Adultery Supriya: Ek Jawan Biwi ki Kahani

[Sriya2]

Update 30

Agle 2 din kafi normal se gaye. Subah Supriya aur Atul office saath mein office chale jaate. Supriya office mein jaldi hi kafi saara kaam samajh gayi thi aur ab toh uske paas thodi si bhi fursat nahi hoti thi. Lunch par woh Kriti aur baki saare logo ke saath khana khaati. Kabhi kabhi uska saamna Sahil sir se bhi hota, par ab use unse bhi darr lagna thoda kam ho gaya tha. Woh bhi uska kaam dekh kar use aur kaamo mein involve karna shuru kar rahe they. Beech beech mein Kriti uski taang kheechti rehti, aur woh dono ek doosre se hasi majak karte rehte.

Shaam ko ek din fir Kriti ne use ghar par drop kar diya aur doosre din woh khud hi auto pakad kar ghar aa gayi. Pichli do dino se na toh usne Rahul ko message kiya tha na hi uska koi call ya message aaya tha. Auto mein baithi baithi Supriya ko lag raha tha ki pata nahi kyu usne Rahul ko is hafte na aane ke liye bola tha. Pata nahi kyu par uske dil ko itna acha lagta tha jab woh uske paas hota tha. Uska saara mann aur chehra jaise khil uthta tha, par woh Rahul ko ye ehsaas hone nahi deti thi. Aur ab toh uski himmat firse bad si gayi thi, us din ghar par kiss, aur fir doosre din car mein kiss. Pata nahi kyu woh bhi is bahaav mein behti jaa rahi thi.

Raat ko bhi use message karke sone ki jaisi uski aadat ban gayi thi, par usne kisi tarah se apne aap ko kaabu kar ke koi bhi message nahi kiya tha. Par fir woh sochne lagi, usne toh sirf Rahul ko aane ke liye mana kiya tha. Woh din mein ek baar call toh kar hi sakta tha. Fir use ek dam se Atul ka khayal aaya. Atul ne toh uske saath kuch galat nahi kiya tha, toh woh kyu kisi doosre mard ke baare mein itna soch rahi thi. Usne tay kiya tha na ki woh bas Rahul ko thoda sa satayegi, aur kuch bhi nahi.

Supriya auto mein apne khayalo mein khoyi hu hui thi ki uske phone par ek call aane laga. Supriya ne dekha ki Kriti ka call tha, aur usne jhat se call utha liya.

Kriti - Supriya... tum ghar pahuch gayi kya? Sorry yaar main tumhe aaj drop nahi kar paayi, mujhe kahin aur jaana tha.

Supriya - No problem Kriti. Bas pahuchne hi wali hu ghar. Main manage kar sakti hu waise, pareshan mat ho.

Kriti - Good good. Acha suno, kal subah bhaiya office aayenge aur hamari unse ek meeting hoti hai jisme unhe saare numbers dikhate hai. Toh thoda jaldi aa jaana kal, thoda prep karna padega jaldi jaldi.

Supriya - Oh acha.. haan main aa jayungi jaldi. Thank you batane ke liye.

Kriti - No problem, chalo goodnight.

Supriya ne bhi goodnight bol kar phone rakh diya. Kal office mein uske pehle hafte ka aakhiri din tha, aur ye pehli baar woh Vikram sir ko office mein dekhegi. Pata nahi kal ye meeting kaisi jayegi, par use toh shayad bas sabki baatein sunni hi hongi, abhi toh woh itni junior hai.

Autorickshaw bhi jald hi uske building ke saamne ruk gaya. Supriya ne auto wale ko paise diye aur andar ki aur chal padi. Usne dekha ki aaj bhi Iqbal duty par tha. Jis din se Iqbal ne use Rahul ke baare mein bola tha use Iqbal ko dekh kar thoda ajeeb sa lagta. Par woh koshish karti ki woh usse ache se baat kare. Agar Iqbal ne kabhi Atul ko Rahul ke baare mein bata diya toh pata nahi woh Atul ko kaise sab samjhayegi.

