♥️ நினைவோ ஒரு பறவை ❤️(நிறைவுற்றது)

[Geneliarasigan]

Episode - 65

சஞ்சனா மற்றும் ஷன்மதி ராஜாவிடம் சென்றனர்..

சஞ்சனாவை பார்த்து மீண்டும் ராஜா ஈர்க்கபட்டான்.ஆனால் அவள்  கழுத்தில் இருந்த தாலி,அவள் வேறொருவரின் மனைவியோ என்ற எண்ணம் தோன்ற செய்தது.அதனால் அவன் பார்வையை ஷன்மதி பக்கம் திருப்பினான்.

சஞ்சனாவை ஏன் நான் திரும்ப திரும்ப பார்த்து ரசிக்கிறேன் என புரியாமல் அவன் குழம்பினான்..

குழம்பிய குட்டையில் மீன் பிடிப்பதில் சஞ்சனா கை தேர்ந்தவள்..ராஜாவை பார்த்து,"ராஜா உங்களுக்கு இப்போ மண்டையில் அடிப்பட்டதால் நாலு வருஷமா நடந்த சம்பவம் எதுவும் உங்களுக்கு நினைவு இல்லை..நீங்களும், ஷன்மதியும் ஒருவரையொருவர் விரும்பி இருக்கீங்க.."என்ற ஒரு குண்டை தூக்கி போட்டாள்.

இதை கேட்டு ஷன்மதி அதிர்ந்தாள்..சஞ்சனா எதுவும் பேசக்கூடாது என்று சத்தியம் வாங்கி இருந்ததால் அமைதியாக இருந்தாள்.

அவள் சொல்வதை ராஜா நம்ப முடியாமல் பார்க்க,சஞ்சனா மேலும் தன் பேச்சை தொடர்ந்தாள்."உங்க காதலை தெரிந்து கொண்ட ஷன்மதி அப்பா வேறொருவருக்கு ஷன்மதியை திருமணமும் செய்து விட்டார். ஆனால் உன்னையே நினைத்து கொண்டு இருந்த ஷன்மதியால் அவனோடு வாழ முடியவில்லை.தினம் நரக வாழ்க்கை வாழ்ந்து கொண்டு இருந்த ஷன்மதியால் மேற்கொண்டு அவனோடு வாழ முடியாமல் விவாகரத்து வாங்கி கொண்டு வந்து விட்டாள்.அவளோட உண்மை காதலை அறிந்த நீ ,நாளை ஷன்மதியை கல்யாணம் செய்து கொள்வதாகவும் இருந்தாய்..ஆனால் அதற்குள் இந்த அசம்பாவிதம் நிகழ்ந்து விட்டது. ஆனா இப்பவும் பாதகம் இல்ல,டாக்டர் உனக்கு ஒன்றும் இல்லை என்று சொல்லிவிட்டார்..நீங்க ரெண்டு பேரும் ஏற்கனவே முடிவு பண்ண படி நாளை கண்டிப்பா திருமணம் பண்ணிக்க முடியும்.."

"என்ன சொல்றீங்க நீங்க சஞ்சனா..!நீங்க சொல்றத என்னால் கொஞ்சம் கூட நம்ப முடியல..முதலில் என்னோட அம்மா எங்கே..?.."

"உங்களோட அம்மாவுக்கும் இந்த கல்யாணத்தில் இஷ்டம் இல்ல ராஜா காரணம் ஷன்மதி வேறொருவருக்கு கல்யாணம் ஆனவள் என்பதால் மறுக்கிறாங்க.."என அடுக்கடுக்காக பொய்யை சஞ்சனா சொன்னாள்.

ராஜா சிரித்தான்.."நீங்க சொல்றத கொஞ்சம் கூட என்னால நம்ப முடியல..சஞ்சனா..!மேலும் உங்களுக்கும்,எனக்கும் ஏதோ தொடர்பு இருக்கு என நான் உணர்கிறேன்.."

