Romance Veera

[Avengers35]

హైదరాబాద్... సిటి నుంచి దూరంగా..

70 కిమీ దూరంగా వున్న ఒక ఏరియా లోకి ఎంటర్ అయ్యాడు వీర...

అదంతా ఇప్పుడిప్పుడే డెవెలప్ అవుతోంది.. దారంతా చెట్లూ..

ఇళ్ళు కూడా తక్కువే..

అక్కడక్కడా కన్స్టక్షన్ అవుతున్నాయి....

ఏకాంతపురం...అని పేరు అయితే సరిపోతుందేమో... ఆ ఏరియాకు

అది ఒక డూప్లెక్స్ హోమ్....

వీర తన బైక్ ని తన ఇంటి ముందు ఆపి లోపలికి వెళ్తుంటే..లోపల నుండి...

'వాడు నడిపే బండి రాయల్ ఎన్ ఫీల్డూ... వాడి చూపుల్లో వుంది చెగువేరా ట్రెండూ. అనే సాంగ్ వస్తోంది..

(ఈ వీర ఎప్పుడు చూసినా మొహం చిరాగ్గా,విసుగ్గా పెట్టుకుంటాడు.... వీర లోపలి కి వెళ్ళగానే కాళి '' (వీర రైట్ హ్యాండ్) ఎదురొచ్చాడు.. వీర క్యాష్ ఇవ్వగానే....

కాళి కౌంట్ చేసి..

'అదేంటి??? ఎమౌంట్ బరువుగా వుంది??

వీర 'ఆ మాల్ ఇచ్చిన వాడి ఒళ్ళు బరువు తగ్గింది...

కాళి 'ఓ!!! నీ సంగతి తెలిసి.. నీతో పెట్టుకున్నాడా????

వీర ఏం మాట్లాడలేదు..

కాళి 'వీరా! మీ నాన్న వచ్చి వెళ్ళాడు నీ కోసం!!! అంటూ నసిగాడు...

వీర సీరియస్ గా చూసేసరికి..

కాళి ఏం మాట్లాడలేదు... (ఏంటో!!! వీడు.. ఒక్కోసారి అర్థం కాడు...... ఎందుకు వచ్చాడనా??? వస్తే నాతో ఎందుకు చెప్తున్నావనా???? ఆ చూపెంటో..... వాడు ఎంటో...)

వీర 'సుబ్బు గాడు ఫోన్ చేశాడా????

కాళి 'లేదు....ఇంకా...

వీర ఏం మాట్లాడలేదు

కాళి అక్కడ కూర్చుని.... నిన్న.... ఏం జరిగిందో... గుర్తు చేసుకున్నాడు...

సుబ్బు,సింహా.... వీర కింద పని చేస్తారు...

వీర అంటే చచ్చేంత భయం...

వీర వీళ్ళతో... రేయ్! కింగ్ కోఠి లో హీరాలాల్ సేట్ ఇల్లు తెలుసుగా??

సుబ్బు 'తెలుసు... మనం వజ్రాలు అమ్మేది ఆయనకేగా???

వీర 'ఆ.. ఆ ఇల్లు నాకు అమ్మయ్యేమని వెళ్ళి వాడికి చెప్పండి... అంటూ వెళ్లిపోయాడు...

సింహా 'కాళి' తో 'ఇదేంటిరా!! వీడేమైనా డాన్ అనుకుంటున్నాడా??? వెళ్ళి చెప్పగానే.. ఆయన భయపడి అమ్మటానికి.

"అయినా... ఆ ఇల్లే ఎందుకు ???

కాళి 'అది నాకు తెలియదు... వీడు ఎప్పుడో ఆ ఇల్లు
చూశాడు..

నాకు కారణాలు ఏమి చెప్పలేదు.. మీరెళ్ళి ఆయనకు ఓ మాట పడేయండి.. నాకు తెలిసి ఎటూ వినడు.. వీడి పేరు చెప్పండి.. తరువాత చూద్దాం.. అనగానే వీళ్ళిద్దరూ ఆ సేఠ్ ఇంటికి వెళ్ళారు..

కాళి ఇప్పుడు వాళ్ళ కోసమే వెయిటింగ్...

అప్పుడే ఇద్దరూ గేట్ తీసుకుని లోపలికి వచ్చారు.. కాళి 'ఏంటిరా???వెళ్ళిన పని ఏమైంది??? అంతా ఓకే కదా???

