Adultery Supriya: Ek Jawan Biwi ki Kahani

[Sriya2]

Update 2

Sunday ki subah Supriya jhunjhlahat ke saath uthi. Pichle teen dino mein bhabhi ne usko ek baar bhi dubara ladke ki photo nahi dikhayi thi. Usne zidd ke maare maangi bhi nahi thi. Bhabhi shayad ye khel ache se jaanti thi, isko ache se tadpayo aur intezaar karwayo. Supriya ko toh ab ladke ki shakal bhi yaad nahi thi. Naam kya bataya tha sab ne - Atul, haan shayad yehi tha.

Mummy room mein furti se chalte hue aayi aur bola - Guddu, uth ja beta, ladke wale aane wale honge. 10 baje ka time hai.

Bhala itni subah subah kaun aata hai, Supriya ne mann mein socha. Usne mummy ko koi jawab nahi diya aur sone ki acting kari.

Thodi der mein Bhabhi bhi room mein aayi, aur boli - Golu uth ja ab toh. Naha le ja kar.

Supriya ne ek aankh se bhabhi ko gusse mein ghoora. Usne bhabhi ko bhi koi jawab nahi diya.



Thodi der baad ghar ki doorbell baji. Supriya fatafat uth kar darwaze ke kone se dekhne gayi ki kaun aaya tha. 5 log aaye they. Unko dekh kar Supriya ne anuman lagana shuru kiya. 2 thode bade log they, shayad Atul ke mummy papa honge. 1 ladki thi, young thi, par usse thodi moti thi. Usne golden color ki saree pehni hui thi. Shayad behen ya bhabhi?

Aur fir 2 ladke they, dono young se lag rahe they. Dono shayad 25-30 ke beech mein honge. 1 ladka thoda lamba, shayad 5’10, gora, handsome aur fit body. Kafi smart lag raha tha. Doosra ladka usse thodi chhoti height ka, 5’7. Uska rang itna gora nahi tha, par clean shaved, glasses pehne hue, woh bhi theek hi lag raha tha, pehle wale jaisi body toh nahi par patla hi tha. Ab inme se kaunsa hai, bhabhi ne photo bhi toh nahi dikhayi dubara. Shayad glasses toh nahi pehne they. Supriya ne unhe dekh kar socha.

Bhabhi andar gusse mein dandanati hui aayi aur boli - Supriya tu abhi tak ready nahi hui.

Supriya samajh gayi ki bhabhi kafi gusse mein hai. Agar bhabhi use Golu, Janu, Sweety, Cutu ya Baby ki jagah Supriya bula rahi hai toh iska matlab khatra hi hai, Supriya samajh gayi

Supriya - Bas 10 mins do bhabhi. Keh kar woh jaldi se bathroom kinaur bhaagi.

Bahar baatein aur janna pehchanna chal raha tha. Aur chai nashta bhi shuru ho gaya tha. Bhaiya ache se jaanch padtal kar rahe they, aakhir unki pyari si behna ki baat thi. Papa politics ki baatein le kar baith gaye they.

Mummy - Aarti, dekh jara Guddu ready hai kya.

Fir mehmano ko dekh kar - Main pyar se Guddu bulati hu, waise toh sabne alag naam rakhe hue hai uske.

Bhabhi - Haan main dekhti hoon, ho gayi hogi ready.

Bhabhi jaldi se andar aayi aur Supriya ki aur dekha. Bahut hi cute lag rahi thi woh. Usne ek light blue color ka kurti suit pehna hua tha aur uske gaal sharm se laal ho rakhe they. Bhabhi ne use dekhte hi kaha - Agar main Atul ji ki jagah hoti toh aaj hi shaadi kar deti tujhse.



Supriya ke bahar aate hai sab log use hi dekh rahe they. Woh lag bhi itni cute aur sundar jo thi. Bhabhi uska haath pakad kar ghar ke aangan mein le aayi. Aur fir usko Atul ki behen, Arpita ke paas bitha diya.

Arpita - Photo se bhi jyada sundar hai ye toh. Bhai aap dekh rahe ho na.

Supriya ki chehre par ek smile aa gayi aur uske gaal aur laal ho gaye. Usne bina sir uthaye ye samajhne ki koshish kari ki aakhir Atul hai kaun.

Atul ki mummy, Sarita bhi paas aakar baith gayi aur supriya ka haath apne haath mein halke se le liya. Supriya ko aisa laga jaise woh kuch jaanch rahi thi.

Supriya ko toh jaise kuch sunayi hi nahi de raha tha. Uske dil ki dhadkan kafi tez ho gayi thi is sab mein. Usne chori se lambe ladke ki aur dekha aur paaya ki woh usko dekh kar kafi smile kar raha tha. Yehi hoga Atul shayad.

Bhabhi - Aap sab sehmat ho toh Atul aur Supriya ko thoda time de de akele baat karne ka. Sabne sehmati mein sir hilaye. Bhabhi ne Supriya ko halke se uthaya aur bola - chaliye Atul ji.

Yeh bolte hi, thodi kam height wala ladka khada ho gaya. Uske khade hote hi Supriya ke chehre se jaise hasi gayab hi ho gayi. Ohh ye Atul hai, mujhe laga… Supriya ne socha.



Bhabhi Atul aur Supriya ko kamre mein le aayi aur boli - Aap log aaram se baat kijiye. Supriya jyada pareshan mat karna Atul ji ko.

Supriya ne bhabhi ko ghoor kar dekha aur woh haste hue room se chali gayi. Atul aur Supriya dono chup baithe hue they, sochte hue ki kahan se shuruwat kare.