[Sriya2]

Update 1

Supriya ko ab job ko bhi karte karte 2 saal ho chuke they. Mummy ko toh jaise shaadi ki chinta satai ja rahi thi. Supriya ke papa dahej ke sakht khilaf they, toh kafi saare rishte toh aise hi mana ho jaate they. Aur jinko dahej nahi chahiye hota, usme kuch na kuch aisa nikal hi jaata jo reject hi karna padta. Par Supriya ko kahan jaldi thi.

Ek din, mummy ke paas unke mayke se ek ladke ka rishta aaya. Mummy ka mayka Gwalior mein tha aur ye family unke kafi kareebi thi.

Mummy - Aarti sun, ye ladke ki photo dekh jara.

Aarti - Mummy ji ladka toh theek lag raha hai. Kaun hai?

Mummy - Gwalior se hai. Maine bheji thi na Guddu ki photo unko. Wahin rehte hai paas mein.

Aarti - Acha, toh aap Gwalior bhejne ke chakkar mein ho.

Mummy - Aree nahi, ladke ki toh job Lucknow mein hai. Bank mein job hai. Wahin rahegi. Sasural Gwalior hai.

Aarti - Tab toh dahej maang rahe honge. Papaji mana kar denge.

Mummy - Nahi na. Ye log nahi chahte dahej wahej. Bas shaadi dhoom dhaam se ho jaye.

Aarti - Ye toh badiya hai.

Mummy - Tu baat kar na Guddu se, teri toh sun legi. Aur kisi ki baat nahi maanegi. 4 din baad aa rahe hai yahan dekhne.

Aarti - Mujhe kya milega uske liye. Aarti ne has ke bola.

Mummy - Aree jo tujhe chahiye dila dungi. Bas usko samjha de ki pichli baar ki tarah na kare. Jeans mein baith gayi thi aa kar.

Aarti - Woh toh ladka bhi aiwee tha. Maan jayegi,  main mana lungi usko.

Shaam ko Supriya ghar aati hai, zor se awaaz lagate hue.

Supriya - Bhaaabhiiii, oh meri pyaariiiii bhabhiiii. Kahan chupi ho.

Aarti - Aa gayi madam. Kya hua, aaj toh badi khush lag rahi hai. 

Supriya - aise hi, aaj din acha gaya na.

Aarti - Acha, lagta hai photo leak ho gayi.

Supriya ekdam chaunkte hue - Photo??!! Kiski photo??

Aarti - Aapke unki.

Supriya thoda nakli gusse mein aate hue - Bhabhi aapne bhi in logo ko join kar liya. Aisi ummeed nahi thi mujhe.

Aarti - Chal nautanki. Ye dekh jara. Aarti usko jaldi se apne phone par photo dikhati hai.

Supriya tirchhi aakhon se photo ko dekhti hai - Haan toh?

Aarti - Toh ye. 4 din baad Sunday ko ye aayenge and aap is baar koi drama nahi karoge. Samjhe?

Supriya - Bhabhi par… aisi kya jaldi hai.

Aarti - Golu, main tujhe samjha rahi hoon na. Aise nahi karte. Shaadi toh karni hi hai na. Fir ye toh acha hi lag raha hai.

Supriya ek dum chup chup neeche dekhte hue.

Aarti - Aur jab woh yahan aur yahan chuega na, tab bhabhi ko yaad karna. Bhabhi usko gudgudi karke hasa deti hai. Aur fir uske gaal kheech kar uske gale laga leti hai.

Aarti - Bas mil le ache se. Fir dekhenge baki sab. Itna toh bharosa hai na mujhpar?

Supriya ki aankhon mein halke se aasu, woh apna sir hila deti hai haan mein. Aur fir hasne aur rone ke beech mein kuch awaaz karte hue bhabhi se chipki rehti hai.