Supriya ne muskura ke kaha - Hello Iqbal... kaise ho tum?

Iqbal bhi use dekh kar ek dam se khush ho gaya - Madamji...aapne pooch liya toh badiya hi hoon.

Supriya - Acha... aise kyu?

Iqbal - Bas aapki aawaz itni achi hai na, mann karta hai bas sunta jayu. Par sunne ko milti hi nahi.

Supriya haste hue - Mil toh rahi hai sunne ko. Aur main toh hamesha hi tumse baat karti hoon.

Iqbal - Aapki aawaz bilkul meri biwi jaisi lagti hai, bas woh gaav se hai toh uska bolna ka style thoda alag hai.

Supriya - Acha.. toh uski awaaz toh sunne ko milti hi hogi na?

Iqbal - Nahi madamji, woh ab gaanv mein hi rehti hai, aur main yahan akela.

Supriya - Oh acha... fir toh kafi mushkil hoti hogi.

Iqbal - Haanji madamji. Bahut dikkat hoti hai. 

Supriya - Kuch bhi chahiye toh tum mujhe bol sakte ho. Main weekend par tumhare liye khana de jayungi.

Iqbal - Madamji uski koi jaroorat nahi hai, bas aapne bol diya woh hi kafi hai. Aapko bhi kuch bhi chahiye toh aap mujhe call kar sakte ho.

Supriya - Theek hai, pakka. 

Iqbal - Aaj woh doosre bhaiya nahi aaye?

Supriya - Nahi, woh roz toh nahi aate na. Waise aap unke baare mein kyu pooch rahe ho. Woh toh bas aise hi kuch samaan dene aaye they.

Iqbal - Nahi madamji aisa kuch nahi. Us din woh aap par zor se bol rahe they na bahar. Mujhe acha nahi laga tha aur aap mujhe bata sakte ho agar koi pareshaan kar raha ho toh. Main us aisa lappad dunga na,...

Supriya - Nahi nahi, woh mujhe pareshaan nahi kar rahe they. Bas woh kabhi kabhi aise hi baat karte hai.

Iqbal - Haan, par aapse kisi ko bhi aise nahi baat karni chahiye. Aap itni pyaari hai na...bilkul kisi hoor ki tarah..Aur jab aap saree pehenti hai na, toh bahut hi sundar lagte ho.

Iqbal ki baatein sunte sunte Supriya ke gaal laal ho chuke they. Use pata hi nahi tha ki Iqbal use itni baareki si dekhta tha.

Iqbal - Maine kuch galat toh nahi bol diya na madamji.

Supriya - Nahi, aapne kuch galat nahi bola hai. Acha main abhi chalti hoon, ghar par kaafi kaam baaki hai.

Iqbal - Madamji, waise aap ko itna kaam nahi karna chahiye. Aap kaho toh main ek kaamwaali ka number bhej dunga aapko.

Supriya - Haanji bilkul, aap bhej do..

Supriya Iqbal ko bye bol kar apne ghar ki taraf upar chali gayi. Kaamwali ka usne bhi socha tha par Atul ne pehle mana kar diya ki 2 hi logo ka toh kaam hai. Par ab jab woh office jaa rahi hai, toh woh Atul se firse baat karke bolegi. Shaadi se pehle apne ghar mein toh usne itna kaam kabhi nahi kiya tha. Mummy aur bhabhi hi sab kuch sambhal lete they. Bus bhabhi ne kisi tarah use cooking sikha di taaki woh sasural mein khana toh bana paye.

Atul bhi thodi der baad ghar aa gaya tha aur tab tak Supriya ne khana bana liya tha. Dono khana kar bed par aa gaye, aur Atul use halke halke kiss karne laga.

Supriya ne Atul ko rokte hue kaha - Atul suno na, ye office aur ghar dono karne mein kaafi mushkil ho rahi hai, hum log kaamwali lagwa le kya.

Atul ne muh banate hue kaha - Maine pehle hi kaha tha ki dono nahi ho payenge. Par tumhi zidd kar rahi thi.

Supriya - Please na, aur meri salary mein se chala jayega na uska kharcha.