సింహా 'ఏంటి ఓకే...... అంటూ తల కొట్టుకున్నాడు...

కాళి 'రే! సుబ్బు. ఏమైంది రా!!! ఎందుకు వీడు తల కొట్టుకుంటున్నాడు???

సుబ్బు 'అసలు ముందు ఇది చెప్పు??? వీర ఏ మూడ్ లో వున్నాడు.... అనగానే

సింహా 'భలే. అడిగావ్ లే... వాడు ఎప్పుడూ చిరాగ్గా నో, విసుగ్గా నో లేకపోతే కోపం గా నో వుంటాడు...

కాబట్టి ఏ మూడు లో వున్నా.. మన మాడు పగలకొడతాడు.. పదా అనగానే..

కాళి 'ఎహే!..ఏమైంది???.....ఆ సేర్ ఏమన్నాడు??? అని అడిగాడు....

సుబ్బు చెప్పటం స్టార్ట్ చేసాడు...

అదో పెద్ద ప్యాలెస్...చూడటానికి వాళ్ళ ఆరు కళ్ళు సరిపోలా... (సుబ్బు కి కళ్ళజోడు)

సింహా 'అందుకేరా వీర ఈ ఇంటి మీద వేశాడు..

వీళ్ళు లోపలికి వెళ్ళి సేఠ్ కి 'వీర' చెప్పిన విషయం చెప్పారు..

'వాడేమైనా?? దిగి వచ్చాడా??? లేకపోతే.. ఏమైనా విఐపి నా??

ఆస్ట్రాల్ ఒక స్మగ్లర్... రౌడీ వెధవ.... వాడు చెప్పటం... మీరు రావడం.

వెళ్ళండి ముందు ఇక్కడి నుండి.. అని అరిచాడు..

సుబ్బు 'మీకు ఇంకా వీర సంగతి పూర్తిగా తెలియదు. తను ఒకసారి ఏదైనా కావాలి అనుకుంటే. దక్కేవరకు వదిలి పెట్టడు..

సేఠ్ 'ఆహా!!! అంత వుందా??? వాడికి... దమ్ముంటే రమ్మనండి... చూద్దాం

నాకు అటు సెక్యూరిటీ ఆఫీసర్లు ఇటు పెద్ద పెద్ద రౌడీ షీటర్స్ తెలుసు.. మర్యాదగా వెళ్ళండి... అని అన్నాడు...

సుబ్బు అదిరా రా జరిగింది.. జరిగింది.

అది విని కాళి.. "అనుకున్నా... మీరు రేపు మళ్ళీ వెళ్ళండి.. రెండోసారి గట్టిగా వార్నింగ్ ఇవ్వండి..

నాకు తెలిసి... వాడు అంత తేలిగ్గా ఒప్పుకోడు..

సింహా 'నీకు ఇలాంటివి బాగానే తెలుస్తాయి.. ఆయన ఒప్పుకోడు అంటావ్..

వీర వినడు.. అంటావ్..

మిమల్ని ఏం చేయమంటావ్?? అది నువ్వే చెప్పు... అన్నాడు వెటకారంగా...

కాళి 'సింపుల్... రేపు వెళ్ళి అక్కడ నుంచి వీర కి కాల్ కలపండి..

వీడు చూసుకుంటాడు.. అనేసి వెళ్ళిపోయాడు..

సుబ్బు 'ముందు చూస్తే నుయ్యి... వెనుక చూస్తే... అన్నట్లు వుంది....

సింహా 'అప్పుడు సైడ్ నుంచి నుంచి వెళ్ళిపోతే సరి....

సుబ్బు అర్థం కాలా.. నువ్వు నీ అర్థం పర్థం లేని.... మాటలు

సింహా 'రేపు నువ్వేమి మాట్లాడకు... ఆ సేఠ్ ని నేను హ్యాండిల్ చేస్తా అన్నాడు..

.. నెక్స్ట్ డే ....అలా వెళ్లి ఇలా వచ్చారు.. ఇద్దరూ..

కాళి 'ఏంటిరా??? ఏమైంది??

సుబ్బు నవ్వు ఆపుకుంటూ..

'సింహా భలే హ్యాండిల్ చేశాడులే... అనగానే.

