exchange ki. Iqbal jaldi se gaadi chalata hua wapas building ki taraf le gaya. Usne gaadi building ke bahar roki.

Supriya - Thank you Iqbal... aap please ye gaadi wali baat Atul se na kehna... abhi maine unhe kuch nahi bataya hai...

Iqbal - Madam ji... aapke mere beech ki baat kisi ko nahi pata chalegi... aap befikr raho... maine woh doosre bhaiya wali baat bhi kisi se nahi kari hai... waise aaj kal woh dikhte nahi hai...

Supriya ka chehra ek dam se thoda serious sa ho gaya - Nahi woh ab yahan nahi aayenge... aur agar aaye toh aap unko andar aane se pehle mujhe call kar dena...

Iqbal ko toh hamesha se hi Rahul acha nahi lagta tha aur is baat ne toh use behad khush kar diya tha. Kya mash,.' din tha uske liye.

Iqbal - Bilkul madam ji... aaj ke baad woh aapki izazat ke bina is building mein daakhil nahi ho payega...

Supriya - Chaliye, abhi main chalti hoon... weekdays par toh seekhna mushkil hai... ab toh Shanivaar ko hi aage seekh payungi...

Iqbal - Koi baat nahi... aap mujhe ek raat pehle bol dena bas... main hazir ho jayunga...

Supriya - Theek hai Iqbal... bahut bahut shukriya fir se... 

Supriya ne jaise movies mein dekha tha, usne Iqbal ko halke se aadab kiya, aur apne ghar ki taraf nikal padi. Woh sochne lagi ki kam se kam usne aaj kuch toh shuruwaat ki gaadi chalane mein. Iqbal ne sach mein kitna patience dikhaya tha uska saath. Agar Atul hote toh woh use 5 minute ke baad hi ghar wapas le aate. Iqbal usse paise bhi nahi le raha tha, use kuch toh karna hi hoga Iqbal ke liye. Waise kitna meetha bolta tha Iqbal, sach toh keh rahi thi Karuna, seedha hi hai woh.

Udhar Iqbal bhi kafi khush tha ki aakhir kaar use uski pyaari madam ji ke saath kuch time bitane ka mauka toh mila. Aur time kya, woh toh unka mulayam haath bhi apne sakht haath mein pakad saka tha. Sach mein gulab ke phool ki pankhudi se bhi jyada mulayam tha unka haath. Woh apne haath ko aise masal raha tha jaise abhi bhi Supriya ke haath ka kuch hissa wahan baaki ho.

Supriya ne ghar aa kar dekha toh Atul abhi bhi so rahe they. Woh kaafi jyada khush thi, aur uske andar jaise ek naya josh bhar gaya tha. Usne apne kapde wahin kamre mein utaare aur nahane ghus gayi. 



Jab woh naha ke bahar aayi toh dekha ki Atul jag gaya tha. Usne bed par lete lete hi Supriya se poocha - Kaisi rahi tumhari jogging? Lagta hai kafi door tak jogging karke aayi ho...

Supriya - Nahi... jyada door tak toh nahi gaye they... par haan maza kafi aaya....

Atul - Woh toh lag hi raha hai tumhara chehra dekh kar...

Supriya - Chalo main jaldi se chai banati hoon...

Supriya ye keh kar gungunate hue kitchen mein chai banane ghus gayi. Aaj sach mein use aisa lag raha tha ki woh kuch bhi kar sakti thi. Chai naashte ke baad Supriya ghar ke aur kaamo mein lag gayi. Par aaj usme itni khushi thi ki woh bahar jaakar celebrate sa karna chahti thi. Uski pehli salary bhi toh aa chuki thi.

Supriya - Atul... kafi din ho gaye kahin bahar gaye hue... aaj raat bahar khana khaye kya?

Atul - Aaj raat? Kal office bhi toh hai...

Supriya - Chalo na please... jaldi wapas aa jayenge.. ye samjho ki meri pehli salary ki party hai...

Atul - Theek hai madam... jaise aap kaho... aisa karte hai 7 baje chalte hai aur 9 - 9.30 tak wapas aa jayenge...

Supriya - Haan... ye theek rahega...

Shaam ko Supriya bahar jaane ke liye ready ho gayi. Usne ek laal rang ka suit pehna jisme woh bahut hi sundar lag rahi thi. Usne jaldi se apni ek selfie kheechi. Atul bhi tayyar tha aur dono neeche chal pade.



Supriya - Atul... aaj car se chale kya?

Atul - Car se... par bike se jaldi kaam ho jayega na...

Supriya chidte hue boli - Ye toh sahi hai... car li hai par istemaal bhi mat karo...

Atul - Acha baba theek hai... car se chalte hai....

