Romance AGENT

[sarit11]

TILAKNAGAR

DING DONG
"Ji beta aap....??"Mrs Srivastav ne poochha

"Suraj.suraj sharma,myra ka classmate hoon aunty"ek smile ke saath suraj bola

"Ander aao beta,myra ne kaha tha college ka koi group assignment hai,shayad tum bhi myra ke group me ho,hai na??"Mrs Srivastava ne suraj ko ander le aate hue boli

"Haan aunty,waise myra kidhar hai??"suraj ne poochha

"Apne room me,waise kya loge??"Mrs Srivastava ne poochha

"Koi zaroorat nahi hai kuch banane ki"awaaz door se aayi myra ki

Suraj ne dekha myra ne salwar kameez pehna cha.baal khule hue the.maathe par choti si bindi thi.aur wahi moti frame ka chashma

"Arey beta apne dost ko kuch nahi khilaogi pilaogi"Mrs Srivastava haste hue boli

"Huh kaisa dost.hum sab group assignment saath kar rahe hai bas,waise bhi anwesha ko chod mera koi dost nahi "nazrein jhukakar myra boli.gala bhar aaya tha myra ka.aur Mrs srivastav ko ye samajhte der nahi lagi.maa jo thi

"To dosti abhi kar lete hai,milao haath "muskurate hue suraj khada ho gaya aur apna haath aage badhaya

"No way kabhi nahi "bol pair patakte hue myra kitchen ki aur chali gayi

Mrs Srivastava bhi myra ke peeche kitchen a gayi.



"Itna bura nahi hai wo myra"Mrs Srivastava boli

"Bura to jimmy bhi nahi tha mummy"fiki si muskurahat ke saath myra boli

"Jimmy ke liye maine kabhi aisa nahi kaha tha beta,suraj ki aankhon me sacchai hai beta.agar dosti karegi to tera saath kabhi nahi chhodega"bol smile ke saath Mrs Srivastava kitchen chali gayi
-------------------------------------------------------------------------------
MAJNU KA TILA
DELHI
"To pakka raha aakash bhai"

"Hmm lekin dhyan rahe alex pehle hi bataya tha wo baccha taang na adaye"aakash bola

"Ha ha ha wo chuchandar,relax aakash mia wo kya bigadega"alex bola

"Hamare organization ki nakami ka karan tum jaise kuch logo ki soch hai alex,jo har kisi ko halke me leta hai .aur missions fail hote hai"aakash bola

Alex chup ho gaya.

"Mera koi bhi mission fail nahi hua hai alex.dhyan rahe,apni team banao aur jama masjid ka kaam tamam karo"aakash bola

"Lekin bhai isse to '.o ka nuksan hoga??"alex bola

"Pata hai alex,terrorism ka koi Dharam koi imaan nahi hota,ye sirf fayde ke liye hota hai,koi dharm logo ko ladwata nahi hai.lekin agar logo ko pata chala to ye business thapp pad jayega"aakash aankh band karke bola

"Matlab mai samjha nahi bhai"alex sar jhukata hua bola

"Zyada socho mat aur kaam par lag jao,waise planning poori hai??

"Ekdum poori hai.fatah hamari hogi"bol alex chala gaya

Aakash aankh band kar batha raha.liquid rdx aaj hindustan ko bada jhatka degi
'. aur ***** aapas me ladenge aur sab majboor hokar dekhte rahenge
aaj jama masjid to kal akshardham
Aakash muskurane laga.is kaam ke liye ek moti rakam haath lagegi

-------------------------------------------------------------------------------
TILAKNAGAR
"Oh project karte karte tum log khana khana bhi bhool jaoge kya??sab band karo mai khana lagati hoon"bol Mrs Srivastava chali gayi khana lagane

"Suraj kya kar rahe ho tum??"myra kamar par haath rakh gusse se ghoorne lagi suraj ko

Darasal suraj par gussa badta ja raha hai myra ka.har cheez ne ye ladka kuch zyada hi oversmart hai,jimmy ko punch maara to kya??usse kuch saabit nahi hota.saare ladke aise hi ladkiyon ko faanste hai.fir sharirik sambandh banane ki firak me rehte hai.aur agar ladki mana karein to usse saare rishte tod kar use badnaam karte hai

"Mai kya kehti hoon jama masjid chalte hai.project bhi to wahi hai na??***** '. bhaichara??"suraj bola

"Lekin is waqt??"myra ne poocha

"Mujhe koi problem nahi hai ,agar suraj ki company mile to mai jahannum me bhi chali jaungi"aahein bharti hui anwesha boli

"Lekin...."myra ko kuch samajh nahi a raha tha.waise proposal bura nahi tha lekin suraj ko zyada jhelna padega isliye wo soch me pad gayi

"Zyada mat socho myra,aaj hi project half complete ho jayega"suraj bola

Tabhi Mrs Srivastava a gayi room me

"Koi kahi nahi ja raha,pehle khana khao fir hum sab saath chalenge jama masjid"Mrs Srivastava muskurate hue boli

"Wow aunty maza aayega lekin kya uncle bhi jayenge??"suraj ne poochha

"Aur nahi to kya.unke ek dost ne nyota diya hai.khana kha lo fir Shaam ko chalte hai"
Bol Mrs Srivastava chali gayi

"Yippeeee"anwesha exited hokar chillayi

Myra bhi muskuraye bina nahi reh saki.kuch der ke liye suraj ki aur dekha myra ne.kuch der ke liye dono ki nazrein ek hui

"Oh hello ,kahan kho gayi myra madam"anwesha myra ko wapas uske duniya me lekar a gayi

"K kuch nahi anwesha.chal pehle khana kha lete hain"bol myra anwesha ko lekar chali gayi

Suraj bijli ki furti se ek mobile nikala aur type karta gaya