Fantasy క్రిష్ :: కాలేజ్ బాయ్ (అయిపొయింది)

[3sivaram]

154. నేను ఒప్పుకోను

నిషా నా వైపు కోపంగా చూస్తూ ఉంది. అంతలో ఇషా డోర్ వైపు చూస్తూ "ఎవరూ కావాలండి?" అని అడిగింది.

నిషా మరియు నేను ఇద్దరం డోర్ వైపు చూశాం. 

డోర్ దగ్గర ఒక 25 సంవత్సరాల అమ్మాయి నిలబడి ఉంది.

క్రిష్ "లావణ్య"

లావణ్య "క్రిష్"

క్రిష్ "ఇక్కడేం చేస్తున్నావ్...."

లావణ్య "నీతో మాట్లాడాలి..."

క్రిష్ "గెట్ అవుట్...."

లావణ్య "క్రిష్..."

క్రిష్ "ఐ సెడ్ గెట్ అవుట్...." అని ఇంకా పెద్దగా అరిచాడు.

కాజల్ గదిలో నుండి బయటకు వచ్చి మరి చూసింది. ఈ ఆరు నెలలలో క్రిష్ ని ఇంత కోపంగా చూడలేదు.

లావణ్యకళ్ళ నీళ్ళతో అక్కడే నిలబడింది.

నిషా చేయి చూపిస్తూ "నెంబర్ 4" అని అడిగింది.

నేను చిన్నగా నవ్వి తల అడ్డంగా ఊపి... ముందుకు చూశాను.

ఇంతలో 50 సంవత్సరాల పెద్ద వయస్సు వ్యక్తీ మిస్టర్ ప్రభు (ప్రభు ఇన్వెస్ట్మెంట్స్ చైర్మన్) వచ్చాడు.

సూట్ లో పెద్ద బిజినెస్ మ్యాన్ లో కనిపిస్తున్న తనని చూస్తూ అందరూ ఆశ్చర్యంగా చూస్తూ ఉంటే, ప్రభు "క్రిష్" అన్నాడు.

క్రిష్ "మీరు ముందు వెళ్ళండి.... నేను మాట్లాడి డైరక్ట్ గా అక్కడకు వస్తాను"

కాజల్ "నిజంగా వస్తావు కదా...."

క్రిష్ "ఏం మాట్లాడుతున్నావ్.... నువ్వు జాగ్రత్తగా వేళ్ళు... నేను వచ్చేస్తాను"

---

ఇషా "ఎవరు తను...."

నిషా "ఎక్కడో చూసినట్టు అనిపిస్తుంది"

ఇషా "సినిమాల్లో యాక్టర్ ఏమో?"

నిషా "కాదు.... ఎక్కడో చూశాను"

---

క్రిష్ "నేను ఒప్పుకోను"

ప్రభు "నేను ఇంకా అడగలేదు"

క్రిష్ "నాకు వద్దు..."

ప్రభు "నేను ఇన్నాళ్ళు కూడా నీ అంత పవర్ ఫుల్ మైండ్ ని చూడలేదు... ఇది నువ్వు మాత్రమే చేయగలవు"

క్రిష్ "రేపు నేను కూడా నూతన్ లా మారిపోతే...."

ప్రభు "నువ్వు అలా చేయవు..."

క్రిష్ "మునిగిన వాడికే లోతు తెలుస్తుంది.... నేను ఏం పడ్డానో నాకు మాత్రమే తెలుస్తుంది"

ప్రభు "క్రిష్.... అలా ప్రతి సారి నో చెప్పకు.... ఇది నీ చేతికి ఇస్తేనే నేను ప్రశాంతంగా ఉంటాను"

క్రిష్ "నో..."

ప్రభు "లావణ్యని కూడా నువ్వు పెళ్లి చేసుకోవాల్సిన పని లేదు"

క్రిష్ విసుగ్గా ప్రభు వైపు చూశాడు.

ప్రభు తల పక్కకు తిప్పుకొని "సారీ...."

క్రిష్ మనసులో తనకు కాబోయే భార్యని తలుచుకొని చిన్నగా నవ్వుకున్నాడు. మెల్లగా అతని మనసు కుదుటపడింది. అతని మొహం పై చిన్నగా చిరునవ్వు చేరింది.