Atul - Oh, ab tumhari aur meri salary alag ho gayi hai?

Supriya - Mera ye matlab nahi tha, bas ye keh rahi thi ki pehle main ghar par thi toh bas aapki salary thi na, aur ab meri bhi hai, toh kaamwali lagwa sakte hai na.

Atul - Kaamwali ka koi bharosa nahi hota...

Supriya - Aapke ghar mein bhi toh kaamwali aati hai Gwalior mein...

Ab un dono ki behas si shuru ho gayi thi, aur kafi der aise hi behas karte karte woh dono ek doosre se gussa ho kar so gaye. Par Supriya ne thaan liya tha ki woh kaamwali ko lagwa ke hi rahegi. Iqbal ne use number bhi bhej diya tha. Ek baar woh lag gayi toh Atul kuch nahi bol paayega.

Subah jab woh uthi toh use yaad aaya ki use toh aaj office jaldi pahuchna tha. Woh raat ko ladayi mein sab kuch bhool gayi thi aur usne apne kapde bhi ready nahi kiye they. Supriya hadbadati hui uthi, aur jaldi se sab kuch karne lagi.

Supriya - Atul aaj please lunch nahi bana payungi, mujhe jaldi office pahuchna hai.

Atul - Ab ye kya kal raat ka gussa hai kya? 

Supriya - Nahi baba, aaj Vikram sir office aayenge, mujhe jaldi pahuchna hai. Please tum bhi thoda jaldi jaldi tayyar ho na.

Atul fir bhi apni normal speed mein sab kaam kar raha tha. Supriya baar baar ghadi ko dekh rahi thi, woh office jaldi toh shayad nahi pahuch paayegi. Kya musibat thi, woh kya bolegi Kriti ko. Woh jaldi se ek kurti pehen kar tayyar hui, aur darwaze par Atul ka intezaar karne lagi.

Atul dheere dheere apna bag le kar aa raha tha aur use dekh kar Supriya ka gussa badta jaa raha tha aur woh besabri se Atul ke chalne ka intezaar kar rahi thi.



Supriya ne Atul ko gusse mein kaha - Agar aur der kar sakte ho toh kar lo...

Atul ne use muskura ke dekha - Nahi, aur der toh nahi kar sakta.. chalo... waise gusse mein toh aur bhi sexy lagti ho...

Supriya ne uski baat ka jawaab nahi diya aur dono jald hi ghar ne neeche Atul ki bike par chal pade. Atul ne Supriya ko office ke bahar drop kiya aur Supriya bhaagte hue office mein upar pahuchi. Waise toh time se thi par aaj kisi aur din ke mukable kafi log pehle se hi office mein they. Supriya jaldi se apni seat par pahuchi, usne dekha ki Kriti computer par kuch jaldi jaldi type kar rahi thi. Uski shakal par thoda sa gussa tha, jo Supriya ne aaj se pehle nahi dekha tha.

Supriya - Sorry..kuch ghar mein emergency ho gayi thi, isliye mein aur jaldi nahi aa payi..

Kriti ne use bina dekhe bola - That's fine, meeting starts in 1 hour. Yahan aa jayo, we will look at it together.

Supriya jaldi se uski seat par pahuch gayi aur woh dekh rahi thi ki Kriti ek presentation bana rahi thi. Supriya ne aaj tak kisi presentation par kaam nahi kiya tha toh woh bas Kriti ko kaam karte dekhti rahi aur use jo chahiye tha woh information deti rahi. Supriya ko kafi kharaab lag raha tha ki woh kuch jyada help nahi kar paa rahi thi.

Ek ghante baad woh dono ek meeting room mein gaye. Wahan Sahil and Vikram pehle se they. Vikram ne hamesha ki tarah ek kadak sa suit pehna hua tha, aur uske chehre par uski well maintained daadi us par kafi achi lag rahi thi. Vikram ke chehre par hamesha ki tarah ek badi si muskurahat thi.

Vikram ne unke room mein aati hi kafi josh se kaha - Ahh Ms. Supriya and Kriti... welcome welcome..