సింహా 'అంత నవ్వు ఎందుకు వస్తోంది రా!!! నీకు...

కాళి 'మీ వాలకం చూస్తుంటే... నాకేదో కొడుతోంది.. పదండి... వీర దగ్గర కు... అని తీసుకెళ్ళాడు.

వీళ్ళు వెళ్ళేసరికి వీర సోఫా లో కూర్చోని టీపాయ్ మీద కాళ్ళు జాపుకుని టివి లో రవితేజ వెంకీ మూవీ చూస్తున్నాడు...

అది కూడా ట్రైన్ సీన్..

దాన్ని సీరియస్ గా చూస్తున్నాడు..

సింహా వాళ్ళతో 'రేయ్ నాకు తెలిసి కామెడీ సీన్  ఇంత సీరియస్ ఎవడు చూడడు రా.!

కాళి " ష్ " అంటూ '!!! ...

వీరా! అని పిలిచాడు...

మ్.... అన్నాడు టివి మీద నుంచి చూపు తిప్పకుండా... సింహా, సుబ్బు నీకెదో చెప్తారంటా.... అనగానే

సుబ్బు ' అది ..... అది మరి... ఆ ఇల్లు వాళ్ళు సేల్ చేయరంటా.. వీర చూపు తిప్పలేదు.. టివి వైపే చూస్తున్నాడు... సుబ్బు 'సింహా' కి సైగ చేశాడు..

సింహా 'నీ పేరు చెప్తే... నిన్న ఆ సేఠ్ కొంచెం కూడా భయపడలేదు...

వీర 'వాడు భయపడ్డాడు...

కాళి 'అంటే!!! వీర పైకి లేచి..

'వీళ్ళు నిన్న వెళ్ళి వచ్చాక...ఆ సేఠ్ భయపడి ..

ఆ 'రోని' గాడికి ఫోన్. చేశాడు.

కాళి 'రోని కా!!! అన్నాడు కంగారుగా...

వీర 'ఆ... వీళ్ళిద్దరూ ఆ ప్యాలెస్ దగ్గరకు వెళ్ళేసరికి ఆ రోని వాడి గ్యాంగ్ ని చూసి తడిపేసుకొని వచ్చేశారు..

ఏరా?? అంతేనా??? అని అడిగాడు కోపం గా..

సింహా 'అంటే.. వీరా!! అది ఆ రోని పోయిన సారి.. మనతో గొడవ పడ్డాడు కదా!!! అందుకని అని ఆగాడు..

వీర 'ఆ... అందుకని??? అందుకని??? వాడు రోని అయితే..

నేను ' వీర '

వీర గాడు ఇక్కడ...ఒక్కసారి అనుకుంటే వెనక్కి తగ్గే ప్రసక్తే లేదు..!

అని ఫాస్ట్ గా కిందకి వెళ్ళాడు..

ముగ్గురు తన వెనుకే ఫాలో అయ్యారు..

వీర తన రాయల్ ఎన్ ఫీల్డ్... స్టార్ట్ చేయగానే... కాళి తన వెనుక ఎక్కాడు..

సుబ్బు,సింహా వాళ్ళ బైక్ మీద ఫాలో అయ్యారు..

                   |||||||||||||||||||||||||||||||||||||||||||||||

వీర ముందు బైక్ ఫాస్ట్ గా వెళ్తుంటే.. వెనుక బైక్ మీద సింహా 'సుబ్బు' తో..

'రేయ్!! నాకో డౌట్..

సుబ్బు డ్రైవ్ చేస్తూ.. ' అడుగు

సింహా 'ఎంత ఫాస్ట్ గా వెళ్తున్నామో... అంత కన్నా ఫాస్ట్ గా వెనక్కి వచ్చేస్తామో... అని తేడా కొడుతోంది..

సుబ్బు ఫాస్ట్ గా వెళ్ళి... వీర తో.

'వీరా!!! అని పిలిచాడు..

వీర 'ఏంటి?? అన్నట్లు ఓ చూపు చూశాడు.

సింహా 'సుబ్బు' చెవి లో ఎందుకురా!! వాడిని పిలుస్తున్నావ్??

సుబ్బు 'వీరా! సింహా కి ఏదో డౌట్ వచ్చింది... అందుకే నిన్ను పిలిచా..

