Fantasy Girls college (COPIED)

[liljohn]

Tough ne uski maa ke saamne hi apni galti ke liye maafi maangi," pls seema ji! Main bata chuka hoon ki waisa karna meri majbeeri thhi.. Aakhir ek jindagi ka sawaal hai"
Seema ne apna cup door faink diya, jaane kab se wo apne andar uthh rahe bhuchal ko rokne ki koshish kar rahi thi..tough ne itni khuddar aur itni sharmsar karne wali baat apni jindagi mein nahi suni thi.. Wah ek ek shabd ko chaba chaba kar uske seene mein utaarti chali gayi..," humaari koi jindagi nahi hai.. Humara ijjat se jine ka koi haq nahi... Agar meri jagah kisi ameer baap ki beti hoti to kya tum aise hi karte?agar wo tumhari koi lagti hoti to bhi kya tum usko wahi danda lagate... Hum... Hum lawaris ho gaye kya? Hum agar mar bhi gaye to koyi ye nahi kahne wala ki tum! ... Ki tum uske liye jimmedar ho.. Tumne to bus apni duty nibhayi hai.. Chale jao mere ghar se... Nikal jao abhi ke abhi..."
Apni bhadas nikal kar wo apni maa ke seene se ja lagi... Uska aur koi bhi na tha... Koi bhi... Ab uska karoon krandan tough ke liye sahna mushkil ho raha thha... Par jane kyun wah ab bhi kisi intzaar mein thha... Jaane kounsa haq jaan kar ab bhi wahi baitha raha..
Maa ko bhi seema ki baatein sunkar tasalli si huyi... Wah uske baalon mein haath ferne lagi... Shayad kahna to wo bhi usko yahi chahti thi.. Par besharm tough khud hi chay peene aa gaya thha..
Tough ki haalat kharaab thi... Kuchh kah bhi to nahi sakta thha.. Wah uthha aur bola," mata ji mujhe aapka no. De dijiye... Mujhe iss bare mein koi baat karni hogi to kar loonga.."
"ab aur kitne no. De sahab!" beti ki chitkaar sunkar uske mann mein bhi dinbhar ki beijjati ki glani bahar aa gayi.. Usne usko beta nahi sahab kaha." dono no. To likhwa hi chuke hain hum kum se kum bees baar...
Tough jaise wahan se apni ijjat lutwa kar chala ho.." achchaa mata ji!" usne mudte huye hi kaha aur bahar nikal gaya...

Seema ko lag raha thha ki usne kahin galti ki hai... Usko nikal jaane ko kah kar..
Maa ki god mein sir rakhe padi huyi seema ne darwaje ki aur dekha... Tough gadi ghuma kar chala gaya!!! Prachi ko shivani se humdardi hone lagi thi. Aakhir thi to wah bhi ek ladki hi.. Kya pata uski kuchh majbooriyan rahi hon ya uski ooncha udne ki hasrat jo usne chand jyada rupaiyon ki khatir shiv ko apna sab kuchh de diya thha... Par ladki ka dil aakhir ladki ka hi hota hai.. Shiv ke farm house se jate hi wo apni dress nikal laayi aur sooni aankhon se bedroom ki chhat nihar rahi shivani ko de di," jab tak boss nahi aate, aap ye pehan sakti hain..."
Shivani ne usko kritagya najron se dekha aur uske haath se kapde le liye...," aap ko kuchh pata hai... Mere bare mein!"
"nahi... Aur jaan'na jaroori bhi nahi hai.. Itna to jaan hi gayi hoo ki aap apni marzi se yahan nahi aayi!" prachi ne uske kandhe par haath rakh aur uske paas baith gayi..
"Ab mera kya hoga!" shivani ne kapdon se apne aapko dhakte huye kaha...
"Pata nahi... Par main ismein kuchh nahi kar sakti.. Meri noukari ka sawaal hai.. Aakhir mujhe bhi jeene ke liye paisa chahiye!"
"Par isko mere baare mein kaise pata chala..!" shivani jaanti thhi ki ye omprakaah ka dost hai aur usko ghar se hi pata chala hoga...!"
"ab wah ghar wapas nahi jana chahti thi... Par yahan se bhi jaldi se jaldi bahar nikalna tha... Kisi bhi tarah?"
"Kya tum mujhe yahan se nikal sakti ho?"
"Nahi! maine tumko saaf saaf bata diya hai... Main ye noukari nahi chhod sakti, kisi bhi haalat mein... Warna tum khud hi socho agar kisi ki koi majboori na ho to kya wo yahan kaam karega?"

Tough seedha gaanv mein anjali ke ghar pahuncha... Wahan par omprakash ko dekhkar hairan rah gaya...," arey! Aap wapas bhi aa gaye! aap to 3-4 din ke liye gaye thhe na!" sunil aur anjali bhi wahin thhe... Gouri living room mein baithhi thi... Sab udaas thhe...
"Haan... Wo .. Mera kaam jaldi ho gaya.. Isiliye wapas aa gaya!" om ne hadbada kar tough ko safaayi di..
"Par aap to kah rahe thhe ki kaam nahi bana.." anjali ne tough ke dimaag mein shaq ka keeda paida kar diya... Om ne kuchh der pahle hi anjali ko safaayi di thhi ki beech raaste mein hi uske dost ka fone aa gaya ki abhi 3-4 din mat aana.
"Haan .. Wahi to hai.. Ab kya main sab sabkuchh bataaunga!.." sach to ye thha ki om ko anjali ko diya hua excuse hadbadahat mein yaad hi nahi raha thha.. Uski aawaj hakla rahi thhi.. Aur security officer walon ko itna ishara kaafi hota hai..

Tough ne ciggerette nikali aur usko sulga liya... Uska dimag tezi se kaam kar raha thha.. Wah kal raat huyi ek ek baat ko yaad karne ki koshish kar raha thha..

Tabhi achanak usne ciggerette om ki aur badha di.. " lijiye sir! Gussa chhodiye aur kash lagaayiye!"
"Nahi mein ciggerette nahi pita!" om ne munh fer kar kaha," anjali chay bana lao!"
Tough ka shak majboot hota ja raha thha.. Usne kal raat ko aate hi navy cut ka totka table ke paas pada dekha thha... Iska matlab koi aur bhi aaya thha om ke saath raat ko.. Par om to kah raha thha ki wo 10 baje ke baad aaya hai..
"Kya naam bataya thha aapne apne dost ka jo kal aapke saathh aaye thhe!" tough ne baton hi baaton mein poochha..!
"Wo... Shiv... aaa kal raat ko koi bhi to nahi! Main to uski baat kar raha thha jiska fone aaya tha.." om ka gala sookh gaya. Tough ke yakeen ho chala tha ki locha yahin hai.. Par wah aur pakka karna chahta thha... Usne sunil ko ishare se bahar le jakar kuchh time ke baad call karne ko kaha; uake fone par...

Wo chay pee hi rahe thhe ki tough ke mobile par sunil ki call aa gayi..
Tough ne fone kaat diya aur akela hi bolne lag gaya, fone ko kaan se laga kar..
"Hello!"