Supriya ne Vikram ko dekh kar ek halki si smile ki aur apna sir hello mein hilaya aur ek chair par baith gayi. Vikram ke barabar mein Sahil aur saamne Kriti, aur Kriti ke saath mein Supriya.

Sahil ne bolna shuru kiya aur pichle mahine ke sales aur profit ke number saamne TV par they. Sales har mahine bad rahi thi, par abhi bhi company loss mein thi. Beech beech mein Kriti bhi bol rahi thi aur bata rahi thi ki woh log sales badane ke liye kya kar rahe hai. Vikram kafi gambheerta se unki baatein sun raha tha. Kabhi woh Sahil ki aur dekhta, kabhi Kriti ki taraf aur kabhi Supriya ko. Kafi kuch jo bola jaa raha tha Supriya ko nahi pata tha, use lag raha tha ki pata nahi woh is meeting mein thi bhi kyon.

Un dono ke bolne ke baad kuch second thodi shaanti rahi, aur fir Vikram bola - Well done guys... I think hum log progress kar rahe hai.

Sahil aur Kriti ne haan mein sir hilaya.

Vikram - Aapko kya lagta hai Ms. Supriya?

Apna naam sunte hi Supriya ek dam se chaunk gayi. Use nahi laga tha ki use kuch bolna padega, aur woh ab bolti bhi kya.

Supriya - Sir.... woh.... I think sab theek hi chal raha hai....

Vikram ne kadak aawaz mein bola - Theek se kaam nahi chalega.. hum yahan theek se jyada chahiye...

Uski ye awaaz sunte hi Supriya thoda ghabra si gayi, shayad usne kuch galat bol diya tha. Uske aansu jaise nikalne wale ho, par usne unhe kisi tarah se control kiya.

Vikram - Sahil... I think aap finance ke saath saath products par bhi focus karo, main clients line up karta hoon. Aur Supriya ko aap thoda bahut product development mein bhi lagayo.

Sahil - Yes boss. 

Meeting khatam hui, aur Sahil aur Kriti jaldi se meeting room se bahar chale gaye. Supriya bhi room se bahar hi jaa rahi thi ki Vikram ne use awaaz di.

Vikram - Ms. Supriya...aap theek hai na?

Supriya ki shakal par barah baje hue they, par usne fir bhi kahan - Haanji sir, main theek hoon...

Vikram - Lag toh nahi raha aapki shakal se.

Supriya - Nahi sir, its ok...

Vikram - Maine shayad thoda uchi awaaz mein bol diya aapko...

Supriya ne kuch jawab nahi diya, haan usne sab ke saamne usse uchi awaaz mein hi bola tha. Use bilkul acha nahi laga tha, par woh kaise batati ye Vikram ko.

Vikram ke chehre par ek halki si muskaan aa gayi - I thought aap toh Jhaansi ki Raani ho....

Supriya ne himmat karke bol diya - Aap kyu mujhe baar baar Jhaansi ki Raani bulate hai...

Vikram - Taaki aapko ladna aa sake...

Supriya - Sir...??

Vikram - Aap abhi nayi hain yahan, aapko kafi seekhna hai. I think accounting se jyada aapko product development mein company ke baare mein seekhne ko milega...

Supriya - Product development kya hota hai, mujhe toh pata bhi nahi...

Vikram - Wohi toh, aapko bahut kuch seekhna baaki hai.... chaliye fir milte hai..

Supriya meeting room se bahar aa gayi. Aaj ka din hi kharaab tha uske liye. Subah woh late ho gayi, fir meeting bhi uske liye bekaar hi gayi aur Kriti bhi usse ache se nahi bol rahi thi. Woh apna latka hua chehra lekar wapas apne desk par gayi aur baith gayi. Usne apna chehra apne haathon se pakad liya aur apni aankhen band kar li.

Ek dam se Kriti ki awaaz aayi - Kya hua madam? Chehra kyu latka rakha hai...

Supriya ne aakhen kholi toh uski aankhon mein halke halke aansu they - Kuch nahi bas sir mein dard ho raha hai.

