3Roses

[Chutki]

చందు : తనే నేను ప్రేమించిన అమ్మాయి.. ఎలా ఉంది సుప్రైస్ అని అడుగుదామనుకున్నాను కాని నువ్వు ఆల్రెడీ గీత వాళ్ళ అమ్మతొ మాట్లాడేసావని తెలిసింది. 

నాకేమని బదులు ఇవ్వాలో తెలీలేదు, లోపలికి వచ్చి బ్యాగ్ విసిరేసి కూర్చుంటే ఇద్దరు నా చెరో పక్క కూర్చున్నారు.

గీత : అలిగావా.. సారీ.. నీకు చెప్పకపోవడం తప్పే 

వినయ్ : ఈ లోకంలొ నాకు ఇష్టమైన వాళ్ళు మీ ఇద్దరే అన్న సంగతి మీకూ తెలుసు, మీరిద్దరూ ఒకటి అవుతారంటే నాకంటే ఎక్కువ సంతోష పడే వాళ్ళు ఎవ్వరు ఉండరు. అది కూడా మీకు తెలుసు, అయినా నా దెగ్గర దాచారు. మీరు కాకుండా వేరేవాళ్ళు నాకు చెపుతుంటే ఎంత ఏడుపు వచ్చిందో తెలుసా అంటుంటే గీతా, చందు ఇద్దరు వినయ్ ని దెగ్గరికి తీసుకున్నారు. 

చందు : లేదురా నీకే మొదట చెప్పాలని అనుకున్నాం, కానీ నువ్వు చిన్నపిల్లాడివి కదా బైటికి చెప్పేస్తే ఎక్కడ దాని వల్ల బాధ పడాల్సి వస్తుందో, గీత వాళ్ళ ఇంట్లో తెలిస్తే ఎక్కడ గీతా నేను దూరం అయిపోతామేమోనని భయమేసింది, అందుకే దాచాం. ఇప్పుడు చెప్పు నువ్వు వద్దు అంటే ఇప్పుడే వదిలేస్తా గీతని అని లేచి నిలబడ్డాడు.

వినయ్ : వదిలేయి అయితే..

చందు : నిజంగా సీరియస్.. నీకు నచ్చలేదంటే నాకు అస్సలే వద్దు 

వినయ్ : పో మావయ్యా అని లేచి బైటికి వెళ్ళిపోయి మెట్లక్కి కూర్చుంటే గీత వచ్చి పక్కన కూర్చుంది.

గీత : వినయ్.. అస్సలు నేను మీ మావయ్యకి నచ్చడానికి కారణమే నువ్వు తెలుసా.. ఆ రోజు మీ మావయ్య జైల్లో ఉన్నప్పుడు నువ్వెవరో కూడా నాకు తెలియకపోయినా నేను నిన్ను నా దెగ్గర పడుకోబెట్టుకున్నానని నా మీద అభిమానం పెంచుకున్నాడు. నాతొ స్నేహం పెరిగాక మేమిద్దరం ఒకరినొకరం ఇష్టపడుతున్నామని తెలిసాక మీ మావయ్య నన్ను అడిగినది ఏంటో తెలుసా.. రేపు పెళ్ళైనా నిన్ను ఇలాగే ప్రేమగా చూస్తానా లేదా అని. 

తన ప్రతీ పనిలో, ఆలోచనలో నిన్నెప్పుడు గుర్తుపెట్టుకున్నాడు. మన ఇద్దరినీ అంత స్నేహం చేయించింది కూడా అందుకే.. నా వల్ల లేదా తన వల్ల నీకు బాధ కలగకూడదని మన ఇద్దరినీ ఫ్రెండ్షిప్ చేసేలా చేసాడు. అందుకే మనం ఇద్దరం ఉన్నప్పుడు ఎన్ని డబ్బులు అడిగినా కాదనకుండా పంపేవాడు. నిజం చెప్తున్నా మీ మావయ్యకి నాకన్నా నువ్వుంటేనే ఇష్టం.

వినయ్ : ఆ విషయం నాకు తెలుసులే 

గీత : నువ్వింత బాధ పడతావ్ అని మేము ఊహించలేదు వినయ్.. సారీ.. 