వీర 'సింహా' వైపు 'ఏం డౌట్??? అని అడిగాడు సీరియస్ గా .

సింహా 'అదేం లేదు వీరా!!! రోని గాడు పెద్ద గ్యాంగ్ తో వచ్చాడు...

మనం నలుగురమే వున్నాము... కదా!!!

వీర ఏం మాట్లాడలేదు .. ఫాస్ట్ పెంచాడు..

సుబ్బు నవ్వుతుంటే..

సింహా 'ఏంటి బే..వాడి దగ్గర అలా ఇరికించావ్!??

సుబ్బు 'లేకపోతే... నేను హ్యాండిల్ చేస్తా... అని తీసుకెళ్ళి.. నువ్వు ఏం పీకావ్??

సింహా"సరే.. నేను జఫ్ఫా... వీర గాడంటే భయం.. ఇదేగా నీకు కావాల్సింది..

సుబ్బు నవ్వుతూ 'ఎందుకురా?? నీకు వీర అంటే భయం??

సింహా 'అక్కడికి నీకు ఏదో లేనట్లు.. అన్నాడు..

సుబ్బు 'నాకా ఏం మాట్లాడుతున్నావ్???

నాకు నాకు...నీకన్నా ఎక్కువ భయం.... అంటూ బైక్ స్పీడ్ పెంచాడు... వీళ్ళు బైక్స్ ఆ సేఠ్ అంకుల్ ఇంటి ముందు ఆపారు.. వీర దిగి సిగరెట్ వెలిగించాడు..

పొగ వదులుతూ ఆ బిల్డింగ్ ని పై నుంచి కింద వరకు ఓ చూపు చూశాడు..

కాళి వైపు చూడగానే...కాళి లోపలికి వెళ్ళాడు..

సుబ్బు, సింహా ఇద్దరూ వచ్చి వీర పక్కన నిల్చున్నారు ..

వీర 'మీకు సపరేట్ గా చెప్పాలా??? అనేసరికి.. వాళ్ళు కాళి వెనుకే వెళ్ళారు..

లోపల సేఠ్ అంకుల్ ఈ స్టోరిలో విలన్ అయినటువంటి సదరు 'రోని' తో టాకింగ్ చేస్తా వున్నాడు..

కాళి 'నమస్తే... సేఠూ... అని సింగిల్ హ్యాండ్ తో నమస్తే చెప్పాడు..

సేఠ్ కాళీని చూసి ఏంట్రా?? ఇలా వచ్చినావు ఏంటి కధ?? అని ఎగతాళిగా నవ్వాడు.

కాళి 'నేను ఎందుకు వచ్చినాను నీకు తెలియదా... మా వాళ్ళని పంపితే... ఈ ఇల్లు అమ్మను అని చెప్పావంటాగా???

సేఠ్ 'అవునురా! చెప్పాను.. నాకు ఈ ఇల్లు అమ్మే ఉద్దేశ్యమే లేదు... అయితే ఏంటి ఇప్పుడు???

కాళి 'సరే... పదా. ఆ మాట బయట వీర వున్నాడు.. వచ్చి చెప్పు...

సేర్ ' వస్తా నాకేంటి??? నాకేమైన భయమా???? అన్నాడు వెటకారంగా.

కాళి 'తప్పు సేఠూ... మనం ఎప్పటి నుంచో కలిసి బిజినెస్ చేస్తున్నాం...వీడిని నమ్ముకుని అంటూ రోని వైపు సీరియస్ గా చూసి..

'వీరా కి ఎదురు వెళ్ళకు.. ఎందుకు చెప్తున్నానో అర్థం చేసుకో.. అని అంటుంటే..

రోని లేచి కాళి కడుపులో ఓ గుద్దు గుద్దాడు..

సుబ్బు అది చూసి కోపంగా వస్తుంటే..

రోని గాడిలు వీళ్ళ ముగ్గురిని బాగా కొట్టి బయటకు విసిరేశారు..

కాళి కి మాత్రం రెండు ఎక్కువే వడ్డించారు..

వీళ్ళ ముగ్గురు అలా బయట పడటం చూసి.. వీర. కోపంగా లోపలికి వెళ్ళాడు..

రోని వీర ని చూసి వచ్చావా?? భలే దొరికావ్ రా!!! -ఒంటరిగా... అని నవ్వాడు.

