Adultery Supriya: Ek Jawan Biwi ki Kahani

[Sriya2]

Update 33

Rahul aur Supriya ke beech ki ghatna ko ab 3-4 hafte ho chuke they. In 3-4 hafto mein Supriya ne ek baar bhi Rahul ko call ya message nahi kiya tha. Uska poora dhayan ab sirf apne office aur ghar par tha. Office mein Sahil sir ne us par jald hi aur jimmedari daal di thi aur ab use alag alag vendors aur logo se baat karni padti thi jisse din prati din uska aatmvishwas badta jaa raha tha. Shuru mein toh us thodi ghabrahat hoti ki woh apne se kafi badi umar ke logo se kaise deal kare. Par ab kuch dino se uski ye hichkichat bhi door hone lagi thi aur use aur bhi confidence aane laga tha.

Monday se Friday poora hafta Atul aur Supriya ke liye bhaag daud mein nikal jaata. Par Karuna ke hone se Supriya ko kaafi aaram sa lagne laga tha. Shuru ki asahajta ke baad, Supriya ko ab Karuna bhi achi lagne lagi thi. Woh unke peeche se saara kaam ache ne nipta dete thi - ghar ki safai, bartan aur raat ka khana bhi bana kar fridge mein rakh jaati thi. Supriya shuru ke kuch din toh ghar waapas aa kar apna ghar ache se check karti ki kahin kuch gayab toh nahi tha, par ab dheere dheere use Karuna par vishwaas hone laga tha. Kitna acha lagta thi ki office se waapas aayo aur kitchen mein dher saare kaam na karna pade toh.

Ghar aur office mein ab woh itni busy ho gayi thi ki use Rahul ke baare mein sochne ka time hi nahi mila. Aur na hi is baar Rahul ka hi koi message aaya. Atul kabhi use Rahul ke baare mein kuch bata deta toh woh sun leti par jyada koi dilchaspi nahi dikhati. 

In kuch hafto mein uska saamna Vikram sir bhi 1-2 baar hua tha. Par is baar woh unka saamna karne ke liye ache se tayyar thi, aur usne apni reports usne kafi ache se pesh ki. Vikram sir bhi itni jaldi uske kaam ke pick up se kafi impress ho gaye they. Par shayad kaam ke maamle mein impress hone ka matlab hai ki aur kaam milna, ko Supriya ke saath bhi hua. Agar use kabhi office late rukna hota toh ya toh Kriti use ghar chhod deti ya fir Atul use lene aa jaata. Kriti aur uski tuning bhi kafi achi hi baithi hui thi, aur ab dono ka kaam bhi thoda bat sa gaya tha, so Supriya use apne barabar hi samajhne lagi thi.

Aaj shanivaar ka din tha, aur Supriya ne subah ka naashta bana kar Atul ko de diya tha. Shanivaar ko toh jaise un dono ko hi kaafi intezaar rehta tha. Ghar ke itne saare kaam niptane hote they. Aur kam se kam aaram se baith kar naashta toh karne ko milta tha. Naashta khaate khaate Supriya alag alag cheezo ke baare mein soch mein hi doobi hui thi. Uska dimaag ek dam se unki car par gaya, Atul toh abhi bhi apni bike lekar hi office jaate they. Pata nahi kyu Atul ne is car ko liya tha, paise ke barbadi thi bas.

Supriya - Atul…aap woh car kyu nahi le kar jaate ho office…neeche dhool hi kha rahi hai woh.

Atul khaate khaate tv dekhne mein busy tha - Hmmmmmm…tum le jayo fir...

Supriya - Main???? Mujhe toh chalani bhi nahi aati.

Atul ne Supriya par bina koi dhyan diye bola - Toh seekh lo na…isme kya problem hai...

Supriya - Theek hai, aap sikha do na…aaj chhutti bhi hai…

Atul - Nahi baba.. main nahi sikha payunga. Mujhe bahut stress ho jayega tumhe sikhate sikhate.

Supriya - Fir kaise seekhungi main...bekar hi car li aapne agar use nahi karni toh.

Atul - Rahul se seekh lo, woh bol toh raha tha sikhane ke liye…

Supriya ke chehre par shikan si aa gayi. Jo kuch hua uske baad woh Rahul se car chalana nahi seekhna chahti thi - Nahi…. tum hi sikha do na please. 

Atul - Kyu? Rahul sikha dega na...usko mujhse jyada experience bhi hai...

Supriya koi bahan dhoond rahi thi Rahul ko mana karne ka - Nahi... woh kahan time nikalega... busy rehta hai waise bhi…usko pareshan mat karo iske liye.

Atul - Hmmm.... busy toh rehta hai, aajkal toh kafi gym wym bhi kar raha hai, body bana ke maanega. Toh fir koi driving college se seekh lo.