Kriti - Tum toh ro rahi ho. Kya hua? Bhaiya ki baat se pareshaan ho kya? Unhe sab kuch perfect chahiye hota hai, theek word unki dictionary mein nahi hai.

Supriya - Nahi, aisa kuch nahi. Mujhe bas headache ho raha hai....

Kriti - Acha theek hai....aisa karo, aaj tum office se half day le lo. Waise bhi tumhara pehla hafta hai, aur tumne itna kuch kar bhi liya.

Supriya - Par Vikram sir...?

Kriti - Woh main manage kar lungi.

Supriya - Thank you so much!!

Supriya khush thi ki woh office se jaldi nikal sakti hai. Par woh soch rahi thi ki woh jaldi ghar jaa kar kya karegi. Usne apna phone uthaya aur Rahul ka number nikala. Usne ek message type kiya aur fir delete kar diya. Woh baithi baithi soch rahi thi woh Rahul ko message kare ya na. Aakhir usne hi toh Rahul ko na aane ke liye bola tha. Toh ab woh kyu uski aur behak rahi thi. Woh achi tarah jaanti thi ki agar Rahul aa gaya toh woh shayad woh dono fir se....

Usne Atul ko message karne ka socha par kal raat aur subah ki ladayi ke baad uska Atul ko message karne ka koi mood nahi tha. Aakhir kaar woh apne aap ko rok na paayi aur usne bas ek "Hi" bhej diya Rahul ko. Kuch minute tak Supriya apne phone ko dekhti rahi, Rahul ka message waise toh turant hi aa jaata tha par aaj ab tak nahi aaya tha. Shayad woh bhi usse gussa hi ho gaya hoga.

Nirash hote hue Supriya ne apna bag sameta aur neeche ki aur chal di. Usne socha ki chalo theek hai woh ghar jaakar so jayegi, shayad yehi theek rahega. Par jaise hi woh neeche pahuchi, uska phone baj utha. Usne bina dekhe phone utha liya, use yakin tha ki Rahul ka hi call hoga. Aur tha bhi.

Rahul - Madam... aap mujhe kisi din marwaogi... Atul ke saath hi baitha jab tumhara Hi aaya.

Rahul ki awaaz sun kar Supriya ki saari udaasi jaise door ho gayi aur woh ek dam se khil khila uthi. Usne apni chehakti hui awaaz mein kaha - Itna darte ho Atul se toh call kyu karte ho?

Rahul - Darta nahi hoon, bas tumhare liye... tum kaho toh abhi jaa kar Atul se bol du?

Supriya - Aur kya bologe tum Atul se?

Rahul - Yehi ki main Supriya se pyaar karta hoon.

Supriya - Shhhhhh... pagal ho kya... koi office mein tumhe sun lega toh?

Rahul - Sun lene do, maine kaha na, main nahi darta.

Supriya - Par main toh tumse pyaar nahi karti. Logo ko toh galat fehmi ho jayegi na.

Rahul - Acha, aisa kya....

Supriya - Haan bilkul...

Rahul - Saamne aakar bolna ye toh main jaanu... meri jaanu...

Supriya - Cheeee... kaise filmi se dialogue maarte ho tum...

Rahul haste hue - Toh kaise dialogue maaru? Waise 2 din se call kyu nahi kiya.

Supriya - Tumne bhi toh nahi kiya.

Rahul - Main toh tumhare call ya message ka wait kar raha tha...

Supriya - Main nahi kar rahi thi. Aaj bas aise hi call kiya. Main bas office se nikal rahi thi.

Rahul - Main bhi ghar aa jayu kya?

Supriya - Nahi! Nahi, bilkul nahi. Woh watchman hai na, Iqbal, use shak hai tum par.

Rahul - Toh kya hua. 

Supriya - Nahi please, tum ghar mat aana ab kabhi.

Rahul - Aisa kya? Mujhe toh Atul ne hi bulaya hai kal ghar par. Use mana kar du kya?

Supriya - Haan Atul ko please mana kar do. Tum ghar mat aana.

