Adultery Supriya: Ek Jawan Biwi ki Kahani

[Sriya2]

Update 7

Morning mein Supriya ki aankh bahar ke aawazon se khuli. Usne socha ki aaj mummy aur bhabhi itna shor kyu macha rahe hai, kaun aaya hua hai ghar mein. Tabhi use yaad aaya ki woh ab apne ghar par nahi thi. Supriya ko mehsoos hua ki uski poori body kafi dard kar rahi thi. Usne ghadi mein time dekha toh 9 baj chuke they. Time dekh kar Supriya hadbada gayi aur jaldi se khadi ho gayi. Atul abhi tak so raha tha aur use dekh kar Supriya ko kal raat ko hui saari cheeze yaad aa gayi. Supriya ko thodi kheej hui ki use kyu bahar nikal kar anjaan logo ka saamna karna tha. Usne Atul ko uthane ka socha par fir usko ghehri need mein sota dekh use nahi jagaya.



Supriya ne aine meein dekh kar apni saree aur baal theek kiye aur dheere se darwaze ki kundi kholi. Uske kundi kholte hi darwaza bahar ki aur khul gaya, shayad kisi ne bahar se kundi pehle hi khol di thi. Bahar Atul ke 2-3 chhote cousins khade they aur woh Supriya ko dekhkar aapas mein fusfusane lage aur fir has pade. Supriya ko aisa lag raha tha ki saari nighahen us par hi thi.

Darwaza khulte dekh Arpita bhi wahan turant aa gayi. 

Usne Supriya ko gale lagate hue bola - Supriya.. uth gaye tum log. Abhi thodi der pehle hi main bahar se kundi kholi thi. Maine disturb toh nahi kar diya na tum dono ko.

Supriya - Nahi didi… sorry meri bas abhi aankh khuli thi.

Arpita - Haan thak gaye honge raat bhar. Kaisa raha sab? Bhai ne jyada pareshan toh nahi kiya.

Supriya ne sharmate hue aankhein neeche kar li. Ab woh kya hi bolti. Arpita ne kamre mein ghus kar zameen par badi bedsheet ko utha liya aur us par khoon dekh kar uske hoothon par halki si muskan aa gayi. Arpita ne bhi tabhi bedsheet par gaur kiya aur usko realize hua ki ye uska hi khoon tha jo uski yovan tootne se nikla tha.

Arpita - Chalo tumhe mujhe kuch batane ki jarurat nahi hai, sab pata chal raha hai mujhe.

Arpita ki baaton se Atul ki neend bhi toot gayi aur woh ek apne chehre par ek smile liye uth kar bed par baith gaya.

Arpita - Bhai uth gaya, dekh Supriya kabse tere uthne ka intezaar kar rahi hai.

Atul - Haan kafi thak gaye they raat ko, so late ho gaye uthne mein. 

Arpita ne Supriya ko aankh maarte hue bola - Tum logo chaho toh abhi aur aaram kar lo, main fir se bahar se kundi laga dungi. Kisi ko disturb nahi karne dungi.

Supriya - Nahi nahi didi, neend ho gayi poori.

Arpita - Chalo theek hai, tum dono naha ke tayyar ho jayo aur neeche aa jana nashte ke liye. Supriya tumhari bhabhi bhi call kar rahi thi, tum unse baat kar lena jab free ho toh.

Supriya ne haan mein sir hilaya. Arpita un dono ko room mein chhod kar bedsheet le kar chali gayi aur jaate jaate usne unka door band kar diya. 

Atul - Good morning.

Supriya - Good morning.

Atul ne Supriya ko dekhte hue kaha - Yahan aayo na. Atul ne bed par ishara kiya.

Supriya - Nahi, aap jayo tayyar ho jayo. Main itne bhabhi se baat karti hoon.

Atul - Aree yaar, kar lena unse bhi baat.

Supriya ne apne hothon par ungli laga kar Atul ko chup hone ka ishara kiya aur fir dheere se boli - Bahar aapke cousins khade hai, aap jaiye ready ho jaiye.

Jaise hi usne ye bola kamre ke darwaze ek dam se zor se khula aur ladka girte girte andar aaya. Shayad woh kaan laga kar sunne ki koshish kar rahe they. Woh hasta hua bahar bhaga aur Atul use daantne ke liye khada hua. Atul fir bathroom mein ghus gaya. Supriya ne halka sa darwaza dhala aur apni bhabhi ko call lagaya.

Supriya - Hello bhabhi! 

Uski awaaz mein excitement aur rona dono mila hua tha.

Bhabhi - Golu… kaisi hai tu baccha

Supriya ke aasu nikal gaye - Main theek hu, aap sab kaise ho. Mujhe aapki bahut yaad aa rahi hai.

Bhabhi ne apne aap ko control karte hue bola - Chal dramebaaz, mujhe pata hai abhi se bhool gayi hogi. Waise sab theek hai na?

Supriya - Haan sab theek hai…

Bhabhi - Kaisa raha sab kal raat?

Supriya - Haan theek tha…

Bhabhi - Theek tha matlab, ho gaya na sab? 

