[JeeviBarath]

⪼ ராதிகா-ராதிகாவின் அம்மா ⪻

நளன், மால்ஸுடன் அவளது பெட்ரூமில் இருந்த வேளையில், ராதிகா தன் அம்மாவை அழைத்தாள்.

தாயாரின் குரலில் ஒருவித நடுக்கம் தெரிய, என்ன ஆச்சு, என்ன பிரச்சனை என தகவல்களை கேட்டு தெரிந்து கொள்ள முயற்சி செய்தாள்.

பக்கத்து தெருவில் உள்ள பெண்ணின், கல்யாணம் தாண்டிய உறவு பற்றி நாம பேசியது அப்பாவுக்கு பிடிக்கவில்லை. அதனால அப்பா திட்டி விட்டுட்டாங்க.

அதுக்காகவா?

ஆமா.

அதுல என்ன இருக்கு? நாம ஒண்ணும் அப்படி தப்பா பேசலையே.

ஆமா. தப்பு பண்ணிட்டான்னு சாகலாம்னு சொல்றீங்க. ஆனா எந்த சூழ்நிலையில தப்பு பண்ணுனான்னு தெரியுமா? ரெண்டு பக்கமும் விசாரிச்சு பேசணும்னு சொல்லி திட்டிட்டாங்க.

அப்பாவா, இப்படியெல்லாம் பேசுறாங்க?

ஆமா, ஆமா. அந்த சாமியார பாத்துட்டு வந்த பிறகு இந்த மாதிரி விஷயத்துல இப்படி தான் எதையாவது பேசுவாரு என வாய் குளறினாள் ராதிகாவின் அம்மா.

இந்தமாதிரி விஷயத்துலன்னா என அடுத்தடுத்து ராதிகா கேட்ட கேள்விகளுக்கு அவளது அம்மாவால் தாக்கு பிடிக்க முடியவில்லை.

மாலதி அக்கா, நீங்க இவ்ளோ உடம்பு சரியில்லாத நிலையிலயும் சென்னை வந்திருக்கீங்கன்னா, சாமியார் சொன்ன மாதிரி நிச்சயமா குழந்தை பற்றி நல்ல நியூஸ் ஜனவரில இருக்கும். இப்ப பிரிஞ்சி போனா, வேற எதும் பிரச்சனைகள் வரலாம். அதுக்கு பயந்து உங்க அம்மா வந்திருப்பாங்கன்னு நினைக்கிறேன்னு, நம்பிக்கையா இரு. நல்லதே நடக்கும். அமைதியா சண்டை போடாம ஜனவரி வரைக்கும் இருன்னு நீங்க ஊருக்கு கிளம்புன பிறகு சொன்னாங்க.

ஓஹ்!

அவங்க கெஸ் பண்ணுனாங்களா இல்லை நீ இந்த விஷயத்தை அவங்களுக்கு சொல்லி, ஊருக்கு கிளம்பின பி‌றகு என்கிட்ட சொல்ல சொன்னியா.

சத்தியமா நான் அப்படி எதுவும் அவகிட்ட சொல்லல ராதி.

அப்ப உண்மைய சொல்லு, அப்ப அந்த அக்கா (மாலதி அண்ணி) கெஸ் பண்ணினது உண்மையா இல்லையா?

ராதிகாவின் அம்மா தன் மகளை பேசி சமாளிக்க முடியாமல் சாமியார் சொன்ன விஷயத்தில் 'ஒரு பூவில் செய்த மாலையாக இருக்கணுமா இல்லை பல பூக்கள் சேர்ந்த மாலையாக இருக்கணுமா' என சாமியார் ராதிகாவின் அப்பாவிடம் கேட்ட விஷயத்தை மட்டும் சொன்னாள். முதல் குழந்தை கணவனுடன் பிறக்காது என்ற விசயத்தை சொல்லாமல் மறைத்தாள்.

தன் தாயார் சொன்ன விஷயத்தைக் கேட்ட ராதிகாவுக்கு பயங்கர அதிர்ச்சியாக இருந்தது.

நான் அப்படி ஆயிடுவேன்னு நினைச்சு தான் இங்க (சென்னைக்கு) வந்தியாம்மா?

இல்லடி, சத்தியமா இல்லடி.

அப்புறம் எதுக்கு வந்த.?

எப்படியும் குழந்தை இருக்கும், நான் உங்க கூட இருந்தா சண்டை வராம இருக்கும்னு நினைச்சு தான் வந்தேன்.

அப்பா வர சொன்னாங்களா?

அப்பா வேணாம்னு சொன்னாங்க. எனக்கு தான் மனசு கேக்கல.

