Adultery Supriya: Ek Jawan Biwi ki Kahani

[Sriya2]

So ye kahani shuru hoti 2011 mein. Par usse pehle, is kahani ki main character, Supriya Sharma ke baare mein jaante hai. Supriya Jabalpur ke ek middle class family se thi, uske papa ek private job karte they. Supriya ki mummy house wife thi aur uska ek bada bhai tha jo usse 8 saal bada tha. Supriya ke mummy papa ke liye bhi woh ek chota sa surprise thi jo 1988 mein unhe mila tha.

Chote hone ki wajah se Supriya ko ghar mein sabse kafi jyada attention mili, khaskar papa aur bhaiya se. Papa waise toh kafi conservative khayal ke they, par Supriya ko bachpan se hi kafi chhoot mili hui thi. Supriya ko Jeans, Top, Skirt sab pehenna allowed tha, jo unke vistarit parivar ke kuch logo ki hisab se kafi modern tha. 



Bachpan se Supriya kafi cute thi, aur bade hote hote woh aur bhi jyada cute aur sundar hoti gayi. Usne ek ache english medium college se apni 12th poori ki. Jab woh 12th class mein thi, uske bade bhai ki shaadi Aarti se ho gayi. Aarti waise toh Supriya se 4 saal hi badi thi, par kafi jyada samajhdar thi. Shaadi ke baad, Supriya aur uski bhabhi aise gehre dost ban gaye, jaise ek doosre ki parchai. Bhabhi ko har baat ki samajh bhi jo thi. Supriya apni mummy se jyada close bhabhi se ho gayi.

Supriya college mein har jagah kafi active thi. Har dance, song aur extra activity mein part lena toh jaise fix hi tha. Saath hi padai mein bhi woh kafi achi thi aur Bcom mein usne apni graduation poori kiya. CA ka bhi try kiya par woh usse nahi ho paya.

Aisa nahi tha ki Supriya ladko se anjaan thi. college time se ki kafi ladke uski taraf akarshit they. Aur college aate aate toh ye list aur bhi badi ho gayi. Ek-do ladko se uski gehri dosti bhi ho gayi thi, par bhabhi ki guidance se usne kabhi koi rekha nahi langhi. Thoda bahut kiss aur touch bas usse jyada kuch nahi.

College mein hi uske rishte bhi aane lage they. Jo ladki college mein kafi jyada patli thi ab thoda bhar si gayi thi. Bhabhi hamesha usko bolti thi ki ladko ko thoda chubby cheeks wali ladkiya hi pasand aati hai. Bhabhi usko pyaar se Golu bulati thi. Par Supriya bilkul bhi moti nahi thi. Uski height, 5’3 ke liye uska weight 55 kgs bilkul theek tha. 

Papa ne sab rishto ko ye bol kar mana kar diya tha ki abhi toh Supriya choti hai aur college bhi poora nahi hua. Par college khatam hone ke baad toh Papa ne bhi shaadi ke liye zor dena shuru kar diya. Kisi tarah bhabhi ne sabko samjhaya ki abhi choti hai aur 1-2 saal aur rukna acha hoga. 

Waisi bhi itni toh immature hai woh, kaise ghar sambhalegi, bhabhi ne sabko bola. Supriya fir sochti ki bhabhi bacha rahi hai ya insult kar rahi hai. Par bhabhi thehri gehri dost, toh unki baaton ka kya bura manna. Supriya job bhi karna chahti thi, toh bhabhi ki sifarish aur kafi jyada zidd ke baad, papa ne use apne ek dost ki CA firm mein job karne diya. Supriya ko scooty chalana toh aata hi tha, aur job karne se toh jaise usme aur bhi confidence aa gaya tha.