Supriya - Haan… ho gaya… 

Bhabhi - Jyada dard toh nahi hua na. Jab aayegi tab detail mein sab bata diyo.

Supriya - Thoda dard hua tha, par theek tha…… Shayad thoda jaldi khatam ho gaya sab.

Bhabhi - Aree woh toh normal hai, pehli baar tha aur tu lag bhi bahut sundar rahi hogi. Chal ye le mummy se baat kar.

Supriya ne thodi der baki sab ghar waalo se baat ki aur fir phone rakh diya. Baat karne se usko thoda acha lag raha tha. Usne upar dekha toh Arpita darwaze par khadi thi. Usne pata nahi chala ki woh kab aayi thi.

Arpita - Ho gayi baat Supriya? Sab theek hai na.

Supriya - Haan didi, sab theek hai.

Arpita - Mujhe pata hai tum apni bhabhi ke kafi close ho. Tum mere saath bhi apni saari baatein share kar sakti ho.

Supriya - Haanji didi.

Arpita - Kuch kal raat ke baare mein jo tumhe batana ho?

Supriya ko samajh nahi aaya Arpita kya poochna chahti thi - Nahi didi, aisa kuch nahi.

Arpita - Theek hai, jab mann kare tab bata dena.

Itne mein Atul bhi naha kar bahar aa gaya tha. Usne neeche towel lapeta hua tha aur upar ek baniyan pehne hue thi. Supriya ko pehli baar uski body shirt ke bina roshni mein dikhayi di thi. Atul mota nahi tha par uski body khaas bani nahi hui thi. Shayad woh kabhi gym nahi gaya tha. Uski chhaati par thode baal dikh rahe they. Supriya ne koshish kiya ki woh Arpita ke saamne use directly na dekhe.

Supriya ko us samay ye thoda sa mann mein aaya ki usne gharwalo ke kehne par ye shaadi kar toh li par shayad use uske sapno ka ladka nahi mila. Usne jaldi hi ye vichaar apne mann se nikala aur apne kapde le kar nahane ghus gayi. Usne ek purple aur brown rang ki saree pehni aur fir se thodi si bhari jewellery pehen li. Woh bahut hi cute lag rahi thi.



Tayyar ho kar woh neeche nashta karne pahuchi. Atul aur Arpita neeche hi uske wait kar rahe they. Atul ne toh nashta karna bhi shuru kar diya tha. Supriya ko ye thoda sa ajeeb laga. Ab tak ghar se kafi saare rishtedaar ja chuke they. Atul, Arpita, unke mummy papa le elawa Atul ki chachi aur unka beta baithe hue they. Atul ke jijaji bhi nahi dikh rahe they.

Supriya ne apni saas aur sasur ke pair chhue, aur uski Saas ne use gale laga liya. Fir woh naashta karne ke liye dining table par aa gayi. Arpita uske liye naashta lekar aai.

Arpita - Supriya tum chachi ko toh jaanti hi ho aur ye tumhara ek lauta devar hai, ghar ka sabse shaitaan baccha - Dhruv.

Dhruv ne ek chanchal muskan ke saath kaha - Didi pehli baat toh main baccha nahi hoon aur doosri baat Surpiya bhabhi ab toh hum sab ko jaan hi gayi hongi.

Supriya ne uski aur dekha. Usne use dekha toh tha kayi baar shaadi mein par use uska naam yaad nahi tha, aakhir itne log jo they. Par usne fir bhi apni hazir jawabi dikhayi.

Supriya- Unmm… haan yaad hai na, Dhruv. Maine aapse paani maanga tha kal aur aap laaye nahi they.

Sab log ye sunte hi has pade. Dhruv - Bhabhi aapko galat yaad hai, aisa toh kuch nahi hua tha. Jo hua tha woh aap shayad bhool bhi gaye.

Supriya - Toh aap bhabhi ko abhi se galat bata rahe ho.

Dhruv - Aapko galat nahi bata raha, bas shayad aap na sone ki wajah se tired ho isliye aapko ache se yaad nahi.

Supriya uski baat sun kar jhep gayi, use laga ki kal tak woh apni bhabhi ko pareshan karti thi aur ab woh kisi ki bhabhi hai jo use pareshan karenge. Use fir yaad aaya ki ye ladka subah darwaze ke saamne 2-3 aur teenagers ke saath khada tha aur usi ne darwaza zor ke khola tha. Usne mann hi mann socha ki isko toh bata ke rahungi.

Chachi - Chal tu apna naashta poora kar aur bhabhi ko pareshan mat kar. Supriya ab tum aa gayi ho na toh tayyar ho jayo, ye aur iska baaki ka gang tumhe pareshaan karne wale hai.

Sarita (mummy) - Dhruv abhi se bhabhi ko pareshan karne lage. Acha yaad aaya, abhi toh tum logo ki neem chhadi ki rasm baki hai.

Supriya- Neem chhadi? Woh kya hota hai?

Sarita - Hamare yahan devar bahbhi ki rasm hoti hai, tum dono ko ek neem ki tehni se ek doosre ko maarna hai.

