Fantasy Girls college (COPIED)

[liljohn]

Par ghar walon ne saaf mana kar diya," iss paap ko hum apne sir par nahi dhhoyenge... Humein tumhari shadi bhi karni hai..."
Main kya karti.. Vicky ko lawaris to nahi chhod sakti thhi.. So isko yahan le aayi.. Pagal ho chuki iski daadi ke paas.. Tab se lekar ab tak.. Main lagbhag har mahine ghar walon se aur baad mein tumse jhoothh bolkar yahan aati rahi.. Kayi baar socha.. Tumhe bata doon.. Par 6 mahine ke baad bhi mujhe visvas nahi hoa tha ki tum meri behan ke iss 'paap' ko apne saath rakh loge.. Bus achchhe dinon ke intzaar mein thi......"
Sunil ne shivani ki aankhon se aansoo ponchhe aur usko seene se laga liya," pagli! Kya main itna bura hoon..."
Sunil ne vicky ko pukara.. Vicky ke haah mein hawai jahaaj thha..," haan! Uncle!"
Sunil ne usko god mein uthha liya.. Uske gaal par ek pyar bhari puchhi di," beta! Main tumhara uncle nahi papa hoon... Mummy se bolo... Chalo apne ghar chalte hain...
Shivani uthhkar sunil se chipak gayi," i love u jaan!... I love you.............. Tough shamsher ke paas hi thha jab uske fone par seema ki call aayi. Tough khusi se naach uthha," ye lo beta... Ab tum ban gaye taau... Meri to nikal padi bhai.."
"Kya huaa bhaiya?"
"Tu chup ho ja bus.. Ghus ja andar... Bahut hans rahi thi na din mein.." tough ne vani ko pyar se dutkara...
Vani mayus hokar andar jane lagi... To tough ne usko pakad liya," meri chhoti behna.. Teri bhabhi aane wali hai... Gussa mat ho.. Tu mujhe bhaiya bol liya kar... Thheek hai?"
"nahi! Mujhe nahi bolna aapse!" vaani naraj hokar chali gayi....
Ek baar fir se fone baj uthha... Tough fone lekar chhat par ja chadha.. Usne fone kata aur khud dial kiya," hello!" tough ki aawaj itni madhur thhi jaise wo kadak inspector nahi, koi gavaiya ho.
"main bol rahi hoon; seema!"
"Haan haan! Mujhe pata hai.. Thanx for calling!"
"Wada jo kiya tha!" seema ki aawaj mein lay thi, madhurta thi... Aur hulka hulka pyar bhi mano chhan kar aa raha thha..
"Thanx!"
"ab saarey thhanx bol liye hon to....." seema beech mein hi ruk gayi...
"Sorry!" main kuchh jyada hi excite ho raha hoon......" Fir chup ho gaya..
"Tum letter bahut achchha likhte ho...."
"thanx"
"fir thanx... Abhi tak tumne thanx aur sorry ke alawa kuchh nahi bola hai...." seema usko uksa rahi thhi.. Uss baat ke liye jo usne letter main padhi thhi aur khud bhi kahna chahti thhi...
"i love u seema!"
"main kaise maan loon?"
"main wait kar sakta hoon... Tumhare maan lene tak.."
"bahut der ho gayi to?"
"Mar jaaunga.."
"Kyun... Mere bina?"
"Nahi! Tumhe saath lekar..." pata nahi itni hazir jawaabi kahan se aayi tough ko... Seema huns padi...
Tough fone ke andar se aa rahi uss veenaa ke taaron ki khanak sunkar mantramugdh sa ho gaya. Usne pahli baar seema ko hunste dekha thha..," aapki hunsi bahut pyari hai.."
"Kya tum sach mein sari umar mujhe jhel sakte ho!" seema ne guarantee maangi..
Agar pahle wala tough hota to yakinan yahi kahta," pel (chod) sakta hoon; jhel nahi sakta," aajmaa kar dekhna!"
"Kya main mummy ko bata doon?"
"Kyun nahi! Tum haan kar do! Mummy ko to main hi bata doonga.."
"waise poochh sakti hoon ki ye pyar mujh par kaise luta rahe ho..?"
"Sach bolta hoon seema! Tumne mujhe insaan bana diya hai... Shayad agar tum na milti to main waisa hi rahta.. Par mujhe lagta hai bhagwaan ne tumhe mujhe sudharne ke liye hi bheja thha....."
"suno!" seema ne tough ko beech mein hi rok diya....
"Kya?"
"main mummy ko bata doon aur unhone mana kar diya to..?"
Tough kuchh bol hi na paya... ....
"Majak kar rahi hoon.... Maine mummy ko bol diya hai aur unhe tum pasand ho..."
Tough khil uthha," aur tumhe!"
"Dekhti hoon..... Achchha mere exam najdeek hain... Ab mujhe padhayi karni hai.. O.K.?"
Tough ne ek lumbi saans li.... Uss saans mein judai ki kashish thhi..," ok.. Gud night.."

"gud night! Sweet dreams!"" kah kar seema ne fone kaat diya.... Sunil anjali aur vicky ke sath ghar pahuncha to Om wahan aa chuka tha.. Sunil ka khoon khoul uthha... Shivani ki aatma par lage ghav sunil ko ab uske paak saaf sabit hone par chubhne lage thhey. Sunil ne Om ka gala pakad liya," Harramjade! Tu bhed ki shakal mein bhediya hai kutte.. " sunil ne Om ko jhakjhor diya... Tabhi anjali beech mein aa gayi," please sunil! Apne aapko sambhalo, jo kuchh huaa; ismein inka dosh nahi hai.. Inhone mujhe sabkuchh bata diya hai... Chaho to shivani se poochh lo... Inhone to ulta shivani ki jaan bachaayi hai... Shiv isko nadi mein fainkne ja raha thha...!"
"Par sabkuchh iss haramjade ki wajah se hi huaa hai.. Ye chahta to usko pahle hi rok sakta tha.." sunil ko shivani beech rastey sab bata chuki thhi...

Om sunil ke pairon mein gir gaya.. ," mujhe maaf kar do bhai.. Main nashe mein thha Aur mujhe samay se pahle hosh nahi aaya... Baad mein jab mujhe ahsaas huaa to sabh kuchh kho chuka thha..." om ki aankhon mein paschatap ke aansoo thhe..

"Tu mujhe uss kutte ka naam pataa bata... Usko to mein aise chhodunga nahi..."

Om shiv ke baare mein jitna jaanta thha.. Sab bak diya..

Sunil ne tough ke paas fone kiya," dost! Main apni shivani ko insaaf dilana chahta hoon... Main galat tha... Uske saath bahut hi bura huaa hai.."

"Mere yaar! Mujhe jaankar bahut khushi huyi ki der se hi sahi; tumhara visvas, tumhara pyar tumhe wapas mil gaya... Ab tum mujh par chhod do... Aur beeti baat ko bhula kar apni khushiyan wapas le aao... Main kal hi aakar shivani ki statement dilwa deta hoon... Unko koi nahi bacha sakta... Ab chain se kha peekar so jaao.." tough ko jaankar badi khushi huyi ki sunil ka apni beewi par shak galat tha...