ప్రభు "నా వారసుడుగా నిన్ను ప్రకటిస్తాను"

క్రిష్ "అవసరం లేదు" అన్నాడు.

ప్రభు "కంపనీ నీకు ఇచ్చేస్తాను"

డోర్ దగ్గరకు వెళ్ళిన క్రిష్ డోర్ నాబ్ పై చేయి పెట్టి ఆగిపోయాడు.

ప్రభు "నిన్ను చైర్మన్ గా ప్రకటిస్తాను, నా వారసుడుగా ప్రకటిస్తాను"

క్రిష్ నవ్వుతూ "పిచ్చోడిలా కనిపిస్తున్నానా!" అన్నాడు.

ప్రభు "ఇది నా వీలునామా.... నా యావధాస్తి, నీకే చెందుతుంది" అంటూ బ్రీఫ్ కేస్ నుండి తన వీలు నామా బయటకు తీశాడు.

క్రిష్ "వాట్" అని ముందుకు వచ్చి చదువుతూ "క్రేజీ.... క్రేజీ.... మరి నూతన్ వస్తే.... ఏం చేస్తారు.... ఓహ్... మర్చి పోయా.... ఇప్పుడు అర్ధం అయింది" అంటూ నవ్వుతున్నాడు.

ప్రభు "ఏం అర్దం అయింది"

క్రిష్ "నూతన్ తిరిగి వస్తే.... మీ అందరూ దాక్కొని నన్ను బలి పశువుని చేస్తారు... అంతే కదా... అంతేలే.. మేమిద్దరం కొట్టుకుంటూ ఉంటే... మీరు తప్పించేసుకుంటారు.... అంతే కదా.... అర్ధం అయింది..."

ప్రభు చిన్నగా నవ్వి "నిజం చెప్పూ..... నేను లైమ్ లైట్ వేయకపోయినా నూతన్ నిన్ను టార్గెట్ చేస్తాడు"

క్రిష్ "నాకు అదే అర్ధం కాదు... ఏటో పోయే వాడిని.... పిలిచి తమ్ముడు అన్నాడు... ఆ తర్వాత జీవితంలో చెప్పుకోలేనంత హెల్ప్ చేశాడు. సడన్ గా నా జీవితంలో కస్టాలు సృష్టించి నన్ను చంపబోయాడు... అసలు నాకు ఏం అర్ధం కావడం లేదు. అసలు నేను తనకు ఏం చేశాను, మీకు ఏం చేశాను.... అసలు మీ గొడవలోకి నన్ను ఎందుకు లాగుతున్నారు"

ప్రభు ఏం మాట్లాడలేదు.

క్రిష్ "వద్దు అంకుల్.... అసలు ఏం వద్దు.... నేను పెళ్లి చేసుకుంటాను. నా జీవితం నార్మల్ గా హ్యాపీగా ఉంటాను"

ప్రభు "సరే నీ ఇష్టం నేను బలవంతం చేయలేను.... ఇదిగో నువ్వు అడిగిన గిఫ్ట్..." అంటూ ఒక కవర్ యిచ్చాడు.

క్రిష్ అది అందుకొని ఓపెన్ చేసి చదువుతూ "థాంక్స్" అన్నాడు.

ప్రభు "నూతన్ వస్తే.... నా దగ్గరకు రా.... నేను హెల్ప్ చేస్తా...."

క్రిష్ "హ్మ్మ్" అంటూ ఆ బాండ్ పేపర్ చదువుకుంటూ నవ్వుకుంటూ ఉన్నాడు.

ప్రభు "నా వీలునామా ప్రకారం నువ్వే నా వారసుడివి...."

క్రిష్ "నీకేమి అంత వయస్సు అయిపోలేదు.... కంగారు పడకు...." అనుకుంటూ ఆ బాండ్ పేపర్ చదువుకుంటూ ఉన్నాడు.

ప్రభు బయటకు నడుచుకుంటూ వచ్చి కారు ఎక్కాడు. లావణ్య అతని పక్కనే కూర్చుంది.

క్రిష్ ఆ బాండ్ పేపర్లు జాగ్రత్తగా కవర్ లో సర్దుకొని కారు దిగిపోయాడు.