அப்ப என்மேல நம்பிக்கை இல்லாம தான் சென்னைக்கு வந்த அப்படி தான?

சத்தியமா இல்லடி ராதி. என்ன நம்பு.

பெத்த பொண்ணு மேல நம்பிக்கை இல்லாத நீ, என்கிட்ட இனிமேல் பேசாதம்மா என அழைப்பை துண்டித்தாள்.

⪼ ராதிகா ⪻

கணவன் பிரதாப் ம‌திய உணவிற்கு பிறகு தூங்கிக் கொண்டிருந்தான். தன் தாயாரிடம் பேசிய பிறகு ராதிகாவுக்கு தூக்கம் வரவில்லை. கட்டிலில் உட்கார்ந்த படி தன் தாயாருக்கு எப்படி தன் மேல் நம்பிக்கை இல்லாமல் ஆனது என யோசிக்க யோசிக்க தாயாரின் மீதிருந்த கோபம் அதிகமாகிக் கொண்டிருந்தது.

அப்பாவும் உண்மையை சொல்லாமல் இப்படி மறைத்து விட்டாரே என்ற கோபம் முதலில் இருந்தது.

ரெண்டு பக்கமும் என்ன நியாயம்னு தெரியாம தேவையில்லாம பேசாத என தன் தகப்பனார் தாயாரிடம் சொல்லிய விஷயத்தை யோசிக்கும் போது ராதிகாவுக்கு இன்னும் பேரதிர்ச்சியாக இருந்தது.

'இருபக்க நியாயம்' என பேசுகிறார் என்றால் தான் ஊருக்கு சென்றால் சாமியார் சொன்னது போல எதுவும் நடந்தால், அதை ஏற்றுக் கொள்ளும் அளவுக்கு அப்பா தன்னை தயார் படுத்திக் கொள்ள ஆரம்பித்திருக்கிறார் என்ற காரணம் தான் அது.

தன்னுடைய தாய் தந்தை இருவருமே, கணவனைப் பிரிந்து தான் ஊருக்கு வந்தால் தேவிடியா ஆகிவிடுவேன்னு சாமியார் சொன்னதை இந்த அளவுக்கு நம்பி செயல்படுகிறார்களே என நினைக்கும் போது ராதிகாவுக்கு ரொம்ப மனவருத்தமாக இருந்தது.

அதே நேரம் மாலதி அக்கா கெஸ் பண்ணுன மாதிரியே எல்லாம் இருக்கு. நம்மளால கூட நம்ம அப்பா அம்மாவ கெஸ் பண்ண முடியலையே என நினைக்கும் போது அவளுக்கு ஆச்சரியமாகவும் இருந்தது.

வளன் மூலம் குழந்தை பெற்றுக் கொள்ளும் எண்ணத் ஒரு சில நாட்கள் இருந்தது, அதைக் கவனித்த மாலதி, என் புருஷன ட்ரை பண்ணுனா எதுவும் நடக்காது, கொழுந்தன ட்ரை பண்ணு என சொன்ன விஷயம் நியாபகம் வர ராதிகா முகத்தில் சிறிய புன்னகை வந்தது.

அடுத்த வினாடியே அந்த புன்னகை காணாமல் போனது. வளன் மூலம் குழந்தை பெற்றுக் கொள்ளும் எண்ணம் மனதில் வந்ததையும் சாமியார் சொன்ன விஷயத்தையும் மீண்டும் ஒப்பிட்டு பார்க்கும் போது அவளுக்கும் ஷாக் அடித்த உணர்வு ஏற்பட்டது.

பல பூக்கள் சேர்ந்த மாலை என சாமியார் சொன்னது உண்மை தானோ என்ற எண்ணம் ராதிகா மனதிலும் வந்தது. குழந்தை பெற்றுக் கொள்ளும் எண்ணத்தில் வளனை எப்படி அணுகுவது என தெரியாமல் அரை குறையாக முயற்சி செய்த நிலையில், தான் எந்த எல்லைக்கும் செல்லும் வாய்ப்புகள் உண்டு என்பதை புரிந்து கொண்ட ராதிகா கண்ணில் நீர் கசியத் துவங்கியது.

தாய் தந்தை மீது கோபம் கொள்வதில் எந்த அர்த்தமும் இல்லை. குழந்தை உருவாகவில்லை என்றாலும் எந்த சூழ்நிலையிலும் ஜனவரி மாதம் முடியும் வரை அமைதியாக சண்டை போடாமல் கணவனுடன் இருந்துவிட்டு, பிப்ரவரி மாதத்தில் IVF செய்து கொள்ளலாம் என்ற தெளிவான முடிவை எடுத்தாள் ராதிகா.