“వీర సేఠ్ వైపు చూసి

పేపర్స్ ఇచ్చి... 'వీటి మీద సంతకం పెడితే..నేను నిన్ను ఏమి చేయను... కామ్ గా వెళ్ళిపోతా... అన్నాడు.. సేఠ్ చేతిలో నుంచి రోని ఆ పేపర్స్ లాక్కున్నాడు.

అందరూ నవ్వారు..

వీర కోపం గా...

'రేయ్! మర్యాదగా ఆ పేపర్స్ ఇటు ఇవ్వు... అనగానే..

వాడు ఆ పేపర్స్ చింపబోయాడు..

వీర వాడి చేతి మీద కాలితో ఒక తన్ను తన్నగానే పేపర్స్ గాల్లో ఫ్లై అవ్వగానే..

వీర వాటిని పట్టుకున్నాడు.

వెనకే వచ్చిన కాళి చేతికి ఇచ్చాడు..

వీర ముందు రోని గాడి గుండెల రోని గాడి గుండెల మీద ఒక తన్ను తన్నాడు..

...వాడు ఎగిరి అవతల పడ్డాడు..

అంతే వాడి మనుషులు అందరూ వీర మీదకు వచ్చారు...
వీర ముందు ఎవరు నిలువలేక పోయారు.... పది నిమిషాలలో చావకొట్ట చింతకాయ పచ్చడి చేశాడు.. రోని పైకి లేచి 'వీర ని ఒకతన్ను తన్నాడు.. వీర కింద పడగానే... రోని తన మెడ మీద కాలు వేసి.. 'ఎరా!! ఎన్నిసార్లు చెప్పాలిరా!!! నీకు??? నా దారికి అడ్డం రావొద్దని.. సెటిల్మెంట్ ఫీల్డ్ లో పది సంవత్సరాలుగా కింగ్ లాగా....బతికా. నువ్వు వచ్చి సంవత్సరం అయ్యింది.. ప్రతి డీలింగ్స్ లో అడ్డు తగులుతున్నావ్... అంటూ వీర మెడ మీద కాలుతో గట్టిగా ప్రెస్ చేశాడు..

వీర గట్టిగా వాడిని తోసేశాడు.

అలా పడటం పడటం వెళ్ళి అక్కడున్న డోర్ కి తగిలి
స్పృహ కోల్పోయాడు.. వీర పైకి లేచి..

సేఠ్ అంకుల్ ని ఉతికి ఆరేశాడు..

ఈ ప్రొసెస్ లో రెండు ' ఒక వ్యక్తి ' కళ్ళు వీర ని కోపం గా చూస్తున్నాయి .

ముఖ్యంగా సేఠ్ అంకుల్ ని ఉతుకుతుంటె..

వీర ఆయన్ని సోఫా లోకి తోసి.

'ఏమ్! సేఠ్.. ఈ గొట్టం గాడిని చూసుకొనా ... తెగ చించేసుకుంటున్నావ్!!!

ఇలాంటి వాళ్ళని యాభై మంది వచ్చినా..

వీర ముందు అంటూ ... కాళి వైపు చూశాడు..

కాళి 'పేపర్స్' ఇచ్చాడు

సేఠ్ అంకుల్ 'నేను... పెట్టను...వీర.. నువ్వు ఏం చేసినా నేను పెట్టను అంతే... అంటూ.. లేచాడు..

ఒకపక్క ఇలా జరుగుతుంటే కాళి ఇంకోపక్క ఫోన్ తీసి ఎవరికో కాల్ చేసాడు
' హాల్లో...మంజు..

అవతల ఫోన్ లో మంజు ' హా ...ఎంటి మా కాళి బావకు ఇప్పుడు గుర్తువచ్చనా...!?

కాళి ' నీతో వీర మాట్లాడతా అన్నాడు... లైన్ లో వుండు

మంజు ' కల..నిజమా..

కాళి ' నువ్వు అనుకునే దానికి కాదులే..చిన్న సెటిల్మెంట్...

మంజు ' హైప్ లో ఉన్న మూవీ నీ postpone చేసినట్టు...వీర మాట్లాడతాడు అనుకుంటే...సెటిల్మెంట్ అంట.. పేహ్..

