Non-erotic Roohani Takato ka malik- REHAN ( EK ANOKHA ) Completed

[hirarandi]

shalaka...
maine suna hai tum chudailo ki sari takate tumhare...
maaf kar dena shalaka maine tumhe phir se chudail keh diya...


koi bat nahi rehan tum.mujhe chudail bhi bula sakte ho tumhare moo se wo bhi acha lagta hai....


acha tum pehle meri bat to sun lo shalaka..
maine suna hai ke tumhari sari takate tumhare in lambe lambe balo me chupi hoti hai...
sach suna hai tumne ..
humari sari takate humare in balo me hi chupi hoti hai...

rehan ne phir se kaha..

or agar koi tumhare in balo ko kat kar inhe apne pas rakhle to tum us aadmi ki saari khawahishe poori karogi haina...

haan ...
sahi bat hai rehan...

rehan jaldi se shararar bhare lehje me bola..
to kya mai bhi tumhare thode se bal kat kar apne paas rakh lu...??...

shalaka rehan ko dekh kar hasne lagi...
acha ji...
to aap mujhe apna gulam banana chate hai...?? uski koi zaroorat nahi hai rehan..
tum aise hi bol do ke tumhe mujhse kya chahiye mai bina kisi sawal ke tumhe wo chiz lakar de sakti hu. uske liye tumhe mere bal katne ki koi zaroorat nahi hai..

rehan muskurakar bola..

bas yuhi mazak kar raha tha yar..
mujhe bhala kis chiz ki zaroort ho sakti hai..,,?
jo bhi mujhe chahiye mai apne balboote par hasil kar skta hun is kam me mujhe kisi ki madad ki zaroorat nahi...

shalaka use dekh kar muskurane lagi..

bas tumhari yahi ada to mujhe bohat pasand hai rehan.. har koi tumhe kuch dena chata hai.
par tum kisi se kuch lena nahi chate.....

haan kuch aisa hi hai shalaka...

or shalaka isi tarha rehan ke pehloo me leti rahi or rehan bade hi inhamak se uske reshmi balo se yuhi khelta raha.
chaand apne poore shabaab par tha or jungle ke is sunnaate me ek bhine bhini or thandi hawa chal rahi thi jo rehan or shalaka ki roohoo ki gehrayi tak sarahiyat kr rahi thi...
shalaka ko yu rehan ki god me sar rakh kar yu mehaoosh hua ke saari umar wo yuhi rehan ke pehloo me uski aaghosh me leti rahe ..
or rehan yuhi uske balo se khelta or athkheliyan karta hai.....
shalaka ko achanak shararat soojhi..
usne rehan se kaha..
rehan..
tumse se ek baat poochu. ??

haan poocho shalaka...
shalaka ne apni gehri neeli aankhe rehan ki aankho me dalte hue usse poocha.. rehan mai tumhe kaisi lagti hun..??

rehan shalakake is achnak se sawaal se zara sa bichak gaya...

usne muskurate hue shalaka se poocha.. matlab..??
mai samjha nahi shalaka ..?? tum kya poochna chati ho..??

shalaka ne phir kaha..

are buddhu raam mera matlab hai ke mai dekhne dikhane me kaisi lagti hun..??
achi dikhti hun ya yuhi mamooli si ladki nazar aati hun tumhe..??

rehan ab shalaka ki baate samajh raha tha use bhi ek shararat sujhi usne bade hi pyar se shakala ke balo me apna haath phera
or bade hi pyaar bhare andaaz me kaha..
oh meri pyari shalaka tumhari ab maikya taarif karu..??

rehan ke kehne ka andaaaz itna roomaani or dilaawez tha ke achanak hi shalaka rehan ki godh se uth kar bhaith gayi or uske chere ko badi hi hasrat bhari nigaho se dekhne lagi..

shayad shalaka bhi apne dil ke kisi kone me rehan ke liye be intiha mohabbat chupaaye bhaithi thi..
rehan ne phir kaha.. shalka ...
tum ....tum..........tum mujhe... tum mujhe,,,,

shalka utawlepan se boli... haan ...haan rehan..bolo na.. mai tumhe..??
mai tumhe ..
shalaka .. tum mujhe ..
tum mujhe.....
ek number ki chudail nazar aati ho..

