Fantasy Girls college (COPIED)

[liljohn]

Disha ne vani ko bata diya thha ki aajkal ajeet bhi pyar ke jaal mein uljha huaa hai..
Jab ajeet khana kha raha thha to vani rah rah kar uske munh ki aur dekhti aur disha ko hath lagakar khilkhila kar hans padti..
"Kya baat hai? Kya mil gaya hai tujhe vaani" tough ne vani ko apni taraf dekh kar iss tarah hansti pakar poochha.
"Bhaiya! Ye top secret hai..." vani ne usse chuhal baji ki...
"Dekh bhai, pahle to apni saali ko samjha de; mujhe bhaiya na bole.." tough ne vaani ki shikayat shamsher se ki..
"Vaani! Aise nahi bolte... Tu uncle bhi to kah sakti hai.."
Aur teeno khilkhila kar hans padey... Tough ka chehra dekhne layak tha," bhai! Yahan to aana hi paap hai.. Ek baar mera time aane de, dekhna 'usse' rakhi na bandhwaai to mera bhi naam nahi...
Kal hi jata hoon..
"usse kis-se bhaiya! Seema didi se, usko to maine pahle hi didi bana liya hai..."
Tough apni andar ki baat ka sabko pata lage dekh khij gaya," yaar, tu to bada ghamchakkar hai.. Tune to munadi hi kar di..."
Shamsher ne vaani ki aur dekhkar ishara kiya aur ek baar fir se thhahaka goonj uthha.. Ek sukhi paiwaar mein... Agley din subah 11 baje se hi tough university ke Eco depaartment ke bahar khada thha... Wo badi himmat karke wahan aaya tha.. Apne dil ka haal sunane, uska dil har lene wali seema ko..
Kareeb 3 ghante ke saalon lambe intzzar ke baad tough ko seema dikhayi di... Department se bahar aate... Tough aaj danda nahi laya thha..
Seema ki najar tough par padi.. Par wo apni saheliyon ke saath thhi.. Usne tough ko ignor kar diya aur seedhi chali gayi..
Tough ko apne 3 ghante paani mein jaate dikhayi diye," Seema ji!" tough ne seema ko pukaara.
"Ji!" seema uske paas aa gayi.. Sath hi saheliyan bhi thhi.
"Wwwo.. Aapne jawaab nahi diya!" tough ki saanse ukhad rahi thhi... Jaane kitno ko paani pila pila kar rulane wala tough aaj pyar ki patli door se hi apne aapko jakda huaa sa mahsoos kar raha tha..
"Kis baat ka jawaab inspector sahab?" seema ne anjaan bante huye poochha...
"Kya? Kya peon ne aapko kuchh nahi diya kal?"
"haan! Diya to tha.. Toh?" seema ji bhar kar badla lena chahti thi.. Uski har harkat ka
"Toh.. Tttoo... Kkk.. Kuchh nahi... Matlab.. Wo.. Main.. " tough ko ab pata chala tha ki sahi kahte hain.. Pyar ka ijhaar hi kar sako to bahut badi baat hai..
Saari ladkiyan uski haalat dekhkar hans padi.. Aur chali gayi.. Hanste huye hi..
Seema ko Apne se fir door jata dekh tough tadap uthha.. Aakhir wo kya munh dikhayega shamsher ko! Usne to uski munadi hi karwa di thi..," Seema ji!"

Ab ki baar seema akeli aayi.. Uski saheliyan door khadi hokar uska intzaar karne lagi...
"Bolo inspector sahab!" seema ne uske paas aakar poochha..
"Seema ji! Mera naam ajeet hai.. Aap naam se bulaayiye na!"

"Par main to aapko ek bahut hi achchhe inspector ke roop mein jaanti hoon. Main itne bade aadmi ka naam kaise loon?"
"Jjji.. Main bada nahi hoon... 25 ka hi hoon..!" tough ne apni umar batayi..
Seema uske chehre par jaane kahan se aayi huyi maasumiat dekhkar hansne ko huyi par usne jaise taise khud ko roke rakha!" "Its ok! Aap kaam ki baat par aayiye..." seema ne tough se kaha.
"Ji aapne uss khat ka jawaab nahi diya" tough apna dheeraj khota ja raha tha.
"Humm.. To aapko lagta hai ki mujhe jawaab dena chahiye thha!" seema uski shahansheelta ki had dekhna chahti thi..
"Ji.. Wo... maine raat bhar bhi intzaar kiya.." tough apne ghutne tek chuka tha.. Seema ke pyar mein..
"Waise aapko kya lagta tha.. Main jawaab doongi!"
"Pata nahi.. Par... Mujhe ab bhi ummeed hai..!"
Seema ne usko aur tadpana thheek nahi samajha... Aakhir wo bhi to sari raat baar baar letter padhti rahi thhi... Par pyaar ke bebaak ijhaar ki usmein himmat nahi
thi," hum dost ban sakte hain...!" seema ne apna haath tough ki aur badha diya...
"Sirf dost?" tough to jaise jindagi bhar aaj se hi uske pahloo mein rahna chahta tha...
"Abhi toh.... Sirf dost hi..! Main aapko raat ko fone karti hoon...."
Togh ne uske wapas jaate haath ko dono haathon se pakqd liya...," seema ji! Main intzaar karunga!"
"ab ye seemaji koun hai? Main seema hoon... aapki dost.. Ab chaloon.."
Tough kuchh na bol paya.... Jaate huye seema achanak palat kar boli," maine sari raat wo letter padha... Baar baar.. Aur hulka sa sharma kar chali gayi.....

Tough pyar ki pahli seedhi chadh chuka tha..........!