వీర ఆయన్ని అక్కడున్న ఫ్లవర్ వాజ్ తో ఒకట్టిచ్చాడు.. పాపం ఆ అంకుల్ పెద్ద గా అరిచాడు.. ఆ వ్యక్తి కళ్ళు... కోపంతో వీర ని తినేశాలా చూశాయి.. వీర సేఠ్ అంకుల్ ని కింద కూర్చోబెట్టి... జేబులో నుంచి పెన్ తీసి.. చేతికిచ్చాడు.. ఆయన కోపం తో పెన్ను విసిరేశాడు..

వీర 'సరే... సైన్ పెట్టను అంటావ్!!! అంతేనా?? ఆయన పెట్టను అనగానే..
వీర ' కాళి అని అరిచాడు...

కాళి ' హా..ఇదిగో అని ఫోన్ ఇచ్చాడు..

వీర ' మంజు..హిరాలాల్ సేఠ్ అని నీకు ఎవరైనా తెల్సా..?

మంజు ' (సిట్యుయేషన్ ఎంటో అంత అర్థం అయ్యింది)..ఎందుకు తెలీదు..నిన్న రాత్రి అంతా నా దగ్గరే ఉన్నాడు గా...

సేఠ్ ' ఏ ఎవరు నువ్వు!?

మంజు ' అప్పుడే మర్చిపోయావా...సరే గానీ వీర ఏం చెప్తే అది చేసెయ్ లేకపోతే ...రేపు నీ ఇంటి ముందు నువ్వు మోసం చేశావ్ అని ధర్నా చేస్తా...చూస్కో మల్ల...

సేఠ్ ' ఆయన టెన్షన్ గా గుట్టుగా బతుకుతున్న.. గబ్బు చేయమకు...సంతకం పెడతా గా...

ఆయన చేసేది ఏం లేక సైన్ పెట్టేశాడు..

వీర ఆ పేపర్స్ తీసుకొని వెళ్ళి పోయాడు..

(అదండి. వీర రుబాబ్... తను అనుకున్నది సాధించటానికి ఎంత దూరం అయినా వెళతాడు... ఇలా బెదిరిస్తాడు కూడా..

బట్ ఎల్లకాలం తను అనుకునేవే జరగవు... ఈయన గారి స్పీడ్ కి బ్రేక్ వేయడానికి... ఒకళ్ళు వస్తారు..)

వీర వెళ్ళాక ఆ మనిషి .. పైనుంచి కిందకి దిగి .

సేఠ్ వైపు అసహ్యంగా చూసి..

రోని గాడి మొహాన నీళ్ళు పోశారు...

రోని నెమ్మదిగా కళ్ళు తెరిచి..

రేయ్! వీరా... నిన్ను... అంటూ పైకి లేచాడు..

ఆ వ్యక్తి 'ఆ వున్నాడు.. నీతో కొట్టించుకోవడానికి. సిగ్గు లేదు... నీకు..

ఐదు లక్షలు తీసుకున్నావ్...చించేస్తా... పొడిచేస్తా... అని...వాడిని చూడు...

""కళ్ళలో పొగరు"""

''ఎవరిని లెక్క చేయని అహంకారం"

రోని 'నాకు ఇంకో ఛాన్స్ ఇవ్వండి .. వాడిని కొట్టి కాళ్ళు చేతులు కట్టేసి...

ఆ వ్యక్తి 'అవును... మరి.. నువ్వు కట్టేసి తీసుకురావడానికి.. వాడేమైన చిన్న పిల్లాడు అనుకుంటున్నావా???

ఈసారి వెళ్ళావే అనుకో...

నిన్ను చంపినా చంపుతాడు..

అవును.. వీడి ఫ్యామిలీ బ్యాగ్రౌండ్???

రోని 'ఒక తాగుబోతు తండ్రి... ఆయనంటే వీడికి గిట్టదు.

ఆ వ్యక్తి ' పెళ్ళి.. పెళ్ళాం... పిల్లలు???-

రోని 'పెళ్ళా?? వీడికా??? ఆడవాళ్ళకి చాలా దూరం... ఇంట్లో పని కూడా మగవాళ్ళు చేస్తారు....

ఆ వ్యక్తి ' అచ్ఛ చూద్దాం...ఇక నుండి నా ఫోకస్ అంత వీడి మీదే...

........................................................................


ఆ వ్యక్తి అనే క్యారెక్టర్ ని ఇక ముందు ' x ' గా సంభోదిస్తాను...