Supriya - Main kahan se dhoondu... ye toh aapka hi kaam hai na.

Atul - Acha yaar, main dhoond dunga jab time milega toh.

Supriya Atul ka uski baat mein koi bhi interest na dekh kar chid si gayi - Theek hai, mat karo meri help. Mujhe aapse yehi umeed thi.



Atul bina koi jawab diye tv dekhne mein busy ho gaya, Supriya ko ache se pata tha ki Atul kuch nahi dhoondege uske liye. Supriya naashta khatam karke baaki ke kaamo mein lag gayi. Thodi der baad dawaze ke bell baji aur bahar Karuna kaam karne aayi thi. Supriya ne darwaza khola aur woh dono kitchen mein aa kar kaam karne lage. 

Karuna bartan maanj rahi thi aur Supriya din ka khana bana rahi thi. Dono aapas mein aise hi idhar udhar ki baatein kar rahe they. Karuna baat karne mein kafi tez thi, halanki Supriya aur Karuna roz toh nahi milte they, jab bhi woh saath hote unki baatein aaram se shuru ho jaati. Karuna ko jaise duniya jahan ki khabar hoti thi aur uski baatein sunkar Supriya ko hasi aa jati thi. Supriya bhi usse majak kar leti thi.

Supriya ko tabhi dimaag mein aaya ki shayad Karuna ko pata ho koi jo gaadi chalana sikha sake - Karuna… tum kisi ko jaanti ho kya jo gaadi chalana sikha sake..

Karuna - Haan memsaab, bohot log hai… aapko seekhni hai kya?

Supriya - Haan… koi aisa batana jo bharose ka ho…

Karuna - Bharosa toh kiska karoge memsaab aaj ke time mein… par waise woh sikha dega na aapko...

Supriya - Kaun?

Karuna - Iqbal, aur kaun memsaab…

Supriya - Usko aati hai gaadi chalani?

Karuna - Haan memsaab, woh driveri karta hai na jab yahan duty nahi hoti…

Supriya - Par uske paas time hoga sikhane ke liye?

Karuna haste hua - Aapke liye toh time nikaal hi lega...



Supriya ko samajh nahi aaya ki Karuna kya kehna chah rahi thi - Tumne aise kyu bola ki mere liye toh time nikaal hi dega???

Karuna muskurate hue - Memsaab... jab dekho woh aapki hi baatein karta rehta hai…

Supriya uski baat sunkar hairaan si reh gayi. Iqbal uski baatein karta tha aur woh bhi Karuna se. Aisa kyu bhala? Aur ye Karuna aur Iqbal ek doosre ke kya lagte they? Iqbal ne toh kaha tha ki uski patni gaanv mein hai. Toh kya Karuna aur woh...... nahi, kahan Karuna itni sundar aur kahan Iqbal ekdam kaala sa. Par us din bhi toh kaise dhamka raha tha woh Karuna ko uske saamne.

Supriya - Kya bolta hai woh mere baare mein? Aur waise tum logo ka rishta kya hai aapas mein?

Karuna itne saare sawal sunkar Supriya ki aur dekhne lagi - Memsaab… jaane do na… galti se bol diya maine…. Nahi bolna chahiye tha.

Supriya - Aree… ab baat ko poora karo na. Ye batayo ki tum kaise jaanti ho Iqbal ko.

Karuna - Iqbal mere bhai ka dost hai… hum log paas mein hi rehte hai...

Supriya - Tumhare bhai se bola kya usne mere baare mein? Kya bola?

Karuna - Jaane do na madam... main baatein idhar udhar nahi karti.... aap Iqbal se hi pooch lo na...

Supriya - Acha.. ye kab se hua? Aur waise main kyu poochungi Iqbal se is baare mein ... tum se pooch rahi hu na...

Karuna thoda darte hue boli - Memsaab... aapke baare mein toh bohot log baat karte hai... 

Supriya hairaan hote hue - Aur kaun baat karta hai mere baare mein?

Karuna haste hue - Memsaab aap sach mein bohot bholi ho... aap jaisi mast ladki ke baare mein toh log baat karenge hi na....

Supriya - Aisa kya mast hai mujh mein....?

Karuna - Memsaab... aap mardo ke nazar se dekhoge na, tab pata chalega... aap toh logo ke liye kisi heroine se kam nahi ho…

Supriya - Toh Iqbal ne bola aisa mere baare mein?

Karuna ek dam se chaukkanna hote hue - Nahi nahi memsaab... usne kuch nahi bola aisa... woh toh waise kafi seedha hi hai... 

Supriya - Acha... jitni seedhi tum ho...

Karuna zor se has padi - Ha ha ha, nahi nahi, mujhse toh kaafi seedha hai... bas uska gussa thoda tez hai... mujh par toh bohot gussa karta hai...