Supriya hairaan reh gayi - Ek doosre ko maarna hai?

Chachi - Aaram se maarna hai, jyada tej nahi. Is rasm se bhabhi devar ka pyaar badta hai.

Dhruv - Main toh aaram se nahi khelne wala.

Chachi ne uski peeth par ek maara - Kyu dara raha hai apni bhabhi ko.

Supriya ne use apni teekhi nazaro se ghoor kar dekha, jaise bol rahi ho - Tu bach jayega fir.



Nashte ke baad sab log ghar ke aangan mein ikhatta ho gaye. Atul ki cousin behne bhi aa gayi thi. Dhruv aur Supriya ko ek ek neem ki tehni pakda di gayi. Dhruv ki tehni par patte jyada they aur Supriya ki tehni thodi si lambi thi.

Dhruv - Bhabhi ki dandi thodi lambi hai, ye toh unfair hai.

Arpita - Kyu darr gaya abhi se?

Dhruv - Dara kaun hai, dekhte hai abhi.

Dono aamne saamne khade ho gaye aur logo ne gola bana kar unhe gher liya. Dheere dheere dono ek doosre ko dekhte hue gol chalne lage. Supriya ko laga ki agar usne saree ki jagah jeans pehni hoti toh woh aaram se Dhruv ko hara deti. Dhruv ne pehle maarne ki koshish kari par Supriya jaldi se doosri aur hat gayi. Is khel se jaise usme chusti furti aa gayi ho. Bachte hi usne dandi Dhruv ke pair par maari.

Dhruv ke muh se zara si bhi awaaz nahi nikli, par Supriya ko pata tha ki use zor ki lagi hogi. Dhruv ka saara group toh ab bhabhi ke support mein aa gaya. Usne fir Supriya ke haath par chhadi maari par Supriya ki bhaari saari ne use bacha liya. Supriya ne fir se counter attack karte hue uske thigh par zor se maara. Dhruv ne dard mein muh toh banaya, par abhi bhi uske muh se ahh nahi nikli. Supriya ke chehre par badi si smile thi, jaise bol rahi ho - ye raha mera subah ka badla.

Is baar Dhruv ne zor se Supriya ke pairo par maara. Supriya bach na saki aur uske zor se lagi aur uski zor ki cheekh nikal gayi. Arpita aur Chachi khel khatam karne ke liye bade hi thi ki isse pehle Supriya ne Dhruv par aakhri vaar kar diya aur uski taang par firse zor ke maara.

Sab log Supriya ke liye taali bajane lage aur Dhruv ke baaki bhai behen usko chidane lage. Dhruv thoda sa langdata hua kursi par baith gaya. Arpita ne Supriya ki saree halki si upar kake uska pair dekha aur us par chhadi ka nishan tha.

Arpita - Dhruv itni tej kaun maarta hai bhabhi ko? 

Dhruv kuch bola nahi, par Supriya ko andar hi andar kari bura lag raha tha ki usne Dhruv ko teen baar zor ke maar diya tha, usko kafi tez hi lagi hogi.

Supriya - Didi main theek hoon, zara sa laga hai zyada nahi. Dhruv tum theek ho na?

Chachi - Aree uski chinta mat karo, tumne ache se peet diya use aaj toh. Sabke mann mein tha ye kabse.

Dhruv ne has ke kaha - All good, well played. Koi nahi bahbhi, next time main hi jeetunga.

Khel khatam hone par, Arpita ne Supriya ke pair par thodi si cream laga di aur fir sab log firse baith kar hasi majak aur baatein karne lage.

Thodi hi der mein Atul bola - Mummy mujhe 3 din baad wapas jaana hoga, meri leave itne hi din ki thi.

Sarita (mummy) - Ek hafta ur nahi ruk sakta abhi?

Atul - Nahi meri koi sarkaari job toh hai nahi. Ek private bank hai. Gaya nahi toh naukri se nikal denge.

Supriya ke mann mein kayi saare sawal uthe jaise ki woh Atul ke saath jayegi ya nahi, aur us doosre shehar mein sab kaisa hoga. Par ye jagah theek nahi thi shayad ye sab poochne ke liye.

Sarita - Tujhe toh chhuti le kar Supriya ko ghumaane le jaana chahiye tha.

Atul - Baad mein chale jayenge mummy.

Sarita - Supriya isko jaane de, hum sab log aaram se yahan rahenge aur ghoomne chalenge.

Ye sunte hi Supriya ki shakal hi utar gayi. Usko samajh nahi aa raha tha woh kya bole. Woh yahan bina Atul ke kyu rahegi.

Atul - Haan aap rakho Supriya ko apne paas.

Supriya ne Atul ki aur dekha jaise bol rahi ho ki ye kya bol rahe ho, mujhe aapke saath hi jaana hai.

Sarita - Supriya, jayo beta tum apna saman unpack kar lo aur Atul ki help bhi kar do packing mein.

Supriya ne jee mummy ji bola aur bhaari mann ke saath Atul ke peeche uske kamre mein chal padi.