---

ప్రభు దగ్గుతూ ఉంటే, లావణ్య ముందు ఉన్న చిన్న మెడికల్ బాక్స్ నుండి ఒక టాబ్లేట్ తీసి ఇచ్చింది. 

ఇంతలోనే నోటికి అడ్డం పెట్టుకున్న కర్చీఫ్ ఎరుపు రంగులోకి మారిపోయింది.

లావణ్య ఇచ్చిన వాటర్ తీసుకొని టాబ్లేట్ వేసుకుంటూ వాటర్ తో బలవంతంగా మింగాడు.

లావణ్య "క్రిష్ కి మీ కండీషన్ తెలుసా!"

ప్రభు తల అడ్డంగా ఊపాడు.

లావణ్య "ఎందుకు అంకుల్..... క్రిష్ కి మొత్తం రాశారు"

ప్రభు తల పైకెత్తి లావణ్యని చూసి నవ్వుతూ "తను మాత్రమే హ్యాండిల్ చేయగలడు కాబట్టి..."

లావణ్య "నాన్ సెన్స్...  అతనికి మీ మీద గౌరవం కూడా లేదు. అసలు మీకు కుటుంబం లేకపోయినా మీరు మా లాంటి చాలా మంది అనాధలకు సాయం చేశారు. మేమందరం మంచి పొజిషన్ లలో ఉన్నాం... మమ్మల్ని అందరికి కాదని... ఈ క్రిష్.... అసలు ఏముంది అతనిలో...."

ప్రభు "హహ్హహ్హ" అని నవ్వాడు.

లావణ్య "ఎందుకు నవ్వుతున్నారు"

ప్రభు "నువ్వు బాధ పడను అంటే... ఒక మాట చెప్పనా..."

లావణ్య "చెప్పండి...."

ప్రభు "విడి సమయంలో అందరూ విజేతలే..... కాని యుద్ధం వచ్చినపుడు మాత్రం వీరుడు మాత్రమే నిలబడతాడు...."

లావణ్య విసుగ్గా "హ.." అని నవ్వింది.

ప్రభు "యుద్ధం అయిపోయాక, వీరుడు మాత్రమే నష్ట పోతాడు... నూతన్ తిరిగి వస్తే... క్రిష్ ఎక్కడున్నా, ఏ పొజిషన్ లో ఉన్నా ఈ ఫైట్ లోకి వస్తాడు... వచ్చేస్తాడు... ఎందుకంటే తనకు తెలుసు ఇది తన యుద్ధం... యుద్ధం అయ్యాక తను నష్ట పోకుండా ఈ సాయం చేయాలని అనుకుంటున్నాను"

లావణ్య "అయితే... ఎంతో కొంత ఇచ్చేయొచ్చు... ఇలా మీ ఆస్తి మొత్తం రాసేస్తారా! అసలు వాడికి ఏం తెలుసనీ..."

ప్రభు "క్రిష్ గురించి నేను కూడా చెడ్డగా విని అతనికి కస్టాలు క్రియేట్ చేశాను... కాని ప్రతి సారి నవ్వుతూ గెలిచాడు... నూతన్ అంత పెద్ద సమస్య క్రియేట్ చేస్తే అందరం గజ గజలాడిపోయం.... ఒక్కడే నిలబడ్డాడు"

లావణ్య "నూతన్ బ్రతికి లేడు... ఉండి ఉంటే ఈ పాటికి తెలిసేది... అందరి చేత వెతికిస్తున్నాము..... ప్చ్...."

ప్రభు చిన్నగా నవ్వుతూ ఉన్నాడు.

లావణ్య "అసలు మీరు నూతన్ ని ఎందుకు తప్పు పడుతున్నారు.... ఏమో క్రిష్ తప్పు ఉందేమో మనకు తెలియదు కదా... పైగా వాడితో నా పెళ్లి కూడా ప్రపోజ్ చేశారు నన్ను అడగకుండా... ఛీ..." అంది.

ప్రభు చిన్నగా నవ్వాడు.