சஞ்சனா உஷாராகி,"நான் சொன்னா நீ நம்ப மாட்டே ராஜா..!உன் அம்மா சொன்னா நீ நம்புவீயா.."என கேட்டாள்.

"ம்ம்..நம்புவேன்.."

"சரி அப்போ ஒரு நிமிஷம் இருங்க,நான் உன்னோட அம்மாவுக்கு நான் ஃபோன் பண்ணிட்டு வரேன்.."

சஞ்சனா வெளியே வர, ஷன்மதி பின்னாடியே ஒடி வந்தாள்..

"சஞ்சனா நீ என்ன பண்றே.தெரிஞ்சு தான் பண்றீயா..",

"ஷன்மதி நான் என்ன பண்றேன் என்று நல்லா தெரிந்து தான் பண்றேன்..நீ கொஞ்சம் அமைதியா‌ இரு.நான் கடைசியாக உன்கிட்ட பேசறேன்.."

சஞ்சனா ராஜாவின் அம்மாவிற்கு ஃபோன் செய்தாள்..

"என்ன ஆச்சு சஞ்சனா..!நேற்று அவசரமா திருச்சி கிளம்பி போனே..ராஜாவிற்கு ஏதாவது பிரச்சினையா..!"

"ஆமாம் அம்மா.."என ராஜாவிற்கு நேற்று நடந்த விசயத்தை மட்டும் சுருக்கமாக சொன்னாள்.இப்போ ராஜாவிற்கு என்னையே அடையாளம் தெரியல.எனக்கும்,அவனுக்கும் நடந்த கல்யாணம் கூட ஞாபகம் இல்ல..நான் சொல்றத அவனை நம்ப சொல்லுங்க போதும்..அப்புறம் ரொம்ப பேச வேண்டாம்,அவன் ரெஸ்ட் எடுக்கணும் என டாக்டர் சொல்லி இருக்காங்க..அதனால் நான் சொல்றதுக்கு மட்டும் ஆமாம் என்று சொல்லுங்க.."

சரியென அவன் அம்மா தலையாட்ட,சஞ்சனா ராஜா அருகில் சென்றாள்..

அம்மா..! ராஜா பக்கத்தில் இருக்கிறான்,என ஸ்கிரீனை அவன் பக்கத்தில் திருப்பினாள்.."அம்மா ராஜாவுக்கு கல்யாண ஏற்பாடு நடந்தது உண்மை தானே."

"ஆமா..! சஞ்சனா சொல்றது எல்லாமே முழுக்க முழுக்க உண்மை தான். நீ சஞ்சனா சொல்றத முழுசா நம்பு"என அவன் அம்மா கூறினார்.

"அம்மா,திவ்யா எங்கே .?"என ராஜா கேட்க,

"அவளுக்கு கல்யாணம் கூட ஆகி விட்டது..நீ இப்போ ரெஸ்ட் எடு"என்று அவர் சொல்ல,ராஜா ஏதோ பேச வாயெடுக்க சஞ்சனா போனை துண்டித்து விட்டாள்..

இங்க பாரு ராஜா,"உங்க அம்மா உன்கிட்ட கோவித்து கொண்டு உன் தங்கை வீட்டில் தான் இருக்காங்க..சீக்கிரம் நீயும் ஷன்மதியும் கல்யாணம் செய்து கொண்டு ஒரு நல்ல விசயத்தோடு உன் அம்மாவை போய் பார்த்தால் அவங்க உன்கூடவே வந்து விடுவாங்க..இது ஒன்னு தான் நீங்க உன் அம்மாவோட ஒன்று சேர ஒரேயொரு வழி..எனக்கு கல்யாணம் ஏற்பாடு பண்ண வேண்டிய நிறைய வேலை இருக்கு..நீ ரெஸ்ட் எடு..நாளை காலை உங்க ரெண்டு பேருக்கு கல்யாணம் "என்று மடமடவென சொல்லிவிட்டு வெளியே வந்தாள்..