వినయ్ : బాధ కాదు కానీ.. నాకు ఎవరో చెప్పేసరికి అలా అనిపించింది, మీ అమ్మే అనుకో.. అయినా కూడా.. సరే పదండి పార్టీ చేసుకుందాం. 

గీత : చెప్పు.. నువ్వేక్కడికంటే అక్కడికి అంటుంటే చందు కూడా బైటికి వచ్చాడు.

వినయ్ : నీ లాకెట్ ఇవ్వు అని అడిగితే గీత నవ్వింది, చందు కూడా నవ్వుతూ తీసి ఇస్తే అది చూస్తూనే గీతని గట్టిగా గిచ్చాడు. అరుస్తూనే లేచి చందు పక్కకి వచ్చేసింది. నాకు టైం వచ్చినప్పుడు నేనూ చెప్తా మీ సంగతి అని గీత కోసం చూస్తుంటే చందు మధ్యలో అడ్డు పడ్డాడు, చందు నడుముని కూడా గట్టిగా గిచ్చేసాడు కసితీరా 

ముగ్గురు ఆయాస పడుతూ లోపలికి వెళ్లి కూర్చుంటే వినయ్ లేచి మంచినీళ్లు తెచ్చి ఇచ్చాడు.

వినయ్ : ఇంతకీ పెళ్లి ఎప్పుడు 

చందు : త్వరగానే మంచి ముహూర్తం ఉంటే పెట్టేస్తాం అన్నారు 

గీత : త్వరగా అయిపోతే బాగుండు 

వినయ్ : అబ్బో.. అంటే సిగ్గుపడింది గీత

ఆ రోజు నుంచి ఆఫీస్ అయిపోయాక గీత రోజు మా ఇంటికి వచ్చేది. అన్నం కూర తనే వండి వెళ్ళేది, ఇద్దరం కాస్తా ముగ్గురం అయిపోయాం అన్నది అలవాటు అయిపోతుండగానే ముహూర్తం కుదిరింది.. పెళ్లి పనులు మొదలుపెట్టేసారు. 

అంతా బానే ఉంది, నేనొక్కడినే.. చెప్పాలంటే నేనూ చాలా సంతోషంగా ఉన్నాను, అనుకున్నాను. రోజూ గీతని తలుచుకుంటూ చేతి పని కానిచ్చే నేను ఇప్పుడు తనని తలుచుకోవాలంటే ఏదోలా ఉంది, తప్పుగా అనిపిస్తుంది. అలా అని వేరే వాళ్ళ వైపు దృష్టి మరల్చలేకపోతున్నాను. నాకు తెలీకుండానే నాకు నేనుగా నరకాన్ని సృష్టించుకుంటున్నాను అని మాత్రం తెలుస్తుంది, దీని నుంచి బైటికి ఎలా రావాలో నాకు తెలీదు.

★★★

పెళ్లి మండపం, పెళ్లి అయిపోయింది.

పెళ్లిలొ అటు ఇటు తిరుగుతుంటే నాన్న కనిపించాడు. మావయ్యని పలకరేస్తుంటే మావయ్య నాకోసం పిలుస్తున్నాడు, నేను వెనక్కి తిరిగి చూడలేదు. ఆయనతొ మాట్లాడటం నాకు అస్సలు ఇష్టం లేదు. ఆయన స్టేజి కిందకి వెళ్ళిపోయాక నన్ను పిలిచింది గీత.

గీత : ఒక్కసారి కలిసి మాట్లాడొచ్చు కదా 

వినయ్ : అలిసిపోయావా.. తాగడానికి ఏమైనా తీసుకురానా 

గీత : కొబ్బరినీళ్లు కావాలిరా అంటే వెళ్ళిపోయాడు వినయ్ 

గీత అమ్మ : నీ అల్లుడు మంచోడే 

గీత : వాడికి నేను వాళ్ళ మావయ్య ఉంటే చాలు, ఈ పెళ్లి వల్ల మా ఇద్దరి తరువాత అందరికంటే ఎక్కువ సంతోషంగా ఉంది వాడే 

గీత అమ్మ : చూస్తున్నా.. పొద్దున నుంచి వాళ్ళ మావయ్య కంటే నీ గురించే ఎక్కువగా పట్టించుకుంటున్నాడు అంటే గీత నవ్వింది.

