Fantasy Girls college (COPIED)

[liljohn]

Priya ne thhook gatakte huye apni baat jaari rakhi," bata to rahi hoon... Mera bhai doctor ban'na chahta hai.. Aur main jaan'ti hoon wo banega..." priya ka gala bhar aaya... Aankhon mein aansoo aa gaye," aur maine faisla kiya ki usko doctor bana'ne ke liye main apna jism bech doongi!" kah kar wo foot foot kar rone lagi.. Seema ki chhati par sir rakhkar wo jhar jhar barsne lagi...
"Ye kya kah rahi hai tu priya" seema ne kaskar usko apne seene se bheench liya... Par usko pata thha ye behan ka pyar hai... Kuchh bhi kar gujrega.. Apne bhai ke sapne ko poora karne ki khatir... Kareeb paanch minute tak dono mein chuppi chhai rahi.. Seema ki himmat na huyi; priya ke balidaan ki aanch par apni jigyasa ki rotiyan sekne ki... Priya ne khud hi apne aapko sambhala aur aagey bolna shuru kiya..," maine ek deal kari... 5 raaton ke badle 50000...
... Aur kal mein pahli raat bita kar aa chuki hoon..."
"Kya? ... Kiske saath..?"
"tumhare iss ajeet ke saath....
Seema sunte hi sab kuchh bhool gayi... Bus yaad raha to tough ka wo khat jisne usko sapna dikhaya thha.. Jisne usko jeena sikhaya thha.. Sapne ke saath.. Seema ko laga jaise park mein khile gulab uski hansi udaa rahe hain.. Usko sab kuchh ghoomta sa laga... Sapnein pighal kar ludhak aaye... Uske gaalon par.. Priya usko ektak dekhe ja rahi thhi...
Seema ko ab bhi visvaas sa nahi huaa.. Kya aadmi ki jaat itni ghatiya bhi ho sakti hai..," kya sach mein isne tumhare saath...."
"Nahi.. Isne nahi.. Par ye bhi thha kisi dusri ke sath.. Naam batana nahi chahti... Khud par laanchan laga kar tumko raasta dikhane se mujhe koi harz nahi.. Par humne ek dusri ko wada kiya hai.. Naam na batane ka.. Sorry..!" priya ne pne aansoo pochhte hue kaha...

Seema ke paas ab jais uska kahne ko kuchh bacha hi na thha... Wah priya ka dhanyawad karna bhi bhool gayi... Usko iss gart mein girne se bachane ke liye...... Uske manmohak chehre par chandi si nafrat tairne lagi.. Wah uthhi aur tough ke paas jane lagi... Pichhe pichhe uski saheli priya chal di... Har baat ke saboot ke tour par...... Tough apni gadi se kamar lagaaye khada thha... Seema ki surat dekhkar hi wo samajh gaya... Seema ne paas aatey hi bharrayi huyi aawaj mein usko jaane kya ka kahna shuru kar diya," tumko to jeena aa gaya hai na.. Tum to mujhe dekhkar hi pagal ho gaye thhe.. Tumne.... Kaha tha na... Kaha tha na tumne ki... Mere bina ji nahi paaoge... Ye jeena hai tumhara.."
Tough kuchh bol nahi pa raha thha.. Aur na hi kuchh sun paa raha tha.. Bus jaise sab kuchh lut chuka ho.. Aur wo chupchap khada apni barbadi ke janaje mein shamil ho.. Seema ki bud'duaayein jaari thhi," tum bade log.. Ladki ko samajhte kya ho.. Sirf sex poorti ka sadhan.. Mujhmein tumhe kounsi baat lagi ki mujhe bhi khilouna samajh baithhe... Kyun dikhaye mujhe sapne.. Kyun rulaa mujhe... Bolte kyun nahi..!" aankhon mein aansoo liye seema ne tough ke kandhe ko pakad kar hilaya aur sisakti huyi neeche baith gayi... Usmein khada rahne ki himmat hi na bachi thhi...
Tough ne badi koshish ke baad apne munh se shabd tukdo ke roop mein nikale..," see..ma ( gala saaf karke)... Usse ek baar poochh to lo.. Seema!"
Priya paas khadi sab sun rahi thhi...
"Kya poochh loon... Ki kaise tumne uss bechari ki majboori ka fayda uthhaya hoga.. Ki kaise tumne usko rounda hoga... Kya poochh loo haan.... Seema khadi huyi aur apni bahti aankhon se ek baar dekh kar palat kar jaane lagi.. Priya ka haath pakad kar.. Dheere dheere!
Tough ka rom rom kaanp uthha... Uss'se ye kya ho gaya... Apne hi armaano ke taley uss'ne apne sapno ka gala ghont diyaa... Wah gaadi mein baith gaya.. Aur apne mardana aansoon nikalne laga.. Ji bhar kar...