rehan itna kehkar kar zorzor se hasne laga,,

dhapak...
shalaka ka ek zordaar mukka rehan ke seene par pada...:d or rehan apna dil pakad kar wahi lot gaya...
asal me wo dard ki nahi balki apni hasi ki shiddat ko bardaasht nahi kar paya or wahi let kar hasne laga,,,
shalaka moo phoola kar bhaith gayi..
shayad rehan ka use yun chudail kehna use phir pasand nahi aaya..
usne roohansi awaaz me kaha.. tum..tum bohat patthar dil ho rehan...
kisi ladki se baat kaise ki jaati hai tumhe itna bhi nahi pata..?? tumhe kisi ke ehsaas or kisi ke jazbaato ki koi qadar nahi hai..
rehan ki hasi achanak ghayab ho gayi ...

shayad rehan ko ehsaas ho gaya ke usse zyadati ho gayi.. use shakala ko yu bura bhala nahi bolna chahiye tha..

rehan phir se uske kareeb aaya or uske haatho ko apne haath me le liya.. shalaka rehan ke taraf nahi dekh rahi thi,,
rehan ke haath shalaka ke chere ki taraf bade or rehan ne uske narm-o-nazuk ruksaaro (chicks)
ko pakad kar apni taraf kiya..
gulabi rang ke chand ashko ke qatre shalaka ke aankho se beh kar uske chere ko or haseen or purkashish bana rahe the...
rehan ne apne haatho se uske aansoo poche or kaha,,,
kya shalaka...
tum bhi itne chote se mazak ka itna bura maan jaati ho.. maine yuhi keh diya tha mazak me ..
jaise tum mazak kar rahi thi bilkul usi tarha.. isme itna bura manne wali konsi baat hai..??

or mai tumse maafi maangta hun ki agar tumhe meri kisi baat ka bura laga ho to..
ab agar tum bolo to tumhare saamne kaan pakad kar uthak bhaithak karoo..??
ya phir murga ban kar baang dena shuru kar doo bolo..??
shalaka rote rote achanak muskura padi.. iski koi zaroorat nahi hai..
bas tum mere sawaal ka sahi sahi jawab dedo jo thodi der pehle maine tumse poocha tha...
rehan ne muskuraate hue kaha,,,
dekho shalaka ..
mai koi shayar to hun nahi jo tumhare husn ki tareef me zameen-o-aasmaan ke qalabe mila kar rakh dun..
yaa phir tumhre honto ki tumhari aankho ki or tumhare reshmi baalo ki ya balkhati kamar ki taarif karoo..

mai ek chota sa lakadhaara or mazdoor aadmi hun.. jo mere dil me aata hai ami bol deta hun..
tumhari baare me mai sirf itna keh sakta hun ke tum wakai me bohat khubsoorat ho..
or maine tumsi khubsurti aam insaani ladkiyon me kabhi nahi dekhi, tumhara har andaaz aam ladkiyo se bilkul juda hai or yahi tumhari androoni khubsoorti hai...
shalaka rehan ke mooh se itne seede-saade andaaz me apni tareef sunkar zara sa sharmagayi..
uska chera sharm se laal ho gaya..
or palke maare sharm ke jhukne lagi..
sach me yaro aurat aakhir kaar aurat hi hoti hai..
uske sharmaane or lajjane kiis ada par har mard kurbaan ho jaya karta hai..

or shalaka bhi aakhir kaar ekladki hi thi ,,
apni yu tareef sun kar bhala kyu nahi sharmaati..
usne sharmaate hue rehan se kaha..

to kya meri is khubsurti kaa tum par koi asar nahi hota..??
rehan ne muskuraate hue kaha.. nahi shalaka..
ye haqeeqat hai ke tum bohat khubsurat ho.. agar tumbhi meri tarha adam zaad hoti to
is baat ki kuch gunjaish ban sakti thi.. par tumhara or mera koi mel nahi hai...
shalaka chid kar boli... kyu..??
aisa kyu bol rahe ho..??
mujhme aisi kya kami hai jo tumhara or mera mel nahi ho sakta..??
kya tumhe ye lagta hai ke mai tumhe kisi tarha ka koi sukh nahi de sakti..??
ek baar mujhe aazma kar dekhlo..