అవును పెళ్లి జరుగుతున్నంతసేపు నన్నే చూస్తున్నాడు, నేను ఎక్కడ ఇబ్బంది పడినట్టు కనిపించినా ఏమైనా కావాలా అని వచ్చేస్తున్నాడు. మన ముగ్గురి మధ్యలో ఎలాంటి తేడాలు రానివ్వను అనుకుంది మనసులోనే 

అల్లుడు కొబ్బరి నీళ్లు తెచ్చిస్తే తాగింది. ఎవరో పలకరిస్తుంటే వాళ్ళతో మాట్లాడుతూ చీర చూసుకోలేదు.

వినయ్ : గీతా.. అని సైగ చేస్తే చూసుకుంది.

గీత అమ్మ : అత్తా అని పిలవాలి, పేరు పెట్టి పిలుస్తారా అంటే వినయ్ గీత వైపు చూసాడు. గీత కూడా నవ్వుతూ చూసింది. వినయ్ ఏం మాట్లాడకుండా వెళ్ళిపోయాడు. మొహం అలా పెట్టి ఎందుకు వెళ్లిపోయాడో గీతకి అర్ధం కాలేదు. 

★★★

పెళ్లి అయిపోయాక చందు ఇంటికి వచ్చేసింది గీత. ఇల్లంతా గీత వాళ్ళ చుట్టాలే.. ఇప్పుడు మావయ్యకి గీతకి శోభనం.. ఇన్ని రోజులు గీతని ఎన్నో ఊహల్లో, ఎన్నో ఫెంటసీలలొ ఊహించుకున్నాను. అవన్నీ ఇప్పుడు మావయ్య చేతుల్లోకి వెళ్లిపోయాయి. గీత అందానికి గట్టిగా నలుపుతాడేమో, చాలా బాగా చేసుకుంటారేమో.. నేనైతే అస్సలు వదలను అది వేరే విషయంలే 

గీత అమ్మ : గీతా.. నీ అల్లుడు ఒక్కడే కూర్చుని ఏదో ఆలోచిస్తున్నాడు. ఇవ్వాళ మన ఇంట్లో పడుకోమని చెప్పనా 

గీత : చ్చ.. ఏం వద్దు.. అవసరం లేదు కూడా. మాకిది సరిపోతుంది, నువ్వేం అనకు వాడితో 

గీత అమ్మ : ఎల్లకాలం ఉంచుకుంటావా ఏంటి వాడిని.. కొన్ని రోజులు ఉంచుకున్నాక చిన్నగా తరిమెయి అంటే గీత కోపంగా చూసింది. ఏంటే.. లేకపోతే మేపుతూ కూర్చుంటావా వాడిని.. నీ సంసారం ముఖ్యం, వాడిని హాస్టల్లొ వేసేయ్యండి. వయసుకి ఎదిగి వచ్చిన పిల్లాడు ఇంట్లో ఉండటం అంత మంచిది కాదు, ఏమైనా జరగచ్చు. ఎలాంటి పాడు బుద్ధి అయినా పుట్టొచ్చు. అయినా వాడేమి చిన్న పిల్లాడు కాదు, వాడికి ఎలా చెప్తే అర్ధం అవుతుందో నాకు తెలుసు. నేను చూసుకుంటాను.

గీత : నువ్వు నోరు మూసుకుని ఇంటికి వెళ్ళిపో, పిచ్చ వాగుడు వాగకు. నోరు ఉంది కదా అని ఇష్టం వచ్చినట్టు వాగితే చూస్తూ ఊరుకోను.. 

గీత అమ్మకి కోపం వచ్చి ఆవేశంగా ఇంటి నుంచి బైటికి వచ్చేసి తన ఇంటికి వెళ్ళిపోయింది. మళ్ళీ రాలేదు. అక్కడున్న చాలా మంది ఇప్పుడు వినయ్ ఇంట్లోనే ఉంటాడా లేక బైటికి వెళ్తాడా అని చూస్తున్నారు. ఇదే టెన్షన్ గీత మనసులో ఉన్నా ఇన్నేళ్లు వాడు, వాడి మావయ్య పడుకున్న రూములో ఇప్పుడు తను పడుకుంటే వినయ్ హాల్లో పడుకోవాలి దానికి ఒకింత చికాకుగా ఉంది. అటు చందు కూడా అదే ఆలోచిస్తున్నాడు. ఆలోచిస్తుండగానే వినయ్ వచ్చి కదిలిస్తే చూసాడు.