Supriya - Fir toh mujhe darr lagega usse seekhne mein...

Karuna - Aap par thodi gussa karega... ye ho gaya, main aur kaam karti hoon...

Karuna bahar jhaadu pocha karne lagi aur Supriya wahin kitchen mein khadi sochne lagi ki kya sach mein aur log uske baare mein baat karte they, aur use mast samajhkar dekhte they. Use toh ye sochte hi ajeeb lagne laga tha. Use hamesha se hi apne sundar hone ka pata tha, balki use lagta tha ki log uski sundarta ki tareef kare, jo ki hota bhi aaya tha. Par log use maal samajh kar ghoor rahe iska use bilkul bhi pata nahi tha. Usne neeche apne blouse ko dekha aur fir apne kamar ko chhua. Kya log uske boobs ko ghoorte they ya fir uski nangi kamar ko? Kya woh apne kapdo ka style change kare jisse log use na ghoore. Par use Megha ne bhi toh samjhaaya hi tha na ki sundar ladkiyon ko log ghoorte hi hai. Toh fir ghoorne do na unhe. Ye sochkar hi Supriya ke chehre par halki si sharm bhari muskaan aa gayi.

Karuna bhi thodi der baad ghar ka kaam karke chali gayi. Supriya decide nahi kar paa rahi thi ki woh Iqbal ko driving sikhane ke liye bole ya na bole. Din hote hote Atul bhi fir se so gaya tha. Supriya bhi bas aise hi baithe baithe apna phone chala rahi thi. Uske phone par kuch messages aaye hue they jisme Kriti ne use Instagram join karne ke liye invite kiya hua tha. Supriya ka facebook par ek account tha par usne kabhi instagram ya aur kisi app par apna account nahi banaya tha. Aur waise woh kisi ko jaanti bhi nahi thi jo ye app use karta tha.

Supriya ne invitation par click kiya jo use app store le gaya aur Supriya ne instagram ki app apne phone par download kar li. Login karte hi use Kriti ki photo dikhayi di. Woh gym mein thi shayad, aur kam kapdo mein usne apni selfie daali hui thi. Supriya ye dekh kar thodi si hairaan thi ki Kriti ne itni bold photo online kaise daali hui thi jise koi bhi dekh sakta tha. Aur uski photos par kaafi saare likes aur comments bhi they.

Caption: After an intense workout



Supriya photo par comments padne lagi. Kayi log use hot bula rahe they, kuch logo ne uske boobs par comment kiya hua tha, aur kuch toh aur bhi jyada. Kuch toh ladkiyon ke bhi comment they jaise - slay queen, hottie, tota aur pata nahi kya kya. Supriya sochne lagi ki pata nahi Kriti kaise itni comfortable ho jaati hai apni aisi photos post karne mein. Supriya ne bhi photo ko like kar diya. Supriya sochne lagi ki kya woh apni photo is app par daale? Nahi... pata nahi log uski photo dekh kar kaise comment kare, use toh acha nahi lagega agar koi aise waise comment karega toh. Waise hi subah Karuna ne use bataya tha ki log use kaise dekhte they.

Supriya ne room mein jhaank kar dekha toh Atul abhi bhi gehri neend mein so raha tha. Kitna dependent ho gayi thi woh Atul par har cheez ke liye. Shayad use gaadi chalana seekh hi lena chahiye... Iqbal se baat karne mein kya hi harz hai. Supriya ne balcony se neeche jhaank ke dekha, abhi Iqbal hi duty par tha, woh neeche jaa sakti thi.



Supriya ne apni sandal pehni aur dheere se ghar ka darwaza kholte hue bahar aa gayi. Supriya wahin building ke neeche ki entrance ke paas khadi thi. Aate jaate log use dekh rahe they, jo use ab thoda realize ho raha tha. Bahar kafi tez dhoop thi. Supriya sochne lagi ki ab neeche aa hi gayi thi toh kya sochna is baare mein. Iqbal pata nahi itni chilchilati dhoop mein kaise apni duty nibhata tha. Kya Karuna ne Iqbal ko bata diya tha ki woh driving seekhna chahti hai? Supriya chaanv mein se nikal kar Iqbal ki taraf badi.

Supriya ne Iqbal ke paas aa kar kaha - Iqbal.... kaise ho...

Iqbal ne use aate hue nahi dekha tha, woh ek dam se Supriya ki aawaz sunkar hadbada sa gaya. Us ne Supriya ke taraf upar se neeche dekha, aaj toh woh is chikankari wale neele suit mein kya mast lag rahi thi - Madam ji.... badiya... aap yahan kaise?

Supriya - Woh aapse kuch kaam tha....

Iqbal - Aapko kaam tha toh aap mujhe bulwa lete na ya message daal dete. Main aa jaata upar. Aap kyu itni dhoop mein aaye neeche.

