A wedding ceremony in village

[Logan555]

Kuchh der baad Garima khud ko saaf karke apne kapde pehenkar waha aa gai. Wo ab bhi ladkhada ladkhada kar hi chal rahi thi. Hariya ne hath jod kar aage badkar use sorry bola par Garima uski taraf bina dekhe seedha car me peeche jakar baith gai.



Hariya : Kaka inhone to meri taraf dekha bhi nahi.
Bihari kaka : Dekh tu abhi kuch mat kar aur chupchap inhe shaadi wali jagah par chhod raaste me kuch mat bolna, aisa na ho jada maafi maangne ke chakkar me baat aur bigad jae. Apni saheliyo me jaegi to dheeme dheeme sab bhool jaegi aur kal parso tak wapas bhi chali jaegi aur ye baat yahi khatam ho jaegi. Jada soch mat aur ja inhe lekar yaha se.

Bihari kaka aur Jeetu ko wahi chhod kar Hariya bhi gaadi me driving seat par akar baith gaya. Aur chupchap gaadi start karke us nae bane lakdi ke pul se ahista ahista gaadi ko paar karakar Malkhan singh ki haweli ke liye chal pada. Raaste bhar un dono ne apas me koi baat nahi ki. Lagbhag 1 ghante baad wo shaadi wali jagah pahuch gae jaha kaafi chehel pehel thi. Gaadi se utarkar Garima apni chal ko thoda normal rakhte hue Haweli ke gate se andar chali gai. Jate hue usne ek baar bhi Hariya ko palat kar nahi dekha. Hariya ko Garima ki is berukhi se bada bura laga par wo ye bhi janta tha ki isme kahi na kahi galti usiki hai. Use wahi uska bhai Bhura dikh gaya aur wo uski taraf chala gaya. Idhar Garima bhi kai dino baad finally apni saheliyo ke paas pahuch gai thi.



Waha use pata chala ki kis tarah Vineeta ne Shobha ki shaadi par aae sankat ko door karne ke liye Shobha ke sasur Lakhan singh ke sath kuchh dino ki contract marriage kari hai aur wo is waqt unhike sath ek khas tarah ki navgrah puja ke liye gai hai. Neetu apne kisi rishtedaar ke yaha gai hai Aarti bhi unke sath gai hai. Garima bhi apni saheliyo ke beech akar kuchh der pehle jo hua wo sab bhool gai thi aur waha ke rangarang mahaul aur naach gaane me mast ho gai thi.

Sab naach gaane me mashgool siway naach gaane ki sabse jaada shaukeen Neha ke wo badi besabri Rahul ki call ka wait kar rahi thi jise usne us stranger ko dhoondne ka kaam diya tha. Neha ne thoda hatkar Rahul ko khud se call kara.



Neha : Kya hua tumne ab tak call kyu nahi ki.
Rahul : Are subah se apke hi kaam laga hu.
Neha : Sirf lage hi ho ya kuch result bhi nikla.
Rahul : Maine apke phone me aae msg se unka IP adress nikal liya aur doosre phone me active account me registered email bhi nikal li. Par wo phone apko bheje gae aakhiri mag ke baad hi swichoff kar diya gaya tha isliye Find my app se uski location nahi nikal saki.
Neha : Matlab kaam nahi ho paya.



Rahul : Maine aisa to nahi kaha. Meri friend ke papa cyber cell me hai waha se maine us phone me jo sim number chal raha tha uski call details nikali aur bade ashcharya ki baat hai ki us number se kewal ek call kari gai hai wo bhi sirf 10 sec ki shayad jis bande ko aap dhoond rahi ho wo kisi ko call mila raha tha usne galti se apne asli phone ki jagah is phone se call kar diya par 10 sec me hi kaat bhi diya.
Neha : To usse kya hoga.
Rahul : To usse ye hoga ki ab mere paas wo number jise usne 10 sec ke liye call kara tha aur kahi na kahi wo number apke us stranger se kisi na kisi tarah linked hai.

Neha : Ye bhi to ho sakta hai ki usne aise hi galti se kisi bhi random number par call kar diya ho aur pata chalne par call kaat di.
Rahul : Baat to sahi hai apki par aap jo sochti ho na wo mai pehle hi soch kar kuchh bolta hu. Maine apne friend ke papa se us number ki location nikalwai hai. Bus mujhe kuch samay aur do mai aaj raat tak apko uski location bata dunga. Thoda pechida kaam hai isliye din ke ujaale me nahi kiya ja sakta aise kaam raat ke andhere me logo ki nazro se chhupakar hi karne padte hai.
Neha : Kuchh bhi karo bus mujhe us stranger tak pahucha do.
Rahul : Rahul ne bola hai na to apka kaam hk jaega bus mere inaam ka yaad rakhna.
Neha : To Neha ne bhi bola hai na tumhe tumhara inaam mil jaega.
Rahul : Theek hai thodi der us shakash ki exact location ke sath aapko call karunga. Waiae jaate jaate ek baat bata du maine credit card wala bankar us number par call ki thi to kisi aurat ne call uthaya tha. To ya to apki baat sahi hai aur ye sach me ek random misscall thi ya phir uske sath koi aurat bhi involve hai. Ok Thodi der me call karta hu Bye
Neha : Bye

Neha soch rahi thi ki wo aurat kaun ho sakti hai jise us stranger ne call ki. Neha us stranger ke kareeb aur kareeb pahuchti ja rahi thi.