వినయ్ : ఫ్రెండ్స్ పార్టీ అడుగుతున్నారు. అభయ్ గాడి ఇంటి మీద స్పీకర్స్ సెట్ చేసారు. అభయ్ ఇంకోడు తాగుతారట, డబ్బులు కావాలి 

చందు : మరి నువ్వు 

వినయ్ : ఉండాలిగా.. కలిసి తింటాం అక్కడే 

చందు : త్వరగా ఇంటికి వచ్చేయి, ఎక్కువసేపు ఉండకు 

వినయ్ : ఆ.. తలుపు తీసి పెట్టు, వచ్చి మీ ఇద్దరి మధ్యలో పడుకుంటా అని వెకిలిగా నవ్వితే కాలుతొ తన్నాడు చందు.

చందు : ఎక్కువ ఖర్చుపెట్టకు అని సిగ్గుపడుతూనే డబ్బులు చేతిలో పెట్టాడు.

 ఆయన సిగ్గు మొహం చూస్తే ముచ్చటేసింది. మనసుకి తృప్తిగా అనిపించింది. వినయ్ బైటికి వెళ్లిపోతుంటే పిలిచింది గీత 

గీత : ఎక్కడికిరా 

వినయ్ : ఫ్రెండ్స్ పార్టీ అడుగుతున్నారు, అభయ్ వాళ్ళ ఇంటి పైన 

గీత : ఇవ్వాళ ఒక్కరోజు ఓపిక పట్టు, వీళ్ళంతా వెళ్ళిపోతారు. మనం ప్రశాంతంగా ఉండొచ్చు 

వినయ్ : అదే అనుకున్నా నేను కూడా.. రేపు రిసెప్షన్ కూడా ఉందిగా

గీత : వద్దు అనుకుంటున్నాం, బైట చిన్న కన్వెన్షన్ హాల్లో ఒక నాలుగు గంటల ప్రోగ్రాం అంతే.. ఇంటికి వచ్చేయడమే 

వినయ్ : ఇంతకీ తిన్నారా మీరు 

గీత : ఇంకా లేదు, వద్దంటే వినకుండా రూములొ పెట్టారు. వీళ్ళ ఓవర్ యాక్షన్ తట్టుకోలేక పోతున్నా అంటే నవ్వాడు. 

★★★

పార్టీ అయిపోయింది, టైం చూస్తే రెండు దాటింది. ఫ్రెండ్స్ అంతా వెళ్లిపోయారు. మిగిలింది అభయ్ నేనే.. వాడు కొంచెం తాగేసి ఉన్నాడు.

అభయ్ : నీకేం అనిపించట్లేదా మామా 

వినయ్ : తాగింది సరిపోలేదా 

అభయ్ : ఏమైనా నువ్వు గ్రేట్ మామా.. సూపర్ రా నువ్వు.. తోప్ అంతే 

వినయ్ : పొయ్యి దిండు చాప పట్టుకురాపో, నేను ఇది క్లీన్ చేస్తా 

అభయ్ : ఇంట్లో పడుకోరా 

వినయ్ : అరిపించకుండా పోరా 

అభయ్ గాడు పక్కలు తెచ్చాక వాడిని ఉండనివ్వలేదు, గోడ చాటుగా పక్క వేసి మోకాళ్ళ మీద నిలబడి చూసాను. ఇంట్లో లైట్లు ఆగిపోయి ఉన్నాయి. గీత మావయ్యతొ మంచి కార్యంలొ ఉందేమో.. ఫోన్లొ ఉన్న గీత ఫోటోలు, గీతకి తెలియకుండా తీసిన ఫోటోలు అన్ని డిలీట్ చేస్తుంటే తెల్ల చుడిదార్లొ చున్నీ లేకుండా నాతో దిగిన ఫోటో చూసి ఆగిపోయాను.