"என்னது..! என் தங்கைக்கு கூட கல்யாணம் ஆகி விட்டதா..!அது கூட எனக்கு ஞாபகம் இல்லையே..!"என தலையில் கை வைத்து கொண்டு ராஜா குழம்பினான்..

"சஞ்சனா ஒரு நிமிஷம் நில்லு.."பின்னாடியே ஷன்மதி ஒடி வந்தாள்..

சஞ்சனா அவளிடம்,"இங்கே பாரு ஷன்மதி,கொஞ்சம் நேரம் முன்னாடி என்ன சொன்னே நீ..!ராஜாவையும்,குழந்தையும்  உன்கிட்ட கொடுத்திட்டு போ என்று சொன்னே தானே..!அதில் ஒரு பாதியை நானாக உனக்கு விரும்பி தரேன்.."

"வேண்டாம் சஞ்சனா..!நீ வீணா ரிஸ்க் எடுக்கிறே.ராஜாவிற்கு பழைய நினைவு வந்து,உனக்கு துரோகம் செய்து விட்டதாக அவன் நினைத்தால் பிறகு விளைவுகள் மோசமாகி விடும்.."

"உன்னால் எவ்வளவு நாள் அந்த கற்பனை உலகில்  வாழ முடியும் ஷன்மதி,நானே உனக்கு ராஜாவை விட்டு தரேன்..ராஜா உன்னோடு சேர வேண்டும் என்பதால் தான் அவன் நினைவுகள் தற்காலிகமாக மறந்து போய் இருக்கு.
நான் ராஜாவின் மீது எவ்வளவு அன்பு வைத்து இருந்தேனோ,அதே அளவு அன்பு நீயும் வச்சி இருக்கே..என்கூட நீ போட்டி போடும் பொழுது ராஜாவை உனக்கு விட்டு தர வேண்டும் என்ற எண்ணம் எனக்கு இல்லை.ஆனா உன் அன்பை பார்த்து நானா உனக்கு அவனை விட்டு கொடுக்கிறேன்.."

"அப்போ நீ மட்டும் ராஜாவை பிரிந்து இருப்பீயா சஞ்சனா"

"அவனுக்கு திரும்ப கண்டிப்பா நினைவு வரும் என நான் நம்புகிறேன் ஷன்மதி..அதுவரை அவன் உன்னோட ராஜாவாக இருக்கட்டும்.."

"இப்போ உன்னோட முடிவு என்ன தான் சஞ்சனா.."

"நான் இப்போ அவனோட ரூமுக்கு போய் நானும்,அவனும் சம்பந்தபட்ட  தடயங்களை அழிக்க போகிறேன்..ஏற்கனவே அவன் பர்ஸில் இருந்த என் போட்டோவை எடுத்து அதில் உன் போட்டோவை வைத்து விட்டேன்..நாளை உங்களுக்கு கல்யாணம் அவ்வளவு தான்.போய் ராஜாவுக்கு துணையாக இரு.."என்று அவள் வழியனுப்பி வைத்தாள்..

ராஜா,தன்னோட நண்பர்களுக்கு ஃபோன் அடிக்க நம்பரை அவன் மொபைலில் தேடினான்..ஆனால் அவன் நண்பர்கள் ஃபோன் நம்பர் அனைத்தும் அழிக்கப்பட்டு விட்டன சஞ்சனாவால்..

கொஞ்சம் கூட ராஜாவை யோசிக்க விடாமல் மடமடவென கல்யாண ஏற்பாடுகளை சஞ்சனா செய்து விட,அடுத்த நாள் காலை ஷன்மதி கழுத்தில் ராஜா தாலியை காட்டினான்.. ஆனால் ஷன்மதி கழுத்தில் தாலி கட்டும் பொழுது ஏனோ இதே நிகழ்வு அவன் வாழ்வில் ஏற்கனவே நடந்தது போல அவன் மனக்கண்ணில் விரிந்தது..