Rahul - Ab toh aana hi padega. Waise bhi poora hafta ho gaya tumse mile hue.

Supriya - Teesra hi din hai...Waise Atul ne tumhe kyu bulaya hai?

Rahul - Mujhe kya pata Atul ne kyu bulaya hai. Kya pata shaadi ki baat karne ke liye? 

Supriya ne gusse ka natak karte hue kaha - Main call rakh rahi hoon, tum try karna ki mat aayo. Aur aayo bhi toh watchman se mat ilajhna.

Supriya ne bina uska jawab sune call kaat di. Rahul se baat karke use aisa lag raha tha ki jaise uske sir ka poora bojh utar gaya ho, aur uska ganda sa din acha ho gaya ho. Auto mein bhi ek acha sa romantic gaana chal raha tha - Dil ne ye kaha hai dil se... mohabbat ho gayi hai tumse. Supriya bhi halke halke gaana gun gunane lagi. Jaldi hi uski building bhi aa gayi. Bahar hi use Iqbal mil gaya.

Iqbal - Madamji... woh kaamwali se baat hui aapki?

Supriya - Nahi Iqbal, abhi nahi ho paayi, itni busy thi na aaj.

Iqbal - Yahin hai woh abhi society mein. Main use aapke ghar le kar aata hoon abhi thodi der mein.

Supriya ne socha ki woh toh abhi sone wali thi, par ab ye pata nahi kyu uske ghar aane ki baat keh raha tha. Par jaroorat toh use hi thi na, isliye woh na nahi bol paayi.

Supriya - Theek hai Iqbal, par koshish karna thoda jaldi aana.

Iqbal - Bilkul madamji, abhi bas aata hoon 10-15 minute mein.

Supriya ne apne ghar pahuch kar jaldi se ghar ke entrance ka area aur drawing room saaf kiya. Halanki koi kaam karne ke liye hi uske ghar aa raha tha par woh nahi chahti ki kisi ko lage ki ghar ganda hai, nahi toh woh bhi aisa hi chalta kaam karenge. Woh thodi bahut safai karke hi chuki thi ki ghar ki ghanti baji.

Supriya ne darwaza khola. Iqbal hamesha ki taraf ek khaaki si uniform pehne hue tha, aur uske saath ek ladki thi jo Supriya se thodi hi badi hogi. Usne ek saree pehne hui thi jo achi tarah nahi lapete hui thi, jisse uska blouse aur usme kaid boobs saaf dikh rahe they. Uske boobs Supriya se kam se kam 1 size bade they aur uski patli kamar se uske boobs aur gaand aur bhi jyada bade lag rahe they. Supriya ne use dekhte hi socha ki pata nahi Iqbal ise kahan se pakad kar le aaya hai. Agar isi ladki ko ache kapde mil jaaye aur thoda makeup ho jaaye toh woh bhi kafi jyada hot lagti.



Iqbal - Madamji... ye Karuna hai... maine baat kari thi na aapse.

Supriya - Haan aa jayo...

Dono Supriya ke peeche peeche ghar mein andar aa gaye. Supriya ne aaj tak koi kaamwali nahi rakhi thi toh use samajh nahi aa raha tha woh kaise baat kare.

Supriya - Toh pehle kaam kiya hai kahin?

Karuna - Haan memsaab, isi building mein 3 aur ghar karti hu main.

Supriya - Acha... hamara jyada kaam nahi hai, bas hum 2 log hai... bas thoda hi kaam hoga. Khana bana leti ho kya?

Karuna - Haanji, sab bana leti hoon. Chicken, mutton... jo aap bolo...

Supriya ne muh sikod kar Iqbal ki aur dekha - Nahi nahi... hum toh vegetarian hai..

Iqbal - Aree madamji ke ghar ye sab nahi banta. Tujhe aata toh hai sab banana, bolti kyu nahi.

Karuna - Jo aap bolo memsaab sab bana dungi. Aur baaki sab kaam bhi kar dungi - safai, bartan, kapde...

Supriya - Par kitne baje aayogi...

Karuna - Baaki log mujhe chaabi de kar rakhte hai...