Supriya ye sunkar khush ho gayi - Aapka bahut bahut shukriya Atul ji…..

Atul has pada - Kya baat hai...aaj toh badi khush lag rahi ho...

Supriya muskurayi - Bas aise hi... khush nahi lag sakti kya...

Atul aur Supriya unki WagonR mein baithe aur chal pade. Iqbal ki duty shayad khatam ho chuki thi aur ab woh bahar nahi khada tha. Supriya aaj Atul ko gaur se gaadi chalate dekh rahi thi. Par thodi der baad woh bore hote hue apna phone chalane lagi. Usne kal download kiya naya app Instagram khola. Aaj ke poore josh mein usne socha ki ghar par kheechi selfie online daal hi deti hoon. Waise bhi usme kuch bhi aisa waise toh tha nahi. Usne mann mein bismillah bolte hue apni photo post kar di. Pata nahi kyu use subah kya bismillah abhi tak yaad tha.

Raat ko traffic kaafi tha aur unhe restaurant pahuchne mein thoda time lag gaya. Supriya ko south indian bahut acha lagta tha aur usne apne liye dosa order kiya, Atul ne apne liye noodles. Kafi bheed thi toh khaana aane mein time lag gaya aur unhe khate khate 9.30 toh restaurant mein hi baj gaye they. Woh log jaldi se wahan se nikle ghar ki taraf.

Raaste mein ek red light par unki gaadi ke side mein do ladke bike par they. Atul ki car ke sheeshe neeche they toh woh dono Supriya ko saaf dekh paa rahe they. Woh Supriya ko dekh kar us par comment karne lage...

Ladka - Kahan jaa rahi ho madam itni raat ko...

Doosra Ladka - Oh bhai sahab... kahan se laaye ho is maal ko...

Ladka - Madam...ye laal kurti kahan se li... waise hamare saath chalo... isse toh kahin jyada maza kara denge tumhe...

Supriya ko unki baate sunkar gussa aane laga tha, usne Atul ki aur dekha - Aap kuch bolo na unhe...

Atul ne gaadi ke sheeshe upar kar liye - Koi fayda nahi hai Supriya inse ulajhne ka... bas saamne dekhti raho...

Unme se ek ladka Supriya ki side ke sheeshe ko knock karne laga... Supriya ne use gusse mein dekha... par us ladke ne jeeb se apne honth chaat te hue Supriya ko ganda sa ishaara kiya.

Supriya se raha nahi gaya aur usne apni side ka sheesha neeche kiya - Tumhe ladkiyon ki izzat karna aata... agar tumhari behen ke saath koi aisi harkat kare toh...

Bike par peeche baithe ladke ko toh jaise mauka hi chahiye tha - Meri behen aise raat ko sadko par randi ki tarah nahi ghoomti... chal tujhe batata hoon teri izzat ke saath kya karunga...

Signal green ho gaya tha aur Atul ne apni gaadi aage daudayi... un ladko ne bhi apni bike unki gaadi ke peeche lagayi...

Atul kheejte hue Supriya se bola - Kya jaroorat thi unse ulajhne ki... kya musibat paal li faltu mein...

Atul ne mirror mein dekha toh woh log abhi bhi uske peeche aa rahe they. Kisi tarah Atul gaadi chalata hua apne building tak pahucha. Use woh peeche toh nahi dikhayi diye ab, shayad unhone beech raaste mein peecha karna chod diya hoga. Atul ne gaadi parking mein lagayi, aur Supriya aur woh upar ghar ki taraf chale gaye.

Aisa nahi tha ki aaj se pehle kisi ne us par fabtiya na kasi ho... par aaj shayad Supriya bardasht karne ke mood mein nahi thi. Atul abhi bhi Supriya par thoda gussa tha, par usne kuch jyada aur bola nahi. Supriya bhi chup chaap apne kapde badal kar sone ki tayyari karne lagi.

Tabhi usne apne phone par gaur kiya, ek unknown number se 2-3 missed call thi. Shayad usne apna phone beech mein silent kar diya tha toh use pata nahi chala tha. Saath hi ek message bhi tha us number se.

Message - Jaaneman... main Lucknow aa raha hu is hafte kisi kaam se... tumse milne ke liye bekraar hu... mujhe call karo... Pratap.

Supriya ye message dekh kar kaanp gayi. kuch mahino pehle, jo kuch Pratap ne uske saath Nikki ki shaadi mein kiya tha, woh usne ek bhayanak sapna samajh kar bhula diya tha. Ab jab uski life mein sab kuch acha hone laga tha ye musibat kyu fir se uske saamne aa gayi thi. Woh fati aankhon se us message ko thodi der ghoorti rahi, use samajh hi nahi aa raha tha ki woh ab kya kare.