⪼ மாலதி அண்ணி-ராதிகா ⪻

வார இறுதி நாளில் கணவனுடன் காய்கறி வாங்கச் செல்லும் ராதிகா இன்று அவனுடன் செல்லவில்லை.

ராதிகாவை அழைத்த மாலதி...

சொல்லுங்க அக்கா..

என்னடி குரல் ஒரு மாதிரி இருக்கு.

அப்படியெல்லாம் இல்லக்கா.

சண்டையா?

இல்லை.

அப்ப என் கொழுந்தன எதும் பண்ணுனியா?

அய்யோ அக்கா.

அப்ப அவன் (நளன்) எதும் பண்ணுனானா..

அய்யோ அக்கா என சிணுங்கினாள்.

தனியா இருக்கான். நல்ல வாய்ப்பு யூஸ் பண்ணிக்க.

அய்யோ அக்கா.

நான் அங்க வந்த பிறகு, அவன்கிட்ட நெருங்க விட மாட்டேன் பார்த்துக்க.

அய்யோ அக்கா, நீங்க வேற.

நாங்க நாளைக்கு அல்லது நாளான்னைக்கு தான் கிளம்புவோம்னு நினைக்கிறேன்.

சரிக்கா.

பக்கத்துல இன்னொரு ஊருல இருக்குற relative வீட்டுல இன்னைக்கு நைட் ஸ்டே. அந்த ஊருல முன்னால்லாம் சிக்னல் இருக்காது. இப்ப எப்படின்னு தெரியல. அதான் இன்ஃபர்மேஷன் பாஸ் பண்ண கால் பண்ணுனா எடுக்கல.

சரிக்கா..

அவன் வீட்டுல இருந்தா கொஞ்சம் கால் பண்ண சொல்றியா இல்லைன்னா பார்க்கும் போது ஜஸ்ட் இன்ஃபர்மேஷன் பாஸ் பண்ணிடு.

சரிக்கா.

அப்புறம் என்ன விசேஷம்?

ஒரு விசேஷமும் இல்லை.

வீக்கென்ட், ஹஸ்பண்ட் மட்டும் வீட்டுல. இப்படி விசேஷம் இல்லைன்னு சொல்லிட்ட..

நாளைக்கு தான்.

எத்தனை நேரம் சொன்னாலும் டேட் கணக்கு போடுறத ஸ்டாப் பண்ண மாட்டியா? ரிலாக்ஸ் பண்ணுடி. எல்லாம் அதுவா நடக்கும்.

ஹம். சரிக்கா.

எல்லாத்துக்கும் சரிக்கா.

ஹம்.

ஹஸ்பண்ட் எங்க?

காய்கறி வாங்க போனாங்க.

அப்ப கொஞ்சம் டைம் இருக்கு. போய் காலிங் பெல் அடி. ஆளு இருந்தா யூஸ் பண்ணிக்க. இப்ப எது நடந்தாலும் கேட்க ஆளில்லை.

அய்யோ அக்கா.. ஏன்க்கா இப்படியெல்லாம்.

நாக்கை தொங்க போட்டுட்டு எப்படா கிடைக்கும்னு அலையுறான். கொஞ்சம் ட்ரை பண்ணினாலும் விழுந்திருவான். ட்ரை பண்ணு என மாலதி அண்ணி சிரித்தாள்.

அய்யோ அக்கா. விடுங்க.

சரிப்பா. அப்புறம் பேசுறேன்.

பை, அக்கா.

பை..

⪼ ராதிகா ⪻

மாலதி, நளனுடன் என்ஜாய் பண்ணு என பேசிய பேச்சு ஒருவிதமான குறுகறுப்பை ராதிகா மனதில் உருவாக்கியது.

ச்சய். எப்படியெல்லாம் பேசுறாங்க என மனதில் நினைத்துக் கொண்டே நளன் வீட்டின் காலிங் பெல்லை அடித்தாள்.

இரண்டு முறை காலிங் பெல் அடித்த பிறகும், கதவு திறக்கவில்லை. நளன் வீட்டில் இல்லை என நினைத்து தன் வீட்டு கதவை திறக்கும் போது கையில் காய்கறிகளுடன் வரும் கணவனைப் பார்த்தாள்.

மாலதி அக்கா ஃபோன் பண்ணுனாங்க. சென்னை வர இன்னும் 1-2 நாள் ஆகுமாம் என ஆரம்பித்து மாலதி சொன்ன தகவல்களை கணவனிடம் பகிர்ந்து கொண்டாள்...