mai har mamle me insaani ladkiyon hazaar guna behtar hun..
galiban rehan shalaka ka ishara samajh gaya ke wo jismaani talluqaat (physical relationship ) ki baat kar rahi hai...
rehan ne kaha..

baat wo nahi hai shalaka..
mel ka matlab bas ek wahi nahi hota jo tum soch rahi ho..
shalaka jaldi se boli.. to phir kya..??
bacche,,??
mai jaanti hun ke tum bohat si roohani takato se labrez ho.. or yakeen maano tumhare or mere milan se jo bacche paida honge wo is poori duniya par hukumat karne ke qabil honge.. mai tumhe baccho ka sukh bhi de sakti hun rehan..
rehan chid kar bola..
tumhari sooyi wahi par kyu atki hui hai shalaka..?? bas wahi baat..??

kaama sutra padh kar paida hooyi thi kya tum..??

mai kya tumhe koi aisa insaan nazar aata hun jo apni jismaani zarooriyaat ko pura karne ke liye ladkiyo ke peeche kutto ki tarha dum hilata phirta hun..
mujhe in chizoki koi zaroorat nahi hai..
or tum ye baat bhul jao ke maine tumse kisi tarha ka
jismaani sukh paane ke liye dosti ki hai ya mai tumhe isi liye mana kar raha hun..

balki baat kuch or hai shalaka..
shalaka chid kar boli.. to phir kya baat hai..
mai shalaka..
shaitaan aaghora ki sabse choti or sabse khubsurat beti tumhe apni zindagi ka maalik banana chati hun..
apne aapko tumhare saamne pesh kar rahi ho.. or tum ho ke mujhe yu thukra rahe ho..
agar tumhe ye baat pasand nahi ke mai insaano ko khoon peeti hun to bas ek baar......bas ek baar kehdo rehan ....
mai tumhare liye ye sab kuch chod dungi.

tumhe hamesha yahi baat satati haina rehan ke is duniya me tum akele ho..?? bas ek baar mera haath thaam lo..
phir dekhna...tumhe puri zindagi bhar kabhi akelepan ka ehsaas nahi hone dungi.. mai tumhari har zaroorat har jazbaat or har armaan ko pura karne me saksham hun.. tum kahoge to mai tumhare ghar me tumhare saare kaam kar diya karungi
tumhare bacche sambhaloongi tum jo bologe wo karoogi apne aap ko tumhare liye bilkul badalkar rakh dungi...
tumhe kabhi ye ehsaas nahi hoga ke tum ek insaani ladki ke nahi balki kisi yakshini ke saath reh rahe ho...
tum jis haal me bhi mujhe rakhoge mai reh loongi..

mai tumhari har zaroorat ko poora kar sakti hun phir tum kyu mujhe yu inkaar kar rahe ho bolo...
kyuki mai kisi or se pyaar karta hun shalaka...

rehan ne aakhir kaar keh hi diya........
shalaka patthar ki murat bani wahi khadi
rahi shayad use rehan se athi se jawab ki umeed nahi
shalaka kuch bol nahi paayi..
rehan bhi waha se chup chaap chala aaya..
ghar aakar rehan ko sirf or sirf shalaka ka hi khayal aa raha tha..

usne kabhi sapne me bhi nahi socha tha ke shalaka use in nazro se dekha karti hai,,
wo bohat uljha hua tha ..

use kya karna chahiye use is bare me kuch samajh nahi aa raha tha...

yahi sab baate sochte sochte rehan so gaya...
is baat ko kaafi din guzar chuke the..
rehan shalaka se nahi mila tha or naa hi uski mulaqat neha se ho paa rahi thi...