ఫోన్ స్క్రీన్ మీద పడిన నీటి బొట్టు, చేత్తో తడుముకుంటే అది నా కంట్లో నుంచే వచ్చిందని తెలిసింది. 

ఏయి.. విన్ను.. ఏంటిది కొత్తగా.. చేసిందే ఎదవ పని.. దాన్ని కప్పేసి దెగ్గరుండి పెళ్లి చేసి ఇప్పుడు ఏడిస్తే అది ఇంకా పెద్ద ఎదవ పని అవుద్ది. 

అమ్మ కావాలని ఎన్నో రోజులు మావయ్యకి తెలీకుండా ఏడ్చాను, కొన్ని రోజులకి బైటికి వచ్చేసాను.

ఇంకో పెళ్లి కోసం నన్ను వదిలేసాడు నా నాన్న, ఆ కోపం కూడా మావయ్య ముందు చూపించలేదు, కాని కొన్ని రోజులకి బైటికి వచ్చేసాను. ఎన్నో వాటి నుంచి తేరుకొని బైటికి వచ్చేసాం ఇదో లెక్కా.. నా దృష్టిలో ఏడవటం అంటే మనిషిని సున్నితం చేసేస్తుంది, అందుకే అదంటే నాకు అస్సలు నచ్చదు. 

ఫోన్ రింగ్ అవుతుంటే చూసాను. మావయ్య దెగ్గరి నుంచి ఫోన్ వస్తుంటే బాధ మొత్తం పోయింది, ఇలాంటి సమయంలొ ఏకాంతంగా పెళ్ళాంతొ ఏం చేస్తారో తెలుసు, అలాంటిది ఇప్పుడు కూడా నా గురించి ఆలోచిస్తున్నాడు, పక్కన గీత.. గీత అక్క.. గీత అత్తయ్య.. అత్తయ్య.. తను కూడా ఆలోచిస్తూనే ఉంటుంది.

ఫోన్ ఎత్తి మాట్లాడటం కంటే ఫోన్ ఎత్తకపోతే పడుకుని ఉంటాడు అనుకుని వాళ్ళ పనుల్లో వాళ్ళు ఉంటారు అనిపించింది, ఎత్తకుండా పక్కన పడేసి పడుకున్నాను.

★★★

ఎండ కొడుతుంటే మెలుకువ వచ్చేసింది. లేచి పక్క బట్టలు మడతేసి కింద ఇచ్చేసి ఇంటి వైపు చూస్తే తలుపులు తెరిచే ఉన్నాయి. ఇంటి ముందు చుట్టాల హడావిడి. నేను రాత్రి ఇంట్లో పడుకోలేదని తెలిసి నన్ను మెచ్చుకుంటుంటే వాళ్ళందరి మీదా కంపరం పుట్టింది.


ఇంట్లోకి అడుగుపెట్టానో లేదో గీత బెడ్ రూములొ నుంచి బైటికి వస్తూ నన్ను చూసి నవ్వింది. చచ్చిపోవచ్చు ఆ నవ్వు కోసం. రేగిన జుట్టు ఇంకా సర్దుకోలేదు, ఇంకా నిద్ర మొహంలోనే ఉంది. బైట చుట్టాలు, వాళ్ళ అమ్మ అందరూ ఉన్నారు, అందరితో మాట్లాడుతుంటే కాసేపు ఉన్నాననిపించి బైటికి వచ్చేసాను. 

మొహం అయినా కడుక్కోలేదు కాని బైట టిఫిన్ చేసి మాల్లో కాసేపు తిరిగి సినిమాకి వెళ్లి కూర్చున్నా.. అది అయిపోయాక ఇంకోటి అది అయిపోయాక ఇంకోటి. చివరికి సాయంత్రానికి మావయ్య నుంచి ఫోన్ వస్తే ఎత్తాను, గీత గొంతు వినిపించింది. 

గీత : ఒరేయి అందరిని మా ఇంటికి తరిమేసాను, ఇంకెవ్వరు రారు, ఇంటికి రా నువ్వు.. అంటే సరేనని ఇంటికి బైలుదేరాను.