Priya ko tough ki ek baat baar baar koundh rahi thhi.. " uss'se ek baar poochh to lo.. Seema!"
"seema! Main agar tumhe uss ladki se milwa do to tum uski baat ko raaj rakh sakti ho na?"
"kya karna hai ab milkar..? Bacha hi kya hai milne ko.."
"nahi pls.. Ek baar.. Main usko fone lagati hoon.. Priya ne apna fone nikala aur sneha ka no. dial kar diya... Loudspeaker on karke..
"Hello!"
"sneha?"
"haan priya bolo....." sneha shayad ghar par hi thi....
"yaar kal raat se related ek baat poochhni thhi..."
"main tumhe do minute mein fone karti hoon..." sneha ne kahkar fone kaat diya...
Priya aur seema ek dusri ko dekhne lagi.. Mano ummeed ki koi kiran najar aa hi jaaye..

2 minute se kum samay mein hi sneha ka fone aa gaya," haan priya! Bolo.."
"yaar wo jo kal dusra ladka nahi thha.. Vicky ke sath.. Wo aaj raat ke liye bula raha hai.. Kya karoon?.. Jaaoon kya?" priya ne sahi tarika apnaya thha baat shuru karne ka... Seema saans roke sab sun rahi thhi.....
"koun? Ajeet ji!" sneha ne priya se poochha..
"haan haan.. Jyada tang to nahi karta na?" priya ne usko uksaaya..
"tum ab 4 din baad april fool bana rahi ho kya.. Ya mujhe jala rahi ho!" sneha ne steek uttar diya..
"kya matlab?" priya ne chounkte huye se poochha..
"matlab kya? Unke jaisa devta insaan to maine aaj tak dekha hi nahi... Wo kisi ki majboori ka fayda uthhane waalon mein se nahi hai... Jaane kaise wo vicky ke saath aa gaya.."
Seema ki aankhein chamak uthhi.. Dil fir se dhadak uthha.. Apne ajeet ke liye.....
"tum thhoda khulkar nahi bata sakti kya?" priya sabkuchh jaan'na chahti thi...
"yaar uss aadmi se to mujhe pyar sa ho gaya hai.. Agar kaheen mil gaya to... Par yaar main ab iss layak kahan hoon... Khair.. Tumhe yaad hoga jab vicky ne usko kaha thha....
"yaar! Tumhara mood kharaab lag raha hai.. Koi ichha bhi hai ya dono koain hi sambhaloo" aisa karke kuchh!"
"haan haan! Yaad hai.." priya ne yaad karte huye bataya...
"to wo mujhe uthhakar bedroom mein le gaya thha.. Kyunki vicky ne kaha tha ki usko tum pasand ho.."
"haan haan.."
"andar jaate hi usne mujhe chadar audha di thhi.. Aur sorry bola tha.. Aur ye bhi kaha thh ki mujhe wahan na lata to tum bhi barbaad ho jati..... Usne sari raat meri aur dekha tak nahi.. Chhoona to door ki baat hai yaar... Sach aise aadmi bhi hote hain duniya mein..."
Seema ka har shaq door ho gaya thha.. Par priya ke mann mein sanshay baaki thha," par yaar maine dekha thha.. Jab wo bahar aaya tha to usne apni zip band kari thi.." priya ne seema se sharmate huye se ye baat kahi..
"ho sakta hai.. Iska mujhe nahi pata.. Haan shayad usne mujhko kaha thha ki agar vicky poochhe to usko ye nahi batana hai ki maine kuchh nahi kiya... Warna wo mujhko bahar le jaayega... Shayad vicky ko dikhane ke liye aisa kaha ho... Usne to yaar apna no. bhi nahi diya... bhagwaan bus ek baar usse milwa de..."
"theek hai sneha! Main to april fool hi bana rahi thhi.. Par mujhe kya pata tha.. Anyways thanx...."
Sneha hansne lagi.. Aur fone cut gaya...... Seema fone kat'te hi badhawas hi hokar bhag li gate ki taraf.. Apne pyar ke liye.. Usko nahi pata thha tough wahan milega ya nahi.... Par usko bhagwan par bharosa thha.. Fone karna bhi jaruri nahi samjha.....
Gate par aate hi usko tough ki gadi dikhayi de gayi.. Wah bhagri huyi hi driver seat ke bahar pahunchi.. Usne dekha tough ki band aankhon mein aansoo thhe... Usne sheeshe par knock kiya.. Tough ne dekha seema bahar khadi hai.. Uski bhi aankhon mein aansoo thhe.. Dono ke aansoo ek rang ke ho chuke thhe.. Pyar ke aansoo.. Milan ki tadap ke aansoo..