Romance AGENT

[sarit11]

JAMA MASJID
"Wow what a lovely place guys, seriously bohut mast jagah hai.hai na aunty??"suraj apne mobile se photos lete hue bola

Mrs Srivastava has padi

"Waise bacchon hum log to mere dost ke paas ja rahe hain,tum log chaloge??ya project complete karoge??"amol Srivastav ne poocha

"Nahi papa aap log jaiye,hum yahi rahenge"myra boli

"Ok beta aate waqt pick up Kar lenge tum logo ko"Mrs srivastav boli aur gaadi teeno ko chodkar nikal gayi

Ab myra suraj ki aur palti.huh bewkoofo jaisi shakl aur hamesha tees maar khan bana firta hai,Awara type ka.pata nahi is besharam anwesha ko kya dikha is lafantar mein.jimmy ke saath break up hone ke baad chidchidi si rehne lagi thi myra.sirf anwesha ne saath diya tha

"Kyun myra??mast hai na jama masjid ??"suraj ka photo khinchna jaari jaari tha

"Mr suraj jama masjid hum aate jaate rehte hai,to isliye hamare liye aam baat hai, project par dhyan dein??"myra boli

"Ohho sahi baat hai, project ke liye hi to aaye hain .chalo chalkar start karte hain"suraj bola

"Ek minute pehle door hato mujhse,chipakte hue mat chala karo mere saath"myra boli

"Koi baat nahi suraj tum mere saath chalo na"anwesha suraj ka haath pakadte hue chalne lagi

"Koi kisi ka haath pakadkar kahi nahi jayega"myra ka gussa fir foot pada

"Lekin yaar..."anwesha ne bolna chaha

"Bol diya na,bas"myra gusse se aage badh gayi

"Is ladki ki problem kya hai yaar??"suraj ne dheere se apne aap se kaha

Sabhi log jama masjid ki Shaam ko enjoy kar rahe the.
Suraj bhi halke se muskura raha tha.itna bhaichara.itna pyaar aapas me logo ke beech acha lag raha tha use.
Sirf kuch logo ke laalach,siyasat aur nafrat ke chalte aaj log dharam ke naam par,jaati ke naam par ek doosre ko kaat rahe hain.

"Bhai jaan gulab ka phool lenge"ek chota sa baccha kai gulabo ko apne nanhe hathon me samete ghoom raha tha

"Are waah gulab to bohut Sundar hain,aap ka naam kya hai chotu??"suraj ne jhuk kar us ladke ke sar par haath fera

"Rahmatullah"ladke ne muskurate hue kaha

-------------------------------------------------------------------------------
JAMA MASJID METRO STATION
"Koi gadbadi nahi Anwar ,aakash bhai ka mission hai"alex savadhani se sab samjha chuka tha

"Are alex miya tension na lo,RAW wale bhi ek bacche ko bhej kar mission rokna chahte hai ha ha ha"Anwar bola

"Jo bhi hai,chance mat lena .zyada khatarnak lage to uda dena daale ko"bol alex chala gaya

Anwar ne phone kiya ek number par
"Activate kar do"

"Kitne bhaijaan??"

"Teen lekin akhiri wala zabardast hona chahiye,aur us chokre se bachke"anwar bola

"Ho jayega bhaijaan"bol doosri aur se phone rakh diya


Anwar ke chehre par ek shaitani smile aane lagi
Ye plan to fulproof hai.aaj teen kam ek saath hoga dilli hilega,raw ki chaddi utregi aur india ka sar jhukega

-------------------------------------------------------------------------------
JAMA MASJID
"Chalo sabse pooch liya bhaichara,lekin tajjub ki baat hai na sab log ek doosre ke saath shaantipoorvak rehna chahte hai,koi ladai jhagda nahi chahta"anwesha kabab khate hue boli

"Hmm wo to hai ,lekin myra hum uncle aunty ke saath unke dost ke ghar kyun nahi gaye??"suraj apni ungli chaat kar bola

"Yuck,kaise kha rahe ho unhygenic hai suraj "apne bag se tissue suraj ko pass karte hue boli myra

"Are sirf suraj ko??mujhe tissue nahi degi??"anwesha boli

"To tune manga kab??"myra boli

"Suraj ne kab maanga??"anwesha hairaan hokar boli

Myra ke paas koi jawab nahi tha.lekin jab jawab na ho to gussa bohut bada hathiyar hota hai

"Uff tum log bas tum time pass karte rahoge ya chaloge bhi mummy papa aane wale hain"myra ne ghuse se bola

Suraj bhi halke se muskuraya.tabhi uski muskaan kuch fiki pad gai jab usne sadak ke paar dekha

Sadak ke paar ek bhikari bheek maang raha tha.lelin ajeeb dhang se .
Zyada overacting
Uski body ekdum gym jaane wali lag rahi ha
Bheek sirf hawa me maang raha hai.matlab kisi se nahi maang raha sirf hawa me katora uthaye baitha hua hai
Haath me tattoo

Sab kuch milakar hajam nahi ho raha tha suraj ko

"M...mai thoda abhi aaya tum log thoda ruko"bol bina kuch sune jaldi jaldi pair chalane laga suraj

"Arey suno to suraj...arey bewkoof"myra chillati rahi lekin suraj ruka nahi


Bhikari aage rengta hua jaane laga.achanak ek jagah par khada ho gaya aur teji se chalne laga

Suraj bhi peeche ho liya.apni mobile nikal kar text liya

(Suspicious activity near jama masjid-aura)

Reply ka wait kiya lekin kuch reply nahi aaya

Tabhi usne dekha ek aadmi kuch daal raha hai bhikari ke katore me.aur aage badh jaata hai

Bhikari age badhta gaya.aur suraj bhi peeche peeche chalta gaya.

Thodi door jaane par us bhikari ne ek bike seat ke paas katora nikala aur kuch lagane laga .idhar udhar dekh usne kuch der tak kuch kiya fir aage badhne laga.suraj bhi peeche pad gaya

Bhikari ab ulte disha me gaya aur pohunch gaya ek dukan ke paas.aur waha rakhe kachre ke paas kuch karne laga.suraj ne chipkate kuch photos liye aur bhej diya


Fir wo bhikari aage badhta gaya.saamne se ek doosra aadmi aaya aur us bhikari ko ek packet diya
Bhikari muskuraya aur packet lekar aage badh gaya.ek dukaan me jaakar wo ander gaya.suraj wahi dukaan ke saamne wait karne laga.

Kareeb 20 minute baad ek aadmi bahar aaya .suraj ne gaur se dekha wahi tattoo.lekin huliya poora badla hua.ab sar par topi thi,
Shalwar kameez pehna hua tha.

Suraj ne fir check kiya message koi message nahi tha.kya karein kya karein???

Suraj ko kuch samajh me nahi aaya.lekin usne peecha karna nahi choda

Tabhi kisi ne peeche se kandhe par haath rakha