Romance పులిగాడి కథలు Latest - కసక్కు కథ Update November-21-2020

[పులి]

కిరాణా కొట్టు విజయ

నా పేరు విజయ. వయస్సు ఇరవై అయిదు. పెళ్లయి నాలుగు సంవత్సరాలు కావొస్తోంది. మా ఆయనకి మతి స్థిమితం సరిగ్గా లేదు. మేనరికం, అప్పుల్లో కూరుకుపోయిన మా నాన్నకు , మా మేనత్త , నీ కూతురిని ఇచ్చి నా కొడుకుకి పెళ్లి చేస్తే నీ అప్పులన్నీ తీర్చి , ఉండటానికి ఇల్లు కూడా రాసిస్తానంటే నాకు పెళ్లి చేసి నా గొంతు కోశారు. ఈ మధ్యనే మా నాన్న, మా అత్త ఇద్దరు కూడా పైకి పోయారు. అందుకే ఇల్లు గడవటం కోసం ఏదైనా ఉద్యోగం చెయ్యాలని వెతుకుతున్నాను. ఇంటర్ పాసైన నాకు ఎక్కడా సరైన ఉద్యోగం దొరకక వెతుకుతుంటే, ఒక సూపర్ మార్కెట్లో ఉద్యోగం ఉందని వెళ్లి ఉద్యోగం అడిగాను. ఓనర్ బాగా చిన్న వయస్కుడు. బహుశా ఇరవై ఆరు ఇరవై ఏడూ లోపే ఉంటాడు. ఉద్యోగం ఆడినప్పుడు నన్ను చూసి, మరీ ఇంత చిన్న వయసులో కష్టం, ఒక్కోసారి నేను లేనప్పుడు మొత్తం నువ్వే చోసుకోవాల్సి ఉంటుంది, నువ్వు చూస్తే మరీ పంతొమ్మిది, ఇరవై ఏళ్ల దానివి, అంత బాధ్యత కష్టం అవుతుంది అని అన్నాడు. దానికి నేను వెంటనే లేదు సర్, నాకు ఇరవై అయిదు సంవత్సరాలు, చూడటానికి కాస్త చిన్నగా కనిపిస్తాను అని చెప్పాను. అతను నన్ను ఎగాదిగా చూసి నిజమా, సరే ఒక పని చేద్దాం, ఒక వారం రోజులు పని చెయ్యి, ఇద్దరికీ బాగుందని అనిపిస్తే అప్పుడు చూద్దాం అని అన్నాడు. అసలే కొని నెలలుగా ఉద్యోగం కోసం తిరిగి తిరిగి అలిసిపోయి ఉన్నాను, అతను ఆ మాట అనగానే ప్రాణం లేచి వచ్చింది, ఇంకేమి మారుమాట్లాకుండా ఒప్పుకున్నాను. మర్నాడు ఉదయం తొమ్మిది గంటలకి రమ్మని చెప్పాడు. ఉదయం తొమ్మిది నుంచి రాత్రి తొమ్మిది వరకు పని, వారంలో ఒక రోజు సెలవు అని చెప్పాడు. నేను అన్నిటికి సరే అని రేపు ఉదయం వస్తాను అని చెప్పి ఆనందంగా ఇంటికి వెళ్ళాను.