లావణ్య "అంత నవ్వొచ్చే విషయం ఏమి ఉంది"

ప్రభు "చిన్నప్పుడు.... ఒక పిల్లాడు ఒక టేబుల్ కి తగిలి కింద పడితే... ఆ టేబుల్ ని 'అమ్మా' అని కొట్టి ఆ పిల్లాడిని బుజ్జగిస్తాం.... కదా"

లావణ్య"హ్మ్మ్.... అవునూ"

ప్రభు "కాని అక్కడ ఆ టేబుల్ తప్పు ఏమయినా ఉందా.... లేదు.... ఆ పిల్లాడి తప్పే ఉంది కాని మనకు ఆ పిల్లాడిని ఏమి అనం.... ఎందుకంటే.... ఆ పిల్లాడితో ఎమోషనల్ అటాచ్మెంట్ ఉంది... ఆ టేబుల్ తో లేదు"

లావణ్య "అయితే...."

ప్రభు "నూతన్ నీకు చిన్నప్పటి నుండి తెలుసు కాబట్టి..... తప్పు నూతన్ దే అయినా... క్రిష్ తో విభేదిస్తున్నావ్"

లావణ్య "అంకుల్..."

ప్రభు చేయి అడ్డం చూపిస్తూ "మంచి పొజిషన్ లో జాబ్ చేస్తున్నావ్.... ఇలా చిన్నపిల్లలా ప్రవర్తించకు...."

లావణ్య"మీరు చేస్తుంది ఏంటో...." అని గోనుక్కుంది.

ప్రభు "ఏంటి?" అని పెద్దగా అన్నాడు.

లావణ్య "ఏమి లేదు...." అని పెద్దగా అంది. 

ప్రభు చిన్నగా నవ్వుకొని "సమయం వచ్చినపుడు నీకే తెలుస్తుంది"

కారు తమ కంపనీ ముందుకు వెళ్లి ఆగింది.

---

క్రిష్ "ఇప్పుడు మనిద్దరం హస్బెండ్ అండ్ వైఫ్"

కాజల్ "హుమ్మ్.... రేపు నీకు ఎక్సాం ఉంది, వెళ్లి చదువుకో... నేను కూడా ఆఫీస్ కి వెళ్తాను"

క్రిష్ "బేబీ..."

కాజల్ "ఏంటి?"

క్రిష్ "పెళ్లి అయింది కదా..." అని దగ్గరకు నడిచాడు.

కాజల్ తోసేసి "ఎక్సామ్స్ అయ్యే వరకు నా దగ్గరకు రాకు" అంది.

క్రిష్ డిజాప్పాయింట్ గా ఫేస్ పెట్టి "సరే..." అన్నాడు.

కాజల్ "పెళ్లికి లేట్ గా రాకూడదు అని తెలియదు"

క్రిష్ "నీకొక గిఫ్ట్ ఇవ్వాలని లేట్ గా వచ్చాను"

కాజల్ "ఇప్పుడు వద్దు"

క్రిష్ ఒక A4 సైజ్ కవర్ ఇచ్చాడు.

కాజల్ ఓపెన్ చేసి చూసింది.

కాజల్ "ఏంటి? ఇది..."

క్రిష్ "గిఫ్ట్...."

కాజల్ "ఇది మనం ఉంటున్న ఇల్లు.... నా పేరు మీద రాశావా...."

క్రిష్ "అవునూ..."

కాజల్ "అంటే ఆ ఇంటికి ఓనర్ నువ్వా..." అని నోరు తెరిచింది.

క్రిష్ చిన్నగా నవ్వి "ఇక నుండి నువ్వే... ఇల్లే కాదు నాకు కూడా నువ్వే ఓనర్...." అన్నాడు.

కాజల్ కోపంగా చూస్తూ "ఇన్ని రోజులు నా దగ్గర రెంట్ వసూలు చేశావ్ కదా..."

క్రిష్ "అప్పుడు నువ్వు నా గర్ల్ ఫ్రెండ్ వి మాత్రమే..."

కాజల్ "నీ యబ్బా... నా దగ్గర రెంట్ వసూలు చేస్తావా..... నిన్నూ" అంటూ క్రిష్ వెంట పరిగెత్తింది.

క్రిష్ "బేబీ, ఐ లవ్ యు..."

కాజల్ "రేయ్, ఆగూ.... ఆగక పోతే అసలు ఊరుకోను"

---