Supriya - Nahi theek hai.. koi baat nahi... aap bhi toh khade ho dhoop mein...

Iqbal - Main toh pehle se hi dhoop mein khade khade kaal ho chuka hoon madamji... aap kyu apna gora rang kaala karo...

Supriya haste hue - Nahi hoga kaala, aap fikar mat karo. Woh Karuna ki aapse baat hui thi kya?

Iqbal ki shakal ek dam se gusse wali ho gayi - Kuch kiya kya usne? Batayo aap mujhe... abhi us saali ko yahan bulwata hoon...

Supriya ne jaldi se bola - Nahi nahi... tum shaant ho jayo... usne kuch nahi kiya.. woh toh bahut acha kaam kar rahi hai.

Iqbal ka tamtamaya chehra thoda sa shaant hua - Aap bas mujhe bata dena agar uski taraf se koi bhi shikayat ho toh...

Supriya - Nahi sab theek hai. Karuna bata rahi thi tum driving sikha sakte ho...

Iqbal - Haan haan bilkul... kise seekhni hai.. aapko?

Supriya - Haan mujhe seekhi hai... woh gaadi istemaal hi nahi ho rahi abhi toh maine socha main hi seekh lu...

Iqbal ke chehre par khushi saaf jhalak rahi thi - Main badiya sikha dunga aapko... maine aur bhi logo ko sikhayi hai pehle...

Supriya - Sach... ye toh badiya hai... par mujhe bilkul bhi nahi aati chalani toh please....

Iqbal - Aap fikar mat karo... mujhse seekh kar aap duniya mein kahin bhi gaadi chala payoge...

Supriya - Thank you Iqbal... main kitni fees du aapko sikhani ki...

Iqbal - Madamji kya baat kar rahe ho... aapse thodi na paise lunga... 

Supriya - Nahi par mujhe sikhane ke liye time toh nikaaloge na, toh paise kyu nahi loge...

Iqbal ne thoda gussa hote hua kaha - Madamji main paise toh nahi lunga... ye toh bilkul tay hai...

Supriya uska gussa badte dekh kar - Acha theek hai.. mat lena... kab se start kar sakte hai?

Iqbal - Ye hui na baat. Aap jab kaho tab shuru kar kar sakte hai.

Supriya - Kal subah se shuru kare?

Iqbal - Haan, subah badiya rahega... 6 baje theek rahega aapke liye...

Supriya ne socha ki use 6 baje uthna padega woh bhi Sunday ke din.

Iqbal ne uska chehra padte hue kaha - Madamji baad mein bheed bad jaati hai aur fir meri duty bhi shuru karni hoti hai.... par woh toh main sambhal lunga.

Supriya - Nahi theek hai, main kal subah 6 baje neeche aa jayungi... aur saath mein apni car ki chaabi bhi le aayungi.

Iqbal - Nahi madamji aapki car par kyu seekhna. Nayi hai na woh, agar kahin thuk gayi toh? Main jo car chalata hoon, woh le kar aa jayunga, us par pehle haath saaf kar lo aap.

Supriya - Par woh kiski car hai? Aur use kuch ho gaya toh?

Iqbal - Kuch nahi hoga, aap bifikr raho bilkul... mujhe bas acha lag raha hai ki main aapke kisi kaam aa sakta hoon... aap baki sab mujh par chhod do.

Supriya - Aap toh hamesha hi mere kaam aaye ho.

Iqbal - Meri bhi bas yehi dua hai ki main hamesha aapke kaam aa saku... waise ek baat bolo agar aap bura na mana toh?

Supriya - Haanji boliye na... main kyu bura maanungi...

Iqbal - Theek hai... main bol deta hoon... aap is suit mein bahut hi achi lag rahe ho... jaise hamare yahan ki aurate hoti hai na... bilkul waise...

Supriya ko samajh nahi aaya woh kya bole, toh woh halke se sharmate hue boli - Thank you Iqbal... acha abhi main chalti hoon....kal subah milte hai fir...

Iqbal - Haan madamji aap jayo... dhoop bahut tej hai.

Supriya Iqbal ko bye bol kar wapas ghar aa gayi. Woh raaste mein soch rahi thi ki woh Atul ko bataye ya na bataye ki woh gaadi seekhna shuru kar rahi hai. Pata nahi Atul kya sochega jab woh sunega ki woh Iqbal se car chalana seekh rahi hai toh. Par shayad use batana bhi kyu, subah 6 baje toh woh uthta bhi nahi hai. Aur waise bhi usne kaunsa use sikhane ke liye haan kar di thi. Abhi ke liye shayad behtar yehi hoga ki woh use kuch na bataye, aur fir ek din Atul ke liye hi bada surprise hoga jab woh dekhega ki use car chalani aa gayi hai.