Supriya pareshaan hote hue boli - Chaabi...., use pata tha Atul ye sunkar aur bhadak jayega.

Iqbal uske mann ki baat samajh gaya - Madamji aap pareshaan mat ho. Main jaanta hoon isko, aur waise bhi main hoon na neeche. Kuch bhi gadbad kari toh iski gardan daboch lunga...

Iqbal ne haath se Karuna ki gardan ki taraf ishaara kiya. Supriya ko sab kafi ajeeb sa hi lag raha tha. Aaj tak ghar ke bade logo ne hi ye sab baatein tay kari thi, par ab woh kaise decide kare. Aur ye nahi toh doosri kahan se woh dhoond ke lekar aayegi.

Supriya - Kitne paise logi?

Karuna - Memsaab main kaam bahut acha karti hoon... 3 hazar mahina leti hoon.

Supriya - 3 hazar!!!!

Iqbal - Kya bol rahi hai, madamji toh apni hi hai, usne kaise 3 hazar. Tu 2 mein baat final kar, nahi toh main koi aur batata hoon madamji ko.

Karuna - Par 2 mein kaise...

Iqbal ne ek dam se apni aankhen badi karte hue use ghoor ke dekha - Chup bilkul....

Supriya bhi Iqbal ki aisi awaaz sun kar ek dam se ghabra si gayi. Pata nahi in dono ka aapas mein kya hi rishta tha.

Karuna - Theek hai, aap 2 de dena...main Sunday nahi aati bas....

Supriya - Woh chalega, main tumhe message kar dungi ek baar apne pati se baat karke...

Iqbal - Madam unse kya baar karni... aap final karo na...

Supriya - Final hi hai...bas shaam tak message kar dungi...

Iqbal - Theek hai madamji. Chal ab...

Karuna jaldi se ghar ke bahar chali gayi, aur Iqbal wahin Supriya ke saath khada tha.

Iqbal - Madamji main ise ache se jaanta hoon, koi dikkat nahi hogi. Kuch ho toh aap mujhe bata dena.

Supriya - Theek hai Iqbal, tumhare bharose rakh leti hoon...

Iqbal - Thank you madamji. Aaj waise kitne dino baad aapke ghar aana hua. Us din aaya tha na jab sahab ko bed par litaya tha...

Iqbal ke nazrein ghar ke har kone ko gaur se dekh rahi thi aur beech beech mein Supriya ko bhi. Supriya ko thoda ajeeb sa lag raha tha. Pata nahi Iqbal kya kehna chah raha tha usse.

Supriya - Thank you Iqbal, aap hamesha mere kaam hi aate ho.

Iqbal muskurate hue - Aise hi ek doosre ke kaam hi toh aana chahiye madamji...

Supriya pata nahi kyu ek dam se ghabra kar bol uthi - Haan bilkul. Waise kal woh bhaiya aayenge... aap unki gaadi parking mein lagwa dena...

Iqbal ki aankhon ki chamak ek pal ke liye thodi halki hui - Acha woh wale bhaiya...Rahul?

Supriya - Haanji, Rahul.

Iqbal - Koi nahi madamji... kisi ko kuch nahi bolunga...

Supriya - Nahi kal woh Atul honge ghar par jab Rahul aayega... koi dikkat nahi hai.. maine kaha na woh bas dost hai...

Iqbal - Oh acha, theek hai madam ji... main chalu fir...

Supriya - Haanji, thank you aapka.

Supriya ne apna haath bada kar uske haath ko chhute hue kaha. Iqbal uske sparsh se ek dam se romanchit sa ho gaya aur uske chehre ka rang hi badal gaya. Iqbal ne Supriya ke saamne hi apni pant ko theek karte hu kaha - Madamji abhi chalta hoon...

Supriya bhi uski ye harkat dekh kar hairaan se reh gayi. Iqbal ke jaane ke baad Supriya ne ghar ka lock lagaya aur fir kapde badal kar kuch der sone chali gayi. Use pata bhi nahi tha ki agle din kya nayi musibat le kar aayega.