wo apne kaam me laga tha chunki wo apni chachi ke yaha jaana aana pasand nahi tha isi liye
wo cha kar bhi neha ke baare me kuch pata nahi laga paa raha tha..
aakhir kaar use apni takato ka istemal karna hi pada..
rehan apni jhopdi me apni aankhe band kiye hue bhaitha tha ...
wo dhyaan me tha..
thodi hi der me uski band aankho ne neha ke ghar ko dekha bilkul usi tarha jis tarha koi sapna
dekha karta hai...
rehan ne dekha ke neha ke ghar me kisi tarha ki koi tayiyari chal rahi hai..
shayad kisi tarha ke jashn ki tayiyari thi wo..
neha ki maa neha ke kai kapdo ko panniyo me pack kar rahi thi..

or uski dusri behne me bhi kisi na kisi kaam me kagi hui thi..
in sab ke bich rehan ko neha kahi nazar nahi aayi.. rehan ki nazre use idhar udhar dhund rahi thi,,
dhundhte dhundte aakhir rehan ko wo ek kamre me nazar aayi..
rehan ne use dekha uske haatho me mehandi rachi hui thi..
or neha bohat hi khush nazar aa rahi thi..
rehan ko hairat hui ..
ye sab kya ho raha hai neha ke ghar me..??

rehan ko samajhte der nahi lagi ke ye sab kisi ki shaadi ki tayiyariyan ki jaa rahi hai..
par kiski shaadi ho rahi hai yaha..?

neha se bada na koi bhai tha naa hi uski koi behan..?? phir kya ye sab neha ki..??
nahi ....nahi...ye nahi ho sakta..
neha ne to kaha tha ke wo mujhse pyaar karti hai.. phir wo kisi or se shadi kaise kar sakti hai..??
rehan ko kuch samajh nahi aa raha tha ke ye sab kaun sa tamsha hai...??
rehan ne gusse se apni aankhe kholi..
apni hi ghar me bhaithe bhaithe wo neha ke ghar ka sara haal jaan chuka tha...
use nahi ho raha tha ke neha use chod kar kisi or se shaadi kar rahi hai...
rehan foran utha or usne apne dost saabir ali ko yaad kiya..
thodi der me saabir ali uske paas pohanch gaye rehan ne unhe sari baate batayi or usne kaha..
saabir bhai kya aap ke paas aisi koi chiz hai jisse mai logo ki nazro se aujhal ho jaoun or unhe nazar naa aaoun..
saabir ali ne kaha..
rehan miya humare paas aisi chize hai to par aap ko in chizo ki zaroorat kya hai..?
saabir bhai mai neha ke ghar usse milne jaana chata hun or ye bhi chata hun ke mai kisi ko nazar aaye bina hi usse mil aaoun..

ap boliye kya aap is kaam me meri madad karoge,,??

aji miya aap hum se kuch kahe or hum aap ke liye wo na kare aisa kabhi ho sakta hai kya..??
itna kehte hue saabir ali ne hawa me apna hath upar uthaya or foran hi unke haatho me ek gehre kaale'rang ki chadar aagayi...
saabir ali ne wo chadar rehan ko di or usse kaha ..
ye lo rehan ise apne paas rakho..
jab kabhi tum ye kaali chadar odh loge tum kisi ko nazar nahi aaoge yani ke kisi
ke paas hote hue bhi use nazar nahi aaoge.. par is chiz ka istemal sambhal kar karna thik hai..
or ise kabhi kisi galat haatho me mat padne` dena warna wo is paak chadar ka galat istemaal karega..
rehan ne saabir ali ki saari bato ko dhyan se suna or use istemal karne ke tarike ko bhi..
or rehan ne wo kaali chadar apne jism par daal li ek halka sa dhuwe ka ghbar rehan ki baayi taraf se aaya or rehan pal bhar me saabir ali ki nazro se ujhal ho gaya..
dekhiye thik hai na..??
ab mai nazar aa raha hun kya..?

saabir ali mukura kar bole ..
nahi ..ab tum dikhayi nahi de rahe ho.. wakai me rehan bohat jaldi is chadar ko istemal karna sikh gaye tum, to,,
par meri baato ka khayal rakhna..